شخص من الاشخاص وفي يوم من الأيام ماسك خط الرياض ومسرع مررة
إلا ويعبر على شاص أمن الطرق ويشوفه مسرع ويلحقه ويوقفه وصار الكلام هذا بينهم
العسكري : الرخصة لو تسمح ؟
السائق : للأسف ماعندي لأنها منتهية ولا جددتها
العسكري : الإستمارة طيب ؟
السائق : بصراحة ماأدري وينها لأن السيارة ماهي لي لأني سارقها
العسكري : سارق السيارة ؟
السائق : إيه بس لحظة كأني شفت إستمارة السيارة بالدرج لما حطيت مسدسي فيه
العسكري : وعندك مسدس بعد ؟
السائق : ايه قتلت فيه راعي السيارة وحطيت جثته في الشنطة ؟
العسكري : ومعاك جثة بعد ؟
السائق : إيه تبي تشوف الجثة ؟
العسكري يسمع ذا الكلام وينلخم ويطلع سلاحه ويقول للسائق ولا حركة ويكلم الضابط المناوب ويقوله السالفة
الضابط المناوب وصل المكان مع كتيبة وحاصروا المكان تقول انهم في حالة حرب وقال الضابط في نفسه خليني اشوف ايش السالفة
الضابط : الرخصة لوتسمح ؟
السائق تفضل
الرخصة سليمة وبأسمه ولافيها اي شئ
الضابط : الإستمارة طيب اذا تسمح ؟
السائق : تامر أمر لحظة اطلعها لك من الدرج
الضابط : ممكن تفتح الدرج شوي شوي قالوا لي عندك مسدس
السائق : والله مافي مسدس شوف
وفعلا انفتح الدرج ولا فيه مسدس والاستمارة بإسمه وسليمة
الضابط : طيب ممكن تفتح الشنطة العسكري خبرني إنه عندك جثة
السائق والله ياطويل العمر مافيه جثة ولا شئ وشوف بنفسك
وتنفتح الشنطة وفعلا مافيه جثة بالشنطة
استغرب الضابط وقال للسائق :
غريبة العسكري قال لي إن السيارة إنت سارقها وعندك مسدس وقتلت راعي السيارة وحطيت جثته بالشنطة
السائق :
*
*
*
*
*
*
*
*
*
*
*
*
*
*
*
*
*
*
*
*
حسبي الله عليه أكيد قايل لك إني مسرع بعد ؟