[زهرة اللوتس]

السلام عليكم ورحمة الله وبركاتــه

هذة دورس مكمله .. للدرس الاول ... اللي حطيناه ضد الشباب .. بس هالدرس غير بيكون ضد اخوانك في البيت .. شفت هالدروس باحدى المنتديات وجمعتها و قلت أجيبها لكم يابنات يمكن تفيدكم ...

ماادري من وين تفيدكم ؟؟؟ !!

عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع

ضغط اخوها تتبع

هالخطوات والله يقويكم......

*** عند التلفزيون ***
لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هنا بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي

المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: ابعدي لا اللحين على وجهك بالكاس قولي لا ولله بيجونا ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وشيليه وانتي في طريقك ولا تلتفتين وراكِ..

*** عند النوم ***

لا صار أخوك نايم.. نكدي عليه نومه وشلون؟! دخلي عليه اعيالكم الصغار على بزارين جيرانكم .. كذا يعني ... زييين !!

وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله

خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل

برود قوليله نبي نخرج ..


*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني

خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب

خخخخخخخخ

في هذه الحاله هو بيقولك روحي عني ... يلا ..

انتي لا تسكتين قوليله واذا مارحت وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك

وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه اللي هي (( تفجير راس اخوي )) واهم شي بعد الاخلاق يابنيه مو تتعدين حدودك ..

وإلا بعدين انتي بتروحين فيها ,... تراني مو مسئوله من أي حادث تمرين فيه ..

شوفوا من ينصحكم ؟؟!! أنا ....

خخخخخخخ



شكلي بخرب بنات المنتدى ... ههههههههه

وإلى دروس أخرى بحلة جديده ...

ترقبونا ...

حصرياً على منتديات الطرف بس ...


جربوا يابنات وعطونا ردودكم ...

تحيات ..

زهرة اللوتس ...