اكتب لكم قصه حقيقيه من اجل الفائده , قصه ام اخذوها ابنائها الى دار العجزه ( شيئ محزن .)
القصه كتالي :_
في يوم من الايام كنت ذاهب الي البيت ورأيت شي لايصدق ,
كان جارنا امام منزلنا هو واخوانه يأخذون امهم الي مكان لا اعرف الي أين , لكن كنت ارى الام تبكي بصوت عالي .
وتقول الام : ليش تسوون فيني كذا حرام عليكم انا امكم اللي ربيتكم وتعبت عليكم و أنتم صغار والحين تسوون فيني كذا .
وقال الابن الاكبر محمد :
لازم نسوي كذا غصب عنا وبعدين كلها كم شهر وترجعين لنا هذا من مصلحتك
عشان بعد نسوي لك فحص طبي وراح ترجعين لنا .
وقالت زوجت الابن الاكبر : كان لازم نسوي كذا من زمان عشان نقدر ناخذ راحتنا في بيتنا .
وقال الابن الاكبر محمد لزوجته : تروحين معنا نودي امي ؟
قالت زوجة محمد : لا ، انا معزومه ولا زم اتجهز للعزيمه قبل لا اتأخر .
المشكله زوجه محمد هي بنت إخت الام يعني تقولها : خالتي .
والام تبكي بكاء شديداُ خارج المنزل وتلطم خديها
وتقول الام : خذوا الفلوس وخذوا كل شي وخلوني .
وقال محمد : انتي بترجعين بس كم شهر وترجعين انتي خلاص
وبعد ماذهبوا من امامي كان عقلي طار من راسي من المشهد الذي مر من امامي
لان هذا المشهد لايمكن ان نراه إلا في المسلسلات او الافلام التفزيونيه .
وبعد مده كان في بيتنا عزيمه وكانت محمد من ضمن المعزومين
وسألت محمد عن والدته وعن المشهد الذي مر من امامي
وقال محمد : عادي امي تعبت مافيه احد يقدر يرعاها واخذتها الى داره العجزه
وقلت له : ليش كان جبت لها شغاله ترعاها
وقال محمد : جبت لها شغاله وسافرت ومابغيت اجيب لها شغاله ثانيه
وقلت له : ومتى راح ترجع الوالده ان شاء الله الى البيت ؟!
قال محمد : مدري يمكن بعد سته شهور كذا
وقلت له : غلط الي سويته كذا يعني كان جبت شغاله غيرها او حتي اخذتها الى اخوانك
وقال محمد : عندي اخت واخوي الصغير رفضوا ياخذونها عندهم وبعدين
هم الي استشاروا اني اخذها الي دار المسنين وبعدين احسن لها
لكن محمد صدمني بخبر انه اخذ امه الى دار العجزه .
ولكن بعد كم مده عرفت محمد ليش اخذ أمه الى دار العجزه من اجل أخذ باقي ورث والده
الذي قسم محمد ورث امه على نفسه وعلى اخوانه .
وبعد ثلاث شهور جاء خبر لمحمد من دار العجزه ان امه توفت .
وذهب محمد لدار العجزه واخذ والدته وكان معها وصيه وكتبت فيها :
( الي سويته ياولدي محمد غلط لكن الله يسامحك ويرزقك ) الله يرحمها إن شاء الله
لكن محمد من بعد ما وداها لدار العجزه الي يوم وفاتها لم يزرها ولايوم ابداً .
وحان وقت الدفن وذهبت للمقبره
ونا اقول في نفسي : هذا محمد وأخوانه العاقين الذين ربتهم امهم وتعبت وسهرت عليهم يعملون فيها كذا
لكن مانقدر نقول غير الله يرحم ام محمد , ويهدي ويصلح محمد واخوانه .
للأمانة منقول