ماازعجها 00وأنا أبعد اللحاف عني واخذ العكاز واوقف عشان اطلع من الغرفه 00ولما وصلت عند الباب وقبل مااطلع التفت وراي وأنا مستغربه لما سمعت أغنية
ارجوك افهميني ,حسي باشواقي و حنيني
ارجوك اسمعيني الصبر ماهو بايديني
انتي تدرين كلمة بسافر بسافر صعبه علي
انتي تدرين قلبي بايدينك بايدينك ماهو بايدي
وشلون يهون كل ذي عليك ,ماكان ظني هذا فيك
ماكان ظني هذا فيك
اه انا تمنيتك لي دوم,ماقوى غيابك عني يوم,
لي رحتي تنسى عيوني النوم,واقعد افكر من الوم
ارجوك افهميني ,حسي باشواقي و حنيني
ارجوك اسمعيني الصبر ماهو بايديني
انتي تدرين كلمة بسافر بسافر صعبه علي
انتي تدرين قلبي بايدينك بايدينك ماهو بايدي
وشلون يهون كل ذي عليك ,ماكان ظني هذا فيك
ماكان ظني هذا فيك
بصوت عامر وكان هذا هو الجوال اللي يدق00 بصراحه ااامممم ماادري ليش كل مااسمع صوته وهو يغني أحس جسمي كله ينمل 00جلست شوي وأنا أسمع الصوت بعدها ضربت على جبهتي فجاءه وانا اقول :اوووووووف هذا بيصحي ريم 00 خليني أروح أخذه قبل يصحيها 000
رحت للمكان اللي حطيت فيه الجوال وأخذته بسرعه وأنا أ طالع بشاشه الجوال وأشوف إسم المتصل 00 طلعت من الغرفه وأن أضحك بسخريه وكرهه من الاسم اللي كان مسجله000 تبون تعرفون ايش كان مسجل رقمه عندي؟؟! أنا أقولكم كان مسجل رقمه بإسم (
بيجئ يوم وتحبيني ) 00جلست أكلم نفسي وأنا أقول :هيه والله مصخره (رحت للكنب وجلست عليه وأنا أقول) مالت عليه ومصدق عمرررره بعد الله ياخذه ويفكني منه00 (وكملت بحقد وأنا أطالع شاشه الجوال وأقول ) والله لذوقك كل اللي ذقته على يديك طيب إن 000
قطع كلامي صوت الجوال اللي رجع يدق بنفس صوت عامر 00 طالعت فيه شوي وبعدها قررت أستجمع قوتي و أرد عليه 00رفعت الجوال لأذني وأنا أظغط عليه 00 ولما فتحت الخط سكت وماقدرت أتكلم وحسيت إن لساني بهالوقت إنربط 00
سمعت صوته وهو يتنهد ويقول : أهــ أخيرا يامرام أخيرا صرتي زوجتي وحبيــ
لما سمعت كلامه حسيت بأن الجنون ركبتني عشان كذا عصبت وقلت له بصراخ :لا تقوووووول حبيبتي صحيح أنا صرت زوجتك لكن مو حبيبتك (وكملت بصراخ وسخريه ) وأحسن لك ماتحلم واااااااااااااااااااااااااااااااااايد 000
ضحك بصوت عالي وقال لي :هههههههههههههههههههههههههههههه هههههههههههههههههههههههههههه شوي شوي على عمرك حبيبتي (ورص على كلمة حبيبتي وكأنه يبغى يغيضني ويقهرني 00 سكت شوي وبعدها كمل بسخريه )تراك ماتهونين علي 00
كنت بسكر السماعه بوجهه من الغيض 00 لكني حسيت بالخوف والرجفه 00لما وقفني بصوته الصارم و هو يقول لي :لاتحاولين تسكرين في وجهي لان هذا مابكون بصالحك (وكمل بجديه )سمعي انا متصل مو عشان اسمع صوتك ولااتغزل فيك 00 أنا متصل بس عشان أقولك أمي وسميره بيجون لكم بكره ويقدمون لكم الشبكه والمهر 00
صح إني مااحبه ولااطيقه بس إنصدمت بكلامه و حسيته جرحني مثل ماجرحني ماجد وأمجاد وشروق وغيرهم 00 سكت شوي وأنا أحاول أقاوم الدموع الي بدت تتجمع بعيوني وقلت بهمس :خلصت كلامك 00 ولا باقي شئ ماقلته 000
سكت شوي ومارد علي وكل اللي كنت أسمعه صوت تنفسه00 ماادري بإيش كان يفكر بهالوقت ؟! ولا شو ناوي يسوي في بعد اللي سواه!! 000
قطع تفكيري بعد ماقال لي بنبرة صوت مختلفه عن اللي كلمني فيها من شوي :مراااااام بريحك مني مو متصل فيك 00 (وكمل بعد ماتنهد ) أهـ خلاااااااص مابكلمك ولا اشوفك الا بيوم الزواج 000
قلت في خاطري :أحسن والله تسوي فيني خير 00أصلا أنا مو طايقه أسمع صوتك 000
رجعني للواقع وهو يقول :مو محتاجه شئ قبل مااسكر 00
قلت ببرود :لاااااااااااااااااااا ماابي منك شئ000
قال لي بسخريه وهو يضحك : ههههههههههههه على الاقل جاملي وقولي سلامتك 000
طنشته وسكت ومارديت عليه 00بعدها سمعت صوته وهو يقول :مع السلامه 00
سكرت السماعه بوجهه على طول وبدون ماارد عليه 00 جلست أطالع في الجوال وأنا سرحانه 00وفجاءه رميت الجوال من يدي لما سمعت صوت مسج جاي 00إخترعت وحطيت يدي على صدري وأنا أقول في خاطري (بسم الله شو هذا وربي بغى يوقف قلبي ) رحت للجوال وأخذته 00طالعت الشاشه بإهمال وأنا أفتح المسج اللي كان من (
بيجئ يوم وتحبيني ) يعني من عامر (وكملت بسخريه )زوجي العزيز 000
فتحت المسج وجلست أقراه بسخريه وكان مكتوب فيه :
فديــت .. اسمك .. انا و رسمك
وارض .. تشرفت
بخطـــآك
فديت عيونك .. ولونك ..!
وصــــوتك .. لي وحــش اذني
فديـت
احساسك و قلبك
وريحه عطــــر ../ انفاسك
وذيـــــــك الضحكه .. لي منــك
عن الدنيـــــــــا
تغيبني
(قلت لك مابتصل بس مو معناته ماابرسل لك مسجات ) (زوجكـ عامر)
ضحكت بسخريه على كلمة زوجك اللي يكتبها في كل مسج يرسله لي وكأنه بهالطريقه يذكرني بأني خلاص صرت ملكه ومستحيل أحد يأخذني منه 000 وبصراحه أكثر ماهتميت لاني عارفه عامر وعارفه تقلبات مزاجه ماصدقت ولا كلمه مكتوبه في هالمسج ولا حتى أثر فيني 00وكنت متأكده إن هذا المسج كذبه من أكاذيب عاااااااااامر 00 عامر إنسان مزاجي متقلب مره يقول يحبني ومايقدر يبعد عني 00ومره يهددني ويعصب علي 00
وقفت من مكاني بتعب ورحت للغرفتي وأنا مقرره أرمي تفسي على السرير وأناااااااااااام 00 دخلت غرفتي ورحت لسرير وإنسدحت عليه بهدوء عشان ماازعج ريماني اللي نايمه بهدوء وكأنها ملااااك 00 تمددت على السرير وماحسيت عمري الا وأنا بسابع نووووووووومه 00 فتحت عيوني بإنزعاج على صوت مسج جايني 00 بعدت الشرشف عني وأخذت الجوال وانا أفتح المسج اللي كان من عامر (وكان مكتوب في ) صباح الخير حبيبتي 00
لما قريت المسج إنعفس وجهي بقرف وضيق وبعدها مسكت الجوال وحطيته على الصامت ورميته على السرير وانا أقوم عشان أتغسل وأبدل واصلي 00 دخلت الحمام وإنتم بكرامه وتوضيت وبعد ماطلعت أخذت السجاده وشرشف الصلاه وصليت 00لما خلصت صلاه شلت السجاده والشرشف ورجعتها مكانها 00بعدها قررت أروح لمامي وبابي اللي ماشفتهم من أمس 00 طلعت من الغرفه ورحت للصاله00 وإبتسمت لما شفت ريماني منسدحه على بطنها ورافعه رجولها على فووق وهي تحركها و طالع التلفزيون 00 جيت عندها وبستها على خدها وأنا اقول بحب :الحلووو شو يسوووووي 00
وقفت من مكانها وهي تقرب مني وتبوسني على خدي وتقول :أتفرج على سبيس توون 00
قلت لها وأنا اشر على الكنب :طيب ياحلوووووووووه قومي إجلسي على الكنب وإتفرجي 00
وقفت بسرعه وراحت على الكنب وجلست تتفرج وشكلها نستني وإندمجت حيل مع التلفزيون 00 طلعت انا من عندها ونزلت مع الدرج ورحت للصاله اللي تحت 00شفت مامي وبابي وأسرار جالسين يشربون شاي وياكلون من الفطاير اللي قدامهم 000 وبصراحه مااستغربت من وجود اسرار لأني أعرف اسرار زين إذا عندها كلام لازم تقوله 00إبتسمت لهم وقلت :السلام عليكم 00
كلهم :وعليكم السلام 00
بابي بفرح وراحه باينه في عيونه :هلا بنيتي تعالي جنبي 00
ضحكت لما قالت اسرار :شو عمي 00يوم جات العرووس طاح كرتي (وكملت بغشمره ) أشوفك نسيتني من أول ماجات مرام 00
ضحك بابي بصوت عالي 000وقالت مامي بإبتسامه :نسااااك الموت يابنيتي 00
مدت أسرار بوزها وهي تقول بمزح :لا لا ماارضى 00 شو هذا عشان مرام تزوجت خلاص دلعونها وأنا تنسوني (وكملت بغشمره )أقوووول عمي 00
قال لها بابي :هلا بنيتي 00
قربت منه أسرار وسوت عمرها مستحيه وهي تلعب بإصبعها و تقول :اممممممممم ليش ماتزوجني مثل مراااام 00 (وكملت ) عشان دلعوني مثلها 000
هني كلنا إنفجرنا من الضحك على وجهه أسرار اللي قلب الوا ن لما دخل فهد وقال بمرح :تاااااااااااااااا مرين بنت العم 00 ماطلبتي 00
ماقدرت تجلس أسرار أكثر بعد الاحراج اللي صار لها عشان كذا قامت وهي تركض وطلعت فوق لغرفتي 00 وقفت أنا وانا أضحك وأقول لفهد :فهيداااااااااااااان ياالدفش أحرجت البنيه 00
جاء فهد وجلس جنب بابي بعد ماباس راسه هو ومامي وقال بإبتسامه شاقه الحلق :وانا صااااااااااادق (ولف على بابي وقال )يبه إنت تدري إني أبغى أخطبهااا وأتزوجها فليش ماتكلم عمي ونملك 00
ضحك بابي وقال :ههههههههههههههههههههههههههههه اشوفك مستعجل ياولدي 00
قالت مامي بفرح :والله هذي الساعه المباااااااااركه يوم عيالي بيتزوجني (وكملت وهي تمسح دموعها) بس والله البيت بيفضى علينا00أنا وأبوووووووووكم 00
ضحك فهد بصوت عالي وقال :ههههههههههههههههههههههههههههههههههههههههههههه أحسن لكم عشان تجددون شهر العسل00
ضربته مامي على كتفه وهي تقول بعصبيه :جب شو هالكلام ياصبي 00
ضحك بابي على فهد وقال وهو يلتفت لمامي :شو صبي رجال طول وعرض وشنبات وتقولين عنه صبي 00
ضحكت على فهد عشان أقهره 00 و بعدها قلت وأنا أضرب جبهتي :يوووووووووه نسيت اسرارو فوووق (وكملت بخوف )والله غير تذبحني اليوووم00
ضحك فهد وهو يقول :ههههههههههههههههههههههههههههههههه احسن 00 (وكملت بغرور) عشان مره ثانيه ماتنسين مرتي 00
طالعو فيه مامي وبابي بإستغراب وبعدها جلسوا يضحكون على فهد اللي مو راضي يعقل 00 لفيت عنه ومارديت عليه عشان أطلع فوق لاسرار وقبل مااطلع قالت لي مامي :مرااااااااااام 00
لفيت عليها وأنا أقول :هلا مامي 00
قالت بحنيه :يمه عمتك أم عامر كانت بتجئ اليوم هي وبنتها عشان يقدمون الشبكه والمهر بس 000
قلت لها بخوف :بس شو مامي 00
قلت لي وهي توقف وتجي عندي :بس هي تعبت وإتصلت تعتذر مني 00
قلت لها وأنا أبتسم :ماصار شئ مامي عادي 00المهم إنها تكون بخير 00