الجــــــــــــــزء العــــــــــاشـــر .................
ميثه حرجت : انت شوو ماتحس شيخه تموت معااك باليوم الف
مره وانت مااتحس شتبي منهااا سلطان هو سؤال وااحد انت
ماتبي تطلقهاا ليه ؟ تحبهاا ؟
قلت لهاا : ماادري
ميثه : اوووووف يعني منو يدري ولد اليرااان
قلت لهاا: تصدقين حلمت فيهاا حلمت انها معاااي ميثه انا والله
مفتقدهاا مفتقد ضحكتهااا الي كل مادخلت البيت استقبلتني
فيهاا مفتقد صوتهاا عطرهاا حتى هوشتهاا افتقدتهااا
ميثه ابتسمت بمكر : واناا اقول شتسوي كندورة شيخه ع
الشبريه والمره مو هني شنو تبيها تذكرك فيهاا !!
سلطان"ويلي شلون نسيتهاا وين اودي ويهي الي احترق "
ميثه نقعت ضحك : خخخخ هههههااااي حليلك يااخوي
تستحي ...... سلطان انت تحبهاا ؟
قلت لهااا : الظااهر
ميثه : انزيين داام جذيه روحلهاا وتفااهم معاااهاا لاتضيعهاا من
يدك ترى والله انت الخسراااان بالاول والاخير
قلت لها : بمرهاا العصر
ميثه : لو انا منك اروح لها اللحين وانشب بحلقهااا ترى ماافي حد
بالبيت الكل راح المزرعه وانا جيت هني عسب يخلالك الجو
قلت لها وانا مضاايق : وليه يخلونهاا برووحهاا
قلت له : هي ماكانت مشتهية ترووح ولا اناا وخلوناا عسب نكون
رباعه لكني جذبت عليهاا ربي يسامحني وقلت لها انك مريض
واني بزورك
قلت لهاا : وهي استهمت علي
قلت له : والله اني خفت ترووح فيهاا سلطااان والله شيخه تحبك
قلت لها : والله ادري وانا والله ابيهاااا
قالت لي : اجل يالله روووح لهااا الحق قبل مايردون قوم عمي
وقفت بطلع لكني تقدمت صوووب ميثه بستها ع رااسهاا : فديت
ميثااني وعقلهاا
ميثه ابتسمت بخجل : تربيتك يااسلطااان
طلعت من البيت حتى مااتريقت لاني معزم اتريق مع شيخه
* شيــــــــــخه *
من يووم مااخبرتني ميثة انه مريض و قلبي ياكلني على
سلطان كنت ابتصل عليه اعرف احااوله بس امتع سمعي
بصووته رفعت السماااعه طقيت الرقم ولك باخر لحظه سديت
الخط قررت للحوش اشووف الزرااعه وقفت اسقي الزرع اشغل
نفسي عن التفكير بسلطاااان .... ااه ياشيخه تبي تتصلين عليه
شلون هانت عليج نفسج ؟ ميته عليه تبين تعرفين اخباااره ؟
هو حتى ماكلف خاطره يدق عليج من ذاك اليوم
سلطاان باايعج يااشيخه بااايعج ااخ يااااسلطااان ليتك تحس ليتك
مابين بعينك على كثر ماجاك لا واحسااافه ليتني ماعطيتك
تخطي وعذرك واتحمل خطاايك هوويت غلطاتك كثر ماهويتك
ضحيت بالدنيا عشان دنياك وخليت كل الي يبيني وجيتك
كنت بعيوني وين اطالع القااك حتى ولو غمضت عيني لقيتك
من كثر ماحبك واقدرك واهواك مااذكر اني في حياتي عصيتك
ولا فاد كل الي اسويه وياك اتعبت قلبي ليتك تحس ليتك
واللحين روح ساعدني انساك ولاتجي حتى لو اني بغيتك
وان جا على بالي بقاياذكراك بحاول انساها مثل مانسيتك
جاني صوت من خلفي: الا شاااريج بعمري يااابنت عمي
صديت ورااي اطالع اتأكد انه هوو واني مو جالسه اتخيل ..شفته
هو هوو سلطاان ريلي حبيبي عذاااابي وااقف قبااالي عيني
بعيووونه يااربي هذا شجاابه ليه يبي يذبحني يقتلني حراام
يااسلطاااان والله حراام ارحم قلبي
قلت له : سلااامتك قالو انك مريض خير شعندك
قالي : الله يسلمك اشكي قلبي وجيت اطلب علااجه
ابتسمت بسخريه : روح دور على علااجك بالمقااابر
وجه اعتفس حسيته تضاايق : وليه المقااابر واناا دواي قداام عيني
قلت له : هذا دوا مغشوش مااينفعك رح للاصل مالك غيره
قالي : وانا رااضي بالمغشووش وحابنه
قلت له وانا اتقطع : طلبتك يااولد عمي
رد علي : تم يالغااليه الا فرقااج
قلت له اتمصخر : بعطيك صووره عسب تذكرك فيهاا ويصير عندك
الاصل ونسختهاا
قرب مني قلت اكيد بيصفعني ... قالي : سمعي ياابنت النااس
انا طوولت بالي عليج هي كلمتيني بترديين معي ولا بعرس علييج
يعرس علي ... هذاا بيذبحني بالحيا .. غصب عني دمووعي
ساااااالت ع خدودي
قلت له : تبي تعرس اعرس والقلب داعيلك وان تباااني احظر
زفاافك بحظره وان تبااني انعشلك بنعشلك تموون ياااولد العم
لكن ووين بتلاااقي وحده تشبهاا (تقصد اليازيه )
طالعني بنظراات كلها ذهوول : هالكثر انتي مجرووحه هالكثر
ماعدت اهمج
قلت له : انت ذبحتني اكثرمن مره وجاي تسألني اذا كنت
مجرووحه ..امرك عجيب
اقترب مني اكثر مديت يدي امنعه من الاقترااب: حدددددك
ماسوااالي ساالفه واقترب اكثر واكثر لكن توقف يووم سمع صووت حمدااان
يهااود .. حمدت ربي الف مره انه جاء لاني كنت خايفه من سلطان مووت
اما سلطااان كااان شووي وينفجر من الغيض
حمــــــــــــــــــدان *
عرفت انه راايح يراضي حرمته اصلاا انا وميثووه متفقين على
هالخطه ووفقاا للخطه المحبووكه اناا لازم اغلس على سلطااان
دخلت بيت عمي وشفت السيااااره واقفه سمعت حس سلطاان
وشيخه عرفت انهم جهت الزراع رحت لهم هوودت
هوووووووووود يااهل البيت هوووووووووود
سلطاان والغضب مبين بصووته : هدااا هدااا
شقيييت الحلق وانامقبل عليهم وماعبرت سلطان قلت لشيخه:
سلاام عليج ياااشيخه الحريم شحالج شخبااارج
شيخه : وعليك السلاام هلاا بشيخ الشباااب الحمدالله مانشكي
باااس شحالك انت
قلت لها : دامج الغاليه بخير اناا بعد بخير .. حليلهاا حرمة اخووي
قفطت كملت
اقهر سلطاان : شيخه بسألج سؤال
قالت لي : تفضل
قلت لهاا : شراايج فيييني
قالت لي : ريااال والنعم فيييييييييك
قلت لها : يعني لو بغيت اخطب مايردووني
قالت لي : تبووس ايدها مجلب من فكرت تضويهااا
جا صوت سلطاان الغااضب : خلصتتوو ولا بعد
التفت عليه وبكل براءة : اااوه سلطاان انت هني اسمحلي
يااخوي مااشفتك
سلطاان رد علي وهو يصك ع اسنانه : لا والله لايكون بس لابس
طاقية الاخفاء وانا ناااسي
قلت له استخف دمي : والله ماادري نزل السفره واناا باقولك
شيخه كاانت تكتم ضحكتهاا وكان هالشي وااضح قالت لي :
اقرب يااحمداان ماانت غريب لحظه بييبلك الفواله
جلسة ع الزووليه الي كانت مفرووشه : مشكووره ياابنت عمي
وقلت لسلطااان علامك وااقف ايلس ياريااال البيت بيتك
سلطاان يلس وهووو يغلي وهالشي كاان وااضح وااااااااايد قلت
لشيخه وهي ساايره طلبتج يااابنت العم
شيخه : تم
قلت لهاا : اناا ماتريقت خلي الفواله بعدين وهاتيلي ريوووق
نط سلطااان : انت شنو ماتستحي حد قالك حرمتي بشكاارتك
سير كل ببيتناا ولا باي مطعم
شيخه ردت عليه تغاايظه : وهذا بيته يااسلطااان وهو طلب مني
والتفت لي دقاايق والريووق يكون زااااهب وساارت عناا
قلت لهااا : فديييتج ياابنت عمي
اول ماختفت شيخه عن الانظااار سلطاااان انفجر فيني : لعنبو
انت ماتستحي على ويهك اناا مو بتاارس عينك قدام عيني
تفدا حرمتي
قلت له : وانت شعااليك .. انت بتطلقهاا واناا بااخذهاا بالعربي اناا
احبهاا واباااهااا
ماحسيت الا ويد سلطاان على خدي .. حزنت بنفسي واناا ريال
بلحية وشنب انضرب لكن لو بذبحي رااحة سلطان وحرمته ما
اغليتهاا عليه
قلت له : داااامك ميت عليهاا ليه مااتقوولهااا ؟خلك صرييح
معاها قولها انك تحبهااا قوولهاا انا طقيت ااخوي عشاانج لاني
اغااار عليج لاني امووت فييج
سلطااان قاام بيطلع ومارد علي قت له : جباااااااااان طووول
عمرك جباااااااان وبتم جذيييه
عفد علي يرني من كندورتي بدأ يطقني
على صووت الهوووشه ياااااااات شيخه وقفت تطالعناااا وتبكي
شيخه : بس والي يعاافيكم بس
قربت من سلطااان : هددددددده يااسلطان هذااخووك هذاا
ولدك الي انت مربيه سلطاااان هده
سلطااان ان لي بقلبك غلاااههده تكفى يااسلطااان
سلطان اول مااسمع عباارتهاا رمااني ع الارض وطالعهااا :
خاايفه عليه ؟هالكثر غاالي عندج ؟ هالكثر يعنيلج ؟ وانااا ؟
وانااا يااااشيخه ؟
شيخه ماردت عليه تمت تبكي ودفنت ويههاا بيدهااا سلطاان
قالهاا : سمعي
ياااشيخه دام رااسي يشم الهوا حرام مااا كنتي لرياال غيري
شيخه رفعت رااسها مصدوومه من كلاام سلطاان ...... انا
استغلييت المووقف
وقلت له : انت ليش انااااني هي مااتباااااااك تسمعني
ماااااتبااااااااك طلقهاا وخلهاا تشوف حياااتهااا مع الي يبيهاا
وشاااريهااا
سلطاان التفت لي : لم اثمك ياااحمدان لذبحك
قلت له وانا اووقف وامسح الدم من ع شفااتي : مااااااااااااترووم
وشيخه بتطلقهاا وريلك فووق رقبتك
سلطان ابتسم لي بسخريه : ومن بيجربني انت
قلت له : ايه انااا
قالي : الي ماتطووله بيدك وااصله بريلك ومشى بيطلع
قلت له وبصوت عالي عسب يسمعني : بتشووووف يااسلطان
ان ماطلقتهاا منك وخذتها وسكنتهاا بنفس البيت ما اكون حمدااان
شيييخه صرخت : حمدااااااااااااااان
لكن ماشي فرصه ارد على طووول رجع سلطااان يبي يضربني
لكن تووقف اول مااشاااف شيييخه طااايحه ع الارض ربعناا
صوووبهاااا وصلت لهاا اسرع منه
بحكم اني الاقرب لكني تووقفت بعييد مااايحق لي احط ايدي
عليهاا هذي حرمة اخووي
سلطاان نزل ع الارض حط شيييخه بحضنه : شيييخه شييييخه
تكفيين ردي علي ... حمدااان بسرعه رروووح شغل سيااارتك
وازقر ميري تيب عبااتهاا
رحت بسرعه سوويت الي طلبه سلطاااان خذنااهاا
المستشفى اول ماوصلنا
الطوارىء ودخلوهااا صد لي سلطاان وقالي : لوو سمحت
مهمتك انتهت ماابي اشووف رقعت ووويهك هني
قلت له : سلطااان
قالي : عن الفضاايح بالمستشفى لو سمحت سييييييير
طلعت وتركته انا فعلاا مالي أي حق اكوون هني هو زوجهاا
هو الوحيد الي له الحق انه يكوون هني وغيره لااا
سرت البيت اول ماادخلت حمت ربي ان محد بالصاله على طول
سرت وتسبحت بدلت كندوورتي اتصلت على ميثه
ميثه : هاا بشر نجحت الخطه
قلت لهاا : ميثه قولي لامج انج بتسيرين بيتج واني اتريااج برى
عسب اوصلج
ميثه : ليييييييييييييه ؟
قلت لها : انتي نزلي وبعدين بقوولج
ميثه: ان شاء الله
ميثه ساارت وخبرت امي الي طلبته ... اول ماركبت السيااره
ميثه : تسمح تقوولي شصااير ؟ وليه ويهك صااير شواارع
حكيت ميثه الي صاار ...
ميقه قالت لي : انت اكيد ينيت ليه تمااديت معااااه قلت لك غلس
انغزه بس مو جذاا
قالت لها : اخووج ماايحس الابذي الطريجه لو شفتيه شلوون كان
محرج وانا ارمسهاا ميثه سلطااان مد ايده علي عسبتهااا
قالت لي : لا والله زيييين ماذبحك ..انزين هي شحاالهاا
قلت لهااا : ماادري ..
اول مااوصلنااا المستشفى دقت ميثه عليه وقالهاا انه بقسم
الطوارىء رحنا صووبه كاان ياالس على كرسي ومبين عليه انه
تعباان وااااااااايد
ميثه : شلوونهااا
رفع رااسه : الطبييب يقوول عندهاا ارتفااااع حااد بالضغط
واللحين بينزلونها و يحطونها بغرفة لحالهاا الين مايتأكدوون ان
مافيها ضغط وان هذا بس عااارض مو اكثر
ميثه : انزيين ماشفتهاا
قال بحسره : مااخلوووني رفضت تشووفني يوم نشت
حطيت ايدي على كتفه على طوول وخرها : بعد عني قلت لك
ماابي اشوف رقعت ويهك
ميثه : تكفى ياااسلطاااان افهم السالفه بالاول
سلطاان : انتي ماتعرفين سواد ويه اخوج
ميثه : لاادري انا ويااه متفقين على هالشي
سلطان بصدمه : حتى انتي يااميثه
ميثه : يااخوي حن نبي مصلحتك ونبيك تحس بقيمة حرمتك
قبل لايفوت الفووت وماكان عندنا الا ذي الطريقه
تقربت منه : سلطااان شلون تصدق اني حاط عيني عليهاا
يااخوي حرمتك من يوم مافكرت تخطبهاا حرمتهاا على نفسي
حتى لو كانت ردتك ماكنت بييوم بفكر فيهاا
ويشهد الله ان مكانة شيخه عندي شرااات مكاانة الريم
وميثه ... انا بغيتك تغاار
بغيتك تقوول لهاا انك تحبهااا يكفيك يااسلطاان ويكفيهاا عذاااب
سلطاان حضني وقال : ساااامحني يااااخوي ساامحني ليت
ايدي انشلت ولاا امتدت علييك
قلت له : الله لاايقوول انت لو تبي روحي ارخصتها لك
ميثه تمسح دموعهااا من تحت الغشوه : الله لاايحرمكم من
بعض
سلطان صد صوبها : ميثه تكفييين قوليلها ابي اشووفهااا
ميثه : مابقولهاا رووح ادخل بنفسك لو بنشاورها مابطيع بنت
عمك رااسهاا ياابس
سلطااان طاااع شوور ميثه ورااح صوووب حرمته الي نقلوها
لحجرة خاصه
* سلطــــــــــــــــــان *
كلااام حمداان ريحني وااايد ... اخووي كبر وصاار ينشد به الظهر .. اخ يااشيخه
والله مادريت ان لك كل هالغلااة بقلبي ..
دخلت عليهاا كانت مغمضة عيونهااا واول ماحست ان حد دخل فتحت عيونهاا
شافتني يااي صوبهاا صدت الصوب الثااني حز بخاطري انهاا ماتبي شوفتي لكن
لازم اتحمل انا غلطت وااايد بحقهاا وجا الوقت الي اكفر فيه عن خطااااي
قربت منهااا بستهاا ع جبينهاا وقلت لهاا : سلاامتج الغاليه
تمت صاادة ومااردت علي ... لفيت حول الشبريه ووقفت محل مااكانت صاادة
رجعت صدت الصوب الثاني وعملت نفس الشي استمرينا على ذا الوضع اكثر من
خمس مرات تصد وانا الحقهاا الى ان صدت صووبي ودمووع عينهااا تجري ع
خدهااا : انت شتببببببببببببببببي مني ارحمني ارحمني
قلت لهاا : شيخه انااا ابيج انا احبج
شيخه ابتسمت لي بسخريه : لااا ومن متى هالاكتشااف الخطيييير
قلت لهاا واناا اتقرب اكثر صوبهاا : من يووم ماااتركتيييني من يووم ماحسيت اني
يالس اخسررج شيخه انا (ومديت يدي بمسح ع شعرها ) الا تدفرهاا بعيد
وقالت بعصبيه : لاتحط ايدك علي اكرهك واكره لمستك خلااص يااسلطاااان النفس
عاااااااااااافتك وعاافت قربك
قلت لهاا : شيخه عطيني فرصه
قالت لي : اعطيك فرصه ليه ؟ عشااان تذبحني اكثر مما انا مذبوحه اعطيك فرصه
عسب ارجع احبك وارجع اكتوووي بنااار هجرك ؟ ياابن النااس طلقني ؟ انا خلااص مااابيك
قلت لهاا ك انتي ارتاحي اللحين وبعدين بنرمس
قالت لي : لاتعاملني كاني يااااهل انااا مابرتااح الا يووم تطلقني تسمع طلقنييييي
اذا انت ريااااال من صلب ابووك طلقني
كلامهاا استفزني لكني كتمت غيضي : انتي مو بوعيج ومااا بحاسبج على رمستج
طلعت من حجرتها الا من المستشفى كلهااا خفت اتم واغلط عليهااا
حــــــــــــــنان *
صارلناا بالطياارة 5 سااعاات ... 5 ساعاات وبدت الرحله نحو
المجهوول مع انساان مجهووول ... اه يااحناااان شلون بتقضيين
حياااتك معااااه شلووون بتتحملين البعد عن اهلك عن خواتك عن
ديرتك ..؟
سندت رااسي ع الكرسي واناا اتذكر لحظات الودااع .. لحظاات صعبه واااااايد
ابووي عياا يروحن معناا الحريم للمطار فسلمنا ع بعض بالبييت
عمتي وصتني ع ولدهاا
اول ماضميت امي بكيت دوومهاا تبكي مسكت نفسي
بالقوه عن تنزل دموعي الي كانت خلاص ع الحاافه
امي : يااااويل قلبي شلوون بفااارقك بنتي
قلت لهاا : يمه خلاااص تكفيين ماابي ابكي
امي: خلااص هوناا بنتنا بتم عندنااا
بندر رز وجهه : بس بنتكم انا اباها يااعمه وقرب منها وسلم على
راسهاا : حطهاا بعيوونك يااابندر بنتي امااانه برقبتك سااامع
صوونهاا ياااولدي
بندر : لاتوصين حريص يااعمه حناان بعيووني وان شاء الله
مابقصر عليهاا
عمتي اول ماحضنت ولدها بدت دموعهاا تجري : بندر الله الله
بمرتك يااولدي
بندر : ان شاء الله يالغاليه انتي ادعيلناااا
عمتي : الله يوفقكم ويسعدكم ويرزقكم الذريه الصالحه
اول ماقالت الذريه حسييت بمغص ببطني ..
سلمت على جدتي احسااس غريب حسيته يوم ضمتني
لصدرهاا اول مره تسويهاا
مااذكر ابد انها بيوم قربتني منهاا والغريب اكثر انهاا بكت قلت لها :
مادريت اني غاليه هالكثر
جدتي تمسح دموعهااا : يشهد الله انك غاليه وغلاتك من غلاة
ابوووك ومسكتني من يدي وحطهاا بيد بندر حسيت بكهرباء
تسري بجسدي اول مالامس كفي كفه
قالت له بحزم : اسمع ياااولد محمد لاتفكر بيووم ان حرمتك
ماعندهاا اخوان يوقفون بوجهك لاغلطت عليها وانهاا جداار
واااطي متى مابغيت طمرت فوقه يكوون بمعلوومك ان بدر منك
شي محد بيوقف بوجهك غيري ومحد بيأدبك غيري
وانت ادرى النااس بي واعرف يااولدي ان حرمتك عووون وسند
لك لاتخلهاا تنقلب عدووه...مع اني متأكده ان حناان بتوقفك عند
حدك لافكرت تتجاوزه
بندر قالها بلووم : هذي هقوتك فيني ياااجده؟ تراك انتي الي
مربتني
جدتي : ياولدي محد يدري الزمن شنو مخبي لكم وانتو بديار
كفره الله يستر عليكم
بندر : ان شاء الله ... حنان انا بستناك في السياااره
قلت له : ان شاء الله بسلم على خواتي وبلحقك
خرج بندر وخرجن خواتي من المجلس سلمت على نوور : انا
اراويه الدب زووجك مو رااضي تجيين
نور تخبطني : بلا طولت لساان ماارضى عليه
طالعت بوجههاا مستغربه شفت ابتساامة فرح ضمتني من جديد
وهمست : انااا احبه .. وترى اتصالحناا
فرحت من كلمااااتهاا وقلت لهاا : ريحتيني الله يريحك ...
تستااهلين ويستاهل ابو محمد
نور همست لي : من يدري ممكن تسبقينا وتصيرين انتي ام
محمد
قلت لهاا : بالاحلاااااااااااااااااااااااااااااااااااام
وتفاارقناا انا وياهاا ليلى كالعااادة اول من اذرفت الدمع وبصوت
عالي ومسمووع : مااااااتروووحييين خليه ينقلع لحاااله
مااترووحين انا ابيك معااانااا لااتروحي
جدتي : استحي يااابنت
قلت لها : حتى انتي بيووم بترووحين
شدت ضمي لصدرها : حنااان والله بشتاااقلك اناا احبك والله
احبك حتى لماا دفيتيني ع الدرج وكسرتي يدي والله ماحقدت
عليك وماقلت لابوي عشان لايضربك وتبكين .. ولماا حطيتي
العلكه بشعري ماقلت لااامي (كملت وهي تشهق من البكا )
حتى لماا جااتك الحصبه شفتي انا احتكيت فيك عشان انعدي
وماتقعدين لحاالك
خلاااص الاحتماال صاار صعب قلت لهاا : والله حتى انااا احبك
كفاايه ترى بهووون
جا صوت امي وخوااتي وااحد : هوووووووني
عمتي : يانااس اذكرو الله تراها مع زوجهااا
تركت ليلى ورحت اسلم على مريم : مريم انتبهي لنفسك
مريم وانفهاا محمر من كثر البكي : من مفرووض يقوول
هالكلااام
قلت لهاا : ناسيه انك لعبتي الصغيره وضميتهاا لصدري بقوة
اكبر ...مريم الله الله بنفسك وااظبي ع العلااج والجلسااات
وفكري بالعمليه
قالت لي : ان شاء الله يالغاليه انتي انتبهي على نفسك
تركتهاا والتفت لليلى : ليلى مريم امااانه روويح معاهاا الجلساات
تعرفينهاا ماتحب تروح لحالهاا ابووي لاتنسين مواعيد ادويته
وامي خليهاا تروووح تراجعدكتور العظاام لها فترة تشتكي من
ركبهاا
ليلى : ان شاء الله
وقلت لنوور: انتبهي لنفسك ولعمي وعمتي وحطي جدتي
بعيوونك والله الله بتركي
نور : ان شاء الله
مسحت ادمووعي بسرعه وقلت لهم : في امااان الله
طلعت بسرعه من غير مااسمع الردود احس الضييق طاابق
على صدري ركبت انا وبندر لحالناا ابوي وعمي و تركي بسيااره
سلمت عل الكل بالمطار وماخلا الامر من النصاايح المعهووده
اليين ماخلص بندر من سلاامه على ابووي وجاا
دووري حبيت يكون اخر من اسلم عليه عشاان تفضل ريحة
عطره بثياابي تحسسني بالامان بغربتي
وقفت قداامه وجهي بوجه ارتميت بحضنه ابووي طووقني
بذراعاااته تم مطوقني من غير مااايتكلم يمكن تكلم ماادري
لاني ماكنت اسمع غير نبض قلبه الي كان يقولي كلام
كثيييييييييييييير لاول مره بحياتي شفت دمع عيين ابووي يوم
رفعت عيني اتأمل وجهه شفت دمعه بتنزل مديت يدي بسرعه
ومسحتهاا وقلت له : تكفى يالغااالي الا دمووعك مافي احد
يستااااهل تذرفها عشاانه
قاالي : الا انتي ..
قلت له : حتى اناا والله مااستااهل
قالي وهو يزيد من قوة حضنه لي :انتي ضحكت عمري وانتي
السند انتي الولد الي تمنيته انتي حناااااااااان حنان الي عمري
كله فدوة عيونهاا
قلت له : عسى عمرك طووويل حمرن عيوني انذار بنزول الدمع
ابوي مسكني من اكتافي ووبعدني وقال : ابد ماابيك تبكيين ابي
اشوفك قوويه مايهزك شي ولا يكسرك
قلت له : ان شاء الله
الكل كاان متأثر وكااان يطاالعناااا وحااس بالحزن نادواا ع الطيارة
ولبينا الندا
نزلت دمعه من عيني واناا اتذكر هالمواقف وصحبتهاا اه كلها الم
للحظة نسييت نفسي ونسيت اني معاااه بسرعه التفت جهته
شفته مغمض عيونه تنهدت براحه
الحمد الله ناايم اخر شي ناقصني انه يشوف دمووعي .. التفت
جهت الشباااك وصرت اتأمل السحب
*بـــــــــــــــــندر *
على بالهاا اني نايم ..ماتدري اني الى الان ماغفت عيني حالي
انا وياهااغريب أي اثنيين توهم متزوجين بيكونو يسولفون
ويضحكوون مو ساكتين من خمس ساعات ...
خمس ساعاات مرت ماتبادلنا انا وياها كلمه
حتى لما كناا بالبيت وصرنا بمجلس لحالنا تهاوشناا وطلعت
وتركتني خخخخ كل مااتذكر شكلهاا وهي طااايحه احس برغبة
بالضحك بهستيرياا هذي البنت غريبه
عمري ماشفت احد بعنادهاا وطولت لسااانهااا وقرصتهاا خ احس
الى الان ظهر كفي يحرقني مايسوى علي هالتصوووير
طبعاا احنا زي أي اثنين لازم نوثق زواجنا الميمون بالصور اثناء التصوووير
المصوره : لو سمحتي حناان اربي اكتر من كذاا وانت يااابندر
ارب مالك بعيد
حنان : كفااايه كذاا وين تبينه يجي
المصوره : يابنتي دنتي بينك وبينه متر بحاالوو اربوو باء وخلصووني
قربت منهااا بناء طلب المصوره وكنت مبسوط لانها مغيووضه
خخ شكلهاا تحفه وهي معصبه
المصوره : ايوا دلواتي كل واحد يبص بوش الثاني ايوا
كوويس ..بندر ارفع دئنهاا بيدك اليمين وخليك رافعه
وحط ايدك الشمال حولين خصرها ..ايوااا اقرب اكثر
حسينت نفسي قريب منهاا واااايد كلها كم سااانتي
خوصوصا اني منحني بحكم طوولي اخذت الصووره
المصوره وانا ولاني هناا اول مره اشوف عيون حنان من
ذا القرب عيونهاا حلووه عيوون بنيه زينهاا الكحل في نظرتهاا
شموخ وتحدي ماانتبهت الا يوم حناان داست رجلي بكل قوتهاا
وهي عشان ابعد عنهاا
قلت : اااااخ انتي مجنونه
قالت لي : تستاااهل قلت وخر عني ماتسمع
قلت لها : تقومين تدوسين ع رجلي وتقرصيييني اهب عيك
قالت لي : لو كان بيدي ذبحتك
قلت لها : والله الشعور متباادل
المصوره : ياجماعه صلو ع النبي حصلوكوو ايه عرساان
ايه دي يخواتي الي تتخانق ليلة كتب كتبهاا
قلت للمصوره : كملي شغلك وفكيناا
دخلت ليلى ومعاها العصير : اتفضلوو يالعرسااان ... استغربت ان
ليلى بنفسهاا جايبته وتتكلم مع حنااان عاادي جدااا خصوصا
عقب النظره الي اعطتهاا ايهاا حنان والتهديد يوم كنا ع الكوشه
بعد ماللبستها الطقم ياربي حست فيه حووسه لكن
حنان خخ صدق مو صااحيه اجل اختها تقولها اضحكي تقولها
انقلعي لا ااقوم اتوطي بطنك قدام الله وخلقه ......
هني ضحكت وماقدرت اكتم ضحكتي التفت علي حنااان :
انهبلت انت شهالضحكه
قلت لهاا : وانتي اشلك لقاافه
قالت لي : النااس كلها تناظرك يامحترم ترااك مو بقهووة
قلت لها : ايه الاكتشااف الخطير ذااا
رجعت تلف راسهاا جهت الشباك .. حاولت افتح معاهاا حوار
سألتهاا : حنان كم عمرك ؟
بعد مانطقت السؤال اكتشفت غباائي اللحين معقول
في رجال مايعرف عمرحرمته لا وبعد بنت عمه يااويلي من لسانهاا
عطتني هذيك النظره وقالت : بالله انت ماتستحي ؟
اللحين اناا قبل لاكون حرمتك وهذا طبعا من سوء حظي
بنت عمك وانولدت بنفس البيت الي انولدت انت فيه
واعتقد يوم عقد الشيخ كتبتو بياناتي وكان ضمنهاا تاريخ
الميلااد وكان معاك جواز سفري وانت الي مسوي الاجراءات
حقته معقول من ذا كله ماعرفت تااريخ ميلاادي ؟
قلت " انا قلت بروح فيها " : ماانتبهت حراام
قالت لي : لا مو حراام لكن حوول
قالت : انتي وبعدين بطولت لساانك
اعطتني الطرشى وماردت الا بتافف مسموع وااضح
قهرتي والله قلت لها : لاتأففييين
قالت لي : وانت لو سمحت لااا تتحرش فيني ماتعرف تقعد سااكت
قلت لها : جزااتي اني ابي اسليك
قالت لي : مشكوور ماااقصرت اناا مستغنيه عن تسليتك
احترمت نفسي وسكت هذي البنت ممكن تسووي أي شي
ولاهمهاا من الناااس
شفتها مشغله التلفزيوون .. فقررت انااام
* شـــــــــــــيخه *
قال احبج اخيراا قالهاا يااشيخه ... قال الكلمه الي تمنيتيهاا من
سنيييين بس ليه اللحين ؟ ليه بعد مااتعبت ليه ؟ اااخ يااسلطان
ليت قلبي يقدر يسااامح كاان ماترددت ثوااني ..
سمعت الطق دخلت علي ميثه وشكلهاا زعلاانه قالت ان حمدان
بيدخل عدلت الشيله
ودخل وكان مبتسم رغم شفته المورمه : ماتشوفين شر شيخه
قلت له : الشر ماييك
ميثه وهي تجلس : ليه يااشيخه كسرتي قلبه
قلت لهاا : زعلاانه عليه
ميثه قالت : اهو اخووي
قلت لها : ليه ماعاتبتيه على كسره لقلبي من يوم مااخذني
قالت لي : عاتبته والله عاااتبته ... سلطان يحبج
قلت لها : مو مهم
قالت لي : من صدقج مو هامج
قلت لهاا : لو سالتيني من قبل كان قلت لج اني انطر هالكلمه
من السنيين لكن اليوم خلااااص قلبي قفل باااابه
حمداان : شييخه انتي تحبينه وهو يحبج لااا تهدمين كل شي
بلحظة غضب
قلت له : اخووك اناااني مايعرف الحب يبي الشي يكوون ملكه وبس
حمدان : اخوي طقني يووم طريتج ؟ طقني وهو الي عمره
مارفع ايده علي
قلت له : اخوك خذته الحميه للعرض ... مافي ريال يرضى ان حد
يطري اهله ليه قلت له ذاك الكلااام ليه يااحمدان
قالي : لاني ابيه يعترفلج بحبه الي انا متأكد مليون بالميه منه
قلت له : وانا ماابي حبه خله له .. خله يجرب جرح القلب خله
يذووق الي ذووقني اياااه خله يتعذب
قالت ميثه : وااانتي ؟ بتقدريين تبعديين عنه ؟ بتقدريين تنسينه ؟
قلت لهاا : ااايييييييييييييييييه
قالت لي وهي تقف : جذاااااااااااااااااااااابه ... عمرج مابتنسينه
لو كاان بمقدورج النسياان كان نسيتيه يوم عرس ع اختج
تميت ساكته ماارديت عليها
كملت : طالعيني ياااشيخه وقوليلي ان ماهمج اخووي قوليلي
انج ماعااد تفكريين فيه قوليلي ان قلبج الي يضلووعج ماينطق
اسمه بكل دقه من دقاااته قولي لي انه لا مااات عينج
ماابتبكيه
رفعت راسي بسرعه لها وقلت : جعل يومي قبل يوومه
ابتسمت وقالت : اناا مره وانتي مره وكلنا نعرفه ان قلوبناا
لاحبت مستحيل تخوون الحبيب مستحيل تنساااه مستحيل
تكره حتى وان خطا بحقنا حتى ان سقاناا المر بنطعمه
احلى من العسل
حمداان تكلم وقال : شيخه انا مو حسبت اخووج ؟
قلت له : شهالكلاام ياحمداان انت تدري زيين بغلااتك
قالي : انزيين اثبتي ان لي غلااه وساامحيه
قلت له : ترضالي بالمذله
قالي : حشى ماعاش من يذلج وانا راسي يشم الهوى
قلت له : ورجعتي لاخوك فيها ذلي
ميثه معصبه : توج تمنيين الموت قبله
قلت لهاا : ولد عمي ومااارضى عليه .
ميثه : يعني ماتبينه
قلت لها : ماابااه خلااص ابي طلاااااقي
وقلت لهم قوولوو لاخوكم
مليت من شوفت عيونك وطاريـــك
معاد أبى قربك وقسوة عذابـــــــك
بقول عيني مالها نظرةٍ فــــــــــــيك
عافت عيونك يوم طاحت اهدابـــك
عفت المحبه والسبب هو تعالـــــيك
تحسب مصيري مرتبط في جنابك
لو خيّروني بين مرّك وحالــــــــيك
بختار مرك وأدمي جرح ٍسطابــك
يا ليت ربّي في هوى الغير يبلــــيك
وإتذوق همــــي في بقايا شبابـــــــك
كانت ثيابك دوم تستر خوافــــــيك
لكن كشفتك يوم قصْرت ثيابـــــــك
قلب ٍرفعْك بيوم يقدر يوطــّــــيك
مغرور عشق وكابر الراس صابك
بجبر يديني تطوي اوراق ماضيك
وتكتب موادع في نهاية إكتابــــــــك
حمدان قالي : شييخه فكري زيين
قلت له : قووووله الي قلته
ميثه : افهم انج خلاص حسمتي امرج
قلت لهاا : لاصر قدرج والهوى خصميين مع من بتوقفيين
ميثه سكتت وماردت علي طالعت حمدااان
وقلت له : حمدان بغيت منك خدمه
حمدان ابتسم : امري
قلت له : ابي اسير البيت
حمدان قالي : مو قبل مايرخصوونج
قلت له : تكفى يااخوي مااقدر ع المستشفياات ردني البيت
وبعدين امايه بتستهم علي وبتحشر الدنياا
حمداان بس انتي لازم ترتااحيين
قلت له : برتاح ببيتناا دخيلك شووفهم
حمدان : ان شاء الله انا بسير احاول اذا بيرخصوونج
وفعلاا رخصني الطبيب ورجعت البيت ...