بسم الله الرحمن الرحيم كل عام وانتوا بخير
الإهداء إلى كل بنت فاهمة مثل فاطمة!!!!
يافاطمة:
خلي جروحي بصدري
نايمة
يافاطمة اتركي روحي
بعمري هايمة
يافاطمة:عيشتي
صارت كئيبة وشايمة
يافاطمة:حتى أنتي
نظرتك متشائمة
يافاطمة:واللي يخلي لي
عيونك سالمة
ادخلي نامي تراها غايمة
نايمة تراها غايمة
نامي انتي واتركيني
لي مع الجدران عاده
من كثر ما احكي معاها
صارت الجدران فاهمة
روحي انتي واتركيني
خلي اجروحي بصدري
نايمة
فاطمة.... حقك علينا
تزعلين وتعتبين
وتشرهين
فاطمة حقك علينا
تجلدينا بالسياط اللي
صنعناها بيدينا
بعضنا وإلاقولي كلنا
حافيين ومفلسين؛ منتفين
وانتي من حقك تعيشين
الأماني
مثلما كنتي رسمتيها
أيام الطيش
ومن حقك بعد تحقيق
امالك واحلامك
على أكمل وجه واحسن
عيش
ولا غيرك ترى افضل ولا
انتي ناقصة عنهم
أجل والريش نفس
الريش
ونفس الطينة اللي منها
انخلقوا خلقتي انتي
كذا منغير كيف وليش!!!
فاطمة واللي يخليك
اعتقيني
نامي انتي واتركيني
تكاثروا يافاطمة
واحبطوني
زرعتهم في مهجتي
واحبطوني
كتبتهم في دفتري
واشطبوني
فاصلة
المشاك حاصلة
والمنايا واصلة
هذي يابنتي الحقيقة وانتي ادرى
وانتي فاهمة
انتي فعلا
كنتي في بعض الأماني
واهمة!!!
مع تحياتي لجميع أعضاء المنتدى
وكل عام وهم بألف خير وصحة وسلامه والله يوفقهم
أخوكم الإنسان المخلص!!