[boreem08]

هكذا حال منتديات الطرف مشادات كلاميه عبارت غير موزونه وملاسنات لاتنتهي إلا بنهايه الدوره وبالذات في المباريات الداخلية الفوضويه والتي لايكون مستوى اللاعبين فيها هو الحاسم بل التأثير النفسي والشد العصبي هو من يحدد الفائز

في البدايه أحب أن أبارك لفريق الخليج هذا الفوز والتأهل للمباراة النهائيه لدورة المتحد وإن شاء الله يوفقهم في النهائي لأنهم يستحقون ذلك

ياجماعه الموضوع خذ أكبر من حجمه وهو مايستحق أكثر من كلمة مبروك وهاردلك وقفل الموضوع إحنا (( أقصد فرق حواري الطرف )) ماعندنا سالفه غير الفريق الفلاني فاز على الفريق الفلاني واللاعب الفلاني مغرور وإنتقادات من ناس مايعرفون معنى الكره ياجماعه أبغى أعرف وين المواضيع الرنانه اللي نشوفها قبل ليش صار التفكير محدود في أمور مالها غير الحقد والكره والمشادات اللي ماتنتهي منهو فيكم فكر ينزل موضوع عن فريق خيطان وإلا الليث ومشاركتهم في دورة المرحوم عادل الفهيد على ملعب نادي الروضه بالجشه طبعا مافي أحد لأن الكل مشغول بمباراة القرن مابين الخليج والتضامن منهو فكر من هاللاعبين المميزين أنه يجي ويلعب في نادي الطرف نادي ديرته طبعا الحواري أحسن بكثير بس لما ينهزم النادي مايضل كلام ماينقال لا ولما نتكلم مع أي لاعب في هذا الموضوع يقول مو ناقص إلا نادي الطرف ألعب فيه على باله العروض الإحترافيه تستناه وهو يتغلى عليها والبعض راح يلعب لأنديه ثانيه سنه أو سنتين وهو إحتياط وبعض المباريات بره التشكيله ويقول أحسن من نادي الطرف خلونا نرتقي ونفكر في مستقبل البلد ياجماعه لما نكبر ونشيب يقولون عيالنا والنعم من آبائنا وأجدادنا مهدوا الطريق لنا وأرفعوا أسم البلد عالي بدل من الكلام الفاضي إللي أحنا نتكلم فيه

أتمنى من الجميع أن يقدر الكلام اللي يقوله ويحترم المنتدى اللي هو فيه لأن الشي إذا زاد عن حده إنقلب ضده لأن البعض يستهوي المهاترات الغير مفيده وإلا عمركم شفتوا عضوا مايبين إلا وقت المشاكل يقول أنا من زمان مادخلت المنتدى بس لما سمعت بالموضوع جيت ركضه عشان أبرد قلبي في فريق التضامن

خلونا نرتقي ياجماعة الخير بلا تضامن بلا خليج خلونا نخدم الطرف وناديها وكل لاعب يقول أنا عندي وعندي يجي النادي ويقدم كل ماعنده وإحنا أول من يصفق له أحنا في زمن الفعل مو الكلام الحواري وضعت للتسليه مو للمشاجرات والتجريح في الكلام والنادي هو السبيل الوحيد لإبراز العضلات والمهارات وفيك مافيك على المستطيل الأخضر مو الملاعب الرمليه اللي ماتاخذ منها إلا الغبار خلونا نحط يدينا في يدين بعض ونقف وقفة رجل واحد مع النادي لأن الخليج والتضامن من أبناء الطرف وخدمة نادي الطرف واجبه عليه ومو معقول نشوف النادي ينهار وإحنا نتفرج ونادينا يعتبر من أفضل المنشآت في الأحساء حتي أفضل من نادي هجر اللي يعتبر أعرق الأنديه الأحساء

سامحوني أذا خرجت عن النص بس بصراحه لازم نتحد من خلال دورة المتحد ونلتقي بعد دورة الملتقى لخدمة النادي والوقوف مع النادي حتى ولو بالدعم المعنوي

أخوكم ......................... بوريـــــــــــــــــــــــــــــــــــم