اليـــــــــــوم التــــــــــــالي
بيت ابو فارس
صحى الكل بدري كالعاده ..لكل كل واحد منهم كان بهمه ..
امل معتصمه بغرفتها كانت متأكده انو امها راح تخبر ابوها ..
"مستحيل تسكت عن الي شافته اعرفها زين ..اكرهك يايمه
انتي ماتحبيني وعمرك مابتحبيني ...تبين ابوي يكرهني كمان لانك ماتحبين الا فارس ورعد ...انا عندك صفر عالشمال .."
كان هذا تفكيرها ..تحس انو امها ماتحبها بتفكيرها المراهق بالرغم انها عارفه انها غلطت من البدايه وسمحت لتركي الكـ xx يهددها ...
لكن مقنعه نفسها انها هي الصح بكل شئ ...مظلومه وهي فعلا مظلومه لكنها تتحمل جزء من الغلط ....مو كل الحق على امها ...
لبست مريولها ومشطت شعرها خرجت من الباب الخلفي ماتبي تشوف احد اخلاقها بخشمها ومافيها للهواش ...
طلعت وخلت السواق يوصلها ..........................
اما الفارس ...
نام بغرفته بعد خروجه من بيت رغد بااكثر من خمس ساعات ...
جلس طول الوقت يفكركيف بيتصرف ...وشلون بيساعدها ..فكر بحبه لها ..كان يتخيلها بالزاويه تبتسم له ويبتسم لطيفها...
رن جواله قطع عليه تخيلاته برغد تنرفز بس لما شاف المتصل انفرجت اساريره كان المتصل خـــــــــــالد ...
رد عليه بترحيب حار يعبر عن مزاجه الرااااااااايق : صبــــــاح العســـــــــل هـــــــــــــــــلا والله بو وليــــــــــد
رد خالد وهو متفاجأ من الترحيب الحار : هلااا فيك يابو سعود صبااحك ورد اشوفك مرووق فرحني الله يفرحك
فارس: ههههههههههه والله كذا صحيت مرتــــــــــــــاح وحلمت احلام حلوه طبيعي اصحى وانا رايـــــق ..
خالد ابتسم: اجل انا الي بفرحك ..بكره ملكتي على مرام ...
فارس فرح من قلبه: مبروووووووووووووووووك الف الف مبرووووووووووك يالغالي الله يهنيك اخيـــر بتملك
خالد:هههههههههه اخيرا ..عاد انت اول من اعزمه ..ياويلك ان ماجيت ابوي مسافر وابيك تكون معي
فارس: ابشر وانا اخوك اكيد بكون معك ولا يهمك بس وين بتسوي الملكه؟
خالد: والله الملكه بسيطه بتكون عائليه والحبايب بس ببيت طارق
فارس حس باانقباض من ذكر اسم طارق بعد الي عرفه وسوايا صديقه حاسس انو كش منو مو مثل اول ابد ..: اهاا على بركه الله ..
خالد: تسلم يالحبيب الا ماقلت لي وش صار على نايف كلمته امس ؟ بيرجع الشغل والا مارضى ؟
فارس ارتبك : ها ..كلمته بس مارضى والله ...الله يستر عليه يمكن بيكمل جامعه ويشوف مستقبله لسه صغير انا بااوصل له كل مستحقاته والله يوفقه
خالد:الي يريحه الله يوفقه والله انه حبيب ويستاهل كل خير
يالله بااودي جنى المدرسه وجاي الشركه نتقابل هناك ...
فارس ارتاح لما تسكرت السالفه : ان شاء الله
خالد: في امان الله
فارس : مع السلامه ..
قفل من خالد ..كان مبسوط بخبر ملكته بس صار الان محتار وعلى عاتقه مسؤليه وبقلبه اسرار مو عارف وش يسوي .....لازم في حل ...هو وعد رغد وماراح يخلف وعده ...
رجع بخياله لرغد ...ياترى وش بتكون رده فعلها لما تشوف الي رسلته لها ...ان شاء الله تفرح ..بس لا انتهت مشاكلها بتفرح اكثر ...
اول شئ لازم يبعدها عن طارق ..وقبل يبعدها يبتعد هو عن طارق تدريجيا ..حتى علاقه الشغل ما لازم تتم ....وتنفصل الشراكه ...
لازم يمنعها با اي طريقه ...
ثاني شئ لازم يلقى طريقه يتقرب فيها من رغد و يعترف لها بحبه ..
متردد من هالخطوه لانها مبكره ماله يوم من عرف الحقيقه لازم يصبر عارف انها تميل له ويمكن تحبه كمان بس خايف من الجاي
خايف تفسر هالشئ غلط وتخاف منه ...خايف يندم ...
الحل حاليا انو يكسب ثقتها ويساعدها...
وبعدها ينفذ القرار الي براسه ..
ابتسم مرتاح ومبسوط من القرار الي اتخذه...هذا قرار العمر
وراح يحارب ويحققه
لما تستقر الاحوال راح يــ .....
قطع حبل افكاره صوت دق على باب غرفته ..قام من السرير وفتح الباب ..كان رعد الي داق الباب وبيده لعبه لابس بيجامه: ثبـــاح الحيــر
ابتسم وشاله على كتفه عض خده: صبــــاح الورد هلا بالشيخ رعد وش طاري عليك تزورني اليوم من صبح ؟
رعد ابتسم وتعلق برقبه اخوه : هههه ماما تقول تعال الفتور ..
مشئ وجلسه على السرير : طيب ياحلو بااجي للفتور بس ابدل واجيك خليك هنا لحد ما البس
رعد: تيب ...
دخل فارس الحمام غسل وجهه وفرش اسنانه للمره الثانيه ..كان شعره مبلل لانو تحمم من اقل من ساعتين .دخل غرفه التبديل وبدل على السريع لبس ثوب وغتره بيضاء لبس الكبك الفضي وجزمه سودا تعطر على السريع طالع نفسه فالمرايه كان شكلو شخصيه وكششخه ..
ابتسم لنفسه برضا تمنى رغد قدامه وتشوفو كذا ....ياترى وش بتقول !
بعد ربع ساعه نزل ومعه رعد للفطور شاف امه وابوه بس جالسين على الطاوله وباين الجو مو رايق ابدا ...وجه ابوه مايتفسر وامه ساكته ...
فارس : صباح الخير
الكل صباح النور ..
جلس بمكانه وجلس رعد كمان بدا ياكل بهدوء مانطق بحرف واحد ..سمع صوت ابوه يناديه ...
ابو فارس: فارس ...
رفع راسه ورد بااحترام: امر يبه ..
ابو فارس بجمود: ابيك ماتداوم بالشركه ...انا راح اداوم وانت عندك اجازه منها هالاسبوع كله ...
استغرب كلام ابوه ...لااا مو وقت اجازه الحين ..مو وقتها ابداااا
لازم يكمل الي براسه وينهي الشراكه ..: بس ليش يبــــه ؟؟؟ عندي شغل كثير مااقدر اتركه ..
ابو فارس بصرامه: بس انا قررت ...منها ترتاح من الضغط بالشغل حاسس انك مو على بعضك وهذا مو زين لازم تريح مالك كثير خارج من عمليه خطيره والشباب مكفين وزود وبعد انت اصلا بتنشغل بشئ اسهل هالاسبوع لانو ملكه اختك بااخره ..
فارس انصدم وعصب :شنووووووووو؟؟ ملكه امل ؟؟؟؟ من متى ؟ ومين ؟
ام فارس تدخلت ماتبي ابو فارس يقول الي صار لان فارس ماراح يرضى
: تركي ولد خالتك خطبها ويبيها
فارس شك عارف انو العلاقه بين تركي وامل مو تمام ..غير كذا مو عاجبه حال تركي رغم انو كان مثله بس تركي بزياده ...: وملكه كذا بدون خطبه ولا شئ على طول تملكون لها ..امل صغيره لسه مو حقت زواج ...
ام فارس بهدوء: اختك دخلت الثانوي وبعدين انت قلتها ملكه ماقلنا زواج وهم يعرفون بعض من زمان مايحتاج شكليات وخطبه ..
فارس بشك: وامل موافقه ؟
ام فارس: طبـــــــــعا موافقه ولان خالتك وعيالها راجعين لبيتهم قلنا نسوي الملكه بهاليومين وخليناها اخر الاسبوع على ما نجهز كل شئ...
فارس حاسس السالفه فيها حلقه مفقوده ...ملكه سريعه حتى بدون تجهيز
او خطبه قبل ...والادهى انو اخر من يعلم !!
فارس بزعل: وانا اخر من يعلم طبعا ...مشكورين ..
ابو فارس انهى الموضوع وهو باين مخنوق وماسك نفسو بالقوه: السالفه جديده يا فارس ومحد داري عنها لسه بس احنا وخالتك وعيالها
ومادام ولد خالتك يبي اختك واختك تبـــــــــيه خلاص انتهى
امك تفهمك وش تسوي انا رايح الشركه يالله في امان الله
الكل: في امان الكريم
فارس : يمه احس ابوي مو على بعضه صار شئ ؟
ام فارس : لا لا مافيه شئ بس تعرف اختك دلوعته مو مصدق انها بتتزوج وتتركه قريب مو متحمل الفكره
فارس : اهاا عشان كذا وجهو مقلوب من صباح رب العالمين
ام فارس : ذحين انت اسمعني هالاسبوع انت بتتكفل بكل شئ احجز الاستراحه الي سوينا فيها العشا لما قام ابوك بالسلامه..وجهز لكل شئ شوف ولد خالتك وخلك معه ماابغى شئ ناقص ابي كل شئ كامل ومن احسن ما يكون هذي ملكه بنت سعوود وهنادي مو أي احد...
فارس بضيق: ان شاء الله يمه ماراح انسى الا امل فينها مافطرت معنا ؟
ام فارس بعدم اهتمام : اظنها راحت المدرسه الساعه 8 الصبح مداها فالفصل الحين تعرف اختك ماتفطر دووم ...
فارس وقف: طيب يالله استأذن بروح اجيب كم غرض من الشركه واشوف سالفه الملكه الي جاتنا فجأه ....
خرج فارس من البيت وهو متضايق ماتمنى تركي يتزوج اخته ...
مو مناسب لها ابدا كبف اقتنعت تاخذه ...
يمكن تحبه ..والي يحب مايشوف عيوب حبيبه ...الله يوفقك يااختي
ويكتب لك الي فيه الخير ولو لك سعاده مع تركي ربي ماحرمك منها ...
توجه للشركه كانو لسه الموظفين ماوصلو اخذ اغراضه المهمه
ارسل مسج لرغد وخبرها انو بيغيب كم يوم وبينهم اتصالات ....
بعدها خرج من الشركه ....
في طريق العوده من المستشفى
تطمنت افنان على صحه رغد اخيرا اخذت ساعتين فالفحص بس تطمنت ان اصابتها مع الوقت راح تخف ومافي مضاعفات فتره بااذن الله وتشفى تماما... تكلمو مع صاحب العماره انو نايف طبعا واخته راح يضلون بالشقه حاليا ووقت مابيخرج راح يعطونه خبر ...
مشو مع الدرج راجعين لان المصعد معطل ...
افنان: يالله الساعه 8 ونص صارت الصبح جا بدري احس خخخخخ
رغد: انتي يالداشره جايتني 3 فاليل ! كيف خلاك اخوك بالله تجين هع
افنان تبى تغير المود حقها: ههههههههههه يااختي ايش اسوي وحشتيني "ضمتها" مااقدر على بعدك ...بعدين يازفته شقتي جنب شقتك وفهد بنفسه وصلني عندك لين الباب
رغد: بس بس اكلتيني هههههههههه طيب ياحلوه وصلنا
اول ماوصلت لباب الشقه لفت انتباهها شئ عند الباب شافت بوكيه ورد ومعه ورقه ؟؟ وكيس كمان ؟
استغربت ...: افنان شوفي ؟ هذي لك ؟
افنان: لا ...اكيد لك لانو عند بابك غريبه من مرسل ورد لك ومع الصبح ؟ في احد يعرف عنوانك؟
رغد: لا انتي والبنات بس ؟ غريبه لحظه فيه بطاقه خل اشوف ...
فتحت البطاقه اول ماشافت من مين شهقت ...كان مكتوب ..
" ممكن أقول للوردة قبل تتفتح أوراقها..
صبااح خير ياأحلى وأعذب وأرق مخلوق عرفته..
ادري امس تعبتي ومااكلتي شئ
جبت لك على ذوقي يارب يعجبك..."فارس
ابتسمت وضمت الرساله : وووووااااااااه وماتبيني احبوو يافنوو ..
افنان بفضول سحبت الورقه وشافتها دخلت رغد بهذا الوقت الاغراض لجو وكيس الفطور فالمطبخ وبدءت تجهزه لانها فعلا جيعانه ...
جاتها افنان بعد دقيقه ..ماكان باين عليها مبسوطه او مرتاحه تكلمت : رغــد
رغد من دون ماتطالع فيها ترتب الصحون: هلا قلبي ...
افنان : عندي فكره تحل كل مشاكلك ..
رغد رفعت راسها باانتباه : وش هي ؟؟؟
افنان بجديه : انا وفهد حجزنا بعد اسبوع سفرنا واخيرا وش رايك تسافرين معنا كندا وترتاحين من فارس وغيره ..
يتبع