صباحكمـ ومسائكم عسل .. مصطلحات العناية بالملابس .. هذه إذا أنتوا تمام وذاكرتكم 100 % كانوا يعطونا هذه الدروس في الأبتدائي { استانس عليهم شيء ممتع وحـلو ونستفيد { ونتفلسف على غيرنا هل أنتِ من الناس اللي يقرون تعليمات العناية بالملابس الموجودة عليها قبل ماتشترينها؟ طيب تدرين إن 50% بس من الناس يسوون هالشي؟ الباقي مايدرون عنها أو مايفهمون معنى الرموز اللي عليها وبعضهم يتخلصون منها لانها تضايقهم في اللبس .,* صحيح إن بعض الملابس مايحتاج لها عناية خاصة بس فيه بعضها مجرد خطأ بسيط يقضي عليها . بيني وبينكم مثل ماقلت أحب واستانس إني أشوف هذه الأشياء .. لما أشوفها وقدامي شخص أقول .. تعرف وش معنى هذا الشيء ؟ إذا قال لا أبدأ أتفلسف أقول الي أعرفه وأحس إنهم يستفيدون يردون اهااااااااا ,‘ آثرها كذا ؟ توني أدري ؟؟ شيء حلو خلاص إن شاء الله نطبق .. لذلك قررت اني أقولها لكم علشا تستفيدون ولاتخربون ملابسكم ؟ تختلف بعض الاشكال من بلد لبلد بس أساس المعنى واحد فكل طشت هو طشت { كح كح قديمة ؟ وكل مكواة هي مكواة تعددت الرسوم والمعنى واحد ترمز النقط الصغيرة في أي شكل إلى درجة الحرارة • نقطة وحدة يعني حرارة خفيفة • • نقطتين يعني متوسطة • • • 3 نقط يعني عالية الاشكال الاساسية للرموز هي 5 اشكال الغسيل استخدام مواد تبييض مثل الكلوركس التجفيف الكوي التنظيف الجاف الغسيل فيه عدة طرق ينصح فيها على حسب نوع قماش القطعة فلو قماش الملابس حساس يفضل غسله غسيل ناعم مثل الصوف ولو كان مرة حساس وخايفة يخرب حطيه بكيس مخدة قبل ترمينه بالغسالة درجة حرارة موية الغسيل بعد ممكن تأثر على الملابس .. فلو كانت درجة الحرارة اقل من الدرجة المنصوح فيها ممكن تبقى البقع ماتروح ولو درجة الحرارة اعلى من المنصوح بتفكك نسيج القماش ويخرب شكله او يبهت لونه .. ممكن تنغسل بالغسالة درجة حرارة موية الغسيل دافية يعني وسط وممكن يكون بدل الرقم نقطتين وعلى اساس هالرمز لما تشوفين رقم اقل من 40 يعني درجة الحرارة باردة واذا اكثر راح تكون الحرارة عالية . قطعة حساسة تغسل بنعومة تغسل باليد ماتغسل بالغسالة وعادة هالرمز يكون معاه رمز التنظيف الجاف .. يتبع