[دواة]

تسلم أخوي الغريب على هذا التنبيه والخبر المنتظر من زمان اللي مثل بيض الصعو نسمع فيه ولانشوفه ..... لكن أنا مادري شيضر التجار لما السلعه ترخص والمستهلك يصير مبسوط ؟؟؟ دائما يتحسسون من حاجه اسمها تخفيض أو رخص ويفتخرون في كملة ( هذا الشي زاد سعره ) ولما تسأله من متي قال لك من اليوم !! وتجي بكره في سلعه ثانيه ((زادت تو بس اليوم.... وهكذا) والكل استغل هذا الوضع الكبير والصغير00 ولكن ياأخوان حاولوا المناقشه عدم الاستسلام في السعر خاصة عند البقالات الصغيرة .. فأنا مره أخذت سلعه قيمتها في كل مكان ب 8 ريالات واجيت اخذها يوم للاضطرار من بقاله( هندي) قال لي ب 10 ريال ولما سألته ليش قال كالعاده ( زاد سعرها ) قلت له انا ماخذا من المحل الفلاني ب 8 ريال قال لا مايصير قلت له انا الان اتصل على الشركه المنتجه واتاكد ومن الموزع ... قال خلاص مافي مشكل انت شيل ب8 ريال . شفتوا ياأخوان بأن المسأله اصبحت بيد كل محل ايسعر ويبيع على كيفيه . وبالمناسبة انا اليوم الخميس ذهبت الى محلات العامر وشفت سعر رز بوخروف ال10 كيلو ب 51 ريال ؟ يعني التخفيض فقط 6 ريال أو 7 ريال تقريبا .. الله يكون في عون المستهلك وكفانا الله وياكم شر الغلاء والبلاء .