روان: وانا اللي اقول شكله يجنن من قبل
رنا: والله انك فاضيه
البتول: ايه والله اعترفو حلو .. بس والله انه ولد ناس لولا الله ثم اهو كان متورطين الحين
رنا: طيب تتوقعين عرفك؟
غلا: لالامايعرفني
البتول واهي تغمز: غلا عرفتي تختارين
غلا بخوف: وانا بوادي وانتم بوادي
وصل نايف وجلوي اللي معاه هذا يصير أخوه
فكو السياره وقامو يحاولون يصلحون فيها ... والبنات دخلو داخل السياره
رنا: ياربي تعبناااهم معنا
غلا: ايه والله
البتول: فشيله
وقف قبال شباك السواق واهو لابس نظارته الشمسيه ...يده كلها متوسخه من التصليح
نايف واهو ينفض يده ويطالع بالأرض: السياره مطوله تاخذون سيارتنا؟
البتول: لاياخوي مانبي نتعبك معنا
الجازي واهي تهمس: لاوش يوصلوننا؟
نايف: سواقكم بيوصلكم واحنا نشوف هالسياره
االبنات استحو من طيبته ماحد تكلم
جلوي اعطى السواق المفتاح وركبو البنات سيارة نايف ... والسواق بيمشيهم وبعدين بيرجعها لهم
نايف سأل السواق عن عوايلهم ... وعرف منه انها غلا بنت سلطان بن ........
ويوم راحت سيارتهم
نايف باستغراب: اقول جلوي...تدري ان بنت خالتي ام محمد موجوده معاهم
جلوي مستغرب : بالله عليك؟
نايف: نفس الاسم ياجلوي
جلوي: ووشلون ؟ ماعرفتك؟
نايف بتفكير: لاهذي اختهم من ابوهم
جلوي: وغريبه محمد مطلعها مع خوياتها
نايف :مدري والله غريبه
في سيارة نايف
الجازي: سيااره مرتبه البتول علمي اخوانك شوفي سيارتكم وشلون حالتها حاله
البتول بضيق: اقول انطمي انتي
الجازي: هههههههههه
غلا: بنات تتوقعون انه عرفني ؟
روان: ترى قريبكم سأل السواق عن أسمائنا
غلا بخوف: قولي والله ؟
روان: ايه شفتهم
غلا: ياربي بيدري محمد الحين الله يعينني
روان: لاانشالله مايقول له
البتول: بس من جد تفشلنا مع الرجال اشغلناهم
الجازي: عاد اشكريه ياغلا قولي له شي تعبناه
غلا: ايه عشان يكفخني محمد
الجازي: تووووبه والله ماروح ويااكم .
البتول: اقول انطمي انتي الشرهه على اللي يطلعك
رنا: احلى شي هالنايف والله انه نشمي
الجازي: ايه والله
روان: ههههههههههههه بنات شوفو الخمسميه عندي للحين ..
غلا: اللي فيها الرقم؟
روان: بس والله حركات تطور الترقيم ...خخخخخخ
البتول:يحسبوننا مخفه بالله ابضيع نفسي على رقم مميز ول خمسميه
رنا: بس رحمته الولد وشتتوقعون بيصير له الحين ؟
الجازي: الله يعييييييينه
وقفو عند بيت غلا
ندى كانت توها بتدخل للبيت مع زوجها بندر
تفاجأت غلا ودخلت على طول ... ندى كانت تطالعها بنظرات غريبه غلا عجزت تفهمها
دخلو للبيت
ندى: غلا
غلا بخوف: نعم؟
ندى: مع مين جايه؟
غلا: مع البتوول
ندى: لابس هذي سيارة نايف ولد خالتي
غلا: ماحد عنده اودي اللا نايف؟
ندى: لابس نفس سيارته غلا اعترفي
غلا: والله انا وحده جايه مع خويتي عندك ماانع؟
ندى خزتها من فووق لتحت :سويتيها ياغلا؟؟
غلا: كلن يطالع الناس بعين طبعه
ندى: قلة حيا وطوالت لسان
غلا تركتها ومشت
دخلت ندى على طووول عند أمها
ندى: اهلللللللين يمه
ام محمد: هلا بنتي هلا وشخبارك ؟
ندى: والله تمام .وشخبارك انتي..ترى بندر بيجي يسلم عليك
ام محمد: حياه الله خليه يدخل بس لحظه ألبس شيلتي
ندى: اووكي
بندر: السلام عليكم
ام محمد: وعليكم السلام ووشلونك ولدي يابندر ؟
بندر:والله الحمد لله
ام محمد: وشلون امك واهلك كلهم طيبين؟
بندر: ابد الستر الحمدلله بصحه وعافيه
ام محمد: وعساك مرتاح مع ندى؟
ندى: يمه وشها الكلام؟
بندر: هههههههههه الحمدلله
ندى: بندر وانت جاي جيب معاك خبز للبيت
بندر: ان شالله
ام محمد بابتسامه: ومتى ابشوف عيالكم ان شالله؟
بندر بخبث: قريب ان شالله قريب
ندى استحت: خلاص غيرو السالفه ماعندكم غيرها ؟
بندر: خخخخخخخخخ
ام محمد واهي تلتفت: أبد اللا مب كنها غلا جات؟
ندى بقرف: ايه توها داخله معي
بندر: اجل برخصتكم
ام محمد: والغدا؟
بندر: المره الجايه خالتي وراي ارتباطات
ام محمد: وعد يابندر
بندر وهو يوقف: ان شالله
ندى وصلت بندر عند الباب وجت ركض لأمها
ندى: يمه ابي افهم وشلون متحملينها كل هالوقت؟
ام محمد: بنت الجوهره؟
ندى: ماغيرها
ام محمد: وش اسوي بها ماتجلس عندنا طول الوقت بغرفتها
ندى واهي ماده يدها: موت ياخذها ... مثل مااخذ امها
ام محمد : اللا وينها مالها حس ؟
ندى: قبل شوي هزأتها...مالها وجه
ام محمد: ليه؟
ندى: يمه عارفه اليوم وش شفتها تسوي؟
ام محمد: وش؟
ندى: جايه بسيارة نايف ولد خالتي
ام محمد: لااهي ناويه تجي مع صديقتها اليوم
ندى شكت بنفسها لكنها تبي تفتح امها: لااااااايمه سيارة نايف نفسها متاكده
ام محمد: مااسبعد بس ولد خالتك مايسويها
ندى: وشدراك ؟ يمكن واحد من اخوياه
ام محمد: مدري عنك انتي لاتتكلمين في الولد كذا
ندى: يمه مااقصد نايف اعني غلا ... ياليتكم تزوجونها ونفتك منها ومن مشاكلها ... الحين فاقده حنان بتشوه سمعتنا عند العالم
ام محمد: والله مدري كل اللي يجونها عيال حلال ياعزتي لساره بنتي مايجيها كثر اللي يجون لغلا
ندى بضيق: اعوذ بالله منها ...حتى في الخطاطيب
غلا دخلت عليهم بتاخذ كتاب من مكتبة الصاله وندى وام محمد على طول سكتو أول مادخلت واهم مكشرات بوجهها
غلا بعجله : السلام عليكم
ام محمد: ومع مين جايه ؟
غلا وجهت نظراتها لندى وظلت تطالعها الا ان طاح الكتاب من يدها..شالت الكتاب وراحت تركض
ندى: شفتي يمه انا ماقلت لك؟
ام محمد بعصبيه مالها داعي: انا لازم اشوف وش تحت راس هالبنت (وهي تنادي)ياغلاااااا
نزلت واهي موقفه على الدرج
غلا: هلا خالتي
ام محمد: علميني وش مسويه مع ولد اختي
غلا:لو اني مسويه شي كان ماجيت بكل ثقه عند الباب ...وبعدين بأي حق تشكون فيني على طول ؟ انا محترمه ابوي واخواني واعرف من الصح ومن الخطأ أنا بنت الجوهره الكريمه العفيفه ولايمكن أخرب سمعة أهلي ..معليش مب على الطالعه والنازله تخلونني انا الخطا
ندى: اجل ووش تفسرين وجودك في سيارت ولد خالتي؟
غلا: سيارة صديقتي اختربت في الطريق وجا واحد وصلحها قال لنا روحو مع السواق وانا ابكمل تصليح السياره ......... عاد مدري اذا هذا ولد خالتك ول لا مااعرفه انا
طلعت لفوق على طول من غير ماتسمع كلمه منهم
هالمره مااهدرت دمعتها صحيح الموقف يضيق الصدر .... لكنها مابغت تنزل دموعها هالمره يمكن ببتتضايق لأن مافيه شي بيخفف عنها لاكن لازم تصير قويه ودنياها شدت عودها
اتصلت في البتول على طول تبي تنسي نفسها
غلا: هلا البتول وش صار عليكم؟
البتول: لاخلاص وصلت البنات ... وأبوي راح عند سيارتنا يقولون تصليحها مره غالي.... عاد ابوي يقول لازم اشكر هالرجال والنعم فيه وطبعا طبعا قال مافيه طلعات مره ثانيه
غلا: ايه الحمد لله ...تدرين ان ندى اختي شافت السياره وقالت لأمها ا
البتول: يؤيؤؤؤؤ ودرت انها لنايف؟
غلا: ايه تقولي اني طالعه معاه تخيلي خربت ولد خالتها على قولهم
البتول: لاكلشي ولافي هذي ...وريهم منهي غلا
غلا: والله انا ابسكت ...الحقران يقطع المصران
البتول: تغلط عليك طيب؟
غلا: واثقه من نفسي ماسويت شي وبعدين .. علمتهم عن كل اللي صار مايقدرون يقولون شي
البتول: الله يعينك اشين شي الحرب مع الأقارب
غلا: ايه طبعا وبالذات ان اجتمعت ندى وخالتي ام محمد
البتول: الله يصبرك
غلا: شكل عذابي توه في البدايه مب بينتهي مثل ماتوقعت
البتول: وش عذاب غلا وكليها تبن ...مو تتعذبين عشان ام محمد
غلا: مااقول اللا الله يعييييينني بس
................................................
في الصالهـ
ام محمد سكتت ماقدرت تتكلم .... اما ندى مازالت منقهره من غلا وتبي تركبها ذنب ماسوته
ام محمد: ماوقفت ياندى انا اوريها
ندى: ووش بتسوين ؟
ام محمد: مب البنت تبي تطلع مع شباب وتفلها ؟
ندى: اكيد
ام محمد: وش رايك نزوجها؟
ندى: ياليت اليوم قبل بكره
ام محمد بخبث: قريب يومك يابنت الجوهره
ندى: ههههههههه يمه وش بتسوين ..ان قلتي كذا احس انك بتقتلينها
ام محمد: ابقتلها قهر وحسره
ندى: طيب ومين بتزوجيها ؟
ام محمد:أنا عارفه لها بس خليها علي
في هالوقت دخل محمد واسكتو الثنتين
محمد بابتسامه: هللااايمه هلا
ام محمد: هلافيك ولدي وشاخبارك؟
محمد: الحمدلله وشلونك ندى؟ وشخبار بندر؟
ندى: والله كلنا بخير
محمد واهو يدورها: اللا غلا وصلت؟
ام محمد بقهر: وليه محترق عليها ؟
محمد: لأنها امس قالت لي انها بترجع مع صديقتها جت ول لا؟
ندى بقهر: اييه ايييه جت تطمن
محمد: وورا ماتجلس معاكم؟بالعاده هالوقت اللي اجي فيه الاقيها موجوده
ام محمد: فكنا منها بس اكيد تبي تريح فوق
محمد واهو معقد حواجبه: يمه غلا فيها شي؟ متضايقه؟
ام محمد: لالا ابد بس يمكن تعبانه
محمد: ابروح اشوفها
ندى: محمد ياشينك وش اللي تشوفها وانا ماكنني موجوده
محمد واهو يرقى الدرج: لابس دقايق واجيك
محمد كان يحس بفرق بين أخواته وغلا ... غلا فيها نوع من العاطفه ...انوثه ...حنان ...أخلاق عقل وتربيه ..مب مثل خواته ...يحس معاها انها اخته واهو اخوها ... ويحب يجلس معاها ويسمع رايها ويشاورها أكثر من غيرها
وصل لغرفتها.. ابتسم وطق الباب
محمد: ادخل؟
غلا واهي تفتح الباب : هلا محمد تفضل
محمد: اهليين غلا وشخبارك؟
غلا: الحمدلله
محمد: هاه كيف اختبارك؟
غلا: كويس
محمد: وشصار على طلعتكم ووين رحتو
هنا غلا تلعثمت وماتدري وش بتقول ان كذبت اكيد بيعلمه نايف وان صدقت ماتدري وش ردة فعل محمد
محمد: ماقلتي لي وش سويتو ؟
غلا: مارحنا مكان اختربت السياره في الطريق
محمد واهو عاقد حواجبه: اختربت السياره؟!!!! وكيف جيتي ؟
غلا: وقفو اثنين وصلحو سيارتنا وخلونا ...نروح بسيارتهم
محمد بانفعال: وانا وين رحت؟ وراك ماكلمتيني ؟
غلا: جوالك مغلق
سحب جواله بسرعه من ثوبه وشافه
محمد واهو ماسك راسه: اوووف نسيته ناوي افتحه
غلا: اتصل فيك يطلع لي مغلق
محمد: ومن وصلكم ؟
غلا: سواق صديقتي وصلنا كلنا والولد صلح السياره .. وبعدين ابو البتول راح عنده وشكره واعطاه سيارته
محمدبتفكير: والله اني قايل مايصلح تروحون
غلا : حرام عليك ماسوينا شي
محمد: وطيب منهو هالولد ابي احبه على راسه
غلا: ليه؟
محمد: لو انه ماجاكم كان الحين ماندري عنك
غلا: ايه والله باين عليه رجاااال
محمد: الله يعافيه
:::::::::::::::::::::::::::::::::::::::::::::::::: :::::::::::::::::::::::::::::::::::
أبو البتول: الله يعافيك ياخوي والله ماقصرت يا؟
نايف: نايف ياعمي
ابو البتول: والنعم والله رجال ومن ظهر رجال
نايف: لاابد ماسوينا شي كلنا لبعض
ابو البتول: معليش تعبناك معاهم السموحه منك يانايف
نايف: لاابد ماسوينا اللا الواجب وهذي سيارتكم
ابو البتول: الله يعافيك ياولدي
نايف: الله يبقيك عمي
اخذ سيارته اهو مع جلوي وركبو بيروحون لبيتهم
جلوي: والله شي مدري وشلون هالناس تخلي بناتها تطلع
نايف: ايه والله صعبه اطلع اختي هالوقت
جلوي: هذا غير اللي يحادهم بسيارته بعد
نايف احترقت اعصابه ... اكره ماعنده يسمع قصص مثل كذا عن شباب يتحرشون ببنات
نايف: ايه والله مشوهين سمعت البلد هالاشكال
نايف بقهر: من جد شي يقهر
جلوي: مدري متى بتنقرض هالأشكال
نايف: لو انه في وعيه كان علمت عليه الهيئه
جلوي: همج وحطيت عندهم سيارة بنات توقع كلشي
نايف: والله شرهتي على هالأهل كيف يطلعون بناتهم بلحالهم
جلوي: دنياك عجايب
نايف : بس كلشي بكووم وبنت خالتي اللي معاهم بكوم
جلوي: متأكد ؟
نايف: اقول لك نفس الاسم غلا بنت سلطان بن ........
جلوي: غريبه واهي ماتكلمت
نايف: ماتوقع عرفتنا
...................................
:::::::::::::::::::::::::::::::::::::::::::::::::: :::::::::::::::::::::::::::::::::::::::