عند هديل
وصلت المطار وراحت الفندق الي حجزلها فيه طلال
المغرب
كانت محتاره تختار الفستان الي بتلبسه
واحد كان احمروفيه كسرات من قدام وقصير من قدام وذيله طويل من ورا
ومن فوق علاق وفتحة الصدر
واسعه شوي وفيه سلاسل فضيه نازله وله صندل كعب عالي لونه فضي
والثاني اسود وقصير لنص الساق فيه شريطه ناحيه الصدر ونازل منها
ورد ابيض والظهر كله مفتوح و فيه كسرات ناعم مع صندل فيه رباطات وفيه ورده بيضا
فكرت فكرت بعدين قررت تلبس الاسود
جلست تستشور شعرها شوي الا سمعت جوالها يرن
جيت واش جابك حبيبي
من بعد طول المغيب ..من بعد طول المغيب
والا ناوي ياحبيبي
تغرق الغرقان اكثر...تغرق الغرقان اكثر
ردت من دون ما تطالع الرقم
هديل: الوووووو
اسماا : الوووووو هدوله كيفك ياقلبي
هديل شهقت: اسوووووومه
اسماا: ايوه انا اسماء اجل الجني
هديل: كيفك سوسو وحشتيني يادبه من زمان ما سمعت صوتك
اسماا: سامحيني <لي لو> "تدلعها"
: كانت عندي اختبارات
المهم اخبارك وكيف طلال معك
هديل: تمام كيف امي وحشتوني مووت
اسماا: وانتي اكثر ياعسل سوري مقدر اطول مكالمه دوليه وانا مصفصفه على الحديده
هديل :مافي مشكله عندي مفاجاءه بزوركم فالاجازه طلال وعدني وهو كمان بيجي معي
اسماا بفرح: احـــــــــــــــــــلفي
ام اسماا انتبهت : وشفيك وشفيها اختك
اسماا تشيل السماعه وتكلم امها : بعدين بعدين
هديل: هههههه والله
ام اسماا تدف اسماا : هاتي السماعه بكلمها
اسماء: لحظه طيب اقولها
اسماا:الووو هدوله امي بتكلمك
هديل بفرح: والله اعطيني اكلمها وحشتني ما سمعت صوتها من زمان عندي لكم خبرمفاجىء
اسماا: الوووو ... هديل ما اسمعك ..ششش...شششش ..الخط يقطع
طوووط طووووط طوووط
هديل وهي ماسكه السماعه: يووووووو هو وقته ينقطع الخط ..يالله ما علي خليني
اجهز نفسي للزواج
وراحت تكمل مكياجها وهي تدندن بسعاده
فنفس الوقت
في ايطاليا والاجواء الساحره
ام اسمااا: سوسو هاتي السماعه بكلم اختك اشتقت لها
اسمااا: انقطع الخط المره الجايه ..<بقلق>شايله همها كيف عايشه ..مرتاحه
ام اسمااا:وانا كمان قلبي ناغزني حاسه شيء بيصيرآآآه كله من ابوك الله يسامحه
شتتنا حسبي الله عليك ياناصر.
اسمااا: لا تدعين عليه الله ياخذ حقنا منه يمه .
ام اسمااا: مقهوووره حتى بنتي حرمني منها 5سنين ما اشوفها <تبكي> اكلمها كل سته شهور ما عنده قلب الله يحرق قلبه معذبها هو مرته النسره الله لايبارك فيها
حتى شوفتها مانعني اشوفها يوم عرسها الله ينتقم منه الظالم.
اسمااا: خلاص يمه لاتفتحين جروح قديمه كل يوم وانتي تدعين موزين على صحتك
ونفسيتك خلاص انسي
هذي هي تزوجت الله يهنيها الي شافته مو شوي وانشالله الي اخذها ولد حلال يخاف الله فيها
<تذكرت>
نسيت اقولك هي قالت بتزورنا فالاجازه وزوجها بنفسه بيجيبها لك انتي بس ادعيلها هي محتاجه لدعواتك الله يسعدها قولي امين
ام اسمااا بقلب الام ودموعها ماليه عيونها: آميـــــــــــــــــن واكحل عيني بشوفتها
الساعه 9 مساءَ
اللحظات الحاسمه
كانت رغد بغرفه بالقاعه والكوافير تعمل لها الميك اب وهي سرحانه باافكارها وكل شوي تطالع الساعه
اللبنانيه: مشالله بتجنني طالعه كثييير حلوي اسم لله عليكي
رغد: مرسي من ذوقك
مرام تتعمد تنرفزها: رووووعه يارغد اخوي بيتجنن لا شافك
طالعتها رغد بنظرات حاده سكتتها:............
رنا بملل: خلاص مايا انتي روحي خلص شغلك
مايا<اللبنانيه>: اوكي بس انتبهو لاالى منشان مايخترب عليا الميك اب وازا سار شي اتصلي فيني
<انتبهو لها عشان مايخرب عليها الميك اب واذا صار شيء اتصلي فيني>
رنا بتافف: طيب يالله فيك تمشي
مايا: باي بنات بشوف كون
الكل : باي
اول ما طلعت
رنا: اوووووووووووف ما تنطاق اليوم كله وهي تسولف لق لق لق لق بالعه مسجل شكلها
رغد: ههههههههههههه ذكرتيني ب37ْ الله يرجك
حرام عليك احسها طيبه وحبوبه بس مشكلتها كثرت كلامها
مرام: فكونا عاد رغد وشبتسوين الحين كل ما سألناك قلتي كل شيء بوقته حلو شكلك خلاص سلمتي بالامر الواقع
رغد: لا خلاص بقولكم
الليله وقتها قبل لا يجي الملاك اسمعووو انا ..................................................
وقالت لهم الخطه من طق طق لاالسلام عليكم
اما عند فارس وخالد
راحو لعبدلله من عصر وشربو القهوه عنده وبعد صلاته العشا راحو قاعه الافراح ودخلو ا او ما شافهم طارق داخلين فررررررح وراح بنفسه يستقبلهم
طارق: هلا هلا والله ما اتوقعتكم تجون بس شسوي ما تقدرون على زعلي
فارس: انت الغالي وجينا مخصوص لعرسك مبرووووك منك المال ومنها العيال
طارق: الله يبارك بحياتك
خالد: مبروووك يالمعرس
طارق: الله يبارك فيك خلود
عبدلله<يستهبل>: ويا معيرس عين الله .. مدري وش يقولون بعدها هههه
والشمس والقمر تمشي وراك
طارق: ههههههههههه هلا والله عبيد كنت بزعل لو ما جيبت يارجال
عبود: افا عليك لعيونك اكون اول الحاضرين
ودخلهم صالة الرجال وجلسو يتقهون وسوالف وتعليقـــــــــــات<اهم شئ> وووو الخ
بصالة الحريم <بالتحديد غرفة العروس>
رنا بصراخ: أيــــــــــــــــشششششششششش
رغد بهمس:اشش اسكتي فضحتينا
مرام ترخي صوتها: رغد انتي صاحيه لا انا اشك انك شاربه شي منتهيه مدت صلاحيته
رغد: مرامو بلا استهبال ترا مالي خلق لك الي فيني مكفيني
هو سؤال واحد بتساعدوني والا لا
رنا: انا معاك مع اني خايفه من نتيجه تصرفاتك الطايشه والمتهوره
مرام: وانا كمان وهذا رقم افنان خذي كلميها
رغد: مشكورين انتو اعز صاحبات عندي الله لا يحرمني منكم
واتصلت على افنان
عند افنان كانت جالسه تلعب بلياردو وسمعت جوالها يرن
انا ضايق وبالي ضايق وجويّ ضايق ضيقن كايد
نفسي ملت وروحي ولت وعيني هلت دمعن وايد
انا الوافي وهو الجافي حبي صافي وجرحه سايد
انا ضايق والله ضايق .. انا ضايق وبالي ضايق
انا ضايق .. وبالي ضايق .. وجويّ ضايق .. ضيقـ(ن) كايد
نفسي ملت .. وروحي ولت .. وعيني هلت .. دمعـ(ن) وايد
..♫♪☺♫♪♦
جيت بحبي ولا هو ذنبي لان قلبي ماهو محايد
مابغى غيره شره وخيره ياهي حيره قلبه بايد
انا الوافي وهو الجافي حبي صافي وجرحه سايد
انا ضايق وبالي ضايق .. انا ضايق وبالي ضايق
انا ضايق .. وبالي ضايق .. وجويّ ضايق .. ضيقـ(ن) كايد
نفسي ملت .. وروحي ولت .. وعيني هلت .. دمعـ(ن) وايد
.. ..♫♪☺♫♪♦
فيني ونه .. كله منه .. ماصبر عنه شوقي زايد
يكفي بعده .. وقلت ودّه .. كيف ارده ابغى اعايد
انا الوافي وهو الجافي .. حبي صافي وجرحه سايد
انا ضايق وبالي ضايق .. انا ضايق والله ضايق
..♫♪☺♫♪♦
خلت الجوال يرن بدون مبالاه يوم شافت الرقم غريب ورغد مسكينه تدق وتدق ويدها على قلبها مصيرها بيد الله ثم افنان
وبعد فتره طفشت افنان وحست المتصل مصرررر انها ترد
واخيييييييييرا ردت < بعد ايش بعد ما وقفت قلوب البنات ههه
افنان: الوووووو
رغد: الووووو افنان
افنان: ايوه مين انتي ومن وين تعرفيني
رغد: افنان ما تذكرتيني انا رغد معقوول نسيتيني
افنان وكأنها تذكرت: رغـــــــــــــــــــــد يادبه كيفك
رغد: بخير افنان لحقي علي
افنان بخوف: خير وشصاير مامداي سمعت صوتك
رغد: افنان السالفه طويله ما اقدر اشرح لك اخذت رقمك من مرام بس الي ادري عنه انك رجعتي من السفر لبيتك خليك بالبيت انا جايتك اوكي
افنان بااستغراب: اوكي انتي فالشرقيه الحين؟
رغد:لا لسه فجده بس بأجيك طيب اخوك في والا مسافر؟؟
افنان: لا تخافين مو موجود راح رحله عمل ثلاثه ايام ما في غير انا
رغد: اوكي كلها كم ساعه اوصل المطار وانا عندك قريب يالله باي
افنان: باي
وسكرت منها وهي مستغربه وحاسه انه كارثه صايره لرغد وراحت تجهز مكان تستقبل رغد فيه
ملاحظه <افنان كانت صديقة رغد ايام فالثنويه وكان عندهم شله هم مرام ورنا وبشاير واشواق بعدين تتعرفون عليهم *ــ^ >
اما عند رغد
باقي شوي ويملكون وهي بقمة التوتر
رنا: طيب وبعدين كيف بتروحين لها من بيوديك صعبه
رغد: لا مي صعبه انتو بس سووو الي اقولكم عليه اوكي
مرام+رنا:اوكي
جات ام طارق: مشالله تجننون حصنو انفسكم يابنات وراحت لرغد
ام طارق باانبهار من جمال رغد: مشالله لا اله الا الله سبحانك ملاك ملاك حصني نفسك والا تعالي خليني احصنك
وجلست تقرى عليها المعوذات
مرام كانت لابسه فستان موف ضيق من فوق ومكشوف مرره بس هي لابسه شال يغطي شوي فستانها طويل من ورا وقصير لين نصف الركبه من قدام لابسه كعب عالي لون فضي ومسويه شعرها بف ميك اب خليجي طالعه خيااال
اما رنا كانت لابسه فستان اصفر على ليموني قصير لنص الفخذ ومسويه اكمامه طويله بس فتحة الصدره واسسسسعه ولابسه بوت طويل من نفس اللون مستشوره شعرها وماسكته بورد من نفس اللون ونازل خصل على وجهها ومسويه ميك اب لبناني ناعم طالعه مررره نايس
اما رغد كانت لابسه فستان الفرح ابيض وفيه ورد لونه وردي علاق ضيق من فوق وواسع من تحت كانت ملاك مكياجها هادىء وتسريحتها بسيطه وما حطت اسبريه لشعرها عشان ما يعدم ماسكه باقه الورد الي لون الورد فيها وردي وابيض
جات الساعه 9وعشره دقايق والملاك تأخر شوي بس اتصل وقال لهم انه في الطريق
وفي قاعه الحريم
كانت المطربه تغني وصوتها يهز القاعه هز باغنيه القوس قوسك والبنات اشكال والوان وانواع الرقص والحريم كل وحده تطالع يمكن تلقى بنت حلوه تخطبها لولدها والي تحش فالناس وام طارق ترحب بالحاضرات
وغرام ترقص وكانت لابسه فستان تركوازي قصير لنص الفخذ ومن فوق توب وهادىء مره ومستشوره شعرها وفالتته وحاطه ميك اب ناعم طالعه بنوته بالحيل
وفي وحد من الطارلات كانت جالسه هديل وعيون الحريم عليها وكل مره وحده تسألها اذا هي مخطوبه اوشيء لانها مره حلوه
وهي تبتسم وتقول لهم انا مرتبطه
قابلت مرام وسلمت عليها بشوووق لهم زمان ما تقابلو
مرام: هلا هلا لوله وحشتيييييييني يادبه من زمان عنك
هديل: اهلين فيك ياعسل وهذا انا جيت اليوم من الشرقيه عشانك الف الف مبروك
مرام تأشر على رنا:هلا فيك ياعمري الله يبارك فيك
احم اعرفك على رنا صديقتي ..رنا هذي هديل الي اتكلم عنها
رنا: هلا فيك والله اتشرفت بمعرفتك
هديل: الشرف لي مرام دايم تكلمني عنك يارنوو
مرام: اقول انتي وايها قلبتوها منتديات ههههه يالله يالوله انا رايحه خذي راحتك بشوف العروس وارجع لك بـأي
هديل تناديها: مراام لحـ ظ ـه
مرام التفتت: هلا حبيبتي امري
هديل:........ لا كنت بقولك عقبالك بس ههه
مرام: امــــــــــــــــــين الله يسمع منــــــــك
رنا: هي هي استحي عاد لحد ينتبه لك امني بقلبك
مرام: هههههههه طيب <بهمس> امين
هديل ورنا: هههههههههههههههههههههه
مرام: يالله هدوله برب وارجع لك هههههههههههه
هديل :هههههههههههههه تيت
وعرفتها مرام على رنا الي عجبتها هديل ودخلت قلبها
وراحو مرام و رنا لرغد وهم متوترين من الجو
عند صالة الرجال
طارق طفش وهو يستني الملاك يجي بس الظاهر الطرق زحمه بذا الوقت
وكانو حولينه اصحابه بتعليقاتهم عليه والجو كان مرح
يزن حضر العرس وحاول يكون سعيد وينسى رغد وتمنى لها السعاده من كل قلبه
بعد فتره
قامت رغد والبنات ونادو ناني الشغاله وبدأو الشغل ................................
طلعت رغد من القاعه وهي لابسه عبايتها ومتلثمه ومعاها كيس الاغراض الي اشترتها من السوق
وهي طالعه صادفها فارس الي طلع يشم هوا وهو طفشان من الجلسه
كانت تجري وانفتح وجهها وشعرها الطويل وهي ما اهتمت على بالها ما في احد والكل مشغول بالعرس
لمحها فارس من بعييد وما شاف تفاصيل وجهها لاكنه انبهر من الملاك الي قدامه والشعر الحريري الي تطاير مع الهوا وتحت ظلمه الليل النور الوحيد الي مسلط عليها نور القمر ومن وراه انوار القاعه الي ماليه المكان حاول يشوف وجهها عن قرب بس سمع خالد يناديه قرر يطنش البنت
وفنفسه"اكيد اتخيل ويمكن عشان نعسان صاحي من صبح بديت اهلوس ويتهيأ لي "
ودخل القاعه ورغد الي ما حست انه احد انتبه لها لها راحت للسياره الي اشترتها والي ما احد يدري عنها ابد غير رنا ويزن ومرام وفيصل بس
اما عند هديل فالقاعه
اتصل عليها طلال
طلال: لولتي ابغى اشوفك
هديل: اذا رجعت الفندق حبيبي
طلال: لا الحين تعالي عند المسبح المكان فاضي
هديل: طيب استني 5دقايق وانا عندك
طلال: اوكي حبي باي
هديل: بايووو
وطلعت هديل بره صاله الحريم تقابل طلال بس انتبهت لها وحده ولحقتها .................................................. ......
وصل الملاك ووقع طارق واعطو الدفتر نواف الدفتر يوصله لامه عشان توقع رغد
اما افنان كانت جالسه على اعصابها وتستني رغد تشرف
ابو طارق لاهي وما درا عن احد وجالس يسولف مع ضيوفه الي على قولته مهمين ومن كبار التجار
نواف كان طول العرس يرقص ويهز وهو مبسوووط ويقول لابوه متى تزوجني بس <<مستعجل الاخ هههههههه
فيصل كان حاضر مع الضيوف بس ما كان له احتكاك مع طارق لانه جا بعزيمه لابوه لان ابوه يعرف ابو طارق وكان حده طفشان يستني العشى عشان يطفح ويظهرهههههه مرره مو رايق
عند ام طارق
جاها نواف ودق على جوالها وقلها تعالي خذي الدفتر
وهي قعدت تنادي ناني<الشغاله>
ام طارق: ناني نـــــــــــــــــــانــــــــــي
"اف هذولا لا بغيتهم ما تلقاهم اووووف" وراحت بنفسها تجيب الدفتر من نواف
عند رغد
وصلت للسياره الي كان فيه مسافه بينها وبين القاعه شوي بس
ويوم وصلت طلعت الكيس من الشنطه وووووو........................................
مو الحين تعرفون بالبارت الجاي خخخ
ضاقت بي الدنيا وزادت بي الهموم ...
وجارت الدنيا ولا أدري كيف أجاريها ...
زاد العتاب وزاد من الناس هاللوم ...
ولاحد فهمني ونفسي والشقى فيها ...
أبكي ودمعي في الهوى عاش مظلوم ...
وأحكي القصايد وغربة في قوافيها ...
للامانه << جميع الاشعار والخواطر المكتوبه في الروايه منقوله >>
انتهى البارت