وهذا بعد هديه مني لج ياقيثاره ... 
الجزء السادس عشر
× نـــــــــــــــوال ×
طلعت من غرفة حصه ورحت لغرفة فهد ارتااح فيها شووي و كنت منقهره من فهد.. ..طريقه كلاامه نظرااااته شي ماتعودت عليه ..خصوصا يوم جات سيرة عقاب الله يرحمه ..فهد تكلم عنه وبعيونه نااار ... خصوصا يووم قال انه مارح يقدر يساامحه بيوم من الاياام كلمته حزت بنفسي مهما يكون عقاب اخوي وميت ماااحبيت ابد ان فهد يتكلم عنه بهااذيك الطريقه ..عقااب ..مر على موته تقريباا خمس سنيين ... خمس سنيين عقااب ماهب معنااا وقبلهااا بسنه طلع من البيت ومااعاد ويااانااا .. تدرون مستغربه شلون ان حصه بكت عليه يوم مات ... ابوي اللي هو ابوه مابكى شلون هي تبكي بعد جرحها له يوم تركهااا عشان وحده لاهي من ثوبناا ولا مستواناا .بس لو كانت تفكر بالانتحاراو عندها نزعه له كانت سوتهااا من زماان ليه اللحين ؟!! لا ابد مااظن انه انتحار حصه قووية .. تبسمت بمرااره وانا اشوف ندبة بشكل خط عرضي بساعدي اليساار وتذكرت على طول تعليق فهد السخيفه ... تمصخرت ياافهد مااتدري انك نثرت ملح على الجرح ...كأن الزم رجع فيني لورى اتذكر بذاك اليووم كنت نايمه بالمستشفى بعد محاولة الانتحار الفاشلة ..يومتها كنت اسمع اصوات اشخاص حولي يتكلموون .. اغلب الاصوات كانت رجاليه وانااا كنت بصعووبه اقدر اميز اكثر شي لتني بذيك الاصووات صووت بكااا مع قرأن .. الصوت كان قريب مره مني وكأن احد حاط شفااته جنب رااسي ويهمس بالآيات بأذني...وهذا فعلاا الي كان صاير كانت مهاا هي الي تقرأ من غير لا تهتم لاصوات فهد وصقر الي كانت بنقاش حاد اللين اللحين اتذكر مجريااته مااقدرت انساااهاا ابد
فهد : الحمدالله اهي اللحين عدت مرحل الخطر
صقر قال بكل قسوة : ليتهاا ماتت وخلصت من بلوتهاا
فهد عاتبه : يااصقر وش ذا الكلام لاا تنسى انها اختك
صقر بلا رحمه : ماهي ااختي ولوما وصيت ابوي كان ذبحتهاا وافتكيت
فهد بكل تحدي: اسمع يااصقر والله ان تمس شعره منهااا ما تلوم الا نفسك
صقر بلا مباالااه : لو بسوي شي بسويه وانت ادرى النااس فيني مو انا اللي اترااجع عن شي برااسي
فهد : صقر انت اخوهاا انت الي مفروض تكون جنبهاا والي تصدقهااا
جااوبه صقر: اصدقها ؟!! تبغى تفهمني انك مصدقهاا ؟!! واللي شافته عيني وعينك وش كان لعب عياال
فهد : انا مصدقهاا ...سامع مصدقهاا
صقر: لا تكذب على نفسك
فهد : انا حر بنفسي واسمعني قسم بالله ان سويت فيها شي لا تلوم الا نفسك
صقر: لا تهددني بعد ؟!
فهد : افهمهاا زي ماتفهمهاا
صقر: فهد انت مالك دخل فيها تسمع انت رح والا جيت ولد عمهااالا اكثر ولا اقل
فهد بصوت مرتفع شوي: ولد عمهاا الي احتمت بظهره ودامها احتمت فيني مااافرطت فيهاا
صقر: وش تقصد يافهد ؟!
فهد بساعتها قا العبارة الي كانت بمثابة السكين على نحري : نوال بنت عمي يامها والبنت لولد عمهااا الا ان كان اخوك عنده كلام ثاني
صقر بكل بروود جاوبه : عطيه مامن وراها جزية
فهد : الا شيخه البنات اسوق رجالي خاطبين واحط الي ينااسب قدرهاابنت الذيب
صقر: ليش ياافهد ؟!!
فهد طنشه : مهاا اذاا صحيت نااديني ..سمعت ساعتهاا صوت قفلت الباااب عرفت ان فهد خرج
مهاا ساعتها بس تكلمت : ارتحت اللحين... خلااص برد قلبك هذاك بتخلص منهاا ...ومن عاارهااا
ريح قلبك وهدي اعصااابك
صقر صرخ : مهاااااا
مها بصوت مليان دمووع : انت اي قلب عندك بداال لا تحمدالله انهاا مامااااتت تتحسر ليييييه صقر انت ربيتهاا معقوول ماعندك ثقه فيها لهادرجه معقوول فهد الغريب يثق وانت لااا ...تعرف وش حسنة كل هالزوبعه ان ربي ساااق لهاا فهد رجال يسوى ملاييين الرجال وانت بينهم
فجأ حسيت بيدين تطوقني من ورااي كانت ايدين خشنه تطوقني وصوت همس بذني : اسف ماقصدت اجرحك
التفت وابتسمت : صحيت ؟!
تنهد وهو لسى ضاممني : لا ماتوقع تصحى غير الصبح...تبين تروحين البيت ترتاحي
تعرفوون كنت بقولة ايه تكفى ابي اروح البيت حاسه بتعب ماتتصورونه خصوصا واني صااحيه من بدري لكن يوم شفت شكل فهد وهو تعبااان قلت له : اناا رااحتي هناا معاااك بس انت اللحين خذلك دش معتبر وناملك شوي عشان تقدر تروح شغلك
فهد : اناام ؟!
هزيت راسي : ايه تنااام بطلع شرشف للسرير من الدولاااب وبفرشه فيما تتروش " تتسبح " واذا على حصه انا بقعد معاااهاابالغرفه لا تهتم
فهد : بس
قلت له : ياكثر مااتحب الهرج يااخي روح اتروش وخلصني اووف منك
ورحت بفتح الدولااب بس توقفت سألني : اشفيك
قلت وانا اتذكر الهيكل العظمي : تعال انت طلع الشرشف
ضحك علي : هههههههه جبااااانه
× خـــالد ×
كنت متمدد على فراشي حاولت انااام لكن ماااقدرت حتى اللان جالس افكر شلون بشتغل عند صقر
احس الموضوع مره صعب مااادري لو شفت صقر وش بيكون موقفي شلون بواجهه بعد ماطردني من البييت
تنهدت...كان ثالث ايام العزاء بعد موت امي الناس كلها روحت دخلت البيت وشفت نوال ومها كل وحده حاطه راسهاا على صدر صقر وتبكي بمراار شفت نظرات عيونهم لي كانت كلهاا لوووم بلووم صقر وقف ووخر نوال ومهاا عنه ومشي جهتي وبكل قوة دفني بيده وانا كنت ارجع على ورى
صقر: ليش جااي ...استرحت اللحين ذبحتهااا
صرخت فيه : هذي امييييييي شلون اذبحهاا
صقر: اطلع برى البيت اطلع
مهاا جات بسرعه : صقر حرام عليك ويروووح
صقربعصبية : مكااان مااكااان عند الزباله الي كان عندهم
مهاا : صقر الله يخليك خله عشاانااااا
نوال تشااهق : صقر حرااام عليم هذا اخونا من لناا بالدنيا غيرك انت ويااه
جاوبهاا : اعتبروه ماات مع امي
انا كنت ابكي وبنفس الوقت كنت محتااج للمخدر جسمي كله بدأ يألمني : مو ط..طاا..لع
صقر: شووفيه مو قادر حتى يتكلم زي الخلق بررررررى ولا عاد اشوف رقعت وجهك
وسحبني من ثووبي بكل قووة ورمااني قداام البووابه الخااارجية للبيت وقالي : يوم تصير رجااااال ساعتهاا بنفك لك باابنااا
والتف على الامن الي عند الباااب : اذا جا باي وقت تطرده سااامع هالزباااله ممنوع تدخل البيت وان دخل انت بتطلع ويااه
الامن : ان شااء الله طال عمرك
طااحت من عيوني الدموع وانا اتذكر اااخ ياااايمه واااخ ذبحت بسرعتي ذبحتك بتهووري كااانت دايماا تقولي يااخالد لا تسرع ياوليدي الموت اسرع وانا كنت اطنش واطنش اللين ماااصالي حادث وكانت معاااي انا كيس الهوا على الدركسون انقذني اما هي طارت من الزجاج الامااامي
قتلت رعايتي بيدي قتلت الحب والرحمات
حرمتالنفس من حقها وانا ابكيها وتبكيني
وكنه حلم قدامي يقيدني منالصرخات
ابي اصحى ولكني عجزت القى ال يصحيني
فداك القلب يايمه ومهماقلت من كلمات
صغيره في كبر حقك بس اتمنى تعذريني
نهبت الفرح من بيتيصحيح اني خسيس الذات
صحيح اني ولد طايش وكل ما أسمعه فيني
تجولعيونهم فيني تفصل مني قياسات
وتشيح وجوههم عني وكني غيرت ديني
يظنواحزنهم اكبر وهم اصحاب هالمأساة
وانا اتحدى اذا فيهم ربع ما يحترقفيني
نقص قدري بعد موتك وغابت نشوة اللذات
وصار الهم عكازي اباكيهويباكيني
عطيتيني بدون حساب ولا سمعتك تقولي هات
وانا اشرب حيل مندمك ودمك ما يكفيني
يايمه ارجعي كافي ابجلس معك لو لحظات
واقبل ايدكورجلك وافرش لك رمش عيني
يايمه ما تحملهم يقولوا فات ما قد مات
تعاليغيري هالقول واطيعك باقي سنيني
يايمه ارجعي تكفين وطفيشمعة الآهات
ابيك انتي ولا غيرك على موتك تعزيني
وضميني وداويني مثلما كانت الهقوات
ما ابي احدن يواسيني ابيك انتي تواسيني
× شاهـــين ×
رجعت من الزواج وشفت امي لسى بالصاله صااحيه ..جيت وسلمت عليها وجلست
سألتها : نامت حلا
امي : من زمان .... كيف العرس
جاوبتها : الحمدالله كان زيين
امي : ماغرت من العريس؟!
ضحكت : ههه ماتتعبين
امي : لا ماتعب عندك اعتراض
قلت لها : لا ماعندي ...يمه ابي اسألك
امي : عن شنوو ؟!!
ترددت :اممم ..خوات صقر كم ؟!!
امي : ثنتين المها ونوال وليه تسأل كانك ماتعرف
حسيتهاا فااهمتني : لا بس اسألك
امي : نوال متزوجه وماحضرنا عرسها لان بنتك بالمستشفى ومها مطلقة
سألتها : شرايك فيهاا
امي : ليه تسأل عن البنيه ؟!!
قلت لها : مو انتي تقولين اتزوج هذااناا ابغى اتزوج
امي الي ماصدقت : من جدك انت
قلت لهاا : لا امزح ..اقولك كنسلي على الموضوع وقمت بتطلع غرفتي بنااام
امي مسكتني من يدي: اقضب ارضك اشووف
جلست : خير ؟!
امي : تبي اخطبلك مهاا ؟!!!
سألتها : تشوفينهاا تصلح لي ؟!!
امي : والله انهاا شيخة البنااااات مااشاء الله عليهاا ادب واخلااق وفوق كذاا مزيووووونه
قلت بنفسي: تقولين لي عن زينهاا ياااايمه الي شفته اليووم نساااني اسمي
امي : هي اكلمك اناا
جاوبت : هلا يمه معك معك
امي : طيب يالي معااي البنت زي ماقلت لك ترى مطلقة ومحد يعرف ليه تطلق خصوصا ان زواجها ماتم الاسبوع
قلت لها : اعرف ذا الكلااام لا تنسين صقر صااحبي ومايخبي علي شي
سألتني : يعني انت تدري ليه ؟!
قلت لها : لا مااعرف صقر قالي انها تطلقت وماقلي ليش
امي : طيب تبغاني اسأله لك
قلت لهاا : يمه سبب طلااقهااا ماايهمني هذا شي كان بماضيها وانا مالي خص فيه
امي : شلون مالك خص فيه وانت بتصير زوجهاا ؟!! افرض لو انها مثلا
قاطعتها : يمة لا تنسين انك قلتي انها مؤدبة وخلوقه وقبل كل شي هذي اخت صقر يعني اكدي متربيه زيين
امي وباين انها مو مقتنعه : كييييفك تبغهاا براااحتك
قلت لهاا : ايه ابغاها
امي : اجل كلم اخوهااا واذا واافق بروح اخطبها لك
ابتسمت : ان شا ء الله بكلمه خلاال هاليوومين ..يالله عن اذنك بطلع انااام
× نـــــــــوره ×
I can't believe it شلون امي تسوي فيني كذاا تاملت اللي حولي نااس اشكاالهم غير ناس مره ستايل وناس متطرف بلحاهم الطويله والحريم الي مو باين منهم شي .. كنت اشوف بعض الشبااب يطالعون فيني
ويسون حركات مره غبيه اوووف انا شلوون رح اتعامل مع هالمتخلفيين .... جاتني المضيفه : بتامري ع شي مزمازيل
سألتها : I need some wine
ابتسمت المضيفه : سوري بس مابنأدم أي مشروبات كحوليه ع خطوطنااا
اوووه شو هذااا بنفجر : اووكي some coffee …. duple coffee
اوووف هزيت رااسي بقووة وانا الم العبااية الي عطتني اياااهاا امي عشان البسهاااا بعصبيه على جسمي ماامي انا وش سويت لك ...وكله كووم وبااباا كوم ثااني ليه مامنعهاا كيف قدرت تقنعه اااااه I want cry
ياخوي يا عزوتي ياضحكتي وبكاي
يامن على فزعتي يمينه في يمناي
من لي سواكاللي على أكتافه أرتكي
أنت العضيد اللي أشد فيك الظهر يا خوي
× حـــصة ×
فتحت عيني وطالعت السقف ماادري وش الي صاار ااخ رجعت اغمض عيوووني لمدة خمس دقاايق تقريباا ورحعت فتحتهاا التفت حولي شفت نوال جالسه على كرسي جنبي وشكلهاا غفت ..غريبه وش تسوي هنااا
وانا اصلااا متى نمت ؟!! حاولت اسند نفسي واقوم شووي واستخدمت يدااتي عشان اسند نفسي لكني تالمت بسرعه اااااااااااااااااااخ يعووور رفعت ايدي شفتهاا ملفووفه بضمااد حول معصمي ..
نوال صحت : الحمدالله ع السلامه
استغربت : الله يسلمك وش صاار ؟!!
نوال : ماتذكرين وش صاار ؟!!
جاوبتهااا : لاا متى جيتي؟!! وليه انتي هنااا ؟!!
نوال وقفت : بناديلك فهد ووقفت بتطلع
ناديتها : ووووين تعالي ليه بتنادييينه كلمييني هناا ... وشنو هذاا ورفعت ايدي اوريها الضماد
نوال: حصه ماتذكرين انك حاولتي تنتحرين
انصدمت : انتحر ؟!! تستهبلين انتي ؟!! انا انتحر حصه تنتحر ليه ؟!!
تنهدت : حصه احنا لقينااااك بذي الزاويه واشرت على زاوية غرفتي وانتي مرميه على الارض والدم ينزل من ايدك وجنبك مشرط
اخذت فتره لاستوعب كلاامهاا وابدأ اتذكر ..ونطقت بكلمة وحده : سعد
نوال: سعد ؟!! شفيه ؟!!
التفت عليها : ولا شي .. ولا شي ..
نوال قالت لي وهي تخرج : ياااحصه مافي شي بالدنيا يستااهل ابد انك تعذبين نفسك عشااانه لا تفكرين ابد انك بجرة المشرط رح ترتاااحي ابدااا رح تكون هالجره تذكرت عذاااب ماله نهاااية ابدااا
صرخت : انااا مااا كنت بنتحر
طلعت وتركتني ... كلهاا خمس دقااايق الا وفهد اخوي جاااني وشكله كان نااايم
فهد : اشووف صحيتي
قلت لفهد : فهد والله والله اناا ماكنت ابي انتحر والله العظيم وصرت ابكي بهسترية فهد قرب مني وضمني
طيب اهدي انتي اللحين وبعدين نتفاااهم
صرخت فيه وانا اشر على نوال : قووولهااا ...قولهاا اني مستحيل انتحر تسمعني
فهد مسح على شعري : وهي مصدقتك اووكي بس انتي ارتااحي
نوال قربت مني : حصه خلااص انا مصدقتك
فهد وهو يحط راس ع المخده : بكره ان شا ءالله لما تصحي رح نتكلم خلااص
قلت له : كلللله منه هو السبب كله من تحت رااااسه اناا ..بس كنت ابي افرغ غضبي زي كل مره تعرف فهد
ورجعت اعتدلت بجلستي
فهد : اوووش بعديين
قلت له : مو بعدييين اللحين سعد امس جااا ومهاا كااانت موجووده وسمعني كلاام زي السم
حتى لوومااصدقتوني اسألو مهااا والله تقوولكم الحيووان مااايحشم ولاا يحترم وفووق كذاا يضربني انااا انضرب ومن من من سعد ابوي مامد ايده يجي هوو يمدهاا لييييييييه كل هذاا لييييه يااافهد عشان قلت له انه مااايستاهل وحده زي مهاااا وانا صاادقه اخووك ماله الا وحده واطيه زييييه تقدر تتحمل زبااله زيييه وش يفكر نفسه الناس لعبة بيده
نوال: طيب خلاص ارتااحي انتي اللحين حرام عليك صحتك
فهد كا ن مبين عليه مضااايق: ولا يهمك ياحصه انا بتفاهم معاااه انتي اللحين ارتااحي
سألته : من جدك بتادبة ؟!!
هز راسه : لا تهتميين والله ضربه لك ماارح يمر بسااااهل
قلت له : رووح ياافهد نادي على امي قولها تجي تشووف ولدهاا وش سوى فيييني قووولهااا ولدك بكرك عزوتي بعد ابوووي وش سوى
فهد رجع ضمني بقوة لصدره وصرت ابكي بكيييت وبكييت... مدري كم حتى مااحسيت بنوال الي طلعت من الغرفه ورجعت وعطتني عصير ليموون
نوال وهي تعطيني الكاسه : اشربي العصير رح يريحك
خذيته منهاا: شكرااا ...شربت العصير وبعدها حطيت راسي ع المخده واستسلمت للنوم
× راكـــان ×
رحت حسب الااتفاق الساعه 4 بالضبط وانا بالمطاار ..جاني اتصال
رديت : نعم
صوت رجالي : راكان ؟!!
رديت : نعم
الصوت : اطلع من السياااره اللحين واتركها مفتووحه وافتح الشنطة "الدبة "
نزلت من السيارة وتركتها مفتوحه بالضبط زي ماانطلب مني
قالي : امشي اليين ماتطلع من الموااااقف وبعد ماتطلع تنتظر نص ساااعه وترجع سيااارتك وتمشي
سألته : والعملية؟!
ضحك : العملية رح تصير انت سوي الي مطلوب منك وبس وقفل السماااعه
نزلت من سياارتي وسويت الي طلبة مني بالضبط ...وبالفعل نص ساعة رجعت لسياارتي لقيت شنطة السيارة مقفله ركبت سيارتي بروح للبيت ... بالطريق للبيت وقفت على مسجد صليت الفجر رجعت ركبت السيااارة
وعدلت المرااايااا وانصدمت من الي شفته بمقاعد الخلفية
وش شاف راكان بالمقاعد الخلفيه ؟!!
هل رح توافق مهاا على شااهين؟!
وهذاني نزلت ثلاثه مو اثنين
انتظر تعليقاتكم
لكم مني جل التحايا