ايطـــــــــــــاليـــــــــــــــــــا
قصــــــــر البشاير ....
تحاول تفتح عينها بصعوبه وهي تتمطط ..نامت كثير ..
حاسه بخمول بجسمها ..من كثر النوم حست بشعاع الضوء المزعج يخترق عينها فتحتها وحطت يدها عليها حاولت ترفع جسمها وتقوم بس حاسه بشئ ثقيل مرتكز عليها ومانعها من الحركه ..اوف اكيد سوسي "قطتها"
رفعت يدها وهي تقول :هششش هشش
لكن الجسم لم يتزحزح من مكانه...استغربت...اوف اشبها؟
لا يكون فيها شئ ؟؟ .شالت يدها عن عينها والتفتت لهذا الشئ ...
فتحت عينها على الاخيـــــــــــــــــــــر وهي تشوف هذا الوجه ..
ايش يسوي هنا ...بغرفتي ...على سريــ ــــري ؟؟؟
رفعت نفسها بخفه وخلت راسه على المخده
تحركت وقامت من السرير كان جالس على الكرسي ومنحني براسه جهتها ...
تأملت المحل وفهمت ..تذكرت اغمائها امس ..يعني هو الي جابني الغرفه ؟
طيب ليش جالس لين دحين ؟ ونايم عندي كمان ؟
شافت صينيه على الطاوله راحت وفتحتها ..كان فيها صحن فيه مويه بارده انتبهت لقطعه قماش بيده ...
اخذت خمس دقايق عشان تستوعب ....
...الحين فهمت كل شئ ....
يعني هو الي كان معي امس ..وسوالي كمادات ...سهر على راحتي !
ابتسمت بسعاده ..ياقلبي يااياد ماتركتني وسهرت على راحتي ..
وانا الي كنت مقهوره منك ...بس والله من غيرتي عليك ياحبيبي
قربت وعدلت الغطا الي عليه وباست خده بشويش ..
لما جات بتبعد حست بيد تطوقها من خصرها وتسحبها...
انفجعت وكانت راح تصرخ بس لما انزاح الغطا عرفته ..
شافت اياد فتح عينه وهو مبتسم : صباااح الخير
ردت بخجل: صباح النور
كان لسه ماسكها هي واقفه وهو جالس : كيف تحسي دحين ؟ احسن
بشاير : احسن "بخجل" شكرا
اياد باابتسامه ساحره: عفوا "طالعها من فوق لتحت بتعمد "لا لا باين صحتك اليوم تمام
طالعت نفسها كانت لابسه بيجامه وردي خفيفه لولو كاتي
ماتتذكر مين لبسها بس مستحيل هو مستحيل حمرو خدودها بخجل لمجرد التفكير بس ...
شال يدو من عليها ووقف: قومي صلي الي فاتك يالله ...
بشاير انسحبت : اوكي ...
خرج من غرفتها وهو مطمئن انها بخير ومافيها الا العافيه
مجرد برد دخلها والحمدلله صحتها اليوم تمام التمام ..
دخل غرفته واخذ شاور سريع بدل ملابسه ومشط شعره ونزل للصاله ..
شاف امه وابو بشاير وبشاير جالسين على الطاوله يفطرون ...
اياد: صباح الخير
الكل: صباح النور ...
طالع ببشاير كانت لابسه برمودا جينز ازرق وبلوزه تفاحي بدون اكمام ومخليها شعرها على راحته ...اما وجهها كانت حاطه كحل ازرق وروج وردي شويه بلاشر وردي زادها اشراق ...
كانت جميله بس هو ماابتسم لما شاف شكلها وهذا الي خيب املها ...
قامت ام اياد وابو بشاير لانهم فطرو قبلهم خرج ابو بشاير لشغله وام اياد عندها مشوار زياره لجارتها القديمه ...
ضلت معاه يفطرون سوا تكلم بجمود مو نفسه الي كان معها قبل شوي بالغرفه انسان ثاني يتكلم : بتروحين الجامعه ؟
بشاير : ايوا
طالعها من فوق لتحت : وكذا !
بشاير حست في شئ غلط بشكلها : ليش وش فيه شكلي ...مو حلو ؟
اياد : انا ماقلت مو حلو ...بس ماتلاحظين انو قصير ومفتح مو لجامعه ؟
ماعجبتها لهجته وهو يتكلم : انا مقتنعه فيه
اياد وقف : على راحتك سوي الي مقتنعه فيه "رن جواله وكانت سيرينا رد عليها وهو يرحب " : اووو اهلا اهلا صباح الخير ياحلوه ...
سيرينا: صباح الخير كيف حالك ؟
اياد طالع بشاير ورجع يكمل يتكلم: منذ ان سمعت صوتك انا بخير وبااحسن حال كيف حالك انتي
سيرينا : اووو كم انت لطيف عزيزي انا بخير ايضا و مشتاقه لاراك فقط لم نقض وقتا مع بعضنا هل ستأتي الجامعه اليوم ؟
اياد:طبعا سأتي بعد قليل مارئيك ان نتقابل في التاسعه هل لديكي مشاغل ؟
سيرينا : او لا لا ابدا انا موافقه في التاسعه تماما
اياد: جيد اراكي اذا وداعا ياجميله ...
سيرينا: هههههههه وداعا عزيزي ...
كان يضحك والي جنبه احترقت من القهر كان ودها تصفعه كف جامد
قبل شوي مهزئها ويكلمها من ورى خشمه ومن دقت ملعونه الـ........
رد والضحكه للضروس ....
اياد مشى جهه الباب ووقف وكأنه تذكر شئ : انا رايح ها تبي تجي معي والا تعبانه وبتجلسي
بشاير ودها ترميه بصحن البيض الي قدامها بس تمالكت نفسها : لا روح ادبر نفسي اعرف
هز اكتافه بدون اهتمام : براحتك سلاااااااام
خرج وهو عارف انها ودها تفجر فيه قنبله وتقطعه بضروسها على حركاته
ذي بس لازم اذا تبيه راضي عنها تسوي الشئ الي يعجبه ويقنعه مو يقنعها حتى لو كان ذا الشئ بالاجبار او تتحمل العواقب!
بداخل البيت اول ماخرج انهارت على الطاوله تبكي مثل الاطفال وكأن احد كسر لها لعبتها : غبي غبي غبي اكررررررررهك ...
هدئت شوي ومسحت دموعها ..لازم ماتبكي لازم تبين انو هي كمان ماتهتم مثله ماحتسمح له يستعبدها اكثر ..خرجت وركبت مع السواق صرخت عليه : على الجـــــــــــامعه سيردي !
"طيب يااياد والله لاجننك تبى سيرينا عساك انتا وايها لجهنم اشبع فيها العنز وانت مثلها وجع وش عاجبه فيها كاانها عنز منقطه بس مافي نظر والا ذيك الحيــ..... حلوه ! انتحر الجمال اجل !!!
هين اوريك الغيره على اصولها لسه احنا فالبدايه والله احرق قلبــــــــــك مثل ماتحرق قلبي وانا بنت ابراهيــــــــــــم ...
نسيت كل شئ سواه وهي مريضه ماتشوف قدامها الا صورته مع سيرينا وهم يضحكون وهي تختنق من حرتها ...
يوم جـــــــديد يمــــر
ملكــــــــــــــة مــــــــــــــــــرام
البيت رجه من الصباح وهم يجهزون ام طارق تدير كل شئ بالبيت
وبالضيوف المعدودين الي بيحظرون الملكه ..
هديل متكفله بتجهيز العروس من والى بعد ماانهت تلبيس عيالها واخوان طلال كانو مطقمين البنات زي بعض والعيال زي بعض ...
غرام مالها الا بنفسها ..اتصلت على صاحباتها وعزمتهم وجلست النهار كلو بغرفتها تتكشخ وتشوف وش بتلبس ...
وطبعا سينا ماسكه الاربعه الاشقياء ...
طارق وطلال بقسم الرجال رجهو من بدي محلقين ومتكشخين اتفقو مع المملك يوصل بعد صلاه المغرب عشان كتب الكتاب ...
طارق اتصل بنايف كان متفق معاه يجي الملكه ووقتها بيعرف الكل عليه والاهم طلال الي مادرى لسه انو ولد عمه عـــــــــــــايش ....
كان نايف متردد يحضر او لا بس بعد اصرار من طارق وافق يحضر وبرفقته نادر الي اصر عليه يجي معه بااول يوم يجتمع فيه مع اهله ...
طارق اتصل وكلها دقايق رد عليه..
نايف: هلاااا
طارق: هلااا بولد العم كيفك ؟
نايف: الحمدلله زين انت كيفك وكيف التجهيز معكم ؟
طارق: والله حوسه بس لسه باقي ساعه على المغرب
العريس فالطريق مع اهله...انت متى بتجي تأخرت ؟
نايف طالع نادر الي يتعطر : قريب مابتأخر ان شاء الله
طارق: ان شاء الله انتظرك اجل سلااام
نايف: مع السلامه ..
التفت نايف لنادر : عجل يادوب نروح كان فيه شئ نساعدهم
نادر : طيب طيب ...اصبر علي وانت روح غير الغتره لونها مو قد كذا انت ولد عم العروس لازم تطلع شياااكه
نايف: الله يعدي هاليوم على خير ...
"ببيت طارق"
وصلو معظم المعازيم ..خرجت هديل مع ام طارق واستقبلتهم ماكان في كثير عدد محدود من الجارات وبعض صديقات ام طارق الي جو مخصوص عشانها.. وصديقات غرام بالمدرسه بااستثناء امل الي اعتذرت جوها "رولا وافراح ولجين...
هديل ..كانت لابسه فستان تفاحي قصير للركبه وماسك على جسمها من فوق معلق برقبتها بسلاسل فضيه بشكل حلو اكسسوارها ناعم بس حلق فضي واسوره وساعه كلها فضيه وطبعا لابسه دبلتها ..
اما شعرها ماسوت فيه شئ بس استشورته نزلت خصل على وجهها ورفعت جزء من شعرها ببنفخه بسيطه الباقي نازل على ظهرها لابسه صندل كعبه متوسط ومكياج ناعم مره زادها جمال على جمالها وكأنها حوريه الي يشوفها يستحيل يعطيها متزوجه وعندها تؤأم ......
اما غرام ..كانت لابسه فستان ارجواني قصير لفوق الركبه بشوي طقم مع هديل لكن فيه اخلاف بسيط فالموديلات اكسسوارها بسيط وحلوو
شعرها عملته بالسيراميك خلته براحته بعد ماقصته فكتوريا عشان تبان القصه ومكياج بناتي بس جرئ شوي لكن طالعه جميله فعلا ...
ام طارق بجلابيه مشجره فخمه ومسويه تسريحه ومكياج اووفر كانت بالنسبه لعمرها جميله طول اليوم مبتسمه وترحب الي حضرو مو مصدقه اخيرا بتزوج بنتها البكر ....
افراح : ماشاء الله هذي مرت اخوكي ..
غرام ابتسمت : ايوا هذي هديل مرت اخويا طلال هههههههههه مو مبين انها متزوجه صح
لجين: ابدا شكلها صغيره يعني اعطيها اكبر مننا بس بشوي ماشاء الله وعندها تؤام شفتو بس الناس الي تعرف تحافظ على اجسامها
رولا: هههههههههه والله قلتيها المره من تتزوج كرشتها تصير هالكبر وتقول عادي انا تزوجت وخلفت طبيعي اسمن
غرام:هههههههههههههههه الله يرجك بس ..بنات تعالو نرقص فيني هز خخ
افراح: هههههههههه وانا زيك يالله
رولا: وخري انتي واياها انا برقص بس غرام وين امج مااشوفها ؟
غرام: امي اكيد عند مرام تجهزها بعد المغرب عريسها بيجي خخخخخخخخ قسم لو تشوفونها ترتجف من صبح قلت لها مابياكلك ..
لجين:ههههههههههه فديتها اكيد خايفه ...
بدؤ البنات بالرقص ومستانسين بوقتهم وام طارق تستقبل وجالسه مع ضيوفها تشوف عيال طلال يلعبون هم وعيال زوجها ومبسوطين
كل شوي تشيك على بنتتها وتشوف خلصت او لا بعد ما استلمتها الكوافيرا ومافكتها الا بعد صلاه المغرب ....
"عند مرام باالغرفه"
صلت المغرب لانها متوضه قبل تحط المكياج ..كانت ملاك فعلا دخلت عليها هديل وهي تغطرف : الف الصلااااااااه والسلام عليك ياحبيب الله محـــــــــــمد كللللللللللللللللللللللللللللللللللللللللللللللللل للوووووووويييييييييي ماشاء الله تبارك الرحمن طالعه قمر ياقلبي ..
مرام بخجل: شكرا
هديل: وااااااااااو اكيد خويلد لاشافك بيستخف الله يعينه ههههههههه شكله بيخلي الزواج بكره
خمرو خدود مرام وسكتت خجلانه ..
كانت لابسه فستان احمر دموي هي اختارته بنفسها وكان مناسب لها مخصر على جسمها ومبرز انوثتهاا بشكل كبيرمن تحت يتوسع بحركه حلوه طويل وفخم من فوق كله الماس معلق بطوق بالرقبه لابسه اكسسوار ناعم بحلق طويل اما شعرها نصه مرفوع بتسريحه بسيطه ماسكتها بوردات طبيعيه والباقي رولات نازل على اكتافها اما الميك اب اوفر طالعه مــــــــــلاك..
دخلت ام طارق : بسم الله ماشاء الله اقري على نفسك حبيبتي واستعدي الشيخ بيملك لك اول بعدها بطلعك للحريم .. وتروحين الغرفه الي مجهزينها لك ولزوجك ...
مرام تهز راسها وهي تبي ترجع غرفتها وتكنسل كل شئ خايفه ومرتبكه والي حاز بخاطرها انو ماراح يجو اعز صاحباتها بملكتها ...
دخلت غرام الغرفه : الحقي مروووووو من هنا ...
رفعت راسها مستغربه ..
:سبــــــــــــــــــــــــــــــرايز !!!!
صرخت مو مصدقه : رنــــــــــــــــــــــــــا اشـــــــــــــــــواق !! وااااااااااااااااااااااااااااااااااااااااااااااااا ااااااااااااااو
تقدمو البنات وحضنو بعض وسلمو على بعض
لهم زمان ماتجمعو سوا ناقصهم بس وجود رغد وافنان حاليا ..
مرام وشوي وتبكي من فرحتها: مو مصدقه انتو جييتو ؟
رنا: ههههههههه لا قعدنا يابنت انتي تجننتي توقعتي نسيبك بااحلى يوم في حياتك ماتجننا ترى طلعت عيونهم لين جابوني هههههههه مبرووووووك
اشواق: الف الف الف مبروووووووووووك ياقلبي الله يسعدك
مرام :الله يبارك فيكم حبيباتي ربي مايحرمني منكم ..
رنا: امييين ههههههههههه عاد تصدقين دوبي اعرف اسم العريس .."غمزت لها" ياحظك ياخلودي بميمي اليوم... لا شفتها بتستخف
مرام بدلع: دوووووووووبه لا تتكلمي عن زوجي كذا
اشواق: واااااااااااااااااااو وين الحياء طاااار هع
مرام تستهبل : احم احم شوي بيطير واصير مجنونه زيكم مو الي تتزوج دوم تستخف هع
هديل : كأنك جمعتيني هع حتى انا متزوجه ترى.....
مرام بسرعه: لاا الا انتي ماشفت زيك صراحه عمله نادره
متزوجه ومخلفه وتستحي كمان ...
هديل :ههههههههههههه حسابك بعدين تعالي وقعي جا العريس
مرام بلعت ريقها : ادعولي بنات ..
البنات ضحكو على خوفها وتذكرو يوم ملكتهم : الله يعينك هههههههههههههه
"بالطريق .."
كان نايف يسوق ومستعجل: يووه تأخرنا شكلهم ملكو خلاص
نادر: ايش نسوي ليش مااانتبهت انو السياره عجلتها مفقوعه كان من زمان وصلنا الله يهديك ..
نايف : وش اسوي ارتبكت ونسيت اوووف اعوذ بالله من ابليس
نادر: روق ياشيخ ان شاء الله نلحق انتبه بس لا تكون مضيع بس طريق البيت حق عمك !!
نايف: لا لا متأكد بس هو بعيد البيت شوي ..الله يعدي اليوم على خير
" بمجلس الرجال "
وصل فارس وهو متكشخ كأنه هو العريس مع خالد الي باين من وجهه
انو خايف ومرتبك بس يحاول يبين انو تمام ..
جنى دخلت قسم الحريم وهناك رحبت فيها ام طارق..
رحب فيهم طلال وبدا الكل يسلمون على بعض ويشربون القهوه
في جو مليئ بالالفه تقدم خالد قدام الكل وطلب يد مرام وطارق جاوبه بالموافقه والمعازيم يرمون كم كلمه يحرجون خالد .....
وصل الشيخ الي بيملك وجلس وكانت مرام جالسه من الجهه الثانيه عشان لما يسألها الشيخ تجاوبه ...وفعلا بدا عقد القران ..
بدا الشيخ بمقدمته الطويله سأل العريس ..خالد الــ............. تقبل مرام محمد الـ............ زوجه لك على سنه الله ورسوله ..
خالد باارتباك : نــعم اقبل ....
قرب من جهه الجدار الفاصل وسأل العروس.. : مرام محمد الـ...........
تقبلين خالد الـ.......... زوج لك على سنه الله ورسوله برضاك
كانت خجلانه وجاوبت بصوت خافت ..نعم اقبل ..
بس ماسمع الشيخ ..: ها تقبلين ...قولي يابنتي لو مو راضيه ؟
هديل بهمس: ياهبله ارفعي صوتك لا تجلطين الرجال خخخخخ
مرام انفجعت وعادت بصوت اعلى وكأنها طالبه فالمدرسه
بان عليها كأنها متحمسه هع :نـــــــــــــــــــــعم
الشيخ كان بيضحك ....طلال وطارق وحتى خالد والي سمعوها ودهم ينفجرون من الضحك بس ماسكين نفسهم..طلال ماتحمل وضحك بصوت منخفض ..
ولما سمع صوت ضحكت هديل انفــــــــــــــجر واصاب العدوى الباقين الي ماتحملو ...
هديل:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه الله يرجك مو كذا عاد اسحبيه مع رقبته احسن
كانت مرام بتبكي من الاحراج ..اول مره تملك مو مجربه !!
سكتو شوي وهدءؤ واكتمل عقد القران باقي بس التوقيع
وتصير مرام زوجه خالد رسميا ..كان الشيخ ماسك الدفتر وقع خالد جنب اسمه
ويده ترتجف واعطى الدفتر طلال الي كان ماشئ بيوديه لاخته مرام عشان توقع .....
قبل لا يخرج دخل شخص ماكان متوقع ولو 0 % قدوومه
فتح طارق عيونه مو مصدق طاح الدفتر من طلال وعم السكوت المكان ...مستحيل ...!؟
ابو طارق: السلام عليكم ....
احبك يافارسي
احـبـكَ
احبكَ وتهدهد الشوق في مهدي
يؤرقني
يعانق الوصل ويهوى اللقاء
احبكَ تمضي المروج عاشقة
تسبح بين طيات السماء
تسكن القمر بيتاً
تسامر النجم ليلاً
تهذي وجداً
دفيء احضان اضناها العناء
احبكَ سيدي وملهمي
يامن على شفتيك
يتصارع الشوق
وتهدم اسوار
وتسقط قلاع
احبك ومعك اشعر بالحنين
يدغدغ صوتك مسامعي
ويسافر عبر الاثير
حاملاً شوق السنين
احبك وبنيت حول قلبي الف سور
بنيت احلامي
شذا ايامي والانين
هل رايت يوما لهفة الطفل الوليد؟
لرشفة يشتاقها لاحضان تشعره بالحنين
هل رأيت الشمس ساعة رحيلها؟
تفي بضياء الامل
باسمة تلك المقل
تغزل ضفائرها
تعانق بحرها تغرق في مدا شوقها
احبك كلهفة الطفل الوليد
كالشمس ساعة ترحل وتغيب
تسكن البحر ومعه تستشعر الحب
كيف لا وهو مرسى لها هو شاطيء
يطفيء لهيب شوقها
هو عالما يوقظ صمتها
/
/
احـبكَ
لا اعلم الى أي مدا
فوق المسافات ..خيال بعيدُ بعيد
كقطرة ندى
فوق الشفاه تسقط حُباً وشذا
احبك ومعك طريقي طويل
لذة الروح ترانيم قيثارتي
لو بعد الف عام سيجدوني بحبك انا قتيل
احبك ..احبك ...احبك
رغد الفارس ...
انتهـــــــــــــى الفصل الاول من البارت السابع والاربعون ...