يالله فيه موقفين سلوّا نفسكم فيه
لحد ما اعيد ترتيب اوراقي
!!
ماعلينا
//
كان فيه شخص دائم التردد على سوني
من الجنسية الامريكية
يعني امريكي << ارحمنا يامترجم الوافي
كنت دايم لما ادخل
اقول السلام عليكم بالانجليزي
يعني
hi
او
hello
بس هالشخص دايم رازّ الجريدة قدام وجهه ولا يردّ
استغربت
ويمكن لمدة شهر وشوي
كل ما ادخل واقول هاي يصفنيّ
بصراحه اكلت معي
مرّت الايام
ورجعت بعد برهه من الزمن
( برهه اقصد بها وقت ثاني بعيد .. بس مادري ايش اكتب برهه والا رهط )
وبعد زمنا كثيرا
جيت داخل البيت وانا معصصصصصصصصصصصب
وماشي بسرعه ولقيت هالامريكي جالس بالصالة
وماسك الجريده
وقلت هاي
مارد
قمت سحبت الجريده
<< يبغى يتمشكل
وقلت له
اشفيك ماترد !! تستهبل ؟؟ <<< قلتها بالعربي
يطالع فيني ويأشرّ بايده يعني اشفيك ؟
قلت له بالعربي بعد
يلعن ام الجريده اللي ماتخلّص
!!
هاي هاي هاي ولا ترد
!!
الا فجأه طلع سوني من غرفته على صراخي
وقال لي اشفيك
؟
قلت له هالغبي << فعلا قلتها كذا
هالغبي كل ما اقول له هاي ولا على باله ولا حتى يحترمني وينزلّ الجريده من قدام وجهه
ليه الامريكان كذا معاملتهم سيئة
ويدّعون الاخلاق
؟؟
قال لي سوني
بس هذا
اصنج وابكم
اسقط في يدي << اخص ياسيبويه
قلت هاه
؟؟
وبما اني معصبّ ومابي ابيّن اني غلطان
قلت
ابكم والا اصمّ على نفسه
يعني بالله يجي عندك من شهر يقرا الجريده
!!
قال لا انت فاهم غلط
زوجته طردته من البيت
وجاي عندي مؤقتا
( ترى احنا جالسين نتكلم وهو باقي يقرا الجريدة )
طبعا للمره الثانيه مابي ابيّن نفسي غلطان
قلت له
ياخي شوف لك صرفه مع هالادمي
ابي لما ادخل اشوفه يسلّم او يردّ السلام
<<< والله الاخلاق رايحه فيها
جلس يضحك سوني وقال لي روح غرفتك وريّح وبعدين نتفاهم
رحت غرفتي وريحّت ولا فاتحني بهالموضوع من بعد كذا
لانه عارف اني كنت مطرطع
وياشين السعودي اذا زعل
الموقف الثاني
نفس الشئ
طفشان
وماعندي شئ اسويه
بعد سفر زميلي ماجد
فطنّت * في راسي فكره
طنّت = جيب صاج تيفال واصقعه في راس واحد ايش راح تسمع ؟؟؟ طنننننننننن << هذا معنى طنّتْ
ماعلينا
طلعت عند سوني قلت له
حرام والله حابس هالعصفور
!!
قال لي
سلامات اشفيك
؟؟
قلت له هالنوع بالذات
( الكوكتيل ) او ( الكروان بلغتنا )
نخليه في البيت مايهرب ولا شي
<< مو اقول لكم طفشان
قال جد تتكلم ؟
قلت ايه ونطلع فيه الشارع كمان
ويقعد على كتف الواحد ومايهرب ولا شي
قال
يعني تشوف اني افكّه
؟
قلت ايه نفكه
بس اول مره مانفك الشبابيك عشان مايطير
لين يولف لمدة اسبوع
وبعدها خلاص خليه يروح ويجي واعطيه مفتاح اضافي لباب البيت
انتهى الموضوع بقهقات كبيره من سوني بحكم انه كان مقربع ذاك اليوم
وفي روايه اخرى شارب قارورة كاملة
هو يطفح ويشرب من هالسكار وانا تمسّك معي العن منه
تذكرون الجمله اللي تقول
اذا انت اكلت انا اشبع ؟؟
هذا انا
لا شفت واحد سكران مادري ليه اصير دلخ مثله
ماعلينا
قلت له يالله نفك العصفور
قال اوكي
قمت فكيت العصفور
خخخخخخخخخخخخخخخخخخ
وهاتك ياتصقيع يمين يسار
يسار يمين
ولانه جانب من الجوانب قزاز
كان على بال العصفور انه فراغ يعني مافيه شئ << حتى العصفور رفّع معانا
المهم قال لي أيمن امسكه راح يموت
قلت اوكي جيت امسكه
وعضني
رحت جبت منشفه
ومسكته
وجلسته شوي
<<< لقي له شي يتونّس عليه
قعدت اصورّ العصفور
وسوني انشغل بكمبيوتره
( ركزوا بالصورة راح تشوفوا سوني على كمبيوتره )
فكيت العصفور من جديد
ومافيه الا
طاخ طاخ طاخ
وهالمره
طالعت في الساعه
ولقيتها
10 الليل
فقلت لسوني
اااااااااااااااااااااااه <<< تثاااااااؤب قد الدنيا
انا داخل انام
قال لي والعصفور
قلت له امسكه ودخلّه القفص
التمرين حق اليوم انتهى
دخلت ابغى انام في غرفتي
واسمع طراخ طراخ في الصاله
خخخخخخخخخخخ
يبغى يمسك العصفور وماقدر
قابلت سوني في الصباح
وقلت له ها كيف العصفور
؟؟
قال تعبني ساعه وانا احاول امسكه
قلت له خلاص اليوم بالعصر
اذا رجعت من الكليه
نبدأ التمرين الثاني
قال اوكي
رحت الكليه ورجعت
وانا متحمّس
دورّت على العصفور ماهو فيه
ولقيت ورقه مكتوبه على الباب
عصفوري طار
على من يجده الاتصال على هذا الرقم او طرق الباب
انا قلت كيف طار
فكيت الباب
ولقيت سوني
مسوي عزاء
خير اشفيه سوني
قال العصفور طار
قلت افا
كيف
؟
قال
فكيته ابغى امرّنه
قلت له يادلخ << بس بالانقليزي
مو قلت لك خليني اجي عشان امرّنه انا
؟
قال ما انتبهت ان الباب مفتوح وطار
قلت له لا تشيل همّ
كلها يوم ويرجع
قال ليه في السعوديه اذا طاروا يرجعوا << سوني طلع دلخ
؟؟
قلت ايه
ونشوف ريشه مع البساس
قام قال مو وقت مزح
يالله نقوم ندورّ عليه
طلعنا برا
ومن جده راح يدورّ
!!
اما انا سويت لي شاي وقاعد على البرندا
او مادري شسمها
قدام الباب يعني فيه طاوله
جاتني عجوز
قالت
عصفور سوني طار
قلت ايه ادري
فأبدت مواساتها للعصفور
وقال سوني يحب العصفور وقد مات له كلب قبل كذا
قلت لها لا تخافي راح يحصلّه
قالت تصدقّ انه بسّتي ( قطتها لغير المتحدثين بالسعودية )
تكهربت ؟
قلت لها كيف
؟
قالت كنت مشغلّه الدفايات في الغرفه
وجات البسه تتدفى وانحرقت
خخخخخخخخخخخخ
قعدت اضحك ماقدرت امسك نفسي
مادري ليه تذكرت بنك بانثر يوم تروّش وطلع منفوش
رجعت لفيت وجهي وقلت لها
I am sorry about that
قالت تعال احضني وواسيني
قلت في قلبي مافيه الاّ هالكهله ( العجوزه )
؟؟
قلت لها اوكي
على جيّة سوني
وتفاجاأ وقال
ايش تسوو ياكلاب قدام بيتي
لالا امزح معاكم
دخلت في قصة ثانيه
المهم جا سوني وحضنته كمان
وقالت له ابشر بعصفور ثاني
ولفّ عليّ وقال
بس مانبغى تدريب
وتوبه ان سمعت كلامك مره ثانيه