يمه . اشوفش لابسة ملابسك الجدد وحاطة المشموم ومتعطره بالفل والريحان
وين بتروحين يمه ؟؟
بس اليوم يابنتي يوم فرح ويوم سرور وابتهاج والدنيا كلها فرحانه .ليش شصاير يمه؟؟ اكيد اليوم عيد لايابنتي اليوم فرحة الناس اكثر من فرحة العيد اليوم المولد
صج يمه مبارك عليك المولد
يلا بنتي قومي لبسي عشان نروح لصديقاتش فطوم ومريوم
زين يمه بسرعه بلبس وبجي
يلا بسرعه ليكون نتآخر يابنتي يلا جيت جيت يمه
طق طق طق ايوه من عند الباب فتحي الباب يا آم جعفر انا جارتكم ام توفيق لحظه .. جعفر يمه قوم افتح الباب هلا حياش الله تصدقين توني بجيش البيت يلا يلا مشينا مافيه وقت انزين صبري وين بتروحيين اي بيت بتحظرين المولد. انتي ماعليش جيبي بناتش والبيوت واجد عندش بيت حجية الصايغ وبيت ام محمد وبيت ام علي وحسينية بن بدو وبيت ام حسن شيبه بعد كل الحسينيات والبيوت مفتوحه زين زين يلا بس وزوجي. زوجك شفيه بعد زوجك خليه يروح الحسينيات عندك الحسينيه العباسيه وحسينية القريشي والسالم وحسينية شبيب وحسينية السماعيل ومسجد الرقيات وحتى حسينية بوخمسين سمعي بالعربي الليله الدنيا تموج وكلها فرح وسرور وكل حسينيات وبيوت الآحساء محتفله يلا مشينا نركب الباص وينك انتي فطوم مريوم علوي رقيه مسكي امل جواهر حملي بنون وجيبيها معك يلا ياعيال شوي شوي طوووط طاااط طووط. الشوارع زحمه والسيارات كثيره بس سبحان الله كل شي مرتب كأنها مسيره آلهيه وغير الناس اللي يمشون على رجولهم طوووط طوووط ام توفيق طالعي ذي كنها ام عباس تمشي على رجولها بتروح بيت ام حسن شيبه اي والله صج هذا هي طووط طووط يلا وصلنا حسينية بوخمسين نزلوا شوي شوي ياحريم وكللووووووووووش
متباركين بالمولد الشريف ياشيعة علي. اعاده الله علينا وعليكم بكل خير وسرور