[الحب]

قصــة (جنان) اللي مايقراها جد راحت عليه!!!
________________________________________

السلام عليكم ورحمة الله وبركاته
انا ابغى اكتب لكم قصه رووووووووعه وربي انها جنان
والي مايتابع معايا حلقات القصه جد راح عليه نص عمره
بالذات الي يحبون الصداقه

يجو يشوفو وش صار في القصه وربي اني قريتها واعحبتني
من جد انها قصه رائعه

لكن انا راح اكتب لكم كل يوم او يومين جزء عشان اشوقكم
للقصه هيا شوي طويله بس انتم بتنشدون للقصه وتشوفو..

تعالو معايا اقولكم اول احداث القصه..

يقول صاحب القصه.....

>> الصداقه من أقوى العلاقات الانسانيه, علاقه يميزها أنها تجمع
عدة مشاعر
> واحاسيس في اطارها مثل المحبه,التضحيه وغيرها.
>>يمكن أغلبنا أو أقدر اقول يمكن كلنا حصلت له مواقف مع
أصدقاءه منها
>الحلو ومنها المر, منها اللي تقوي العلاقه ومنها اللي تنهيها..

>> هالموضوع تقدرون تقولون إنها تحمل مشاعر أكثر منها احداث..
> لكني قررت بعد تفكير طويل إني اعرضها للناس عشان يستفيدو منها..
>>إحنا كمجتمع للرجال حدود الصداقه غالبا معروفه عندنا واغلبها
تكون للوناسه..
والمصلحه, أنا ماقول الكل بس أكثرها لكن اللي صار معي شي ثاني..
>> وهاذي قصتي في عام 1408 هــ ,,
> كنا تونا منتقلين لمدينة الرياض والدراسه بدت من أسبوعين تقريبا..
كنت في سنه رابعه ابتدائي دخلت فصلي الجديد وسوا الاستاذ تعارف
بسيط بيني وبين الطلاب..
>لما جا وقت الراحه طلع الجميع إلا أنا , دخل ولد اسمراني
شعره حوسه,
واسنانه الاربع الاماميه اللي متكسر واللي طايح, مشمر اكمامه
ووجهه كله مخوش
وحالته لله, إلا انه برغم البلاوي فيه شي مخليها مو باينه...
>قعد يحوس في شنطته ساعه وكل دقيقه يطلع خرابيط وكل
شوي يرفع عينه عندي..
> واخيرا طلع منها نبيطه , وقبل لايطلع التفت علي وكان من
النوع الي كأنه
بينطحك وهو يطالع, منزل راسه شوي ومعبس طول الوقت
بس كانت بريئه
أكثر من أن تكون مرعبه!!! وقال بلدغه طفوليه سببها واضح
وهو اسنانه اللي حالتها صعبه:
الحين ليش جالس لحالك؟؟ كانت هاذي اول جمله سمعتها
من الانسان اللي صار بعد كذا
أغلى البشر على قلبي, كان معروف عني اني انطوائي
ومنعزل هاذي طبيعتي حتى إني
اتوتر لما يكلمني احد ماعرفه ..

>> رديت عليه: بس كذا انا مابي اطلع وبعدين انا ماعرف احد هنا ..
وبنفس النظرات اللي
والله اعلم إنها كانت عاده عنده , تعال معي..وانا اعرفك
على نص اللي في المدرسه ..
> كان يجرني من يدي وانا اسحبها بخوف .. لا لا انا كذا
مرتاح قلت لك مابي اطلع..
> لكن الولد اصر لين طلعني معه بالغصب , وزي ماقال
عرفني على نص المدرسه تقريبا..
لكن تبون الصدق حسيت اني تعلقت فيه هو!! يمكن عشان
شخصيته عكس شخصيتي تماما
إجتماعي , خفيف دم والكل يحبه ويحاول يتقرب منه صحيح
انه كان شيطاني ومشاغب لكنه
ماكان يتعدى على احد !! حسيت اني مبهور بشخصيته
ورغم انه ذكي جدا الا انه فالدراسه
> ماكان بالحيل بس كان يعرف يمشي عمره من يومه صغييير...
>> وعلى كثر الاولاد اللي يعرفهم إلا انه تعلق فيني..فوق ماتتصورون..
> صرنا مانتفارق ابد ولا يشوفون واحد فينا بدون الثاني...

>> مرت السنوات وصداقتي تزداد قوتها مع خالد ..
مرت علينا سنين ا لطفوله والمراهقه
وحنا سوى ودخلنا الجامعه وتخرجنا وحنا ماعمرنا تفارقنا ,
حتى في السفر مااذكر ان واحد سافر بدون الثاني
إلا اذا كانت السفره مع الاهل , اغلب الناس اللي يعرفونا
يحاولون ياخذونا قدوه...
وكثير منهم يضربون المثل في صداقتنا يمكن تتساءلون
وش سر هالصداقه العميقه ؟!!
>>شي واحد كنا نطبقه بدون مانحس من يوم حنا صغار ,
شي عجزت اغلب الناس انها تفهمه..
> وهو ان كل واحد فينا كان متقبل الثاني بكل مافيه من
العيوب ولا عمره واحد فينا حاول يغير الثاني ويمشيه
على طريقته برغم الاختلاف الكبير بيننا..

> خالد كان فيلسوف بالفطره وبسبب علاقاته الكثيره,
كنت اتعلم منه كثير لما اسأله كيف يقدر
يجمع هالناس حوله كان يقول كلمات بسيطه لكن تركت
فيني اثر كبير كان يقول::
اسمع يابندر الناس لها مشاكلها وكل واحد فهالدنيا صدقني
منشغل في نفسه ولا احد تهمه مشاكلك
> فاذا تبي الناس يحبونك انسي نفسك وفكر فيهم وكيف
تساعدهم في حياتهم بقد ماتقدر..
قصتي الاساسيه اللي ابيها توصلكم مو في كيفية صداقتنا لاني
مهما شرحت ماراح اقدر اوصلكم
عمقها لكن الحدث اللي قلب حياتي ولا اظن ترجع زي ماكانت ...
>> في يوم اربعاء جاني خالد للاستراحه اللي نجتمع فيها
مع الشباب والفرحه مبينه في عيونه
> وسحبني من بينهم .. تعال بندر ابيك في كلمه راس..
لما صرنا برى .. عندي لك مفاجأه...
وابتسم ,, انا ذاك الوقت اللي يشوف وجهي يقول خبل
اناظر فيه وفاتح فمي.. كمل كلامه..
> ابشرك الوالده خطبت لي!!! في هاللحظه حسيت كأن
احد عطاني كف على وجهي ...
>>أيييييييييييييييييييييييييييييش ؟؟؟!! طالعني بنفس طريقته
يومه صغير واللي ماتغيرت ابدا..
وراك تقولها كذا كنك مو مبسوط.. وبإرتباك رديت..
لا مبسوط بس انت فاجأتني وصدمتني صراحه!!!
ماعمرك جبت طاري للزواج!!!! ضحك وهو يغمز ..
عارف بس الوالده اقترحت علي الموضوع وقلت لها مافي
مانع !! توقعت ان السالفه كلام او عالاقل بتاخذ وقت بس
ماشاء الله عليها يومين الا هي جايتني
تقول: ترى لقنالك الظاهر انها حاطتها في بالها من زمان ..
وبعدين ماعاد الا خير والا ايش رايك؟
>>يعني للحين ماشفت البنت ياخلود؟ آفا عليك بس يابندر!!
الحين اقولك توي داري وجيتك
بسرعه , الوالده تقول انهم حددوا يوم الاثنين عشان
اجيهم اشوفها ... تفاجأت !!الله بهالسرعه ؟؟؟!!!
>مو اقولك شكل السالفه مطبوخه من قبل .. على كلا
الله يوفقك ان شاء الله عقبالك (يالرمت)__
خالد لما كان يحاول يناديني بكلمة( الروميت )الانجليزيه
لكنه كان يقولها بهالطريقه ومشت معانا
كذا صارت زي اللقب بيني وبينه.. اغتصبت ابتسامه ...
لا وين تو الناس علي المهم الحين خلنا نرجع
>للشباب لا يبدى التعليق... وبتعجب ممزوج بغضب
مصطنع رد خالد .. لحظه لحظه بندوره الحين اقولك
خطبت وزحمه ولا تعزمني على شي بهالمناسبه؟؟؟
على الاقل وديني لكوفي شوب ياخي!!!
>>ضحكت لاياعمي الحين قهوه وبعد شوي الا احنا في
واحد من هالمطاعم حقتك اللي فواتيرها تكسر
الظهر تراي اعرفك زين خلاص عشرة عمر...
رد والله انك قعيطي مستخسر فيني ؟؟؟
وقعدنا نضحك , حطيت يدي على كتفه ولا يهمك ياخالد
اذا صار شي اكيد, ابشر بذيك العشوه اللي
يحبها قلبك في المطعم اللي تختاره وش تبي بعد؟؟!!! كان ودي
اعزمه بس النفسيه عدم..
>> رد بغمزه ماتقصر اصيل يابندر بس اهم شي لاتفشلنا
مثل داك اليوم !! افشلك متى ياويلك من الله؟؟
عطاني نظرة اللي مو مصدق.. معقوله نسيت ذاك اليوم
يوم يمدح لنا خوينا سامي ذاك المطعم ..
> قلنا لازم نجربه ونشوف ؟؟ لما تذكرت الموقف بديت اضحك..
اووووووووه الله يقلع شرك وش ذكرك
بها الموقف الحين؟؟ ابتسم خالد ويده على وجهه .. تذكر ؟؟
يومها طلبنا عصير وطقيت الصدر يعني انت اللي بتدفع
ويوم جا الحساب جت معه المصيبه والله لو انك شايف
وجهك يابندر يوم شفت الفاتوره تقول
صابين عليك مويه بارده .. انحرجت .. لا والله!! على الاقل
احسن من اللي قعد يتفلسف ويسوي روحه
ابو العريف.. لا وتأشر بيدك بعد كننا في ملعب وبديت اقلد
صوته ونظرته المعروفه..لو سمحت الفاتوره
هاذي الفاتوره مو لنا حنا طلبنا عصير بس!! والله لوك شايف
وجهك انت يوم رد عليك.. نعم ياسيد هاذي فاتورة العصير بس..
>>الحين مين اللي طلع فشل الثاني؟؟!! .. ابتسمت..
اذكر مابقى في جيوبنا شي ماطلعناه ويالله كفى ولقطنا
وجيهنا وطلعنا وحنا نتصدد لاحد يشوفنا وطوال ماكنت
اعيد القصه..وخالد ميت من الضحك , كان يسعدنا ان
حنا نعيد الذكريات اللي مثل هاذي المهم رجعنا عند الشباب...

>>من بدا موضوع الخطبه حسيت انه خلاص ماراح يرجع
شي زي اول, تضايقت مره بس مادري وش
اللي فكرت فيه يعني مستحيل نقعد كذا بدون زواج للابد كان
واقع لازم ارضى فيه..
> لما رجعنا داخل كان مستانس , يلعب , يضحك وينكت
صحيح هاذي عادته لكن اليوم كان بزياده
اما انا كنت عكسه تماما حسيت اني بأفقد هالانسان ..
الشخص الوحيد اللي اعتبرته صديقي..

هاذا اول جزء من القصه هيا اجزاااء كثيره بس كل يوم حقولكم جزء
قريب ان شاء الله اكمل الجزء الثاني....

ترى القصه مره جنان وانتو مع احداث القصه
حتتحمسو وراح تشوفو كيف القصه روووووووعه
انتظر ردووووووووووودكم

يالله ان شاء الله تعجبكم...