[هذيان أنثى]

مراحب حبايب قلبي ,,, راح أكتب لكم التقرير قبل مأروح المستشفى ,,,

طبعا برمضان وخصوصا العطلة نظامي عفسة ومو مرتب بالمره على العكس من أيام المدرسه روتيني حده مرتب ومنظم ,, ومريح ,,
جلوسي من النوم برمضان يكون الغالب الساعه 4 أو 4:15 << أدري بتقولون خيشة نوم هاذي ,, أنا أعترف إني كثيرة نوم ,,
لكن أجلس للصلاة الساعه 12:30 وأرجع أكمل << بدون تفاهم ,,

وبعد مأصحصح عدل من نومي على طوووووول ركض المطبخ ,, طبعا أشغالي معروفه بالمطبخ يوميا ماتتغير ,,
لف سمبوسة ,,, عجن العجين وتشكيلها ,, وبعدها أمي ماترحم تكرفني كراف في القلي ,, من سمبوسة وقيمات ولو في كبة أو بطاطس مقلي أو دونات الحلى المضل لدى العائلة الكريمة ,,, آخر وحده أجلس على السفرة وأنا أقلي ,,

وبعد الحلى كل يوم فنتك وكل يوم شكل ,, وضروري الحلى عندي ,,

وبعد الفطور العائلي التوجه الى المعركة الحاتمة يوميا من الساعه 7 الى الساعه 8
هي معركة المواعين مع ليل الهموم ودائما الانتصار لـ/ ليل الهموم ,,
ومافي أحد طبعا يساعدني على الغسيل ,,
وبعد المواعين يجي دور تنظيف البيت من وإلى ,,
خلصت البيت الحين << افتكيت ,,
بعدها على طووووووول على النت ,,
أتصفح منتدياتي وطبعا مرور بمنتدى الطرف ,,

بعد النت أقوم أقرأ جزء أو جزئين من القرآن أول أمس خلصت ختمه ونص ,,

وبعدها إما طلعة للاهل أو الاسواق وتكثر روحتي للسوق بأوآخر رمضان ,,
أو اذا ماتوفرت المواصلات أجلس على التلفزيون ,,
الى وقت السحور يوم علي ويوم على أمي السحور ,,
وعلى مايستوي السحور أجلس على المسن مع ربعي ,,
واذا استوى السحور الساعه 2:30 الساعه 3 بالضبط
الهجوم على الرز ,,
وبعد الهجوم تبدأ معركة ثانية مع المواعين على حسب ,,
وآخر شئ تبدأ أعمالي من صلاة ودعاء وغيرها ,,
وبعدها على النت الى وقت الاذان ,,,
والساعه 6 يوميا وقت نومي ,, بعد يوم مرهق وعفسه وملخبط ,,

وفي سباااااااااات عميق حتى يوم ثاني ,,

أ تمنى يعجبكم تقريري ,,