شوفي يا شذى الزهور يا بنت أم شذى الاختبار يقول حصلتِ على 39 درجة
> على أساس اختبار لتحليل الشخصية 
شخصية شذى الزهور حليوة وحبوبة حدها ، و ياليت مثلها في الخلق سبعين مولود ههه، بس المشكلة مافيه مثلها في الدنيا إلا ثنتين ،
هذي أنا وحدة منهم و الثانية توفت الله يرحمها
المهم شذى ، أنت مزاجية نوعا ما ، وهم فيش نوع من الغموض بس يزول الغموض وتظهر الحقيقة في المواقف اللي تستدعي ذلك
الهدوء وما أدراك ما الهدوء لا يسبقش به سابق ... هادية وتعشقي الهدوء ومالش في الإزعاج وهضولة العيال مكان
ويمكن بسبب الهدوء اللي أنتِ عليه تحظين بصديقات كثر و كثيرين يتمنون إقامة علاقة صداقة و أخوّة معش
تحسوا عدل اللي قلته وإلا من راسي ؟ أكمّل يعني ؟ > لسان حالكم لا تكملي ، بس بكمّل 
إيه ... شذى ، نوعيتش تركزي على التفاصيل الجمالية من مجاميعها .. صح ؟ ويقولوا بعد تحبي اللون الأخضر .!!
> من قال ؟ ههههه
المهم عاد والظاهر إنش تحبي المغامرات في الحياة بس شوي خوّافة وانتهازش للفرص قليل
وبهذا نطق سهمك وأنت به أعلم ... 
أخير عاد مو أنا اللي أقول هالكلام .. هذا جنّي التحليل اللي يقول ، فاخذي وخلي 