[منتدى السهلة الأدبي]

-7-

كان .. هو


وِيّا الدموعْ
شكوة ضلوعْ
وحزن الشموعْ ..
سافرْ حنيني
وليت يرجع لي
بسلامْ ...
كان الوفا يضحكْ على عيونهْ
ويحضنْ لهفتي
ويسقي شجرْ عطشانْ
عيّا لا ينامْ
إلا إذا شاف القمرْ
يَضْوي ..
يحازي
عن هلي الطيبين
وسمّعني شِعرْ
يحكي هواهم
كم هواهمْ أشرق بروحي
في رحلةْ .. عمرْ
رحلةْ طويلةْ ابتدتْ
من أول ادموع الفرحْ
في جيّتي
يا ليت دامتْ فرحتي
طول العمرْ
لكن قدر يجري
ويفاجئني بغيابهْ
لحظة اطلوع الفجرْ

1434هـ