عروق قلبي
واهني من ينام الليل ولاهو بمهتمي
يطيب لـه نومه ولا شي يهمـه
وانا اسهر الليل بين همي وغمـي
كني مسوي بلا ولا جايب مطمـه
حسبي على الي رماني وسـط يمـي
وانا احسبني بعيش طول العمر يمـه
كان عروق قلبي ونبضي ودمــي
وكنت عروق قلبها ونبضه ودمـه
حتى ابوها من غلاها اناديه ياعمـي
ولا جيت انادي امها اناديها يا يمـه
يهون لو يجتمع العالم كله بذمــي
ولايجي واحد عند حبيبـي ويذمـه
احبه حب الطفـل البرئ الأمــي
احبه بكل قوتي وبكل اخلاص وذمه
متى اطري على باله ومتى يفكر بلمي
اشهد اني باجيه بكل شوق والمــه
ياصاحبي لفراق ثعبان وله سمــي
وانت فراقك كل يوم يلدغني بسمه