البـــــــــــــــــــــــــــارت التـــــــــــــــــ 9 ــــــــــــاســـــع
عند ابو طارق
:.....وشصاير؟؟؟؟؟؟؟؟؟؟؟؟؟؟؟
ام طارق بانفعال وشكلها منهاره : محمد الحق علي بنت اخوك انحاشت
"ما كملت جملتها الا وهي طايحه على الارض مغمى عليها"
مرام بصراخ: يــــــــــــــــــــــــــــــمه
نواف: يمه وشفيك "وصار يخبطها على خدودها يبغى يصحيها" يمه اصحي يمه يمه
ابو طارق " حالته حاله ومو فاهم شيء": فهموني وشفيكم وينها رغد وليش ذي
"يأشر على ناني" لابسه الفستان؟؟؟؟؟؟؟؟؟
رنا ردت عليه بحكمه وهدوء :اهدء اسمعني ياعمي رغد شردت من القصر واحنا ما ندري وين راحت وخالتي نوره الله يهديها تحسبنا احنا الي ساعدناها
ابو طارق مسك راسه وحس بصدااااع فضيع :يافضيحتنا سودت وجيهنا بنت بندر و"بصراخ يكلم نواف".. وانت قوم دور بنت عمك لا بارك الله فيك ولا فيها ولا فاالساعه الي شفت وجهها فيها
وانتي روحي مع السايق وودي امك المستشفى وانا اتصرف هنا
وين طلال ؟؟
رنا: ما عليه ياعمي انا اودي خالتي المستشفى لا تخافون عليها اخوي هنا ومحد بيحس بشيء
مرام وهي تمسح دموعها: مشكوووره يارنا
يبه طلال ما ندري عنه من زمان اتصل عليه بس ما يرد على جواله
ابو طارق: ياااااااااربي عالمصايب الي تتحذف علينا من كل جهه وين راح الحيوا* الحين يوم احتجناه وقته يختفي طيب وين اختك
مرام: يبه انا قلت لها تروح عند المعازيم محنا ناقصين فضايح وانا بكلمها تقول للمطربه تلغي الزفه ونمشي الامور كأنه ما صار شيء
ابو طارق : زين نواف
نواف: آمر
ابو طارق: روح للمملك وكلمه بس لا يحس احد بك ونادي لي طارق اتفاهم معه
نواف : انشالله انا رايح
ابو طارق: وانتي <يأشر على ناني الي تبكي" لا عاد اشوف رقعه وجهك هنا فهمتي انقلــــــــــــــــــــــــــعي
ناني: اهى اهى اهى تيب بابا
اما عند رغد
كانت طول المسافه حاطه راسها على الشباك وافكارها توديها وتجيبها
"ياترا درو اني شردت والا لسه ؟طيب مرام ورنا كيفهم الحين
وش موقف خالتي نوره وعمي محمد ؟
ياربي احس راسي بينفجر من كثر التفكير احسن لي احط راسي وانام
وفعلا نامت بس حتى احلامها ماسلمت من افكارها
اما الي كانت جالسه جنبها كانت تبكي من طلعت الطياره دموعها ما وقفت
والحزن الهم كاسيها لدرجه عيونها صارت منفخه من كثر البكي
حاسه ان طلال اكيد فيه شيء لانها موب مرتاحه ابد
<انتي الي جبتيه لنفسك>
وفنفس المكان لكن الجهه الثانيه كانت خالد فسابع نومه اما فارس النوم جافاه
وصار يفكر بالي شافه اليوم عند باب القصر
" ياترا انا كنت احلم والا شفتها اكيد انا انجنيت والا وش يطلع بنت لحالها
من القصر فذاك الوقت اكيد كنت اتخيلها ...........كأنها ملاااااك
اكيد انا مجنون والا في احد يكلم نفسه ههههههه بس اذا كان طيفها اسرني
كيف لو شفت وجهها وشبيصير لي ؟
يوووه انا وشفيني خلني انام ابرك لي اخاف بكره اهلوس من كثره التفكير
واخيرا قدر يطلع نفسه من دوامة الافكار وراح بسابع نومه ^ـ^ <احلام سعيده فروس
عند رنا
كانت تتصل على يزن عشان تودي ام طارق المستشفى
ورن جوال يزن على صوت ♫راشد ♫
مابنكسر صابر لو فرصتي تمضي
والحظ لو عاثر بصنع انا حظي
.. ♫
لو تنثر احلامي برجع ارتبها
ولو تصعب ايامي بعيش وما احسبها
لو تنثر أحلامى .. برجع برجع أرتبها
لو تصعب أيامى .. بعيش وما أحسبها
.. ♫
يامسهل الدنيا مهما تعاندنا
مهما تعاندنا
يامسهل الدنيا .. مهما تعاندنا
..
اما يزن كان مع المعازيم ولاهي وشاف اتصالها استغرب اتصالها خصوصا ان الوقت لسه بدري وفزواج اقرب صديقه لها حس انه في شيء صاير وبعد استنى شوي بعدين قطع الاغنيه ورد
رنا: الووووووووو يزن وينك من زمان اتصل ليش ما رديت؟
يزن" بهمس وهو مو سامعها زين":الووو رنا ارفعي صوتك مااسمع..
رنا بصوت اعلى : اقووووووول ليش ماترد على جوااااااااااالك
يزن: غريبه داقه ذا الوقت! ماسمعت صوت الجوال الا دوبني الجو عندي زحمه استني لحظه اطلع بره
رنا بقلق: بسرعه
طلع يزن بره عند المدخل الفاصل بين صاله الحريم وصاله الرياجيل
يزن: الوووو رنا اتكلمي وش في؟
رنا "باضطراب": يزن خالتي ام طارق طاحت علينا ولازم احد يوديها المستشفى وعمي محمد مشغول ووو
قاطعها يزن : بشويش بشويش اتكلمي مو فاهم شيء
رنا: اسمع انا جايه الحين انت بس افتح السياره وانتظرني فيها
يزن: وامي ؟؟ مو جايه معك؟
رنا: لا امي بتجلس لسه
يزن : طيب خمس دقايق مو تتأخرين
رنا: تيب
وسكرت الخط وراحت تقول لامها انها رايحه
رنا "بهمس": يمه انا بروح المستشفى خالتي نوره طاحت علينا
امها "بنفس الهمس": شنووو متى قبل شوي كانت هنا ومبسوطه وش صار؟؟
رنا: سالفه طويله يمه بس الحين لازم اروح لا تشيلين هم اذا جيت احكيلك كل شيء يالله باي
امها: باي
وراحت رنا وهي ماسكه ام طارق من جها ومرام تساعدها من جهه ثانيه لين ما وصلوها للسياره ومددوها على الكنبه الي ورا ومرام كلمت رنا فااذنها ورجعت على القصر بسرعه اما رنا طلعت فالمرتبه الي قدام وسكت الباب بصمت ويزن يطالعهم وفراسه مليون علامه تعجب!!!!!!!!!!!!!!!!!!!!!!!!!!!!!!!!
بعدين مشى للمستشفى وهو ساكت بس من داخله نــــــــار القافه مشتعله
اما فااجواء العرس
داخل القاعه
راحت غرام للمطربه وقالت لها عن الغاء الزفه واعلنو هالشيئ
استغربو المعازيم وبدت على وجههم علامات الدهشه بس مرام انقذت الوضع وتكلمت هي بالميك
مرام: احم مره ثانيه ارحب بكم ضيوفنا شرفتونا بحضوركم بس اظطرينا نلغي الزفه لان الوالده تعبت علينا واضطرينا نوديها المستشفى
وراح نكمل العرس زي ما هو بس بدون زفه
مره ثانيه ياهلا ومرحبا بكم والحين تفضلو على العشا
ونزلت مرام من على الكوشه بعد ماحست براحه نفسيه
مرام" بهمس": الحمدلله عدا الموضوع على خير
غرام: اشوه بس لو درو الناس كان صارت لنا فضيحه لا صارت ولا استوت
جاتهم اشواق بعد ما سمعت اعلان مرام
اشواق: بنــــــــــــــــــات لحظه
مرام: هلا اشواق وشفيك
اشواق: سلامات على امك ماتشوف شر كيفها الحين
مرام: تمام وديناها المستشفى
اشواق: ورغد
غرام بكذب: رغد راحت مع طارق على الفندق ابوي قال لهم
اشواق: خساره كنت حابه اشوفها بالفستان الابيض واسلم وابارك لها
مرام: خيرها بغيرها الجايات اكثر من الروحات
اشواق: انشالله باركولها عني انا رايحه الحين ماما تناديني باي
مرام+غرام: باي
مرام: يالله اهم شيء انتهينا من ذي السالفه والحين اكيد المعازيم بيتعشون ويمشون مدام مافي زفه خلينا شوي نكلم ابوي نروح لامي مايصير نخليها لحالها
غرام: مو قلتي ان رنا معها؟
مرام: الا بس وش بتسوي لها رنا مومعقوله تجلس معها كل اليل
غرام: أي والله معاك حق الحين بكلم نواف والا طارق يودينا لها
مرام: زين تسوين وانا بروح اشوف وشصار مع ابوي
وبكلم خاله سمر "ام يزن"عشان تروح معنا مايصير نروح ومانقول لها
غرام: حلو يالله
وبكذا عدا عرس الحريم على خير ولا وحده من المدعوات حست على شئ
غير انهم حزنوا على ام طارق وقالو يمكن تعبت من التحضيرات تبع العرس
وتعشوا الحريم وطلعو ا مجموعات ومرام وغرام اتكفلوا بالموضوع
وساعدتهم ام يزن...
في صاله الرجال
جاء ابو طارق وعلى وجهه هم الدنيا كلها وبكل هدوء ماحسس احد بشيء
راح للمملك ورجع له الدفتر وهمس له فاذنه ان الزواج تأجل عشان مرض ام العريس
"طبعا ماعنده سبب بس كذب الكذبه عشان يسلك الموضوع
واتفقوا انهم يسو تمثيليه عشان المعازيم والخوف من كلام الناس"
فهم المملك عليه وقام سلم عليه وقاله بصوت عالي مبروك
طبعا الكل على باله انهم ملكو ا الا طارق عرف من طريقه ابو ان الموضوع فيه انا
وصارت التبريكات من الحضور وشوي شوي خرجو الناس ما جات الساعه وحده الا القصر فاضي
طارق: يبه فهمني وشصاير انتو منو طبيعيين اليوم ووين امي ؟
الكل كان ساكت
طارق: وشفيكم ساكتين ووين امي ...حتى طلال ماشفته اليوم وينه؟
غرام "بصوت خافت":امي فالمستشفى
طارق "بصدمه": أيـــــــــــــــــــــــــش!! كيف؟؟ فهموني ياجماعه؟ وشفيها امي؟؟؟
نواف: طارق صلي عالنبي
طارق: اللهم صلي وسلم على سيدنا محمد
نواف: طارق اسمعني زين ولا تنفعل خليك هادئ رغد ...
طارق: كمل وشفيها رغد؟؟
ابو طارق: انا اقولك بنت عمك المصون شردت ولا ندري وينها وامك جاها انهيار عصبي بسبه ذا الموضوع ووديناها المستشفى
طارق فحاله صدمه :انتو تستهبلون علي كيف شردت وقبل شوي ملكنا
ابو طارق بتوتر:اصلا ما ملكنا ولا شيء بس عشان الفضيحه قلنا انو ملكنا
طارق بصراخ: ويينها الحيووووووووانه ان ما ربيتها
نواف: طارق اهدى وشفيك؟ الي صار صار مانقدر نغيره... انا دورت عليها فكل مكان ماخليت ولا شارع مادورت فيه سألت عنها بس محد شافها شكلها مخططه من البدايه
طارق على طول وجه نظراته الناريه لمرام: انتي .انتي اكييد تعرفين وين راحت الحقيييره
مرام "وهي ترفع اصباعها بااتجاه طارق وتتكلم بصوت مرتجف": طارق احترم نفسك .اولاً مهما كان تظل بنت عمك مااسمحلك تتكلم عليها كذا ثانياً انا وش يدريني وين راحت وش قالولك ذيلها.
طارق "مد يده بااتجاه مرام وشد ها من شعرها بكل قوته وطاح فيها ضرب" : انـــــــــكتمي ولا ترادديني ياكلبه مو انا الي ترفعين صوتك عليه والله لربيك ياقليله الادب هــــــــــــــا
مرام: آآآآآآآآآآآآآآآآآآآآآآآآآآآآآآآآآآآآآآآآآآآآآآآي شعرييييييي يبه الحقنييييييييييي
ابو طارق" بصراخ ": طــــــــــــــــــــــــــــارق اترك اختك مالك حق ترفع يدك عليها وانا موجود
طارق" ويزيد الشد عليها ومو عاطي وجود ابوه أي اهميه واحترام ومطنش كلامه" : والله ما اسيبها لين تقولي وين راحت الواطيه ومن ساعدها الصايعـــــــــه الي ماتربت
مرام: آآآآآآآآآآآآ مدري سيبني قطعت شعري ااااااااي
فجــــــــــــــــــــــــــــــــــــــأه
سكت الكل
مو مستوعبين الي صـــــــــــــــار
v
v
لف طارق وجهه لابوه الا وانصدم بكـــــــــف قـــــــــــوي من ابـــــــــــوه
اول مره يمد يده عليه وقدام اخوانه بعد
الكل التزم الصمت خوف من ابو طارق الي كانت النار تشتعل من عيونه من الغضب
ابو طارق: اذا قلت كلمه تقول حاضر وبس تفهم يابهيمــــــه
وفك مرام من بين يدين طارق الي من عصبيته طلع بسرعه بدون مايلتفت عليهم حاس انه انهان ابوه الي عمره ماضربه من وهو صغير يجي الحين بعد 26 سنه ويصفعه كف قدام اخوانه الي اصغر منه لا ويسبه كمان
ركب سيارته وراح على البحر وهو ساكت حتى ما سأل كيف عرفوا بهروب رغد كل الي شغل باله فذيك الحظه الكف الي جاه من ابوه
الكل كان ساكت والجو متوتر الين ما نواف تكلم بصوت اقرب الى الهمس
نواف: يبه وش تآمر عليه الحين
ابو طارق وهو بنفس العصبيه والصراخ: خلينا نروح المستشفى نشوف امك
مرام بخووف: طيب يبه ام يزن هنا بروح اناديها تجي معنا ولدها هو الي ودا امي
بدون مايلتفت لها : طيب انا بسبقكم يالله غرام تعالي معاي وانت نواف جيب مرام وام يزن
غرام: حاضر
مرام بتردد: يبه وطارق
ابو طارق تكلم بعصبيه خوفت مرام وخلت عيونها تغرق بالدموع
: لا تجيبي سيرته على لسانك والا والله لتلحقينه انا ماعندي عيال يطولون لسانهم علي وينزلون كلمتي
وراح عنهم الكل ما اتصور بيوم من الايام ان ابو طارق اذا عصب يصير كذا كانه وحش ما يعرف ولده من عدوه
[انطبق عليه المثل اتقي شر الحليم اذا غضب]
اظن كذا المثل خخخخخخخ
راحت مرام وام يزن مع نواف وغرام مع ابوها
اكيد بتسألون وين طلال وليش ماحد سأل عنه
نواف وابو طارق حاولو يكلمون بس ما رد على التلفون وغرام مالها وجهه تجيب حتى سيرته مفتشله منه وما تبا تزيد عليه لانها الوحيده الي تعرف وشفيه وش سبب روحته
اما مرام كانت اكثر وحده قلقانه عليه و اكثر من 20مره تتصل عليه مايرد لين فقدت الامل وقررو يشوفون وين راح بس بعد ما يتطمنون على ام طارق...
يتـــــــــــــــــــــــــــــبع