الجزء الثاني
عيال ام عبدالله جلسوا في السعوديه ..يرتبون وضع اختهم لأن غلا
ويـــــــــن بتروح لأن البيت بيفظى ومافيه أحد ....أتفقوا انها تبقى مع أم محمد الى ان يرجعون من الدراسه بعد كم من سنه وياخذونها لبيتهم ....
عبدالله:طيب ابي سبب مقنع اهو بيت أبوك مثل بيت أمي قبل الله يرحمها
غلا:لابس ماابي اصير مع زوجت أبوي ياعبدالله
عبدالله:مافيه غير هالحل وكلها اربع سنوات وانا جايكم من لندن
غلا
((كلها أربع سنوات))جلست تصيح وقالت بضيق:
طيب طيب خلاص بيت ام محمد خلاص كذا ارتحتو؟
خالد بروده المعروف:والله عارفين ان الموضوع صعب عليك ياغلا بس هذا الحل الوحيد
غلا:ماقصرتوا...بس متى بترجعون للندن؟
خالد:بس نرتبك بنروح على طول حتى الحجز حاجزين
غلا:طيب اتصلو بين وقت ووقت لاتنسون ان عندكم اخت
تركي: أكيد افا عليك بس
عبدالله:والله الله بالدراسه مااوصيك
غلا: ان شالله ....طيب أبوي متاه بيجي من مصر؟
تركي: والله على كلامه يقول بعد أسبوع بيجي وبيرجع ثانيه
غلا بعد تفكير: تصبحون على خير
خالد: وانتي من اهله
____ ____ ______ _____ ________دخلت لغرفة أمها ...ودموعها على وشك الإنهيار دخلت وقفلت الباب ... وطلعت صورة أمها وجلست تطالع فيها
((آآآه يايمه تعالي بس شوفي الدنيا كيف سودا من غيرك .... يمه تعالي وعيشي معاي ولو للحظه وحده ... مع انها ماتكفي !! لكن يمكن بتقدر تجبر بخاطري المكسور
يايمه أنا بكره أبروح لقبري أبروح لبيت مرت أبوي اللي كانت تكرهك ...يايمه أبجلس تحت رحمتها ..
يمه وينك ملل هالكون من دونك يمه علميني كيف أبتوفق الحين بحياتي من غير دعواتك؟؟...يايمه والله اني اشتقت لصوتك لنظرتك وانتي تقولين لي الله يرضالي عليك يابنتي ...والله يوفقك ياغلا ....يمه لحظه أو دقيقه وحده مع انها ماتكفي بس ابي أشوف طلتك ...بخاطري أصرخ واناديك يايمه .. مادري كيف ابكمل دنياي بدون شوفتك ول من غير صوتك يايمه انا من يوجهني بطريقي من يساعدني اكمل هالدنيا الصعبه فرضت علي اعيش من غيرك وبدونك ااااااه يايمه وماصعب لحظات فراقك ياهي صعبه ))
حاولت تمسح دموعها اللي طاحت على صورة أمها وفتحت الدولاب ... شافت ملابسها المرتبه .. مسكت جلابية أمها واللي دايم تلبسها ... ومن بعدها شوي ويغمى عليها من الصياح ... حاولت تشمه لكن ماقدرت من كثر الصياح ماتقدر.... جلست على هالحاله الى الساعه 3 الفجر
حيل الله أقوى يالعيون الشقيه ****وش في يدي غير السهر والقصايد
قالوا توفت وافقتها المنيه*** واصحى ترا اللي مات ماهو بعايد
الموت حق وخل نفسك قويه****يايمه بها الدنيا نشوف النكايد
قلت العنا شي مااقدر عليه ****والحزن عندي صار سلم وعوايد
ماتت وذكراها على البال حيه ****ودموع عيني لاطرتلي شدايد
حبيتها والحب ماهو خطيه ****عشقتها عشق على العشق زايد
وفراقها للقلب من غير نيه ****وانا اشهد ان فراق الأحباب كايد
كل الليالي عقبها سرمديه****والاالفرح في دنيتي شي بايد
____ ___ _______ _____ _____ ________
كانو متجمعين في الصاله العنابيه والأثاث الفخم المزخرف بالزخارف الفارسيه القديمه ...متجمعين حول أمهم يتقهوون
ندى:يمه الحين ووين بتحطين غرفتها؟
ام محمد: مالها اللا الغرفه اللي بين غرفتك أنتي وريناد
ساره : طيب خلوها معاي
ام محمد: فيه غرفه زياده تبين تصيرون أنتي وريناد وغلا غرفه وحده ؟ ماتصلح
ندى: غريبه يمه انك ماتكلمتي يوم جو يحطون غرفتها
ام محمد: ليه وتبيني أفقد أبوك؟
ساره: خخخخ الدعوه مصالح منتيب حاطتها لله
ام محمد: ايه ابو عبدالله قايل لي .. تعاملينها مثل بناتك وتخلينا معاكم في البيت ول ابطلقك بالثلاث ..عاد انا مالي ومال الطلاق ..
ندى: ههههههههه والله انك داهيه يمه..
دخل عليهم عبدالله ولمى زوجته وتركي وخالد وغلا....
عبدالله: السلام عليكم
ندى: وعليكم السلام هلاهلا اخوي حياكم
سلمو عليهم وجلسو وياهم وكانو جايبين معاهم كل أغراض غلا لأنهم من بكره بيمشون
رتبو أغراضها وكانت بلحالها في غرفه ... لون جدارها أصفر وأثاثها بني محروق واكسسواراتها عنابي ..
دخلت الغرفه وهي مو مصدقه أنها بتجلس مع ام محمد وندى في بيت واحد ... كانت تطالع في الغرفه وضايق صدرها ...
ندى :هاه وشرايك بغرفتك؟
غلابابتسامه تاخذ العقل: روعه
ندى بغرور: اكيد هذي من ذوقي
غلا: ذووق ماشالله
ساره : غلااا قلبي
غلا: هلا
ساره : ان بغيتي شي أنا وريناد في الغرفه اللي جنبك
غلا: تسلمين
ندى اعطت ساره نظرااات تأنيب على الكلام اللي قالته لغلا لأنهم متفقين مع أمهم أنهم يعاملون غلا مثل الغريبه في البيت ..لكن ساره وريناد مااعجبهم الموضوع رقت قلوبهم لغلا ولظروفها
ريناد: غلا أخوانك متى بيمشون؟
غلا: بكره ان شالله ....اللا وينهم أبي اسلم عليهم قبل مايطلعون
ريناد: لاماراحو شوفيهم تحت
وفي هالوقت كان تركي عند الباب بيدخل
تركي: معليش؟ ابي اكلم غلا بلحالي
ساره: اققطع ابو الطرده ياترووك
تركي: اقول يالله اني وياها اقلبو وجيهكم ...
ريناد باحباط: يوه حتى أنا؟
تركي: حتى انتي
وطلعو البنات
غلا كانت تطالع أخوها بنظرات منكسره ... وحزينه ..
تركي: ليه ؟؟
غلا: ...............
تركي: والله فاهم اللي بقلبك عارف انك خايفه من مرت أبوي
غلا:...........
تركي: ان غلطت عليك لو بس بكلمه علمينا...ولاتترددين داري انها سوسه هي ويا بناتها
غلا ودموعها في عيونها: تركي طيب بتقدر تستقوي علي أنا الحين تحت رحمتها
تركي قاطع كلامها: لاامن قال .. بس انتي خليكي قويه ... لاتصيرين ضعيفه قدامها ولاتنسين ان وراك اخوان وابو ماحد بيتركك سندك قوي وانا اخوك
غلا: طيب ليه مااصير عند خالتي رنا؟
تركي يستغبي سؤالها: ووشلون مع خالتك رنا؟ عندها زوجها ياغلا ووشلون تبين تصيرين معاها؟
غلا: بس اهي قالت عادي اني اجي معاها
تركي: تقول كذا بس أكيد فيها أحراج ... وهالموضوع ناقشناه من قبل مع عبدالله مانفتحه ثانيه
غلا بانكسار وعيون حزينه : طيب
تركي: والله الله بالدراسه ..لاتنسين ان امي كانت تبي لك أعلى نسبه
غلا بعد صمت وتفكير ومن بعدها ابتسمت لتركي ابتسامه تجنن : اكيد
تركي ابتسم لها: ياحلوك وانتي تضحكين يالدبه حتى الضحكه صارت بفلوس
غلا: هههههه
تركي: يالله ترا الدنيا حلوووه بس لازم نفهمها وكل يوم ابيك بالتلفون فاهمه ؟
غلا: لاتعال اضربني احسن
تركي: هههههههههه ايه بعد الحين تقولين لي نسيت
غلا: ان شاااااااااااااااالله
تركي: يالله اجل بنمشي الحين
غلا : اشوفكم على خير
وضمت أخوها تودعه واخوانها كلهم ومرت أخوها عبدالله سلمو على بعض سلام حاار
لمى: انتبهي لنفسك حبيبتي
غلا: ان شالله لمى
خالد: وان بغيتي شي علمينا موتسكيتن وكل يوم اعطينا أخبارك
غلا عيونها مليانه دموع لكن ماتبي تبين ضعفها عند أخوانها ومرت أبوهاواخواتها ابتسمت برغم الدموع :ان شالله خالد
تركي: غلا لاتنسين اللي وصيتك عليه
غلا : تامرني انت
عبدالله : فمان الله
غلا: بحفظ الله
وطلعو كلهم من البيت راحت لغرفتها على طول تفكر بكلام تركي انها لازم ماتبين ضعفها .. دخلت عليها ريناد ونستها همها قامت تنكت وتسولف معها والين مانامت غلا
__ __ ___ __ __ __ __ __ __ __ __ __
في لندن
بعد ماوصلو كلهم هناك وبدأو يومهم كل واحد للمدرسه أو الجامعه
تركي من بعد مادخل للمدرسه من بعد غياب شهر كامل ... كان جالس على الكرسي والمدرس يشرح ...لكن تركي مثل عادته مايفهم ولاكلمه مطلع له ورقه وجالس يرسم عليها ...ويخربط (عشان يضيع الوقت ..الله يرحم حاله))
......:تركي؟
تركي ألتفت على الصوت
تركي: نعم ؟
........: وشفيك؟
تركي باستغراب :لالاابد كالعاده مافهم شي
...........: هههههههههههه انتبه لنفسك لاترسب
تركي: انشالله
...............: سلامات ليه غايب كل هالفتره ؟
تركي بحزن: الوالده توها متوفيه الله يرحمها ورحت للسعوديه
..........:سعودي؟
تركي: ايه
..........: اتشرف بك ..أنا بعد سعوديه
تركي بابتسامه : حيااك الله ...بس أول مره أشوفك بالمدرسه هنا
..........: تونا ناقلين يمكن من اسبوعين للندن
تركي: طيب ..من وين بالضبط من السعوديه ؟
..........: من الدمام
تركي: والنعم والله
...........: وانت ؟
تركي: من الرياض
.............:ياهلا
تركي: ياهلا بك
من بعد صمت لفتره قليله
.............:قبل لاانسى عظم الله أجرك في الوالده في الجنه ان شالله
تركي: اجرنا واجرك
.............: ومتى بترجع للسعوديه؟
تركي: والله مدري الاان اضبط اللغه