[قيثارة]

اقتباس المشاركة الأصلية كتبت بواسطة النبض الصامت . .. . . صراحة // مع ،، هذه وضيفتها هل انت مع او ضد // في خروج المراهق من بعد الـ 12 بعد منتصف الليل .. .. ..

اقتبست الرد على السؤال اللي قبلك

معليش وظيفتها بخدمه زوجها ومساعده اهل زوجها بما تقدر وبمزاجها وكيفها مو غصب عنها هذا رأي الشرع المرأة تخدم زوجها واهله إحساناً منها ,,
مو مثل ما صاير في اغلب البيوت حاليا حريم هالعيال حمير كرف وجاي رمضان وبتسمعون القصص من خواتكم وبناتكم وبنات عمومتكم ,,
من الظهر للتسع يكرفون بالمطبخ ,, وتطلع تريح شوي غرفتها وفي هالوقت يكون الزوج طالع مع شباب او مع اخوانه تحت يطالع التلفزيون ,, بس يرقى غرفته جاو طقوا الباب نزلي دخلي المطبخ بنطبخ السحور ,,
وهالولد حتى ماله اي حق يقعد مع زوجته ساعتين على بعضهم ,,
وإذا يوم إشتاقت لأهلها ولا انعزمت عندهم على فطور وراحت بيت اهلها قالوا ايه هربانه من الشغل او حتى زوجها يقول لها بتروحين روحي بعد الفطور عشان تكرف حق القانعه والمعتره في هالبيت ومالها حق تعترض بعد
هالشيء حرام وظلم

اسوي من كيفي ومن طيب اصلي وتربيتي بس ما تتسلط علي لا ام زوج ولا اخت زوج ولا زوجه حمى تجبرني على الشغل