محمد كان ناوي يفض شوي من مشاعر الندم اللي اهلكته بس رحم أمه يدري انها تنقهر من غلا ليه يقول لها وحتى ان قال اكيد بتقلب له راسه وبتقعد تخطط خلني أروح اصرف: أييييه بس فهمت الحين يالله تصبحين على خير يمه
ام محمد: وانت من اهله
راح حتى من غير لايحب راسها مثل ماعودها أما هي جلست تفكر وأكثر شي مضيق صدرها أن هالزواج رح يصير وبنتها ساره بيصير فيها شي ... ليتني ماعرفت انك تحبين نايف ياساااره
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::
واهي جالسه بقمة حزنها تفكر...اللا ويوصلون للبيت بإزعاجهم وفارس ولد عبدالله جاي معاهم
فارس: جدوو بابا بيروح بيتنا ؟
ابوعبدالله: ان شالله
غلا بانفعال: يوووووووووووووووووه تركي!!!
تركي: نعم؟
غلا: نسيت المراصييع
ريناد: وين نسيتيها؟
غلا ركض للمطبخ: حطيتها بحافظه وخليتها نسيت أوديها معاي
ساره واهي رايحه عندها : يووه لاتقولين
غلا: تذوقها طعمها ::بيتغير مو مثل أول مره
ريناد: لالاوالله طعمها حلو مو مره متغير
تركي عند المطبخ: اقول حطيها المهم انها مراصيع وش عاد الحين أحنا مثلا ناكل رز مااستوى
ساره: هههههههه وين؟
تركي: في لندن تعرفين للظرورة أحكام حتى الاكل ماينطبخ
غلا: والله حاااله
توها مجهزته وحطته بالصاله وتجمعو عليه كلهم
ابوعبدالله" والله مثل حق الجوهره سلمت يديك غلا
غلا: هناوعافيه ابوي
ام محمد واهي تطاالع: اجل هذا مثل حق الجوهره؟
تركي ووده كفخها: أيـــــه مثل حق أم عبدالله هذا
غلا غمزت له (يعني كف خيرك وشرك ماعليك منها)
ام محمد: عاد طعمه عادي
ابوعبدالله: حتى والحرمه ميته تغارين؟
ام محمد سكتت لانها انفـــضحك قدامهم كلهم قامو يطالعونها وبيشوفون وش تقول
ام محمد: وشفيكم ؟ كنه احد ميت لكم؟ مااعجبني فيها شي؟
غلا انقهرت وش قصدها مااعجبني تحمد ربها اللي معطينها ومتكرمين عليها
ريناد: والله يجنن صح ياساره؟
ساره: ايه
تركي: مثل حق أم عبدالله الله يغفر لها وش بيصير يعني؟اكيد حلو مافيه مثله
اهو سكت من جهه غلا كتمت ضحكتها من جهه واااضح انه يبي يقهرها وعارف انها ماتقدر تتكلم
ابوعبدالله: خلاص خلاص ياعيال
تركي: ايه طيب يالله أجل تصبحون على خير وراي دواره بكره
ابوعبدالله : وين؟
تركي: ابروح انام
ساره: حتى انا تصبحون على خير
تركي واهو رايح: اللا وين محمد؟
ام محمد: جاي تعبان من البر ونام على طول
ابوعبدالله: من متى رايح؟
ريناد: الصبح
غلا: خلصتو أشيل الصينيه؟
ام محمد: ايه
ابوعبدالله: الله يعافيك يابنتي
غلا مبتسمه: الله يخليك لنا
ريناد: يمه ترا اتصلت اليوم فيك خالتي أم فهد
ام محمد: وتوك تقولين؟
ريناد: ههه نسيت
حبت راس ابوها وامها ورقت تنام
ام محمد استغلت الفرصه وعلمت أبوعبدالله عن خطوبت غلا من نايف ..خلاص مالها اللا انها تقول له عشان مايقول أنا اخر من يعلم ول ليه ماعلمتيني..أبو عبدالله طبعا مثل غيره لازم بيسأل عنه ويشوفه ويقابله صحيح سمعته طيبه بس لازم نسال عنه ...وأم محمد مثل الجمر اللي يحترق وشوي ويصير رماد حتى أحلامه راحت في مهب الريح .....
.................................................. .................................................. ...................
غلا واهي تكلم البتول
البتول: لاكلش بكوم ولاالزفه اللي حاطتها
غلا: وشي؟
البتول: تعرفين حقت صانسيلك الدعايه ؟
غلا: ايه لاتقولين
البتول: ههههههه هذيهي
غلا: ماتصلح طيب؟
البتول: خبلا رنا
غلا: وانتي الصادقه
البتول: يووه ياشيخه تذكرين بنات الجامعه
غلا: هههههه والله حرام نسوي نفسنا معجبات فيهم بس عشان يطلعوننا من الحصص
البتول: ههههههههههههههه وناسه وربي
غلا: مرره مافيه ذمه وضمير ربك بيبتلينا على اللي سويناه
البتول: لاان شالله الله يتوب علينا
غلا: اللا ع فكره طلع لبس التخرج؟
البتول: ايه طلع يجنن
غلا: انا حقي عند رنا ودايم جوالها مغلق
البتول: ايه زواااجها مب فاضيه
غلا: الله يوفقها
البتول: غلا مستوعبه ان النسب بكره؟
غلا: تكفين لاتذكريني هذيني ماعرفت أنام
البتول: من جد يووه تخيلي تطلع لك سبعين ول من هالقبيل؟
غلا: يووه منك لاتفاولين علي طيب
البتول: ههههههههههههههه
غلا: ان طلعت فوق الثمانيه وتسعين لك مني الي تبين
البتول: والله؟
غلا: أمري
البتول: ابي عزيمة عشا في الفيصليه فووووق
غلا: بس تامرين
البتول: ايه هذا ان جبتي فوق الثمانيه الله يبارك فيك
غلا: ههههههههههههه اتوقع اربعه وتسعين ول ثلاثه وانتي؟
البتول: انا كويس تصير فوق التسعينات ماااشديت مره
غلا: لالا ان شالله نسب حلوه
البتول: الله ماقلتي لي علمتي تركي؟
غلا: ايييييه قلت له الله لايوريك يالبتول ياأنه صاال على محمد وعصب والظاهر انه بيكبرها
البتول: لالامااتوقع في لحظتها كان معصب وبعدين بيكلمه بالهداوه وبس
غلا: مدري عنهم انا الصراحه ماألوم محمد كلهم من نفس الطبع أي واحد بتقولين له هالكلام بيسوي نفس التصرف تكفين من متى واهم منفتحين
البتول: واللي زاد الطين بله يوم انك تسكتين ولاتتكلمين
غلا: ايه صح ..لو تركي مكانه يمكن يسوي مثله
البتول: لالاماااتوقع تركي اخوك دارس برا
غلا: هههههههههه وطيب ودارس برا ساحب الجنسيه
البتول: هههههه لابس منفتح تلقينه ياماما يكفي انه بياخذ وحده مصادقها هناك
غلا: ايه تركي فيه أشيا مايشوف فيها شي واشيا يعصب منها اللي جد باارد خالد اخوي ههههههه لو انه بمكان محمد كان جاني وقفل علي الباب وقال ماعاد أشوفك تطلعين وبس ماقام يهاوش ولاشي ههههههههههه
البتول: هههههه مرره على شكله ذاك
غلا:ياحبي لهم ويالله ابعزمك تراني على زواج تركي
البتول: لالاخيانه هذا حبيبي مااتحمل اروح زواجه
غلا: هههههههههههههههه ذكرتيني بأيام المتوسط
البتول: تلعبين بقلبي انتي وأخوك
غلا: واجيب لك كاباته عاد ذيك القديمه اللي موديلها مدري وش يبي وانتي ميته عليه خليه يوقف عند الباب وعند الباب
البتول واهي تضحك : لالاتكفين لاتذكريني
غلا: ابرسل البطاقات لبيتكم
البتول: طيب جيبيها معاك بالحفله
غلا: مدري اخاف يصير شي ول ماأجي
البتول: ايه أجل ارسليها وأبوصلها عند البنات
غلا: اووكي ... يووه فارس قام من النوم خايف
البتول: يوووه الله يعيينك جاي بيتكم أجل؟
غلا: ههههه ايه عبدالله ولمى يبون ياخذون راحتهم بدونه
البتول: ههههههههههههه حلوووه يالله أجل قابليه ونامي لاتفكرين بنسبه
غلا: اوكي باي
البتول: سلاااااااام
فارس قام يصيح من راسه وراسي يوجعني .؟!!! وراسي مانام اللا على الساعه 5 الفجر
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::
الساعه<<<<8 الصباح
قامتـ من النوم أي نوم أساسا واهي مانامت اللا متأخر عشان فارس تعبان ... على صوت المنبه قامت وأول رنه على طول قامت <من التحمس ....وقفت على السرير من غير شعورها ....غيرت ملابسها وتحممت لبست لها تيشيرت زيتي وبنطلون بيج ضييق وماسك على جسمها جعدت شعرها على سريع وراحت ركض للمجلس
ابوعبدالله وام محمد يتقهوون بالصاله
ابوعبدالله يوم شافها تمر من عنده: غلا !! لاسلام ولاشي
غلابرباشه: يبه النسبه اليوم بتطلع ابشوفها بالنت بس
شبكت الجهاز وتحاول في الإتصال مايتصل(يووه مب وقته الحين) واهي تحاول شوي وتصيح ...
ابوعبدالله : هاه بشري
غلا: شكل التلفون مفصول
دخل عليهم محمد
محمد: بشري؟
غلا والدموع بعينها: مافيه أتصال مدري ليه
محمد مبتسم: خلاص من شوي انا ونايف في كوفي نت وان شالله ماطلع
غلا: قل له بسرعه (وقامت تصيح مع التوتر)<<الدمعه على الباب
محمد مطلع جواله ويكلمه"لاتقول انك طلعت
نايف: لامابعد أطلع الحين أبمشي
محمد: لالاتسكر
نايف: ليه؟
محمد: أبي منك شغله
نايف: أمرني
محمد: ماعندنا اتصال بالبيت وأبيك تطلع لنا نسبة غلا
نايف بابتسامه: غلا؟
محمد: ههههههه أهجد ايه افتح بسرعه على الموقع
نايف: اعطني الإسم طيب
محمد: غلا بنت سلطان بن عبدالعزيز ***الخ
نايف: والنعم والنعم والله ببنت سلطان
محمد: ههههههه أعصابك علينا البنت تصيح الحين
نايف: أفاا اصببر خلني أطلعها
محمد: هاه بشر؟
نايف: اووف اووف وش هالكلام؟ ايش النسبه؟
محمد: كم؟
غلا: لاتحرقون اعصااااااااااااااابي كم
نايف اللي عااجبه الجوو: اعطني اياها وابعلمها
محمد: هههههههههه خذها
نايف: هلاغلا
غلا: هلا
نايف: تبين تعرفين كم؟<<هوايته يحرق أعصابها<<وداري ان سؤاله ماله موقع من الإعراب
غلابصياح: ايه علمني
نايف: شكلك ماتذاكرين
غلا: علمني
نايف: من جد جد نسبه الصراحه مااعجبتني
غلا: علمني!!
نايف: الف الف الف الف الف الف مبروووووووووووووك 97% مبرووووووووك وعقبال مانبارك زواجك خخخخخخ
غلا سكتت وكن احد معطيها كف
نايف: اعجبتك؟ ألووو غلا
غلا: والله؟
نايف: ايه والله تبيني أصور الشاشه وأرسلها بالوسائط؟
غلا: مشكووور ورمت الجوال وقامت تصيح من الفرح
محمد سحب الجوال: أشوفك قمت تهذري معاها
نايف: بسم الله وش طلعك أنت نادها
محمد: هههههههههه تلايط
نايف: سبعه وتسعين يالله الف مبروك
محمد:الله يبارك فيك خلني أهجدها
نايف: محمد علمني وش صار على اللي كلمتك فيه تراني انتظر ردكم
محمد واهو طالع من عندها: ابوي وامي وانا عرفنا واليوم ان شالله تركي بأعلمه وخل الخبر ينتشر على الأقل بالبيت وبعدين غلا اشوف رايها وماتشوف اللا اللي يسرك
نايف: استعجل ترا مافينا صبر
محمد: ههههههههههه الله يعينك يشيخ
نايف: الله يعين يالله اجل سلام
نايف: أي تطور علمني عنه ول تبيني اجي بيتكم؟
محمد: لاخل الجيه لبيتنا بعد مايدرون كلهم
نايف: اوكي فمان الله
محمد: بحفظ الله
.................................................. ..............................
تركي واهو داخله وبيده اكياس من السوبر ماركت أعطاها ريناد وودتها على طول راح عند المجلس
شافها تصيح ومحمد جنبها يعلق عليها
تركي واهو مقبل عليهم: مبروووووووووووك غلووو الف مبروك اجل سبعه وتسعين
محمد طبعا ماسلم عليه من طريقت تركي محمد عرف انه فيه شي ول كان اول ماشافه سلم عليه
محمد لف عنده: هلاهلا تركي وشخبارك
تركي واهو يسلم: بخير ابشرك انت شلونك ووش مسوي؟
محمد: والله تمام الحمدلله
تركي اعطاه نظره ولف جهت غلا: اجل اختنا تصييح ورااه ههههههه هدي ياشيخه نجاح هذا
غلا: يووه ماتوقعت اجيبها على بالي ابجيب أقل
محمد: الحمدلله
غلا: الحمدلله
تركي: يالله أجل مبرووووك وعقبال مانبارك زواجك وانتي على الكوشه تصيحين علينا
غلا منحرجه: ههههههه دب أسكت
تركي: احرجنااك اجل!
غلا:ومعترف بعد
تركي: يالله ابسوي لك بااارتي هناك تعالي
ووداها عند الطاوله لينه حاط لها كيكه وشموع في الصاله جمعهم كلهم وقطعت لهم كيك ومابقى من شي فيها ماعلقو عليه ....
تركي: اجل مابقى اللا الزواج
غلا: لاوالله؟ خلني أكمل دراسه أول
محمد سكت وتغير لونه كل شي صار يذكره باللي صار ويندم من كل قلبه
ام محمد: محمد وشفيك؟
الكل التفت جهته وسكت
محمد بس رفع راسه وطاحت عينه بعين تركي ونزل راسه على طول
محمد: لالامافيه شي يمه
ريناد اللي محمد بغى يحب راسها من كلمتها: اكيييد لان غلا ماقطعت له قطعه ههههههههه<<على نياتها
ساره: افاا خلصينا ياغلا لايصيح
غلا: اووف سوري نسيتك المفروظ قلت لي مو تضيق صدر كذا
الكل قام يضحك اللا هو وتركي النظرات بدت تشتد بينهم والباقين لاهين مع غلا وأسألتهم وش بتدخلين واي قسم وأي جامعه ومن هالكلام
تركي : اقول أبوي أبروح أحجز قاعه من اليوم
ابوعبدالله: وانت جاي جب معاك خضار مانيب رايح اليوم
تركي: ابشر
محمد: ابروح وياك
تركي بنص عين: اركب وانا انتظرك
محمد: ان شالله
غلا حست ان تركي قال لمحمد أو محمد فتح الموضوع المهم ان فيه شي بينهم لكنها حاولت تتجاهل الموضوع لأن مالها دخل باللي يصيرومالها ذنب علمت وسوت اللي عليها
ريناد: يبه بنروح المشغل اليوم
ابوعبدالله: يووه وليه بعد؟
غلا: حفلتي نسيتها؟
ابوعبدالله: انا اقول لاتروحين واقعدي اسوي لك دي جي ان بغيتي
غلا: لالاماابي ابي مع صديقاتي
ساره: ههههه والله انك ذكيه يقول لك دي جي تفوتينه
غلا: لابس قويه وعدتهم
ريناد: هاه يبه نروح؟
ابوعبدالله: ايه روحوبس لاتطولون
ام محمد: مع السواق لحالهم؟
ابوعبدالله: ايه مافيها شي
فارس قام يصيح وراح على طول بحظن ابو عبدالله
ابوعبدالله: افاا ليييه؟
فارس: انا ابي ماما
ابوعبدالله: اليوم أوديك لها
فارس: جدو راسي يوجعني انا مانمت أمس
غلا: ايه والله مسكين أمس مابقى من علاج مأاعطيته
ابوعبدالله : لالامافيك شي ان شالله
فارس: ابي ماما
ابوعبدالله: البس انت الحين وانا أوديك لماما
ام محمد: غلا قومي لبسيه
غلا: ابروح للمشغل الحين
ساره: خلاص انا اوديه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::
توه طالع من المستشفى اخذ كل الأوراق ولمى تنتظره بالسياره
حط الاغراض ورا وركب
لمى: الف الحمدلله على السلامه حبيبي
عبدالله واهو يلبس نظارته الشمسيه: الله يسلمك
لمى: عازمتك اليوم على الغدا
عبداللله: جد؟
لمى: اجل كذب
عبدالله: مااتفقنا
لمى: ههههههههه عبودي انت لو ماعزمتك أعزم مين
عبدالله: يوه كل هذا لأنني طلعت من المستشفى؟
لمى: بس على طول شفت نفسك علي
عبدالله بضحك: لاوالله أمزح
لمى تتزيعل: تغيرت ياعبدالله
عبدالله: وكيف؟
لمى: اول الكل يحسدني عليك الحين صاير بارد وكنك خالد أخوك
عبدالله مستانس يحبها تزعل على قوله تطلع عيونها حلوه
عبدالله: وخالد بارد بعد؟
لمى: خالد لو تصرخ بوجهه طنشك هههههههه تذكرت نفسي اول ماطحت بلندن وانا ماعندي غيره صحيح ماقصر وتولى فارس بعد بس عليه شكل رافع لك حواجبه والزقايرطول الوقت بفمه ولا كأنني متأزمه
عبدالله: لاوالله تراه يتأثر بس مايبن عليه
لمى: المهم ماعلي منه أنا ماابيك مثله
عبدالله: هههههههههههههههههههههههههههههههه
لمى: وتضحك بعد؟
عبدالله: مارح احظر عزايم هالأيام مليت من العزايم اكرهها
لمى زعلت : الشرها علي اللي عزمتك
عبدالله: ييوه وانا مجنون ول خبل أردك كرهتيني بعزايم الناس من حلا عزايمك
لمى : كيف يعني؟
عبدالله: يعني ماعاد انتظر ولااشتهي اللا عزايمك انتي والناس لا صرت انتظر يوم زواجنا من سنه لسنه
لمى: هههههههههههههههههه دب عرفت تلفقها
عبدالله يغمز: اعجبك
لمى: في الفيصليه عزمتك
عبدالله مبتسم وقرب عندها (كانو موقفين عند اشاره): انتي لو تعزميني بأي مكان احببببببكــ
لمى انحرجت وسكتت وقامت تناظر من عند الشباك
عبدالله: اموت فيك
لمى: حبيبي أجلها للبيت
عبدالله: الله يصبرني للبيت
لمى احمر وجهها وبقت سااكته وعبدالله مستاااانس على شكلها بس يحرك بالمرايه عشان تعكس له صورتها
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::
انتظرررررررررركم لاتطولوون
هلا وغلا أنا عارفه اني طولت عليكم لكن وربي صحتي تدهورت وسويت (قسطره ولي اسبوع بالمستشفى فعشان كذا اغلقوها ماصدقت أطلع عشان أكلم لكم وماحبيت هالتاخير لكن اعرفو انها ظروف وحدتني ول لو بيدي كان وربي مااطول مثل كذاا وآآآآآآآآآآآآآآآآآآآآآآآآآآآآآآآآسفه ع ردودي المتأخره وليتكم تقدرون ظرفي ولاتحرمونني وجودكم يالغاللين واعتذر منكم مره ثانيه
وتفضلو
>>>>>>>>>في السوق
ريناد وغلا والشغاله معاهم
ريناد: يوه ياغلا مامليتي من هالساعات؟ ماحب هالمحلات
غلا: خليني اعرف اختار هذا بدل ماتعطيني رايك؟
ريناد: يووه ياغلا وربي ماأحب محلات الساعات أوالمجوهرات أشتري لها تيشيرت وانتهي الموضوع
غلا: البنت بتتزوج أروح استري لها تيشيرت صاحيه انتي؟
ريناد: طيب ابروح فوق مملكة المرأه
غلا: لاتروحين الحين اساسا البنات مابعد يجيون روحي فوق عند هالمحل (اشرت لها فوق ) ودوري لك شي عشان زواج تركي
ريناد: ياربي بس بتطولين عند هنا
غلا: اقول فكيني ايه ابطول روحي انتي
تشوفها من بعيد اللا اهي لالا متغيره شافت الشغاله ظمنت انها غلا
البتول: اهلييييييين غلوو
غلا: هلاااااااااوغلا جيتي؟
البتول: ايه بدور لرنا ماشتريت لها شي
غلا: ههههههه أجل القلوب عند بعضها
البتول: حتى انتي؟
غلا: ابشتري لها ساعه
البتول: لاتقولين مايصير اصير انا وانتي نفس الشي
غلا: اشتري لها مجوهرات الصراحه ماعندي استعداد أدور زياده تعبت
البتول: لاماعلي منك انتي اللي عليك المجوهرات وانا الساعه
غلا: والله وراي الحين زواج تركي وحااله فــ أبطول
البتول: ومتى؟
غلا: قريب مابقى شي
البتول: ماعندك شي؟
غلا: اللا عندي فستان بس ابي اشوف يمكن يعجبني شي
البتول: يالله اجل الله يعينك خلاص اخذي الساعه وانا علي الألماس
غلا مبتسمه: مشكوره
البتول: طيب امشي معاي من شوي شفت لك فستاان رووعه تعالي وأوريك اياه
غلا: والله ريناد البلشه ماعندنا لها شي تصدقين
البتول: يووه عاد ريناد جسمها صعب مرره نحيفه
غلا: ايه مدري وش أسوي معها والمشكله أبوي يقول ماتجون للبيت اللا وانتم مخلصين يمديك عالزنقه؟
البتول: انا اظبطك الحين اوريك هالمحل اللي أقول لك بجد يجنن ول روحي عند عماير السيلكون
غلا: لالاابي اكمل شغلي بالمملكه وان مالقيت اروح لها
البتول: أمممم وشرايك بهذا ؟
غلا: ايه بس مره بسيط
البتول: انتي تكملينه بشال أو أي شي بيطلع عليك فلته حلوه هالألوان عليك
غلا: امممم ايه صح مناسبني
البتول: نروح للقياس؟
غلا: ادفع الفلوس واجيك
.................................................. .................................................. ...
ريناد واهي عند المحل... تطااالع تدقق...لالامستحيل..اللا هو نفسه!.. ضحت في نفسها بقوووه
شافته يحاسب عند الكاشير ومعاه مشاعل أخته
كانت تطالع وتتأكد
نايف: اقول مشاعل اخلصي طووولتي
مشاعل: بس شوي مارح اطول مره
نايف:اشتري هذا والله حلو عليك ماله داعي تشوفين غيره
مشاعل: يووه يانايف لاتزعجني خلني أروق
سكت وجلس ع الكرسي .. شاف جريده حقت المصري أخذها وجلس يقرا فيها شكل البنت مطوله!
ريناد هنا ماتت ضحك عليهم (ياحليلهم عيال خالتي بعد يتطاقون حتى بالسوق ..خلني اسوي نفسي ماأعرفهم)
ونزلت بسرعه عند غلا عشان لايعرفها!!
غلا: وينك؟
ريناد: مااعجبني شي
غلا: ياربييه منك اخاف نطول
ريناد: وان طولنا نفصل أحسن
غلا: الله ييسر
ريناد: وانتي؟
غلا: لالا انا لقيت وشرايك فيه
ريناد: واااااااااوو نااعم مرره رهيب
غلا: جد؟ بس مو كنه عادي؟
ريناد: ايه احلى عليك
غلا: امشي خلينا نروح ونقيسه
راحو عند غرف القياس
.................................................. .................................................. .
مشاعل: لاماابي
نايف: مشاعل الصراحه ماعندي استعداد تقولين لي ضيق ول وسيع وخلنا نبدله روحي قيسيه أحسن
مشاعل: يااربيييه منك ماابي
نايف: مشاعل قلت لك!
مشاعل: اووف طيب طيب ابروح
نايف: ادخلي وانا ابنتظرك هنا
مشاعل أوكي
المكــــان مب ملياان ..مشاعل دخلت غرف القياس غلا وريناد كانو تحت وبيرقون من عند المصعد أما نايف متكي على القزاز اللي يطل على الدور الأرضي ... لمح خدامتهم تذكر ان الشكل مر عليه بس مااهتم !.. وشوي ورقو فوق جهتهم يوم لف نايف وسمع صوت ريناد تكلمها ... مانتبه ورجع لوضعه يطالع تحت .....ريناد شافته قامت تضحك وودها تلعب عليه كأنها بنت ثانيه بس غلا اكيد مارح ترضى فخلها في حالها اصرف
.......................
غلا بعد ماطلعت من الغرفه
غلا: حلو؟
ريناد: رهيييييب
غلا: مدري احس انه طويل شوي
ريناد: لالامرره حلو عليك
غلا: يعني ماارجعه؟
ريناد: لالا..غلا تكفين خلي صديقتك تختار لي شكل ذوقها مره حلو
غلا: ههههه ايه اقول لها اكيد مابعد تطلع من السوق
ريناد: وين بنروح الحين؟
غلا: باقي لنا فستانك وابشتري ماسكرا علمتني عنها البتول وباقي الاكسسوارات ونروح نتغدى وبعدين نروح عند حفلة البنات
ريناد: يووه باقي كثير
غلا: يالله مشينا
وتوهم طالعين اللا وخبطت ريناد في مشاعل واهم متغطيات مشاعل مااعرفتها وريناد خلاص ودها تضحك بس ماتبي مشاعل تعرفها ..وتبي تشوف وش بتسوي
ريناد تحاول تغير صوتها واهي خاايفه وفيها الضحكه: اسفه
مشاعل واهي حتى ماشافتها: مومشكله
وطلعت من عندها بتروح عند نايف
ريناد: غلا خلينا ننزل تحت
غلا: ايه شوفي هذا المصعد
ريناد: لالاهذا زحمه عنده
غلا: السلم الكهربائي متعطل عشان كذا زحمه فخلينا عند هذا احسن
دخلو في المصعد طبعا كبير وفيه أكثر من 7 اشخاص
ريناد واهي تطالع المشــــــــــــــــــــــــكله انه معاهم بنفس المصعد ومشاعل بعد ولانتبه لهم غلا... شافته كذبت عيونها ... كان موقف جنب مشاعل ويطالع بالأرض لأن المكان أكثره بنات..ريناد طبعا لشغبها الزايد قامت تلعب شوي توديه لفوق لأنها عند مكان المسؤول عن حركته ... بس تبي تلعب وتضحك على شكل غلا المستغرب ..ودته فوق الين ماركب معاهم شللة بنات وبعض الموجودين طلعو ...تبي تشوف نايف وش ردت فعله لكن نايف مب حولها ...كل اللي هاامه انه يوصل وبس ...
غلا اللي ساكته وتطالع بنظرات غريبه نايف حاس انه فيه احد يشوفه لكنه مابغى يرفع عينه ...(ليتك شفتها) اما غلا...وش اللي يجمعني فيك ويجمعك فيني؟.... كل مكان اقابلك؟...أشوفكــ.؟ ليه انت يانايف...مين اللي يدلك على مكاني ويطلبك توسع صدري وتجي ؟... فرصتي الحين اطالع على كيفي مايعرفني ..!! ودها تصرخ تصفق تطامر تناقز تسوي شي .... تحس فيه انجذااب له مب طبيعي ...شكله الخلوووق حواجبه ونظراته الحااده فيها نوع من الغرور ابتسامته اللي تهلك وتعذب كلها معاني طيبه .. جسمه الرياضي ول ثوبه المخصر جسمه ...كل اللي تحاول تستوعبه هاللحظه