بسم الله الرحمن الرحيم،’ اللهم صل على محمد وآل محمد،’ السلام عليكم ورحمة الله وبركاته،’ يبدأ يومي لما أجلس من النوم 4أو5 العصر وبعدها إذا اشتهيت اتغدى وأجلس جنب أهلي وبعدها ابدأ بالأعمال المنزلية منــ(غسيل..تنظيف..ترتيب...) وإذا بقى وقت افتح النت وبعدها صلاة المغرب والعشاء وبعدها يجي وقت العشا وبعدها أطلع او استقبل الضيوف إذا كان في..... وبعدها يبدأ دوامي بالشركة (شركة الإنترنت) واتصفح النت لمن يخلص الليل ويجي الفجر<<<مدمنة إنتر نت أحياناً آخذ بريك استراحة وأجلس جنب اهلي وبعدها صلاة الفجر وبعض الأدعية والساعة5اقرأ بعض الكتب وأقضي الأعمال المنزلية إذا في ونسوي رياضة مشي <<<إذا اشتهيت وبعدها أنام وإذا ما جا لي نوم أفتح النت وآخذ بريك من النوم لصلاة الظهر والعصر وأرجع انام لمن 4أو5 وهكذا تستمر الحكاية طبعاً لاحظتوا شيء.........!!؟؟ هو إني ما جبت طاري التلفزيون لاني ما أحبه وناادر أفتحه وإذا فتحته بس أتابع الشيخ مرتضى القزويني بالأنوار أو أهل البيت وبالنسبة للصورة أنا فكرت وفكرت ياربي صورة ايش احط لهم بعدين بيقولون صاحبة الموضوع وتقول حطوا صور وهي ما تحط.....؟؟ كذا فشيلة فكرت وفكرت وقلت ما في إلا صور بعض الكتب اللي أقرا فيهم وهذي الصورة أتمنى إنكم استمتعتوا مع وردة...!!