*سوالف عجوز ����*
تقول كانت فيه حرمة بدوية دايم زوجها يضربها ويطردها من خيمتها��
وهو يصير ولد عمها
وتعبت المسكينة من الضرب وهي متحملة وساكتة!!! ��
وعزمت إنها تتطلق منه
فقالت خليني أشاور أحد أكبر مني
فراحت لعجوز كبيرة بالسن وحكيمة .. وقالت لها قصتها��
وإنها ناوية على الطلاق وتبي مشورتها
قالت لها العجوز يابنتي إن تطلقتي ما راح أحد ياخذچ!!!
وراح تقول الناس لو فيها خير ماطلقها ولد عمها
بس شوفي روحي للبر ودوري سحلية!! ��
قالت : سحلية ياخالة☹
قالت العجوز : إيه سمعي بس .. إخذي السحلية وذبحيها!!
وصلخي جلدها!!!
وقطعي رجليها وإيديها وذيلها!!!
بعدين إذا شفتي زوجچ جا حطيه يمّچ!!
وصيحي وأبچي ��
وإذا سألچ عن السبب؟
قولي شفت ضربك لي
شسوّى ��
يعني إنها سقّطت حملها
سوّت اللي قالت لها بالحرف الواحد!!!
والمسكين يوم شاف السحلية يم زوجته قعد يصيح��
آه يا ضناي .. ياچبد أبوك ..
هذا كله مني .. ومن عمايلي
ويدعي على نفسه!!!
ويقول لزوجته شوفي عيونه مثل عيوني!!!
شوفي راسه مثل راس أبوي!!
وشوفي آذانه مثل جدي!!
المهم هالحفيد السحلية��
ماخلا من العايله أحد إلا وهو مثله
وحلف يمين إنه مايمد إيده عليها مرة ثانية
شوفوا كيد الحريم
��������