[right]ماابي دنيا بغيابك ...حتى لو زدت بعذابك
هـــــــــــذا قلبي ولك عطيته ...
انت سوووره ...وانت بيته
بعــــــــــــد ثــــــــــلاثه ايــــــــــــام
ايطـــــــــــــــاليــــــــــــا
بالشقــــه ...
كانت واقفه وتطالع العاملات يزبطون الغرفه وكأنها غرفة عروس ...
كل شئ احمر واسود ...والون الاحمر كان الغالب ....
خلتهم يكملون شغلهم وانتقلت لغرفه اولادها ...
كانت تنتظرها خبيره التجميل الايطاليه مع مساعداتها ..
ابتسمت لها وجلست وبدت الخبيره تسوي شغلها وتحط لمساتها ....
لها اربع ساعات من جابت العاملات ومااحتاجت وقت اكثر ...
طلال بالشغل ومو داري عن شئ واولادها عند امها ...
بعد حنه امها ...والي صار بين سعود واسما حست انها زودتها ...
طلال مهما غلط بيضل زوجها وابو اولادها ...يكفي انه متحمل مزاجها المتقلب
وعصبيتها مهما زعلها بيرجع يراضيها ...
والاهم مافي انسان يحبها كثره ..
بعد موقف امها عرفت انها مالها الا طلال ...عشان نفسها وعشان عيالها ..
كانت متفقه معاه يضلون اغراب لانها مو متحمله فكره انها ترجع له
لكن بعد ماشافت السعاده الي عايشتها اسما مع سعود حست بغيره ....
هي كمان تبى تعيش سعيده مع اولادها وزوجها ...
تبى طلال يكون جنبها بحملها هذا ويكون معها لما تولد
تشوف اهتمامه وحبه وعطفه عليها وعلى عيالها ....
قررت من تلقاء نفسها تسامحه وتبدا معاه بدايه جديده ....
شافت الساعه صارت 9 اليل .... اتصلت عليه وطلبت منه يرجع البيت
ويستأذن من عمله لانها تعبانه وعزوز مسخن ...كانت كذبه بيضاء
وعارفه الشغل قريب من الشقه مو مشكله لو خوفته شوي ....
حبت تفاجأه بالي راح يشوفه ....
من بعد اتصالها نزل بسرعه وهو متوتر ...اكيد صاير شئ والا ماكانت
اتصلت رغم انه علاقتهم متوتره ....
كلها دقايق وهو عند باب الشقه ..طلع المفتاح وفتح الباب ...
تفاجأ المكان ظلمه لكن لفتت نظره الشموع والورد الي على الارض
كانت الشموع من جهتين وكأنها طريق طويل لمكان محدد ....
مشى وهو متفــــــــــاجأ ...والف علامه استفهام وتعجب خطرت في باله ..
.قرب لحد الغرفه وشاف الي ماتوقع يشوفه .....
كانت هديل جالسه على السرير حقهم ....لابسه الفستان الابيض ...
فستان عروسه ....ضيق من فوق لحد الفخذ ويبدا يتوسع من تحت بشكل رهيب ...
بدون اكمام او أي شئ ...الصدريه تبع الفستان كلها كريستالات
كانت يدها منقشه لحد الكتف بس كان رسم بالالوان مو حنه
سوته لها الخبيره بكل اتقان وفن ....مكياجها هادئ ويناسب نعومتها ...
بااستثناء روجها الاحمر الصارخ ...طرحتها طويله ومركبه ببناست فشعرها
الي كانت تسريحته بسيطه ..منفوخ من قدام ونازل بلفات على اكتافها وظهرها
وغرتها مغطيه جبينها مزينتها بورد ابيض.....
حس نفسه انصطل قدامها ......كانت غييير عن أي يوم شافها فيه ...
كلمه جميـــله تظلمها ...وكلمة فتنه قليله عليها ..وكلمة مغريه ماتكفيها ...
بااختصار فوق الخيـــــــــــــال
اول ماشافته واقف في نص الغرفه وفاتح فمه من هول المفــــــاجأه ...
وقفت بخجل وهي تعدل فستانها ..كانت ماتطالع فيه بشكل مباشر ...
تكلم وهو يبلع ريقه : هـــ ـــ ـــديل ...
ردت بصوت ذوبه : عيوونها ....
طلال باانبهار ..: اكيد انا احلم ....يارب بس مااصحى وكل شئ يروح
ضحكت بصوت عالي وقربت منه لحد ماصارت مقابله له
مدت يدها ومسكت وجهه بكفوفها ...كانت عيونها فعيونه : لا ماتحلم حبيبي ..
.انا هديل وكل الي تشوفه واقع ...
طلال مو مصدق : طالعه قمر ياروحي ...عروس....... كل هذا عشاني ؟
حطت راسها على صدره : عشانك وعشاني وعشان حبنا ...تعال
وخلينا نبدا صفحه جديده بيضاء
ابتسم بحب وباس جبينها ونسي كل الماضي : كنت اتمنى ترجعين بس ماجا ببالي كل هذا
والله مو مصدق حاسس اني احلم....... احلى عروسه زوجتي..
"تأمل الغرفه وهو مو مستوعب ..كانت غرفه عرسان المفرش عليه ورد احمر منثور
والاضائه كانت شموع والفواحه ...طاوله العشى الي مجهزتها والاهم شكلها ....
عروسه تنتظره ...."
همست بحب ويدها ماسكه وجهه: واحلى عريس زوجي ...
اوعدني تكون اخرى المشاكل ياطلال ...ابي ابدا معاك بدايه حلوه
ونعيش مبسوطين ...كل شئ يكون جديد ..حتى فستان الفرح وكأننا عرسان جداد ...
باس كفوف يدها وضمها: احبك ....واوعدك ماراح يفرقني عنك الا الموت ...
"تذكر وبعدها عنه" وين العيال مااشوفهم ؟؟
هديل:ههههههههه عند امي خليتهم "قربت وباست شفايفه بوسه سريعه
وهمست وهي تشوف نظراته" اليله انا وانتا وبس ....
ابتسم ومشى معاها ...كانت الموسيقى تملئ الجو ...
رقصو سلو ..حطت راكسها على كتفه وتعلقت فيه وهي تحس بحنانه
الي افتقدته من زمان .....
جلسو بعدها على طاوله العشى ..تعشو بدون كلمات
النظرات تكفي الجو هادئ ...وصوت الموسيقى مخلي السكوت ابلغ ....
وهم بنص العشاء تكلمت ...: طلال ...
التفت لها : عيوني ...
ابتسمت بخجل وهي تحرك اصابعها : عندي لك خبر ....
طالعها بااهتمام : قولي حبيبتي ....
مسكت يده وهي تطالع عيونه بحب : انا ...انا حـــ ـــــامل ...
وقف مو مصدق ...راح لجهتها وضغط على يدها اكثر : متأأكده
هزت راسها ودمعه سعاده تلمع بعينها : ايوا متأكده ...حللت
والنتيجه اني حامل ياقلبي
قرب منها ووقفها لمها لصدره وهو مو عارف يعبر عن فرحته ....
غير بالحمد والشكر لك يارب : الحمدلله الحمدلله ..الف مبروووك ياعمري هذا احلى خبر
هديل بسعاده : الله يبارك فيك .....
"بصراحه"طلال انا خفت اقول لك وترجع معي عشان البيبي
مسك وجهها وباس خدها : انا مايهمني مليون حبيبي...
انتي عندي تسوين كل اطفال الدنيا وطفل منك وفيه ريحتك...
نعمه من ربي لانك انتـــي امه ...
ضمته بحب : الله لا يحرمني منك حبيبي ....
طلال : ولا منك ومن حنانك ...
كملو عشى ..ودخل دورة المياه يغسل يده ويفرش اسنانه
وهو حاسس بسعاده مو طبيعيه ....كان فاقد الامل برجعتها له من جديد
وكلامها لما طلبت يكون بعيد عنها خلاه يتأكد انها خلاص ماتبيه ....
لكن الي شافه اليله غير كل شئ ...رجعت له وحامل كمان ....
خرج وهو يحمد لله ....شافها جالسه على الكرسي تنتظره ...
كانت لابسه قميص نوم احمر علاق وقصير للفخد
وشعرها منسدل على ظهرها واكتافها براحه روجها الاحمر مغري حتى الثماله ...
قرب منها وهي وقفت شافت الشوق والهفه والرغبه بعينه .....
همس وهو يحوط خصرها بيده : اشتقت لك ...
همست بحب : وانا كمان اشتقت لك ...
قرب منها وطبع قبله طويل رقيقه على شفايفه ...
تحولت لقبله عنيفه ومتطلبه اكثر واكثر بعد عنها وهو ياخذ نفسه
شافها ترتعش بين يديه وبعيونه تحثه يكمل ....وجنتها محمره بخجل ...
سحبها للسرير وهو يهمس ...: تعالي ننام ياحبيبتي ....
ضلت معاه تعيش احلى الحظات ...تحس بحنانه وحبه وشوقه ولهفته لها ...
كانت غبيه باابتعادها عنه من البدايه ...واخيرا رجعت لمكانها الطبيعي
بين يديه وعلى صدره ...
بعد ساعات كانت حاطه راسها على صدره وهو يمسح على شعرها
حط يده على بطنها وهو يتحسسه : ياترى حاسس فينا البيبي
حطت يدها على يده : اكيد ...يحس ويسمع كل شئ يصير ....
ضحك طلال بقوه :هههههههههههههههههههههه لا اجل بيطلع الولد قليل ادب
على كذا لازم نصير مؤدبين
لما فهمت كلامه حمرت وخبطته وهي تضحك :ههههههههههه الله يروجك
لمها له من جديد : حبيبتي ايش الي غير رئيك وخلاك تفكرين ترجعين ..
اكيد مو عشان البيبي
لفت راسها عليه وهي تتأمله بحب : ماقدرت اظل بعيده عنك ....
وانا اعرف انك تحبني واعرف اني كمان غلطانه ...والحب مافيه كرامه بين الزوجين
يكفي اني احس بحبك واهتمامك وتقديرك واحترامك لي ...يكفيني عن عمري كله
باس جبينها : وانا ماقدر اعيش بدونك ..كنت مانام طول اليل افكر فيك
وادعي ربي يحنن قلبك وترجعين والحمدلله رجعتي لي
هديل : وماراح نفترق للابد .....
بعد بضعــــه أيـــــام
الشرقيـــــــــــــــه
بيــــت ام صـــابر
وصلت ام تركي وهي متلبكه وخايفه .. اليوم المفروض تاخذ العمل
كانت مصره تسوي الي بعقلها وماراح ترتاح الا لو سوته ...
المكان شكلو مقرف ومظلم ... مليان حريم ويدخلون بالدور عند ام صابر ...
الي طبعا تكذب عليهم وتاخذ فلوسهم بحجه انها تسوي لهم سحر ....
كانت في انتظار دورها وبيدها الفلوس انقرفت من المكان وحرارته ...
تنهدت وهي تصبر نفسها : اصبري يافايزه هانت كله عشان بنتج تحملي
دخلت عند ام صابر اخيرا سلمت عليها وجلست ...
ام صابر : هلا والله باام تركي
ام تركي : هلا فيك ياام صابر ها بشري كيف العمل
ام صابر : كل شئ تمام بس يدك على الفلوس اول
ام تركي : تستاهلينهم يالغاليه ...
مالحقت تخرج ظرف الفلوس الا الهيئه طابه عليهم ...ولامتهم للقسم ......
بيت ابو فـــــــــارس
بعد ما بلغهم فارس انه ناوي يجيب رغد تزورهم اليله يتعرفون عليها البيت ما قعد ...
الشغاله ترتب وتبخر المجالس والصالات ...
وامل مافي اسعد منها ...من شافت رغد حبتها ودخلت قلبها ...
ومرتاحه انها هي الي بتصير مرت اخوها مو الريم ....
اما ام فارس ماكان باين عليها الحماس بس مضطره تجاري غصب عنها
بعد تهديد زوجها لها ماتقدر تقول شئ غير تشوف البنت
الي فضلها فارس على بنت اختها الريم زينه البنات كلهم ...
الريم هي الوحيده الي محترقه وجالسه بغرفتها ...
من اكدت لها امها الخبر وهي مفوره ومعصبه ...شلون فارس يفكر في بنت غيرها ..
.شلون يتجرأ ويملك على وحده مستحيل توصل مستواها ...تكشخت ولبست اخلع لبس عندها
حلفت ماتعدي اليله على خير وبتشوف مين الي نفسه اطول ....
الســــاعه الســـابعه والنصف مســـاءا
وصلت رغد ومعها فارس لبيت اهله ...كانت متردده من هذي الخطوه
لكن اصرت على فارس انها تقابل امه وتتعرف عليها ...
ماتقدر تبدا حياتها معاه وهي ماكسبتها او حتى حست انها متقبلته كزوجه لولدها ..
والافضل لو هي الي بدأت وزارتها ...
كانت متشيكه بفستان لونه مشمشي يوصل لبدايه الركبه ...
من فوق حمالات موديله ناعم بس بروش ذهبي على الصدر ......
لبست حلق كبير واساور وخلخال بعد ما اشارت لها مرام ...و الصندل عالي وحلو
شعرها استشورته وخلته منسدل بحريه من قدام حاطه شباصه مشمشي
حتى مكياجها كان هادئ روج مشمشي وكحل ومااسكاره
ابتسمت اول مافصخت عبايتها فالمدخل رشت عطرها بكثافه
وهي تلمح نظرات فارس الي فاتح فمه بااعجاب بشكلها..
رغد بخجل: ايش رايك ...راح اعجب امك ؟
فارس باابتسامه عريض: اكييد ..."قرب وباس جبينها" اقري على نفسك
و...يالله ندخل لهم...
مشت وهي شابكه يدها بيده ...تذكر انه نسى المفتاح فالسياره
استأذن منها وراح يجيبه .....دخلت لحالها وهي مرتبكه وخايفه ....
شافت امه جالسه وجنبها امل وبنت غريبه تكهنت انها بنت خالته
لانها صغيره مو معقول تكون خالته ...!
كان شكل ام فارس متضايقه ورافعه خشمها فوق تطالعها بتعالي .....
مااهتمت ورسمت ابتسامه ساحره على شفايفها ....
رغد : السلام عليكم ...
الكل بااستثناء الريم : وعليكم السلام ...
اول مادخلت وقفت ام فارس تطالعها بتقييم ماتنكر انها ابهرتها
مو بس جميله الا جمالها نادر وماشافت من تزيد عنها
حتى الريم الي ماتوصل جمالها وحلاوتها ....ماتوقعت تكون مرت ولدها كذا ....
ابتسمت امل وغمزت لها ...اما الريم بان عليها القهر وهي تعض شفايفها بحقد
وودها تنفي المخلوقه الي تشوفها ...
..قربت رغد بخجل من ام فارس
وباست راسها ويدها بااحترام وطيبه : مساك الله بالخير ياخالتي
ابتسمت لها بترفع وعجبها تصرفها لما باست راسها ويدها
حستها متربيه: وعليكم السلام مساء النور ...
رغد: شلونك ياخالتي ...عساك بخير وصحه ...
ام فارس بتعابير عاديه: بخير الحمدلله ..حياك الله
قربت وسلمت على امل وهي تهمس لها ...بعدها مشت ومدت يدها للريم
لكن الريم طنشتها ولا كأن احد ماد يده لها ...
انحرجت ام فارس من تصرف بنت اختها الخالي من الذوق
ورجعت ترحب ببنت الناس ...
ام فارس بهدوء : ياهلا والله نورتي بيتنا تفضلي اجلسي يابنتي .....
قومي ياامل صبي القهوه ...
وقفت امل بحماس : حاااضر ...
ام فارس رفعت حاجبها : أي وفينها امك ماجات معك ؟
رغد بحزن: امي متوفيه .....
ام فارس بخجل : سامحيني مادريت الله يرحمها ...
رغد : امين...
تكلمت من جديد"بتوتر " :اكيد انتي داريه بالمشكله الي صارت بيني وبين فارس
وابوه مااظن فارس خبى عليك ...
رغد وهي خجلانه : أي قال لي فارس ...
"بجديه وعينها بعين ام فارس " خالتي ابي ابين لك شغله وبنفس الوقت استسمح منك ...
صدقيني مادريت انك معارضه زواج فارس وزعلانه منه او يضايقك هالشئ ...
والله والله ياخالتي ماكنت راح ارضى بالملكه قبل لا تقولين رائيك ...
لو كنت ادري انك معارضه او ما تبيني ماكنت وافقت ..
بس ضنيتك موافقه وماجيتي لانهم استعجلو والملكه وعندكم ضيوف "طالعت الريم "
صارت فجأه ...وكلامك ورأيك على عيني وراسي ...والي تبينه انا مستعده اسويه ...
انبسطت ام فارس بكلامها بس مابينت ...حست انها نفختها ومقدرتها
وردت جزء من كرامتها : تسلمين يابنتي من طيب اصلك انك فاهمه الموضوع
انا بصراحه كنت ابي اختار مرت ولدي بنفسي ...واكون عارفتها وعارفه اهلها
وهو ماعطاني خبر انه حاط عينه على وحده معينه عشان كذا كنت ابي اخطب له
وعصبت منه ..مو ذنبك الي صار ..."تداركت كلامها "
قوليلي منهم اهلك وايش ترجعون ؟
رغد بفخر: ابوي بندر الـ...... اخو محمد الـ..... الي ولده طارق يصير صديق ولدك
وشريكه بالشركه...اساسا ساكنه جده بس الظروف جابتني هنا
وحتى الملكه صارت لان اخوي مسافر وبيطول بسفرته ....
ام فارس هزت راسها هي عارفه منهم وعارفه اصلهم وفصلهم زين
ماقدرت تقول غير : اها والنعم فيكم والله تشرفنا ...
رغد ابتسمت : تسلمين يالغاليه الشرف لي ...
تكلمت الريم بوقاحه وهي تتصيد الزله على رغد : طيب ودامج بجده وش هالظرف الي خلاج تجين هني ....اصلا شلون عرفج فارس وخطبج ...؟؟
انحرجت رغد وطالعتها ام فارس وهي تحثها على الجواب : خطبني من اهلي
ووافقت عليه ...عادي مثل الناس
الريم بنص عين : هه صدقتج ..مو معقوله ...خطبج وهو ماشافج...
لا ومصر عليج وعاند خالتي بعد ...الا اكيد وراكم سالفه ....
ام فارس بزعل : الريم وش هالكلام ....
عصبت رغد واحمر وجهها من وقحه البنت معاها وتلميحاتها ...
الريم بقهر وغيره : وهذا الصج يا خالتي ...هالبنت جايه بيتج بحسبه مرت ولدج
وما تدرين حتى عن اخلاقها وتربيتها... سمعتيها قبل شوي يتيمه وعايشه حياتها
لا ولي ولا شئ شلون ترضين ولدج يتزوج وحده مثلها ...
غرقت عيونها بس ماسمحت لنفسها تضعف قدام الحثاله تكلمت بقوه
وهي ترجع لدورها وحياتها مع الصبيان صقلت شخصيتها وزادتها عناد
بغرور وتكبر ...: مو شغلك ..اصلا من انتي حتى تسأليني ؟؟
وتحاسبيني وتشككين بااخلاقي هااا ..
الريم وهي تحاول تكون قدها والغل بقلبها : انا الريم بنت خالة فارس
وخطيبه وزوجة المستقبل الي جيتي وخطفتيه مني ياخطافه الرجاجيل ...
انحرجت ام فارس من تصرفات بنت اختها وماعرفت وش تقول...
تفاجأت برد رغد وهي توقف وتحرك شعرها وتمشي لجهتها بثقه ...
وقفت قدامها وهي متكتفه ..: قلتيها ياروحي ..ســـابقـــا ...
"اشارت لها ورجعت اشارت لنفسها " وحاليـــا انا ..حبيبته ...وززوجته
وكل حيــــاته ...وانتي بح
تكلمت امل قهر : والله رغد مافي مثلها متربيه احسنت تربيه والكل يشهد بااخلاقها
لا تألفين كلام من راسك يالريم ندري انك غاااااااير وبتموتين
الريم بخبث وهي تبعد وجهها عن رغد وهي تكلم امل وقلبها محترق من كلامها الواقعي
وثقتها الغير طبيعيه ..والي زادها سكوت خالتها
وكأن الوضع جاز لها :اجل شلون تعرفت على فارس اخوج ..
لا تقولين رفيج ولد عمها لانها ماتتصدق ...
لفتها رغد لجهتها وهي تتكلم بقوه : اولا الكلام مو توجهينه لامل ...قوليه لي انا
اعرف ارد عليك ...فارس مو بس صديق ولد عمي ...هو كمان صديق اخوي ..
واسمه نايف "لفت لام فارس وهي تبتسم بمكر وترمش بعيونها الساحره"
اتوقع خالتي سمعتي فارس وهو يتكلم عنه او حتى عمي سعود لانه كان يزوركم كثير ...
ام فارس وهي تطالع الثنتين : أي اعرفه دائم يجي وله فضل على ابو فارس
يوم ساعده ووقف بجنبه وقفه رجال ...
لفت للريم بثقه : سمعتي ...واما شلون خطبني مثل الناس ...هو اقرب صديق لاخوي وحب يناسبه..."ببراءه نرفزتها" وانا وافقت لاني بصراحه عاجبتني شخصيته
ومن كلام اخوي حبيته اكثر ....
الريم رفعت صوتها وهي بتموت غيض: انتي جذااااااابه ياحقيــره اكيد انك على علاقه معاه
"ابتسمت بمكر " وتبينه يستر عليج .والا ماكان سويتو ملجه بيوم وليله حتى امه مادرت ...
سكتت رغد وهي تمسك نفسها ماتقوم تكفخها ....
كملت بوقاحه بدون ماتطالع لخالتها الي مشحطه عينها تبيها تسكت
"سوت نفسها تفكر وهي تبتسم بحقاره " اممممممم أي اكيد عمي سعود فرض على الكل
ومايبي احد يتحجى فالموضوع حتى زوجته
امل بقهر : مو صحيح فارس يحبها ومايحبك ولا يبيك ...
بس انتي تفكيرك مريض الله يشافيك ...
الريم : انتي اسكتي محد طلب رايج خليج بنفسج احسن ...
امل بطواله لسان : انقلي انتي اصلا مـتخلفه ووقحه ومافيك طب
افهمييي اخووي مايبيك يالسواكني ......<السواكني نوع من انواع الغنم مو جني
ام فارس :امممممل ريييييم بس خلاااااص ...
الريم بحده : خالتي لا تدخلين ..خليني ابين لك اخلاق مرت ولدج
وافهمج الي ماقدرتي توصلين له مع انه واضح وضوح الشمس
"رجعت تطالع رغد " تزوجهاا عشان الي سواه اخوها مع عمي سعود ..
يعني متزوجها رد جميل مو حبا فيها "بقرف" لان شكلها وووع ماتناسبنه
واستايلها يلوع الجبد شلون بيتحملها مادري ااااه الله يعينك ياولد خالتي
وتقدمت منها ...لا شعوريا صفعتها كف جاااممد على وجهها
تكلمت بين اسنانها : انتي اصلااا قليله ادب وماتستحين على وجهك ...
شهقت امل وام فارس مفجوعين...ردت فعلها غير متوقعه
البنت الهادئه الناعمه الرقيقه تحولت فجأه لقطه شرسه تدافع عن نفسها بكل قوه ...
عصبت الريم ورفعت يدها لخدها وهي مبهوته بالي صار : كــــــــــف ......
امل وهي ودها تضحك من وناستها : لا مو كف مساج هههههههههه برافو
هدف لمرت اخوي وصفر للغنمه ....زيديها فديتك
اعطتها امها نظره سكتتها
الريم وهي توها تستوعب وهي تشوف نظرات رغد وبرودها
وهي ماتحركت ولا شبر من قدامها من صلابتها : انتي ...انتي
شلووون تتجرئين تمدين يدج ياحقيررره
"رفعت يدها بترد الكف قبل توصل يدها لرغد مسكتها يد وعفتتها بقوه"
..:اااااااااااااااااااي ايييدي
فارس بعصبيه : ان شفتك ماده يدك على مرتي اكسرررها لك فهمتــــــــــي
الريم وهي متألمه من مسكته : هي الي بدت وضربتني ...
فارس بحقد: وانتي الي بديتي واستفزيتيها تتحملين الي يجيك
هذا بيتها ومقامها من مقامي ...والا انقلعي ولا تجلسين بمجلسها وببيتها ....
فلتت منه وركضت لغرفتها وهي تبكي بقهر وتتحلف انها تدمرهم الاثنين
ومايتهنون حد هي موجوده ...
داخل المجلس عم الهدوء....
قربت رغد وباست راس عمتها : انا اسفه ...بس انتي سمعتي الي قالته
وانا دافعت عن نفسي بس
قرب فارس ولفها عليه وهو يشوف وجهها : حبيبتي لا يكون سوت لك شئ ..
ايش قالت لك انا ماسمعت الا اخر كلامها
امل بقهر : قول وش ماقالت جلست ترمي كلام زي وجهها على رغد
وتطعن في سمعتها والله لو سمعت كلامها شعرك يوقف
ام فارس بهدوء : بس ياامل ...خلاص .."التفتت لرغد "
رغد انا اعتذر لك عن الريم
هي ماتقصد كل الي قالته بس من حرتها ...كانت مخطوبه لفارس بالكلام
وطبيعي تنقهر لما تعرف بيوم انه خطب وتزوج وتركها
سكتت رغد ماردت ..بس نار الغيره تاكلها ..
فارس ببرود : بمه انا ماعمري اعطيتها امل او بينت لها اني ابيها
او افكر فيها حتى ماخطبتها هي من راسها الفت اني خاطبها ...
ام فارس وهي حاسه انها السبب بكل شئ : انا خطبتها لك وبينت لهم اني ابيها
"طالعته بحده وهي مهمشه رغد مع انها عارفه ان بنت اختها الغلطانه
بس ماتهون عليها " ولو ماتزوجت كنت ماراح تاخذ غيرها ...
حاول يغير الموضوع قبل لا تصير مشكله : وينه ابوي ماجا ...؟
ام فارس : لا.... انت روح شوفه وخليني مع مرتك شوي ...
فارس تركها وهو يطمنها بعيونه: ان شاء الله يالله جايكم بعد نص ساعه ....
"جلست وتأملت شكل رغد وهي تذكر الله البنت جميله وجذابه ...
غير انها محترمه ....قويه ...ماشافت بنت بقوتها ...تتكلم بدون خوف او تردد
تدافع عن نفسها وماترضى احد يدوس لها على طرف ...
راح تتعبها فالمستقبل اكيد لو ضلت مع فارس الله يستر ....
بس والله انها عجبتني ان شاء الله تطلع امل مثلها "
تكلمت بدون ماتحس انها تتكلم بصوت عالي ...: بسم الله عليك قمر
ماشاء الله مالوم ولدي يوم طار فيك ..
ابتسمت بخجل : مشكوره خالتي عيونك الاحلى ....
جلست وكملت سوالف معها وفي كل مره تبهرها اكثر ...
حست انها دخلت مزاجها رغم انها مقهوره على بنت اختها ...
بس فعلا زواج فارس منها مو سيئ لهذي الدرجه ... بالعكس اختياره زين
ويمكن افضل من لو اختارت الريم الي ماتحشم احد
وطيحت وجهها اليوم بدون ماتسمع منها ...!
وصل ابو فارس ومعه ابو تركي ...سلم على رغد وهو مبسوط
حااسس فعلا هالبنت دخلت قلبه وانه ماندم ولا ثانيه انه وافق على اختيار فارس لها
جلست معهم وهي مستحيه على العشا .....محلي الجو رعد الصغير الي حبته من شافته
وهو حبها كان يجلس بجوفها يبيها تأكله وفارس يدفه بعيد بغيره
وسط ضحكات ابو فارس وامل وابتسامه ام فارس ..
ونظرات فارس الي ما تنزل عنها كان كل شوي يلقمها بحب ..
وامل تبدا تعلق عليهم غير نظراته الي فاضحته وحياها منه وهي تحمر
وتنزل راسها كل ماقرب منها وهمس في اذنها او لمس يدها ...
الجو ممتع وهادئ وعائلي قدرت تندمج معهم وتحس فعلا انها بين عائلتها
واهلها وناسها والاهم حبيبها ...
بنص الجلسه اندمجت معهم ام فارس الي كانت ساكته طول الوقت ...
وبدت تتكلم وتبتسم تكلمت عن امل وانها نفسها تخليها تكمل الجامعه بره المملكه
مسكت يد زوجها وهي تشاركه الكلام وهو مبتسم برجوعها لهم ..
هنادي القديمه نفسها الي حبها وتزوجها .....
حتى لما انفتحت سالفه الزواج صارت تقول "لازم من الحين نجهز الفساتين
ونحجز الصالون ولازم العروسه تدبش ...ابي افرح بولدي ..."
كان كلامها بلسم على قلب فارس وامل ...احلى الحظات يوم تشاركهم فيها
امهم وتكون معهم وبصفهم وكل شئ يهمها سعادتهم ....
بالمقابل حست انها تبى تكون مبسوطه مع زوجها وعيالهم
وتشاركهم فرحتهم برغد الي الكل حاببها ومرتاح معها والاهم حست بنقاء روحها
وهي تتكلم بعفويه من دون تصنع او دق بالكلام .....
بعكس اختها وبنت اختها...
ابو تركي خرج من البيت اول مادرى ان عندهم ضيوف حس وجوده
مو حلو وثقيل ...وهو عارف ان كل الي يسويه غلط ....مخلي زوجته وبنته على كيفهم
وزوجته تتحكم فيه بسبب ضعف شخصيته ...حتى يوم بغى يفرض رأئيه صدته
وتفرعنت عليه ... بنته طلعت عند صاحبتها حتى بدون ماتشاوره او تعطيه خبر .....
.وزوجته مايدري وين راحت لانها ماعمرها سألت فيه او اهتمت
وظيفته بس يشتغل ويصرف ...
وهو الوحيد الغريب....والضايع بينهم .....
رن جواله وكان المتصل رقم غريب رد واستغرب : أي انا زوجها .........
شنووووو طيب طيب جاااي .....
ركب سيارته وتوجه للمركز وهو مخطوف لونه ....وبقلبه
"حسبي الله عليك يافايزه "
بمركــــــــز الشـــــــــــــرطه ...
كانو حاجزين الحريم كلهم الي تبكي والي تتحسب على ام صابر الي ورطتهم
والي مو مهتمه وعارفه انها بتخرج ....!
كانت جالسه وهي تتحسب ودموعها تنزل : حسسسسسبي الله عليج ياام صابر
ورطتيني واياك الله يبلاااج ...الحين وش اسويي وش وجهي عند اختي وزوجها وعيالها ..
.ياربي ساعدني وخرجني من هني
في لحظات سحبوهم كلهم لغرفه مدير المركز ...
كانو الحريم يبكون خايفين على سمعتهم وحياتهم ...
مو سهله تدخل وحده لمركز الشرطه ....
الضابط بعصبيه : انتو تدرووون وش الي سوويتوه ...تعرفون الحرمه هذي؟؟
الي تروحون لها وش تسوي بالناس ...هذي تدمر بيووووت
بيتها فاتحته مكان دعاره وسحر وشعوذه ...وتبيع حشيش وخدرات بعد
قربت وحده تترجاه : طلعوووني من هنااا انا مالي شغل والله مااسويت حاجه
دي ام صابر الله لا يعطيها عافيه قالولي عنها الحريم تفك السحر
والله مالي دخل في حاجه ياحضره الضابط ...
قربت ام تركي وهي تبكي : تكفى ياولدي ...لا تدخلنا في المشاكل
احنا ماندري عن أي شئ تسويه هالمره جيتها عشان تفك السحر عن بنتي المسحوره
والله العظيم ماندري عن شئ
ام صابر بحقاره : لا ياحضره الضابط كلهم معاي ويساعدوني والفلوس منهم بعد
والا ايش ياام تركي
مسكتها ام تركي وبدت تشد طرحتها وشعرها بقوه : ياحقيررررررره ياجذاااااااابه
يالي ماتسسستحين
ام صابر :ااااااااااااااااااااااااااااه اتركيني ااااااااااااااااااااه
هجمو عليها الحريم وقامت مضاربه بينهم ماوقفها الا تدخل الشرطه
الي فرعت بينهم بالقوه ..
الضابط بحده : بسسسسسسس ايش هذااااا احنا في حظيييره ؟؟؟
اصلا كلكم متورطين الي لها شغل والي مالهاااا
انتو الي تسونه اشنع من الي سوته ام صابر انتو تبون تأذون خلق الله
بسحر وشعوذه وماخفتو من ربكم وانه حرررام والي يروح لساحر او يصدقه كاااافر
ام تركي : والله ا.........
الضابط بحزم : ولاااااااااا كلمه ....ولاااااااااا نفس لمتى راح يضل الجهل عندكم لمتى .
..ماتفهمون ماتستوعبون ....قلت السبل مالقيتو غير السحر المصيبه تصدقووون فيه...
.. وين التعليييم ويين خوفكم من ربكم
حسبي الله ونعم الوكيل بس ....ياشرطي رجعهم للحجز وخلي ام صابر اتفاهم معها
اما الباقين لازم نستضيفهم كم يوم عشان يكون دررررس لهم
صرخو الحريم وعلى صياحهم لكن مافي فايده ..... سحبهم وبدا يحقق مع ام صابر
الي لها النصيب الاكبر وقضيتها كبيره مالها اول ولا اخر ...
دعاره + مخدرات وحشيش+ سحر وشعوذه وكذب على الحريم ...
وجراره بعد نسأل الله السلامه والعافيه وان يطهر بلداننا من امثالها ....
دخل ابو تركي القسم وهو مفجوع ...راح للضابط وسمحو له يدخل تكلم معه
وانصــــــــــــــــدم بالي عرفه ....
ماتوقع توصل للسحـــر ...تبى تزوج بنتها لفارس بالغصب وتركي لامل بالغصب
يوم شافت مانفعها وماحد يبي عيالها ...لجأت لهذي الطريقه الحقيره ...
طلب منهم ابو تركي تضل كم يوم عشان تتربى ومارضى يخرجها بكفاله ....
يــــــــــــــــــــــــــــتبـــــــــــــــــــ ـــــع