السلام عليكم ورحمة الله وبركاته
مـن عرفـتـك
من عرفتك إبتدى عمري ..... وانكتب في الحب ميلادي
والا قبلك يا بعد عمري ..... كان أمر الحب لي عادي
جيتني من دون ما أدري ..... كالقدر من غير ميعادي
وانتشى بالشوق لك صدري ..... كل يوم الشوق يزدادي
يا ربيع الورد والزهري ..... يا عطر يا فل يا كادي
لك مسلّـم في الهوى أمري ..... لك ملبِّي قبل ما تنادي
فيك يحلى يالغلا شعري ..... ويرتسم كالفرح باعيادي
من عرفتك بس يا عمري ..... انكتب في الحب ميلادي