[جنون المشاعر]

شقه رغـــــــــــــــــد

افنان تصرخ بوجهها: وتقوليــــــــــــــن مافيني شئ ...لا تجنني رغد وش صــــــــــار ...؟؟

رغد ماعرفت شلون تخبرها بس بالنهايه لازم تحكي لها القصه كلها جاتها من الاخر : انا انكــــــــــــــشفت ....

افنان : انكشفتي ؟؟ كيف ؟ مافهمت ؟

رغد بقوه : فارس عرف كل شئ عني ....عرف اني بنت ....

افنان انصــــــــــدمت ....

افنان تكلمت بهمس كأنها بتتأكد من الي سمعته: عرف انك بنت !

رغد باايجاب: أي عرف ..عرف كل شئ عني ..كل شئ ....

افنان حاسه بصداع الي يمر على راسها شئ مو هين: وتقولينها كذا ! ببرود انتي انجنيتي ...تقولين كشف كل شئ وعـــــــادي

رغد صرخت فيها: وش تبيني اسوي ..ابكي ! انا طول عمري ابكي جات على ذي يعني ...خليه يعرف اصلا مستحيل اظل ساكته عمري كله ...عرف وانا الي حكيت له بعد

افنان مسكت راسها تبي تستوعب : لحظه لحظه ... لازم تفهميني
اول شئ الجرح ذا ..وكيف عرف .. كل شئ صار احكيه ليه...

رغد بتوتر فجرت القنبله: طيب بااحكيلي لك بس قبل لازم تعرفين ...
طــارق ولد عمي طلع صاحب فارس وخالد وبيشتغل بالشركه بعد .....

افنان جلست على الكرسي مبهوته صارت تتكلم بدون وعي منها : شنوووووووووو! صاحبه بعد ! مااصدق...
ياويل حالك يارغد ....وياولي عليك ...ماطحتي الا بااصحاب الـ xxxxx ولد عمك ؟؟ وش الحظ الردي الي عندك يا نظرعيني..تشردين ويلحقونك ؟ من بين كل الناس مايعروف الا طـــــــــــــارق
وش المصــــــــــــــايب الي تتحذف عليك؟ ...

رغد جلست جنبها مو عارفه اذا افنان صاحبتها الي ماصار معها هالشئ من فجعتها هذا الي صار فيها وش تقول عن نفسها الي عايشته !

مسكتها من يدها : هدئ ياافنان تكفين لا تزيدينها علي والله انا بالقوه ماسكه نفسي ومقويتها خليك جنبي وشدي على يدي ...
"حاسه بالغصه بحلقها وعينها امتلئت بالدموع رغم عنها تكلمت "
محتاجه احد يوقف جنبي انا تعبــــانه تعـــبـــــــانه ....

هدئت افنان وهي تشوف الدموع المنسابه من عين رغد ..
حست قلبها يوجعها على صديقه عمرها لهالدرجه الدنيا معاندتها
ماتحس بطعم الفرح بساعه الا والحزن والالم يجيها اضعاف عن الي قبل ...مسحت دمعتها: هدي حبيبتي انا اسفه ..لا تبكين الله يخليك ..

رغد مسحتها وحاولت تتماسك : اسمعي انا بحكي لك كل شئ
صارت معي اشياء كثيره لازم تعرفينها انا الحين ضايعه ياافنان ضايعه ...

افنان بحنيه: قولي ياقلبي انا اسمعك وراح افهمك لا تخبين بقلبك فضفضي ..مستحيل اتركك وبضل جنبك واساعدك ...

رغد ابتسمت بحب وحضنتها افنان فعلا اختها الي ماجابتها امها ..:
الله يسعدك ياقلبي ..انا بقول لك كل شئ وانتي ركزي بالي اقوله ولا تقاطعيني ابدا اتفقنا ....

افنان بتوتر : طيب تكلمي اسمعك ...

رغد:.............................................. .................................................. .................................................. .................................................. .................................................. .......................

كانت رغد تحكي وافنان فاتحه عينها من هول الي تسمعو مو مصدقه
كل هذا صار بيوم وضحاه كل شئ كان مثل الحلم ...

بس الشئ الي صدمها اكثر اعتــــــــــــــــــراف رغد الاخير
ماتوقعت تسمع منها مثل هالاعتراف بحياتها بس شكل الحمل بقلب صديقتها فاض وماتقدر تكتم الي بقلبها ...تعبت ...

افنان بدون تصديق: انتي من جدك ؟؟؟ يامجنونه ايش ذا التخريف؟ اكيد تتوهمين او تتريقين يازفته ؟

نزلت دموعها وكان شكلها مايوحي ابدا بمزح بل بوجع بقلبها مكتوم وانفجر الان : والله احبـــــه ياافنان ..ماقدر اضحك على نفسي ..
انا احب فــــــارس ..

افنان بعصبيه : كيف تحبينه ؟ من متى اصلا عرفتيه زين عشان تحبينه ؟ كل الي بينكم شغل والاهم انك تتعاملين معه انك ولد مثله ؟شلوووووون تجين الحين وتقولين احبه ؟؟ شلوووووون ؟؟

رغد نزلت دموعها اكثر وهي تصرخ باافنان تحس محد حاسس فيها : مــــــــــاادري احبــــــــــه وخــــلاص..انا غبيه انا حمااره هبـــــــله مراهـــــقه قولي الي تقولينه بس انا احبــــــــــه ...

افنان بحده : وبهالسرعه بكم يوم وصرتي تبكين وتحبينه ...؟

رغد بصدق من قلبها: الحب مايبيله سنوات عشان يجي ..
افنان انا عشت شهور محد جنبي الا فارس
انتي جنبي صح بس مو بكل وقت عندك اخوك ومشاغلك مهما تقابلنا بس اضل بااخر اليل لحالي مع غربتي ..لا ام ولا اب ولا حتى اخوان مافي سند احتمي فيه انسان اقدر اعتمد عليه واحس بالامان معه ..لحالي بين اربع حيطان وبتالي النهار في مكتبي او مع فارس......
انا اعرفه اكثر من ما يعرف نفسه اعرف وقت يتضايق... وقت يعصب ..وقت مايكون رايق وحتى... وقت مايبي يبكي ....اعرف تفكيره .....
وانه مافي اطيب من قلبه ....
كنت تؤامه وماتفارقنا... دوم مع بعض وانتي عارفه من اشتغلت معه
حتى لما مرض بجنون جبته لشقتي ماتحملت اشوفه تعبان وبالشارع ....
"من قلب" احسس انو غير عن الكل احبه ولا تسألين كيف تحبينه ..
لاني انا نفسي مادري شلون انزرعت محبته بقلبي ...
لما انصاب كنت اتمنى اني انصبت معه ...ماتحملت اشوفه يتعذب
خفت عليه اكثر من روحي وش تسمين هالشئ ..مو يسمونه حب...

افنان حست بخوف على رغد من المشاعر الي هي فيها ..حستها تتكلم بس مو بوعيها ..هذي مي رغد ...لازم تغير تفكيرها لازم ماتتعلق بهالانسان لانها عارفه نهايه هالحب بتكون كــــــــارثه ..

افنان بنرفزه : أي حب واي خرابيط ...انتي ماتحبينه انتي تحسين بالحمايه معه يارغد اصحي ...لا تتعبين قلبك وتتعلقين بطيف هالانسان ..
انتي عندك مشاكل وهاربه من ماضي ..
والادهى انو طارق يكون صديق له من قبل لا يعرفك...
تتوقعين عشانك يترك صديقه الي معه من زمان !

رغد بدفاع: لا تقولين عنه كذا مستحيل يخونني انا واثقه فيه مستحيل يسويها هو وعدني بيوقف جنبي ..افنان فارس مو سئ مثل ماتتصورين فارس طيب ومحترم وولد ناس ..

افنان بسخريه: باين محترم ومصاحب ناس ..استغفر الله بس ..."مسكتها من كتفها وتكلمت بجديه" انتي ماتحبينه ...انســـــيه فاهمه ..

رغد لفت وجهها للشباك وكل تعابير الالم والقهر مرسومه بوجهها: تبيني انســاه ...اقولك احبه تقولين انسيــه ! هو الحب ينتسي ياافنان ...

"التفتت وطالعتها تبتسم وبعينها نظره انسانه معذبه بين ماضي جميل وحاضرمؤلم نظره فهمت افنان معناها ورجعت اكثر من 6 سنوات ورى "

رغد بحب مستميت:انتي اكثر انسانه تعرف انو ماينسي يضل بالقلب حتى لو دفنته حتى لو سويت نفسي ناسيه ..قوليلي انتي نسيتيه ...

حست افنان بالجرح ينفتح مره ثانيه : اتركيك مني وخلينا فيك ..رغد انا مو مثلك ظروفي مو مثل ظروفك والي احبه راح وماعاد يرجع ..حتى لو ابيه يرجع ..انتي غير انتي حياتك على كف عفريت لسه مو محدد وش مصيرك وش مستقبلك ؟ وش بيصير فيك؟
لا تغامرين يارغد..لا تركضين ورى قلبك..
لسه انتي بااول الطريق انسحبي ولا تغرقين اكثر..

رغد ابتسمت بسخريه وهي تكتم دمعه حاره بين رمشيها : بس انا خلاص ضعت وش بــــــاقي اكثر من كــــــذا... ماعـــاد في شئ اخســــــره ..
اهل ومــافي ..مستقبـــــل مو معـــــروف ..سعـــــاده ماراح القــــاها..
خليني احتفــــظ بالحب اقل شئ لو مــــــره وحــــده...
"شهقت " ماقدر انســـى... مااقدر انكــــــر...
انا احبــــــه ....مو بس احبــــه الا اعشقـــــه...ولاتسأليــــــن كيـــــف..
انتي تدرين البنــــــــت لا عشقــــــــت وش يصير فيـــــها ...
انتي اكثـــــــــر وحــــــده عـــــــارفه هالشئ ....
"ازدادت شهقاتها وعبراتها وهي تحاول تتمالك نفسها وماتنهار.. مو قادره دموعها تنزل لا اراديا "
افنــان ....فارس حسسني بالامـــــــان...
حسســـني بالاهتمـــــــــام حسيت بالحـــــــب معـــــه ...
حسســــــني اني لي قيــــــمه بشــــــــر لحم و دم و احتاج حنـــان
حتى لو ماعرف اني بنت ...انا عـــــارفه ومتـــــأكده
افنـــــــان انا بنت .....وعندي قلــــــــــــب عندي احســــــاس مشــــاعر مثل بـــاقي البنـــات حتى لو ماكان شكلـــــــي بنت
حتى لو كنت معدومـــــــه الانوثه
ادري مافيني جمـــــــــال ومااثر بااي انســــــــان
"باالم" بس اضل احـــس وقلبي ينــــبض لا سمعت طــــــاريه ..
مااقدر اتحكم بقلبـــــــي ماقدر ..ااااااه ..ابي ارتــــاح ..

ضمتها افنان وهي تشوفها منهاره وتتكلم بهستيريه ماتحملت نزلت دموعها ...عمرها ماشافت رغد بهذا الضعف ...هذي رغد ثانيه ماتعرفها ابدا ..

رغد تبكي وتضمها اكثر : انا احبـــــــه احبــــــــــــه ....

افنان : بس حبيبتي بس اهدئ ..لا تبكين "والله حاسه فيك يارغد"

رغد وهي لسه بحضن افنان: قال اني معدومه الانوثه مااثر باي انسان جرحني بكلامه وهو ما يقصد ..يحب نايف صديقه .....مايحب رغد
لاني خدعته اااه ياافنان والله احبه ماقصدت ازعله ...

افنان وهي تمسح على شعرها: بس ياحبيبتي لا تبكين والله كلامو غلط عنك لا تصدقينه ..انتي حلوه والف من يتمناك ...

بعدت عنها رغد وصارت تطالعها وهي ماسكه وجهها: يعني انا حلوه ؟! انا بنت مثل باقي البنات ..!

افنان ابتسمت: اكيد حلوه واحلى من كل البنات عمري كذبت عليك بيوم ؟

رغد بااكتئاب: طيب ليش قال لي هالكلام ...ليش ؟

افنان مافهمت افنان كمان سبب كلام فارس لرغد حست الغموض يغلف علاقه رغد بفارس والاكيد الغموض بسبب الفارس نفسه لازم رغد تبتعد عنه وماتتورط اكثر من ماهي متورطه ومع الوقت بتنساه ...

افنان بمنطقيه : يمكن من حرته منك لانك كنتي مستغفلته ....
ويمكن في سبب ثاني"وبدق" ويمكن يحب وحده ومو شايف غيرها بالدنيا..

رغد : لا مو معقول ..عمره ماقال انو يحب ...

افنان رفعت حواجبها: انا اقول يمكن ...مو اكيد ....بس حتى لو حب وحده مو بالضروره كل شئ يقوله لك مالكم كثير مع بعض ..

رغد تناقض تفكيرها: لا لا مستحيل اصلا هو ماخبى شئ عني حتى عن طفولته حكالي وعن بنت خالته الي تضايقه ....اكيد في سبب ثاني يمكن زعلان مني عشان خدعته زي ماقلتي ...

افنان حبت تغير مودها التوتر بدا يحوم حوليهم : امممم يمقن ايه ويمقن لا ....بس الاهم لا تصدقين كلامه عنك ...ويالله قومي انا ماراح ارتاح لين تجين المستشفى واتطمن عليك بنفسي واحنا راجعين نكمل نقاشنا ..

رغد وقفت : طيب بس استنى البس عبايتي ...هههه اصلا خلاص لو باامثل ماراح اقدر حاسه اني مكشوفه من الكل ...!
















المستشفـــــــــــــــــى

حست بصدااع فضيع وهي تسمع كلام الدكتور ..احمد مو فاهم شئ وغزل تفتكر شكل رنيم اول ماجابتها ..والنزيف
واضار الضرب

حـــــــامل ...وسقطت ...رنيـــــــــــم ...!

حست بدوار وهي تشوف احمد يكلم الدكتور ..يبي يفهم منه ..
فجأه غابت الرويا عنها وصارت سوووووووووااااد.....

طاحت مغمى عليها بعد الضغط النفسي الي كانت فيه كل هالساعات ..
انتبه لها احمد وركض لها هو والدكتور ..

احمد يصفع خدودها بشويش : غززل غززززل حبيبتي اصحي اشفيييك ..الله يخليك قوومي

جلس جنبها الدكتور وشاف نبضها ضعيف و كان الضغط منخفض عندها كلم الممرضه وتم اسعافها سريعاو نقلها لاحدى الغرف بالمستشفى..
احمد جنبها وهو مرتبك وخايف عليها عارف انها مصدومه ببنت خالتها ومو مصدقه وهو مثلها بس الاهم عندو الان غـــــــــــزل وبس ..
ماارتاح الا لما رجع ضغطها طبيعي
مع كذا ضلت فاقده الوعي اكثر من ربع ساعه ...







في اثناء ذلك وصل عبدلله المستشفى...كان يركض وشايل يده
في طريقه للمستشفى عمل حادث لانو تجاوز السرعه القانونيه
وماانتبه صدم بلوحه فالطريق... ما صار له شئ من حسن الحظ
بس السياره من قدام انعدمت والي يشوفها يشك بسلامه راكبها
جات الصدمه بجهه يده اليسار وجبهته ...حس بصداع و يده كان مو قادر يحركها شك يكون فيها كسر بس مااهتم كمل طريقه للمستشفى ....
الاهم يتطمن على رنيم ....

دخل من البوابه للاستقبال ..ماكان فيه ناس كثير دخل يده بجيبه يبي يدق على غزل يسألها وينهم الحين ...لكن مالقى الجوال ...تذكر انو نساه فالاستراحه ....لعن غباءه الحين كيف بعرف وينهم فيه ؟

كلم موظف الاستقبال سأل عن رنيم وتمنى تكون هنا فعلا ولو بااي حاله خايف يسمع خبر مو زين ..خايف تكون فعلا تركت العالم ..
طلب منه الموظف ينتظر شوي ..وهو يحس الدقايق سنين .
.العالم متوقف والوقت متوقف مايبي يعرف شئ ..
مايبى ينصدم بنفس الوقت يبي يتطمن ..
رفع راسه للسما وهو يدعي من قلبه كان شكله يرثى له ..

يارب تكون بخير يارب ....مااكون تأخرت ...يارب يارب

بعد دقيقتين خبره انو المريضه موجوده الان بالطابق الثالث...

حس كأن مويه بارد انصبت عليه اتسعت ابتسامته
رنيم عايشه لسه تتنفس نفس الهوا الي يتنفسه ...لسه قلبها ينبض ...
الحمدلله الحمدلله يارب لك الحمد والشكر يارب تمم فرحتي وتكون بخير

عبدلله: طيب انا ابغى ازورها بااي جناح وبااي غرفه ...؟؟

الموظف اعتذر: اسف الزياره ممنوعه حاليا للمريضه ..تعال بوقت ثاني ...

عبدلله بنرفزه: ليش ممنوعه ..ضروري اشوفها ...انا زوجها...

الموظف : انا مالي شغل كلم الدكتور المسؤول وشوف اذا يسمح او لا

عبدلله : طيب وين القى الدكتور؟

الموظف: بنفس الدور بجناح رقم ................... هناك تلقاه

عبدلله : طيب

ترك الموظف حتى شكرا ماقالها كل عقله الان مع رنيم ..
توجه للمصعد وطلب الدور الثالث توجه لغرفه الدكتور المسؤول عن حاله رنيم وهو متوتر حاسس انها مو بخير ..قلبه قارصه بقوه ....

وصل بااقل من دقيقتين شاف الممرضه جالسه بره كلمها سألها عن مكتب الدكتور واشارت له هناك ..طلب انو يدخل يكلم الدكتور ..
سألته اذا كان عنده موعد جاوبها بـ لا ..اعتذرت منه لانه بدون موعد مااهتم مو فاضي لها ...
تجاهلها وتعداها للغرفه ودخل بدون استئذان..

عبدلله : السلام عليكم

رفع الدكتور راسه : وعليكم السلام

الممرضه طالعت الدكتور وعبدلله: اسفه دكتور ماقدرت امنعه ...

الدكتور طالع عبدلله ورجع نظره للممرضه : مو مشكله زهور اخرجي انتي وسكري الباب ...

خرجت الممرضه وسكرت الباب وراها .. كان الدكتور جالس ولابس نظارته ويقرا بااوراق ..رفع راسه وركز نظره على عبدلله :
خير ان شاء الله في شئ...

جلس عبدلله بالكرسي مقابل المكتب : دكتور ابي اتطمن على حاله رنيم الـ...... هي وصلت عندكم من كم ساعه مع بنت خالتها ...

الدكتور طلع ملف من بين كل الاوراق رفع راسه ولاحظ جرح بجبهه عبدلله وفيه دم يسيل منه : وش فيه راسك؟

عبدلله: لا تهتم دكتور حادث بسيط طمني الحين الله يخليك ...

الدكتور : طيب بس ترى مايصير تهمل حالك قبل لا تخرج لازم تمر وتعالج الجرح قبل لا يتجرثم ...

عبدلله بملل: طيب طيب ها لقيت ملفها ...

الدكتور :ايوا هذا ملف رنيم الـ.............. " سكت شوي وتحولت نظرته لنظره بارده" الي جات مع قريبتها .... انت وش تقرب للمريضه ....

عبدلله ماعرف وش يقول قال اول كلمه جات بباله : انا زوجها ...
طمني دكتور وش فيها ؟وش صار لها ؟

الدكتور طالعه بلوم وعتب : كويس انك جيت ..مات الجنين ببطن المريضه وصار معها نزيف حاد مالحقنا عليها ...اجهضت الجنين الله يعوضكم ...

حس بحزن وهو يسمع هالخبر..طفله الي ماشاف النور مات مع انو لسه ماتكون بس حزن لما سمع انه مات كان هو الرابط بينه وبين رنيم
جزء منه ومنها غلطته الي اقترفها وظلم بنت خالته فيها ....

الدكتور بحده: ومو بس كذا باين انها متعرضه لعنف شديد واثار ضرب مايتحمله رجال حتى كانت حياتها بخطر وجسمها كلو رضوض وكسور ..

عبدلله يسمع ويحس انو يتقطع من جوا ...هو السبب بكل الي صار لها هو المتسبب الرئيسي بالامها ...نزلت دمعه من عينه بس قدر يمسحها بدون مايلاحظ الدكتور ...

الدكتور ببرود ووده يكسر راس عبدلله: وبما انك زوجها راح اخبرك احنا ماقدرنا نسكت ..وضع المريضه كان مو طبيعي ابدا وكانو متعمد ..
"رص على كلمته " بلغنا الشرطه وبس تتحسن صحه المريضه شوي
راح ناخذ اقوالها ..

عبدلله فهم انو الدكتور يحسبو هو الي سوا فيها هالشئ : دكتور انت مو فاهم شئ الي صار مو مثل ماانت متخيل وانا مااقدر اشرح لك ..."بنظره صادقه" طيب اقدر اشوفها لو من بعيد بس ابي اتطمن عليها ..

الدكتور سكت شوي : طيب ممكن توقع هنا ... معك كرت العائله ...

توتر عبدلله: لا انا جيت بسرعه ومالحقت اجيب شئ من الاوراق...
خلاص بس بااتطمن عليها الحين هذا الاهم ارجوك دكتور..

الدكتور وقف : طيب تفضل معي ...

خرج الدكتور مع عبدلله وتوجه للغرفه الي فيها رنيم ..حس دقات قلبه تزداد وهو رايح الحين يشوفها مو عارف كيف بتكون وكيف بتستقبله ..
دخل الدكتور ودخل بعده عبدلله ...

لما شافها انصــــــــــــــــــــــــــــدم

ماقدر يحط عينه عليها غمض عينه وانهار جالس على الارض قريب منها
وصار ينتحب بصوت عالي افزع الدكتورالي ماتوقع رده فعله ...

كانت نايمه.. راسها ملفوف بشاش وقناع الاكسجين محتل نصف وجهها
والخدوش منتشره بوجهها ورقبتها وحروق بيدها....يدها اليمين مجبره ...
هذا غير الجراح المنتشره بسائر جسمها ...ومو واضحه
بندر مو بس ضربها ...بندر ذوقها انواع واشكال وفنون العذاب بشناعه ...
يستاهل ينذبح على الي سواه هذا الانسان بدون قلب ..مايحس...!

الدكتورمسكه ووقفه وهو مو فاهم بس حس انو مو زوجها الي سوا فيها كل هذا ...القصه اكبر والدليل رده فعله لما شافها : ياولدي اهدى ..مايصير
هنا سمي بالرحمن وتعوذ من ابليس

عبدلله مو متحمل مايقدر يشوفها كذا ...مايقدر كل مابيسكت تطلع شهقاته بدون اراده منه ...لف راسه بعيد ...
هدى وفتح عينه كانت حمراء والدموع فيها...
ماخجل من الدكتور وهو يشوفه ينتحب مثل النساء ... الي شافه شئ يوجع شئ مايتحمله هو .... شلون يشوف حبيبه قلبه تتحمل
وفوق هذا فاقده جنينها منه ... وفاقد اغلى ماعندها ..بعد منه
والادهى كارهته وحاقده عليه وذا من حقها عانت بسببه ..
هو سبب كل وجعها ..شلون يتحمل ...!

قوى نفسه والتفت وشافها ..منظرها يبكي الصخر ..مسح دموعه وقرب منها اكثر تردد مد يده وحطها على يدها السليمه ..كانت يدها بارده وشاحبه

..ضغط عليها بيده وهمس بصوت مخنوق من اثر البكاء : رنيــ ـــم ..
رنــ ــيم تسمعيــ ــني .. "شهق وباين بصوته انو يبكي "
كانت ساكنه ومو بين عليها أي رده فعل ...

عبدلله: رنيـــم سـ ـــامحيني ..لو ماخليتــــ ــك معه ..ماكان صــ ــار فيك شئ ..رنيم تكفيـ ــــن اصحــ ــي

الدكتور يشوفه وهو يبكي وماسك بيدها ..كان واضح انو يحبها اذا مو هو الي تسبب لها بكل هذا مين ؟؟

باس باطن يدها : مـ ـــات ولدنا مــ ـــات وخلانــ ــا لا تتركيني انتــ ــي كمـــان انا احبـ ــــــك ســـ ــــامحيني الله يخليــ ـــك

شافه الدكتور يبكي بصوت اعلى وباين انو راح ينهار في اي لحظه
مشئ و سحبه لبره الغرفه..
اول ماخرج علي صوت بكاءه كان يبكي بشده مع انو كبير مو صغير رجل بيدخل الـ27 من عمره ..ويبكي !
الدموع ماخلقت للصغار حتى الكبار يبكون ويتألمون ....
وكأنو احد مات من اهله ..

حزن الدكتور عليه وماعرف وش يتصرف ..الرجل مو طبيعي
كلم الممرضه مسكوه غصب عنه ..كان يصرخ اتركوني..
ابي رنيـــــــــــــــــــــــم..
بس ماعطوه فرصه حقنوه باابره مهدئ بالتدريج هدئ حتى سكن تماما ونام ..
كان مو حاسس بشئ مجرد خدر بكل اطرافه ..
وكأنه انسان ميت ..








"بغرفه غزل "
كانت فاقده الوعي من بعد ابره المهدئ الي عطاها اياه الدكتور واحمد جالس جنبها بما انه زوجها ...
رن جوالها فالشنطه بشكل مستمر فتح احمد شنطتها وكان بيقفله عشان مايزعجها بس شاف المتصل امي الحبيبه ...

رد عليها لازم تعرف انو بنتها بالمستشفى ...
اول مارد على صوت ام غزل : الووووو غزل حبيبتي قبل لا تهاوشين اقولك انا عند جدتك فمكه معي يزيد وابوك ماانتبهنا لاتصالك

احمد : احم هلا ياعمه انا احمد ...

ام غزل استغربت انو احمد راد على جوال غزل ! بس فرحت اكيد تصالحو : هلاا يمه احمد كيفك وكيف الوالده ...

احمد: الحمدلله بخير ..عمه وينكم غزل كسرت جوالاتكم بالاتصالات

ام غزل : والله ماانتبهت للجوال ياولدي بس يالله لا تخاف كلنا بخير وراجعين البيت بعد ساعه

احمد بهدوء مايباها تنفجع: لا لا تجو البيت تعالو عالمستشفى

ام غزل : ليش ؟ عسى ماشر احد صار فيه شئ ؟

احمد بسرعه: لااااا لااااا مافي الا الخير ان شاء الله بس بنت اختك تعبت وغزل اتصلت على خالتها بس محد رد جات معها المستشفى
وماعرفت وش تسوي البنت تعبانه ..
اتصلت عليكم بس محد رد على حظها دقت علي...

ام غزل : ياقلبي عليك يارنيم اكيد اخذت برد ..طيب ياولدي حنا جايين

احمد: طيب ياعمه ان وصلتي اتصلي

ام غزل: ان شاء الله يالله مع السلامه

احمد: مع السلامه ....

قفل منها وضل يمسح على شعر غزل كانت مثل الملاك نايمه حولها هاله من الطهاره والبرائه بلبسها الابيض وشعرهخا منسدل تمنى تظل كذا دائما ترجع غزل الملاك ....







يتبع