السابع والعشرون
جالسه ضامه رجولهاا لصدرهاا مو عاارفه أيش تسووي تحس نفساا مخنووقه ..الغرفه هاااذي بالنسبه لهاا سجن ..تبغى تفهم ليه محد من اهلها جاا يزورهاا ؟! وليش حتى التلفوون مو موجود بالغرفه ؟! وزوجها اليين اللحين مااجاا والممرضه من تغدت مااجات لهاا لمت شعرهاا على ورى بعصبيه ..وصارت تتافف ..سمعت طق ع الباااب وماتتصورون وش كثر فرحتهاا وهي تسمع الطق..دخلت الممرضه
وبلغتهاا ان الدكتور محمد يبي يدخل عليهاا ..اعطتها شيلتهاا وتحجبت زيين واعتدلت زيين بجلستهاا
الدكتور محمد : السلام عليكم كيفك اليوم
نوال: وعليكم السلام ..الحمدالله ...الدكتور جلس ع الكرسي ومع ذلك عيون نووال كانت معلقه ع البااب
الدكتور محمد وهو يسجل ملاحظه بنوته الخاصه : ترى مافي احد معااي
نوال نزلت عينهاا لانها فهمت ان الدكتور انتبه لها : لييه ؟!
دكتور محمد : ايش الي ليه ؟!
نوال: ليش ماافي احد من اهلي جا يشوفني ؟! ...وليه ماعندي تلفوون ..وليه...بلعت ريقها .. فهد مااجاا؟!
دكتور محمد : مو ملاحظة انك تسالين كثيير؟!!
نوال بعتب : كانك جاوبت
ضحك : ههه معاك حق ..شوفي انا مانع عنك الزيااره وطلبت من فهد انه مايبلغ اهلك ارتحتي
سكتت مارد عليه والتفت تطالع للشبااك
سألها : نوال تتذكرين امس وين وصلنا بالكلاام
نوال: أي كلام ؟!
قالها: سألتك اذا فهد تغير بعد الزواج ؟او انتي تغيرتي ؟
نوال : سبق وقلت لك فهد مثل البحر ماله وضع وااحد
رد : وانتي
نوال تنهدت : بصراحه انا نفسي تغييرت عمري ماااحسيت نفسي انسانه ضاايعه الا معاااه وجودي معااه يحسسني اني بلا قيمه ...شي ماايسوى ..التواصل معاها يكون صعب باحيان كثييره ..دايماا احس نفسي النقطة السودا بحياااته لو سألتني ليش بقولك ماادري
سالها :نوال وشلون كانت علاقتك مع امك ؟
نوال ابتسمت : امي ؟ احل شي بدنيتي كانت حنونه بشكل ماتتصوره تحبنا كلناا حتى الصقر كانت تحبه وعمرها مااحسسته انه مو ولدهاا ...وياليت ابوي قدرهاا بالعكس كان يضربها ويهينها كنت وانا صغيره دايما اسمع صرااخه عليهاا كنت اتخبى تحت مكتبي الين مايطلع من البيت وجووده كان يكهرب الجوو تخيل لما تشوف امك قدامك مضروبه والسبب وحده رخصيه ابوي صحيح ماكان يروح للحرام كان يتزوج ويطلق براحته الوحده ماتقعد معاه شهرين لو سالتني كم وحده تزوج بقولك ماادري يمكن عشرين يمكن اكثر اقل الله وحده يعلم
سالها بذكاءة : تخافيين فهد يكون مثله ؟!
جاوبته : فهد مثل ابوي .......لا ابد مستحيل يكون مثله فهد مو........وقفت كلامها ..
سالها : ليه سكتي
نوال: ولاااشي ولااشي
الدكتور محمد : يعني انتي تشوفين ان علااقة فهد بنوره عااديه ؟؟
نوال بصدمة : انت وش دراك بنورة ؟!! جاوبها : مو مهم من وين دريت المهم انتي وش انطبااعك عنها
نوال : اكرههااااااااااااااااا عمر ي مااكرهت احد كثرها
سالها : تعتبرينها منافسه لك
نوال : ايه هي حلوووه ومغريييه انا وانا مره جذبتني تخيل تاثيرها على الرجال اخااف بيووم ان فهد ياخذها علي ..مالوومه ..يمكن لو كان يحبني ماكنت رح اخااف لكنه ماايحبني عمره مااقاالي انه يحبني حتى لما يقول حبيتي تحسها باارده او كلمه جرت العاده عنده عليهاا لكن تحس فيهاا لااا ابد مااحس مااتفرح قلبي يمكن لاني ماستااهلها ولانه ماايحبني ...حارت دموعها وسط عينها ..تركها الدكتور وطلع
=-=-=-=-=-=-=-=-=-=-=-=-=-=
من باعني بأسباب بعته بلا أسباب مايطرد العاقل لبايعٍ امخاويه ومن باعني بالغير بعته بتراب واليا ذكره القلب بقّطعه وارميه
كانت جالسه هي وامهاا على سفرة الاكل
ام سعد : ووين نورة ؟!
حصه : بحجرتها قلت لهاا تعالي تغذي قالت ماالهاا نفس
ام سعد : انتو صاار بينكم شي ؟!!
حصه : لااااا
ام سعد : ع العموم بعد يومين في ناس جايين يشوفونك ابغاك تستعدي
حصه : ماله دااعي اتصلي عليهم وقوليلهم مالكم نصيب عندناا
ام سعد : لييه ان شاء الله ؟!! انتي حتى مااشفتيهم
حصه : يمه ماله دااعي اناا زواج ماابي اتزوج
ام سعد : يعني ايش؟ عاجبتك جلستك كذا زي البيت الواقف
حصه وهي تحط الملعقه بعصبيه ع الصحن : ايه عااجبتني خلاااص قفلي ع الموضوع لو سمحتي
ام سعد : لا يكون تفكرين الي تسوينه بيخلي الصقر يطل فيك ترى لو له خاطر فيك كاان من زمااان .. شووفي مستقبلك احسن لك
حصه : ومن قاال اني ابي الصقر ...الصقر لا هو بعيني ولااا يهمني .. انا عفت اخوه اجي اخذه هوو
ام سعد :اخوه بالاصل مابغااك لو كان يبيك ماكااان اول مافسختوو جرى وتزوج بنت الفراش وانتي ذكيه وتفهمينهاا
حصه وقفت ودفت الكرسي وهي تقاوم دمع عينهاا : انا وحده محد يبيها الكل مقفي عنها ارتحتي
ومشيت بتطلع وهي مقهوره
نادتها امهاا : حصه
وقفت : نعم
ام سعد كانت حاسه بلوم راحت لها حطت ايدها على كتفها : ياابنتي اناا خاايفه عليك ... الناس كلامها ماايرحم مارح يقولون مااتبي تعرس .. لااا ... بيقولون البنيه بها بلى ... ولا ماكاانت فسخت خطبتها من ولد عمهاا ولاا ردت العرسان واحد ورى الثااني
حصه تنهدت : عارفه والله عاارفه .. بس اناا ماابغى اتزوج مااابغى ... عن اذنك
=-=-=-=-=-=-=-=-=-=-=-=-=-=
سمع كل كلمه يقولها الدكتور : فهد نوال علاجهاا معاك انت الادويه عوامل مسساعده و اكثر ولاا اقل انت وحدك تقدر تحسسها بالامان بالحب مرتك ماهي قاادره تحدد اذا انت تحبها او لاا
فهد : بس انا احبهاا
ساله : صارحتها ؟ قد قلت لها انا احبك اتركك من حبيبتي وعمري هااذي كلمات احيان كثيره تكون عفوية مالها معنى لكن احبك ماتقدر تقولها الا وانت حاس فيها حاس بكل حرف مرتك ياافهد تقاارن بينك وبين ابوها او بالاحرى اهي جالسه تترقب اليوم الي رح تصير نسخه مصغره منه اليوم الي رح تستبدلهاا فيه بوحده ثاانيه
انصدم : نعم
الدكتور : الي سمعته
فهد : وش اقدر اسوي شلون اقدر اغير اراءها
جاوبه : الحب الحنااان قربك منها سمعها قدر ماا تقدر اطراءات سمعها كلمة احبك لعلمك المصاب بالانهيار دايما يتعمد من انه يقلل من قيمة ذاته فلازم تكون حذر من أي انتقاد توجهه لهاا الموضوع بياخذ وقت لكن صدقني بيجيب نتيجه
فهد : طيب رح تخليها بالمستشفى ؟!!
جاوبة : اكيد لاا وجودها بالبيت افضل بكثير ولو تاخذ اجازة وتسافرون يكون افضل بعد
فهد : ان شاء الله
=-=-=-=-=-=-=-=-=-=-=-=-=-=
كانت جالسه تناضر فيه وهي مبسوطه..سالها : ايش فيك
فرح : مبسووطة طلعت بطل يااخوي
راكان : هاذ الي بااسطك يعني
فرح : انت لوتتخيل بس الافكار الي جات بمخي انا مااكنت قاادره اناام الليل
راكان : كاان لاازم تكونين متأكد ان اخوك مستحيل يفكر انه ينحرف الحمدالله اهلناا ربوناا زيين ياافرح والخوف من الله لسى بقلووبناا مااماات يمكن صحيح احنا فقرا لكن الفقر عمره ماكان عييب ولا عقده بالعكس الفقر ياافرح يعلمك شلوون تكبحين نفسك وماتعطينها على هوااهاا العيشه الي عشتها بالفتره الي رااحت ابدا مااريحتني بالعكس حسستني انها طوق على رقبتي والحمدالله تخلصت منهاا
فرح : طيب هذيلاك المجرميين مامنهم خطر مارح يقدرون ياذونك
راكان : تطمني مامنهم اذى الشرطة قبضت عليهم وان شااء الله بين التخليل بالسجن ولا الحد الشرعي
فرح : طيب انت اللحين وش بتسوي ؟! بترجع تكمل دراستك ولا بتكمل مع الشرطه
راكان : لا طبعا انتي تعرفي اني الحين اتدرب ومشروعنا اخذنا الموافقه عليه وبدينا فيه فعلااا
فرح : يعني انت عندك شركة هندسية ؟!!
راكان : يعني شركة صغيرووونه على قدناا
فرح : من يديرهاا ؟!!
راكان : يعني ميين انا ووترووك ومطلق وراشد
فرح : بس ولا واحد منكم عنده خبره
راكان : الخبره تجي مع الوقت محد يطلع من بطن امه متعلم ..وبعدين في شي اسمه مكاتب استشاريه رح تساعدنا بالمشاريع الكبيره
فرح : اقول اخوي حبيبي تشغلني عندك
راكان بنص عين : اقول انقلعي من قدام وجهي هذا الي باقي شغل وسط الرجال ... انتبهي لدروسك يكون ابرك لك ابي مجموع يرفع الراس
فرح : ان شاء الله
دخلت شاادن من بعد ماخلصت لعب ...وفرح اول مااشاافتها طلعت شيااطينها
فرح : وش ذاااااااا
شادن : لايان حط بطحاا فوق لااسي
فرح : رياان هاا؟!!!!! طيب هذا الي بشعرك والي بملاابسك
شاادن : امم كنت العب وطحت
فرح : انا ابغى افهم انتي ماتعرفين تلعبين من غيرلا تطيحين؟!! قداامي على الحماام
شادن رااحت جري ع الحمام تتسبح قبل لا تذبحهاا فرح
راكان : تسأل عن عمتي ؟!
فرح تنهدت : سألت كم مره وبعدها بطلت
راكان وهو يحط راسه ع الجدر : يااشين بيتناا من غيرهاا
فرح : الله يرحم موتانا وموتا المسلمين
راكان : اللهم اميين
=-=-=-=-=-=-=-=-=-=-=-=-=-=
لقت لهاا غيار بالدولااب فدخلت تستحم ... اول مااخرجت لقته واقف بالغرفه وعلى وجهه ابتساامه روعه
جريت عليه وضمته لصدرهاا : وووين كنت
طوقهاا : وحشتييييييييييييني
قالت له بعد ماابتعدت عنه : مااجااوبتني
فهد : دكتور محمد ماسمحلي اشوفك .. بس هذاا ماايهم وش رايك تتجهزيين ونروح بيتناا
نوال فرحة : من جد
فهد : اكييد يالله تجهزي وانا بسوي الاجراءاات
نوال صارت بسرعه تلم اغرااضها مو مصدقة انهاا رح تخرج من هالسجن مع ان مالها الا يوومين بس
فهد خلث الاجرارات واخذها وطلعواا ع البييت ... طول الطريق ونوال تطالع في الطريق والمبااني والمحلاات الي تمر فيهاا ..غريب شوقها لذي المناظر ... بالاول ماكانت مهتمه فيها بس اللحين تحس نغسها مهتمه بكل دكان بكل اشاارة مروريه بكل سياارة تعدي من جنبهاا ... ماابالغ لو قلت لكم شعور نوال اشبه بشعور العاائد لارض الوطن من بعد سنيين هجره او انه سجيين وهاذي اول خطوة له باتجاه الحريه
وصلو بيتها واول مادخلوو وقفت بنص الصااله فتحت ذرااعيها وتنفست بعمق حتى ان فهد سمع صوت نفسهاا بوضووح : اشتقتي للبيت
التفت عليه : اكيييييييييد ... اول كنت اقول عمري ماارح احب ذا البيت وبيتم بيت ابووي بييتي الي اشتاق واحن له لكن اليوووم يااافهد ..عرفت يعني ايه بيتك مملكتك ... تعرف اني اشتقت لك زاية لك غرفه حتى للمطبخ وتقطيع البصل
سألها بخبث : واناا ؟!
نوال: انت ايش ؟!
فهد : مااشتقتي لي ؟!
نوال : يعني
فهد انقهر : يعني .. تسلمين كله من ذوقك .. عن اذنك ولف بيطلع برى
نوال لحقته ومسكته من ايده : هي استنى ويين رااايح ؟!
فهد : يهمك يعني
نوال : فهد وش فيك
فهد مصطنع الغضب: وش فيني ؟! ابد من اول اشتقت واشتقت واناا مااعرفتي حتى تعبريني لو بالكذب وتقولين اشتقت لك انا اول كلمه نطقتها يوم شفتك وحشتييني كنت اقول اللحين بتذكرني اللحين لكن لا حياة لمن تناادي
تعرف وش العذاب على أصوله..؟العذاب انك تحب انسان مايعرف غلاتك؟؟العذاب انك تحب انسان يتجاهل حدودك!!
العذاب انك تعذبك لقلب يشوف قلبك..!
العذاب تعيش بعالمك من دون حب!!
العذاب يموت قلبك ولا احد يعرف بموته..!
نوال : ياترى وش احسااسك وانت حاس نفسك مهمل وانك معدوم القيمه ؟!!احسااس مقرف صح انت مااتحملته لاقل من سااعه تخيل لو ان هذاا شعوورك من يومين من اسبووع من ست اشهر .. تعرف اني احس نفسي شي معدوم القيمه من يووم مااتزوجتك تعرف شلون احس نفسي بس مجرد ديكور بذا البييت
من وين جاي يافهد من الشغل وين رايح برضوو للشغل حتى يووم تخرجني برضو رح نتكلم عن شغل عن مرضااك ومشااكل اهمال ابااء وان لما الله يرزقنا ان شاء الله بعياال رح تعااملهم زيين ..اتمنى يووم تحسسني اني مهمه في حيااتك ان لي قيمه لكن ولاا شي ... زعلاان اني مااقلت لك وحشتني ...ضرووري يعني اقولك مفروض انت تفهمهاا من يووم ماجريت عليك وضميتك .. ترى مو كل شي لاازم ينقاال بالضبط مثل مشاعرك اتجااهي ..كلهم يقولون انك تحبني ..لكن انا عمري ماحسيت بذا الشي تدري ليه لانك بااختصار مااتقولهاا ماتقول احبك يااانوال ..حبيبتي عمري حيااتي كلماات مااتكفي ياافهد ماااتكفي انت تقول لااختك يااحبيبتي وياعمري انت حتى تفدااها يعني لسانك متعود عليهاا ..يوم تقولها لي ماافيها شي خااص
لفت ومشيت بتجاه الدرج بتطلع غرفتها لكن فجأة توقفت ورجعت له : على فكرة وحشتني
والتفت بتمشي وتتركه وااقف الا انه مسكه من ايدهاا واجبرهاا ع الوقوف : محاضرة حلوه اهنيك عليها
سهل مره تعااتبين وتحااسبيين .. ع الاقل اناا قلت وحشتيني قلتهاا واناا حاس بكل حرف بالكلمه تعاتبين لاني ماقلت احبك شلوون تبغيني اقوولهاا شلوون تبغيني بالبساطه اجيك واقوولك انا احبك واناا مااقد شفت منك اشاارة تشجيع وحده دوم ترددين ماينجبر قلب على قلب ..تبيني اجي ببساطه وارمي قلبي تحت رجولك عشان تدوسينه ؟!! يقولون الغيره دليل حب معااك انتي كنت احس غيرتك غيرة تملك مو محبه .. مسكها من زندهاا " الزند هو المسافة الممتدة من الكتف للمرفق " بقووة طالعي فيني هناا لاا تناظريين بالارض
رفعت عيوونهاا المليلااانه دمووع وصارت تنااظرة ...قالهاا : بالله عليييك شووفي شكلي كيييف انا كنت كذاا قبل لاا اتزوجك ؟!! شووفي عيووني ماااتقدريين تقريين كلاامها... هالكثر عمياا ؟!! ... ومسك رااسهاا وحطه على صدره .. اسمعيييه وش يقووول .. اسمعييه ..ورجع رفع رااسهاا بقووة ... احبك والله العظييم اناا احبك واللي نجا نبيه من الحووت احببببببببببببببببببببك افهمي ...افهمي وريحيني يااابنت النااس ....تركهاا بقوة وهو منقهر .. وهو حاس انه حطاام ...حس انه اهان نفسه وانه ذلها .. ليه يصارحها ... ليه ... يمكن يبي يريح نفسه يبي يكون مكشوف قدامهاا .. يبيها تقدره .. تحن عليه .. لكن من يحن نوال ؟
=-=-=-=-=-=-=-=-=-=-=-=-=-=
جلس هو وياهاا يشربون شااهي بعد مااروح خالد قالها : مها
مها : همم
الصقر : شاهين بكرة بيقاابل عمي
مسكينه شرقت بالشاهي : كح ..كح ..كح
ابتسم : ههه بسم الله عليك
سالت: وشلون كانت ردت فعل عمي ؟!
جاوبها : كان متفهم الوع بشكل ماتتصورينه وقال ان انتي لاازم تكملني حيااتك وشااهين ولد نااس ويستاهل الخير
سألت : طيب من بيجي معااه بكرة ؟!
جاوب : اكيد خاالتي
سالت بعبط : اهي تعرفني ليه بتجي ؟!
استغرب : مها انهبلتي ايش ليش بتجي اكيد لازم تجي مع ولدهاا اجل يجي بطولة ؟!!
مها : صقر مااقصد بس.... تنهدت .. فهم لا تاخذه على محمل شخصي يعين مو لانه خويك وولد خالتك انا خاايفه اكون استعجلت الموضوع و
الصقر: وايش ياامها ؟!! حبيبتي انتي مااستعجلتي بالعكس تاخرتي انتي لك سنتين مطلقه صاار لاازمتشوفين حياااتك خصوصا ان انتي مااذنبتي بش بموضوع طلااقك .. اذا كنتي قلقاانه من شااهين فريحي بالك شاهين انسان ممتااز وانا مب اول مره اقولك ذا الكلاام صح ؟!... المهم كلمتي نوال ؟!
مهاا : لمته اول وماردت برجع اتصل فيها بعدين ..بس انت لازم تكلم فهد مو حلوه انا اعزمهااهي وزوجهاا هو برضو الرجال ومفروض الدعوة توجه له هوو
الصقر : ان شااءالله عمتي بكلمه وبقوله يجي اوامر ثاانيه
مها : طااالع ؟!!
الصقر : اكيد طاالع ورااي شغل يامااما
مها : اوكي في اماان الله
الصقر : صح قبل لا انسى ماااتبين فلووس تشترين لك اغرااض او لبس لبكرة ؟!
مهاا تسلم الغالي مااتقصر الفلوس وعندي والدولاب ومليان لا تهتم
الصقر: المهم لو احتجتي لاا يردك الا لساانك مع السلامه
=-=-=-=-=-=-=-=-=-=-=-=-=-=
خرجت من الغرفه وكان الوقت تقريبااعصر .. مااعادت قاادرة تتحمل الجووع ..نزلت للمطبخ طلبت من الشغاله تعملهاا ساندوتش خفيف مع نسكاافيه وجلست ع الطاولة بالمطبخ
دخلت خااالتها ولقتها جالسه : نورة اخيرا نزلتي
نورة وهي مبتسمه : حسيت بجوع جيت اكل
خالتهاا : وتسمين هذاا اكل!! ليه ماخليتيها تحط لك من الرز واللحم
نورة : لا يخاله اناا من يوم اجيت واكل دسم ماتشوفيني كيف تخنانه ااناا محتاجه الحق نفسي واعمل داايت قبل لاا يثقل وزني
خالتها :وين يثقل انتي كلك جلد على عظم ... امم شفتي حصه ؟!!
كذبت : لااا
جلست خالتها ع الكرسي : نوره حبيبتي ابيك تكلمين حصه
نورة : اكلمها ؟! في ايش؟!
ام سعد : اقنعيهاا ياابنتي تبطل الرفض الي هي فيه ..مو كل ماجاهاا عريس قالت لاا حتى من قبل لا تشوفه
نورة : يمكن تحب !!
ام سعد : تحب ؟!! انتي انخبلتي ؟! ترى هااذي السعودية اذا انتي نااسية
نورة : خاله المشاعر مشاعر مالها علااقه بالمكاان ولا الزمان
ام سعد : تعرفي الكلام معك خساارة وقامت وتركتهاا
نورة : رجعيييييييه ... وشالت قهوتهاا وطلعت لحصه
=-=-=-=-=-=-=-=-=-=-=-=-=-=
كانت فتره الاختباارت .. طلعت من بيتهم وراايحه بيت عمهاا ...المفروض انهاا رح تذاااكر مع نوال بما انهم الثنتين ادبي وبنفس المدرسة .. فكانو متفقين يوم وحده تروح والثانيه تجي عندهاا واليوم كان دور حصه ... تقابلت هي وخالد عند الباب : اووف انتي جاايه عندناا
حصه : يااربي انا مكتوب علي وين مارحت شفت ذا الوجه
خالد : انتي احمدي ربك انك تشوفين وجه الشيخ خالد
حصه: شااخت عظامك ان شااء الله افتح البااب ياللاا
خالد : شحاات وعينه قووية
حصه : مالت عليك وخر بس
دقت الجرس وطنشته ففتحت لهاا الشغاله البااب .. اول مادخلت شافت عقااب جالس مع امه مااا تقدر تنكر شعور المرارة والحرقة الي تملكها من يووم شاافته .. لكن هي الصلبه القويه مستحيل تبين هالشي.. صحيح ان وجوده مستغرب خصوصا عقب ماطرده ابوه
حصه : السلام عليكم
جاوبها : وعليكم السلام
تقدمت لعمتها باست راااسها وسالت عن احوالها .. التفت عليه : كيفك عقااب
عقاب : الحمدالله كيفك انتي
حصه : شوفت عينك ماعلي قصوور ... مبروك منك المال ومنهاا العياال
عقااب : تسلميين عقباالك ان شاء الله
ماردت عليه سالت عمتها : ويين نوال ؟!
عمتها : فووق بغرفتهاا
حصه : عن اذنكم بطلع لهاا
طلعت وتركتهم ...ام عقااب : مو كان اخذتهاا مااكان ذا حالك ؟!!
عقاب : يمه وبعدين بنعيد هالكلام
ام عقااب : يعني انت مرتااح كذا .. لا تقدر تزورنا وابوك زعلان عليك ؟! وش فيهاا بنت الفراش زوود عن بنت عمك ؟!!
عقااب : الزود فيها ان القلب تمناااها يمه .. وشلوون تبي اخذ وحده ماالها بقلبي مكااان وفوق كذاا ماتكلمني الا من طرف خشمهاا
خالد : وشلوون تبيها تكلمك يااامحترم انت نااسي وش قلت لهاا
عقااب : الي صارصاار وانا اللحين تزوجت ومبسوط مع زينه وحصه الله ييسر لهاا ولد الحلااال
خالد : تعرف ان وجهك لوو ح ؟!
ام عقااب : خاالد
خالد : لو اني مكاانك وربي مااطب ذا البيت ولا حتى استجري احط عيني بعينها وانت بكل قوااره تسولف معااها وبعد تبي تنتقد الاسلوب الي تكلمك فيه
عقااب : اشوف ترفع صوووتك علي ماابقي الا انت يالبزر
خالد : بزر ؟!! معاك حق ع الاقل انا بزر بسني مو مثلك المبزره بافعاالك
عقااب : انت قليل ادب .. ورفع ايده يبي يطقه لكن خالد مسك ايده بقووة وعناااااد تباادل معاه نظراات كاان قووية جداا ... خلت عقااب يفهم ان الي قدامه ماعااد طفل وانما رجاال مالي ثووبه .. غير كذاا بااين ان في شي بالقلب لحصه
عقاب : دام قلبك عليهاا ليه ماتاخذهاا
خالد : بنت عمك مو قطعة ثيااب ماجات على ذووقك ترميهاا لااحد ثااني .. بنت عمك وقت ماتقول زواج في الف من يتمناهاا يسونك ويسوون قبيلة على شااكلتك .. وطلع وتركهم
يااترى انخطبت ؟!! نسيت عقااب ؟!! ...ياليتني اليوم اشووفهاا ..اشتقت لهاا ... رجعه للواقع صوت شااهين الي توه وواصل : خالد
خالد : نعم استاذ شاهين
شاهين : خالد لو سمحت ممكن تجي مكتبي ابغاااك بموضوع
خالد : ان شااء الله
وقف ودخل معاه المكتب اشره يقعد ع الكرسي وجلس خالد وجلس شاهين مقاابلة
شاهين اخذ نفس : خالد انا ابغى اعرف راايك بموضوع ماله علاقه بالشغل
خالد بذكاءة توقع ان الموضوع له علاقة باخته مها : تفضل
شاهين: انت تعرف اني تقدمت وخطبت كريمتك واني بكرة ان شااء الله راايح اطلبها من عمك رسمي
خالد : ايه
شاهين : طيب انت وش رايك
خالد : انت كلمت الصقر اخوي الكبير يعني الراي الاول والاخير له
شاهين : بس انا يهمني اعرف ..انت اخوها ورايك مهم
خالد : شاهين ..اسمحلي اقولك شااهين بما ان الموضوع اللحين خاص .. انت تعرف طبيعة العلااقة الي بيني وبين صقر والتوترات الي كانت بينا .. بس الحمدالله الوضع بيناا احسن بكثيير وكل خلافااتنا ولله الحمدالله زالت ... وانا ماقلت لك الراي رااي صقر لاني ماابغى اتدخل ولاا شي من ذا القبيل انا قلت كذا لانه الكبير زي ماقلت لك ولان راايه مثل رايي تمااام ... شااهين انت رجال والنعم فيك ومابنلقى لاختي رجال احسن منك بس في شي لازم تحطه حلقه بذنك زيين .. انا على اخوي على عياال عمي لو اختلفناا لو تذاابحناا شي وااحد بس يجمعناا .. خواتناا من يدوس لهن على طرف يكون وقع على شهادة دفنه ... تبي شي ثاااني ؟!!
شاهين ابتسم : سلامتك
=-=-=-=-=-=-=-=-=-=-=-=-=-=
رفعت السمااعه تتصل على اختها تشووف وينها لها يوومين محد ساامع صووتهاا .. خافت تكون قست عليهاا بس هو لمصحتهاا .... رجعت اتصلت عليهاا .... : واخيرااا رديتي وينك ياابنتي مااحد سمع صووتك من امس وانا ادق وانتي ولا انتي هناا
نوال : هلا مهاا
مها : هلاا .. نوال حبيبتي لا تكوني لسى زعلانه
نوال : مها اناا مااني زعلاانه منك ولا شي
مهاا : طيب لسى انتي وفهد متخااصمين ؟!! نوال ياااقلبي ترى مااالحرمه الي ينام زوجها وهوزعلان عليها تلعنها الملايكه لين تصبح
نوال : مو متخااصمين .. مها لما الوحده زوجها يقولها احبك وشلون لازم تحس ؟!!
مها : تنبسط وتطير من الفرح خصوصا لو انها تباادله نفس الشعور ؟! قالك انه يحبك
نوال طنشت سؤالهاا : يعني الخوف مو طبيعي ؟!!
مها : جاوبيني اجااوبك
نوال : اليوم اول مره يانوال يقوولي انه يحبني .. اول مره من يوم ماتزوجناا يقولي احبك
مها : وانتي خفتي يووم ما سمعتيها
نوال : اول مره انصدمت... بس بعدها خفت .. اخااف ياامها مره خااايفه
مها : من ايش خاايفه لا تقوليين انه يكون مشفق عليك لا ادخلك من وسط السمااعه واقوم اتوطى بطنك ..انتي عاشرتي فهد اكيد عرفتيه على حقيقته واكيد عرفتي مشااعرة الحقيقيه اتجااهك .. نوال ياقلبي كل زوجه تعرف حقيقة مشااعر زوجهاا وتفهمهاا .. صدقيني فهد لو مايعنيهاا ماا كان قاالهاا ... صدقيني كل الي تفكرين فيه اوهااام والله العظيم اوهااام .. لاتخسرين زوجك بيدك يااقلبي
نوال : يصيير خيير
مها : ع العموم ..انا اتصلت عشان اعزمك انتي وفهد على العشاا اليوم عندناا .. ومارح اقل أي اعتذار اوكي
نوال : ان شااء الله انا بكلمه واشوف مواعيده
مها : اطمنك صقر مكلمه وواافق يعني انتي قومي اتجهزي واكشخي مو يجي يلقاك لسى معفنه
نوال : ههه معفنه بعينك
=-=-=-=-=-=-=-=-=-=-=-=-=-=
كانت واقفه قدام الشباك وعينهاا معلقه على بيت عمهاا.. وبالتحديد الحديقة الخلفيه ...ياما لعبت بذي الحديقة يوم كاانت صغيييره ... جرت ونقزت .. طااحت وانجرحت فيهاا ... حتى سنتهاا الامااميه انكسرت مع الطيحه
وبنفس الحديقه انكسر قلبهااا ... اقتحمت عليهاا عالمهاا الخااص من غير لا احم ولا دستور مالتفت عليها وانما اكتفت بالنظر من طرف عينها : ماتعلمي شلون تستأذنيين ؟!
نورة طنشتها : صحيح انتي انخطبتي ؟!
حصه التفت : مسرع وصلت لك الاخباار !!
نورة وتجلس عالسرير : لا تنسي عايشين ببيت واحد
حصه: الزبدة وش تبيين ؟!!
نورة : انا ماابغى شي ..خلينا نكون واضحين انا وانتي اصلا مابينا اشياء مشتركة ... بس امك تباك تتزوجي ..قوليلي اخبر ان السعوديات مايصدقون احد يجي يخطبهم انتي ليه ترفضينهم ؟!! تحبيين ؟!!
حصه تحاول تتمالك اعصاابهاا : هالموضوع مو من اختصااصاااتك انسه نورة والان عطيني مقفاااك
نورة : what
حصة : يعني بالفصيح اطلعي من غرفتي
نورة : انتي ليه كذا معصبة مفروض انا الي اعصب واخذ موقف انا الي انضربت مو انتي
حصه رفعت حاااجبها : لانك كنتي تستااهليينه .. ورجا لاا تفتحيين المووضووع ماتبين تسمعين كلام ماايسرك
نورة : طيب اناا مساامحتك اعرف ان غروورك يمنعك من الاعتذار
حصه : ساامحتييني ... انتي وش تخرفيين ؟!!
نورة: المهم هااتي حبه سجاارة
حصه مسكتهاا من كمهاا : اقوول قوومي ...برى من غرفتي
نورة : طيب السجاارة
حصه : الحمدالله بطلتها ياللااا ... فتحت حصه باااب غرفتهاا تطرد نورة منها الا انهم كاانو يسمعون امهاا وابووها وهو يتكلمون او بالاصح يتهاوشون
ام سعد : ان جنيت شلون توافق
ابو سعد : اثمني كلاامك ياامره
ام سعد : انت كان مفروض ترفض انت ناسي انها زوجة سعد
ابو سعد : كااانت ..سمعتيني كااانت وولدك مااعرف يحاافظ عليهاا ..خلي البنت تروح تتيسر وتشوف نصيبها
ام سعد : انت بدال لااتزوج المطلقة كان زوجت بنتك الي جالسه زي البيت الواقف
حصه رنت الكلمه بااذنهاا وواجعتهاا ..بيت وااقف ..بيت واقف معقول يمه تشوفيني كذا ...تركت نورة ودخلت غرفتها وصفقت البااب اما نورة كملت السمع
ابو سعد : الي تقولين عليها مطلقه ترااهاا بنت اخوي ومعزتها عندي معزة حصه وازود بعد لاتنسين انها يتمه وحصه الين اللحين مااجاهاا نصيبها وان شااء الله بيجي
ام سعد : الا يجونها لكن بنتك الي مافي احد مالي عينها توها اليوم راده واحد من غير لا تعرف حتى من يكون ولا من هم اهله
ابو سعد : يمكن مالهاا رغبة ياامره
ام سعد : اليين متى بنتك مابقي شي وتغلق جامعتهاا يعني بتصك الثلاثة والعشرين شوف نوال قدها وقدها متزوجه وكل البناات الي بسنهاا يتزوجون الاهي .. لو الي يتقدمون لهاا مايليقون بناا كاان قلت معليه عندهاا سبب لكن هي حتى ماتعطيني مجال اني اتكلم بالموضوع تقفله قبل لاا افتحه
ابو سعد : يعني اغصبها
ام سعد : اذا بيتم هذا حااالها ايه اغصبهاا ..انا ماابي بنتي تتكلم عليها النااس وينهشونهاا
ابو سعد : خليناا نخلص من موضوع مهاا وبعدهاا نفكر بحصه
ام سعد : نمر وش راايك تكلمها ترجع لسعد ... ترى هو لسى يبغااهاا
ابو سعد : شووفي يااامره انا قبلت اني اساامحه لجل خااطرك ..لكن بموضوع مهاا لااا ولدك الي سواه مايسويه الا النذل .. قصر الكلام بكرة ان شاء الله الناس بيجونا ابيك تكونيين من بدري ببيت اخوي و الله الله بالمقاابله الزيينه والضياافه الي تبيض الوجه
ام سعد : ولا يهمك ياابو سعد مالك الا طيبة الخااطر ..بس ليه مااتكون ببيتنا دامك الكبيير ؟!!
ابو سعد: البنيه ماتنخطب الا من بيت ابوهاا
=-=-=-=-=-=-=-=-=-=-=-=-=-=
رجع البيت بعد يوم حافل بالمستشفى مع انه ماكاان مخطط انه يداوم لكن بعد حربه الكلااميه مع نوال ماايكون له الا الشغل يطلع غيضه فيه ... اتصل صقر وعزمه هو ونوال ع العشى ومااقدر انه يعتذر ..رجع البيت اول مادخل الصاله كانت ريحة العود ماليه المكاان .. اتوقع انه يلقاها جاالسه ..لكنهاا مااكانت موجووده .. وبما انهاا مو بالصاله فاكيد انهاا بغرفة النوم فبديهيا انها مارح تكون بالمطبخ لا ريحة طبيخ طالعه ولا يحزنوون والعود مو مقصر بالبيت ... طلع على غرفته وقبل لاا يفتح البااب خذ نفس عمييق ... اول مافتح البااب ..كانت هي جالسه تطلع ثوبة من الدولااب ..من بعد مالبست تكشخت
دخل : السلام عليكم
ردت عليه بابتسااامه : هلا وعليكم السلام
سالها وهو يأشر ع الثوب : ووين موديته
نوال : قلت اجهز ثياابك لك عشان لا نتاخر
فهد : اوكي تماام بدخل اتسبح .. انتي كذا جااهزه
نوال : ايه جااهزه .. تبي شماغ ولا غتره
فصخ قميصه:أي شي مااتفرق اصلا مااعندهم احد غيرنا
نوال : واذا ماايمنع انك تكون كااشخ
فهد دخل يستحم..ونوال تطلع غيارااتهم ... غريب ذا البرود الي بينهم ...كل واحد استغراابه اكثر من الثاني
طلع فهد من الحماام وكاان لاف المنشفه على خصره
نوال وكانت متجنبه تناظر فيه : الثياب ع السرير
فهد : طيب لبسيني الفلينه
نوال استغربت : نعم ؟!!
فهد : اشفيك طاارت عيوونك ...رفع ايده.. هاا ... وشافت ايده ملفووفه بشاش
نوال : وش ذاا ؟!!
فهد : اليوم كان في مريض هارب من الطب النفسي ودخل ع الطوارىء مكان مناوبتي وسحب مشرط ناوي يذبح نفسه لماا حاولنا نمسكه جرحني .... لو شفتي وهو يقتحم المكان علينا .. حتى الولد الي كنت اعالجه مسكين انفجع وصاار يبكي ويصااارخ وماقدرت اكمل علااجه ..دكتور ثاني كشف عليه
نوال : يظهر المجانيين وراك ورااك بالبيت ولا بالشغل
فهد حس بغصه من كلاامهاا.. قلبه يحرقه يوم توصف نفسها بالمجنونه مايتحمل ذا الشي : بتلبسيني ولا اروح عريااان
نوال اخذت الفلينه : خيطوها ؟!
فهد : عشر غرز
نوال بخوف : توجعك ؟!
فهد : اللين اللحين لاا ..المسكن مريحني .. وان خلص المفعول اخذ حبه
نوال قربت منه : اجلس ع السرير مااطولك
فهد جلس ع السرير : وهاذي جلسه
نوال جات بتلبسه البلوزه لكن شعر فهد كان مره مبلول : انت ليه ماتنشف شعرك ؟!
راحت وسحبت فوطتهاا الصغيرونه وصاارت تنشف شعره ...حطت الفوطه الصغيرونه وقامت تلبسه الفلينه .. تركته يكمل لبس وراحت تجيب الثووب ساعدته يلبس ثووبه وحطت له الكبكات بنفسهاا
فهد كان يتاملها .. من غير لا تنتبه له .. وش كثر يحبهاا ..بقامتها الصغيرونه وشعرهاا الاسود المتوسط الطول ... عيونهاا البنيه ..يحب غضبهاا ويحب طيبتهاا ...لكن في سؤال هي تحبه ؟!
نوال اخذت دهن العود وحطت شوي براحت ايدها فركتها بخفه ومدت كفوفها لوجهه تعطره ...هي تعرف ان عنده حساسيه من العطور المركزه فهي تتعمد تفرك ايدهاا لتخفف من تركيزها
ابتسم : تسلمين
نوال : الله يسلمك ...بلبس عبااتي
فهد : وانا بانتظرك تحت
=-=-=-=-=-=-=-=-=-=-=-=-=-=
كان جالس يلبس ويتكشخ ..وابو مشااري يطاالع فيه : ووين ؟!! لا يكون مواعد بس
خالد : الحمدالله ربناا تاب عليناا
ابو مشااري : اجل كل ذي الكشخه لايش ؟!
خالد : معزوم ببيتناا
ابو مشااري: راايح بيتكم ؟!!
خالد : ايه عازمييني اليوم ع العشى
ابو مشااري : ياااعييني يومين إذا واليوم عشاا بكرة بتشيل قشك كله وبتترك خراابتي
خالد : الي تقول عليه خراابه وربي انه يسوى قصوور .. ياابو مشااري انا عمري مااانسى فضلك علي انت لميتني من الشاارع وتحملتني بيتك وقااسمتني خبزك ... حتى لو رجعت واستقريت مع اهلي ... لازم تتاكد اني ستحيل اتركك .. انت بالنسبه لي مثل ابوي .. تدري انت لسى شباااب ... انت مثل صقر اخوي ... اقول وش راايك تجي معااي وربي اهلي بيفرحون فيك
ابو مشااري : تسلم يااخاالد بس خلها مره ثاانيه ان شاء الله .. انت تروح وتقعد مع اهلك ع راااحتكم .. وانا وعد مني يوم تستقر بجي وازورك
خالد : ان شااء الله توصيني على شي ؟!
ابو مشاري : سلامتك ..بس قلي بتتأخر ؟!!
خالد : يمكن ابات هناك فلا تستنااني
ابو مشااري : طيب انتبه على نفسك
خالد ابتسم بحبور لعااطفة ابو مشااري الابوية وطلع باتجاه بيتهم
7
7
7
انتهى الجزء
وهذاني نزلت 3 اجزاء لعيونكم
انتظروني في الجزء القادم بعد يومين باذن الله
لكم مني تحيه بحجم السماء
