بشرح لكم الانستقرام الشرح بإذن الله بيكون بالتفصيل الممل . الجميع يعرفه تقريباً ويللي مايعرفه هو عبارة عن تطبيق يضيف تأثيرات عالصور ويحتوي ع شبكة إجتماعية كبيرة وهذا اللي يميزه عن غيره تقدر تعطي لايك ع صور غيرك . تقدر تسوي فولو للحسابات وأشياء جميلة أخرى أول مانفتح التطبيق بيطلع لنا كذا : 1- حساب جديد 2- تسجيل دخول بما إننا أول مرة نفتح التطبيق ف بنختار حساب جديد وبيطلع كذا: طبعاً بتواجهون مشكلة مع اسم المستخدم حاولوا تحطون صعب لأن السهل موجود بما إن الحسابات كثيرة يللي فيه بتطلع لكم كذا : وهي تعني "إن الإسم المستخدم اللي اخترته موجود مسبقاً" . اختار اسم ثاني حاولوا لين يضبط . بعدها بيطلع كذا : نضغط عالأسهم اللي فوق زي الصورة . وبيفتح لنا وهذي الواجهة : 1- الهوم (بيطلع لك فيه صور اللي أنت مسوي لهم فولو) 2- الأكثر شعبية 3- إضافة صورة 4- المتابعة 5- الملف الشخصي 6- تحديث نختار يللي بعد الهوم . الأكثر شعبية : بتطلع لك الصور الأكثر شعبية عالاستقرام . وهي الصور اللي أخذت أكثر من 100 لايك في أقل من 5 دقائق (بعض الصور مش كويسة لذلك جرى التنبيه) نروح للي بعدها . ونضغط ع إضافة صورة : 1- تلتقط صورة 2- تختار صورة من الإستديو 3- خروج 4- فلاش 5- الكام الأمامية أنا اخترت الخيار الثاني وهو اختار صورة من الاستديو : الأخضر : يعتمد الصورة الأحمر : يهون للأسف لما اخترت صورة يجبرني اقص منها ولا يطلعها كاملة هذا العيب فقط لما تختار صورة من الاستديو . أما اذا صورت بشكل مباشر يطلعها لك كاملة بعد مانعتمدها بيطلع كذا : 1- التأثيرات (بمجرد الضغط عالتأثير راح تتغير الصورة) 2- الرجوع 3- إضافة ايطار للصورة 4- فوكس "تركيز ع جزء وبقية الصورة مو واضحة" 5- اضاءة الصورة 6- شقلبة الصورة نضغط عالسهمين اذا خلصنا . بيطلع لنا كذا: 1- نضيف عنوان أو مسمى للصورة 2- يضيف موقعك بالخرائط البقية لو تبي تشارك الصورة بحساباتك بالمواقع الإجتماعية حط صح عندها ثم نضغط زي اللي بالصورة وبكذا نزلت الصورة : "مصورتها من الاب يعني مب برنت للشاشة عشان كذا مب واضحة" الآن انتهينا من إضافة الصور . نروح للخيار الرابع من الواجهة اللي هو المتابعة : 1- الناس اللي اضافوك أو علقوا ع صورك أو عطوها لايك 2- الناس اللي أنت مسوي لهم فولو بيطلع لك نشاطاتهم بعدها الخيار الخامس الملف الشخصي بيطلع كذا : 1- يعرض صورك مربعات 2- يعرض الصور بالتفصيل 3- صورة ملفك الشخصي 4- عدد صورك 5- عدد الناس اللي متابعينك 6- عدد الناس اللي أنت متابعهم 7- البحث 8- الإعدادات نضغط ع الإعدادت ونشوف : 1- تدور أصدقائك 2- الصور اللي سويت لها لايك 3- تعديل ع الملف الشخصي 4- إعدادات المشاركة 5- صورة الملف الشخصي 6- خصوصية الصور 7- إعدادات الكاميرا 8- عن البرنامج 9- رجوع 10- تسجيل خروج من الحساب (مو طالعة بالصورة بس هو آخر خيار تحت) نبدأ مع أول خيار البحث عن الاصدقاء . : 1- يبحث بجهات الإتصال (لازم تسجل رقمك) 2- يبحث بحسابك بالفيس بوك 3- يبحث بحسابك بتويتر 4- المستخدمين المقترحين (بيفتح لك حسابات الشركات والمشاهير) 5- بحث بالأسماء الخيار اللي بعده طبعاً ماله شرح اللي هو الصور اللي سويت لها لايك لذلك ننتقل للخيار الثالث التعديل عالملف الشخصي: بعد مانخلص نضغط ع نفس اللي بالصورة عشان يحفظ التعديلات . باقي التعديلات : نضغط ع الإشعارات أو التنبيهات اللي يطلعها لك عالشاشة : 1-إذا أحد سوا لايك ع صورك 2-إذا أحد علق ع صورك 3-إذا أحد تابعك نروح للخيار اللي بعده . إعدادات المشاركة : تربط حسابك بالانستقرام بحساباتك بالمواقع هذي لما تحط صح ع تويتر مثلا أي صورة تنزلها بالانستقرام دايركت تنزل ع تويتر الخيار اللي بعده صورة البروفايل : 1- حذف الصورة الحالية 2- تلتقط صورة من الكام 3- تختار من الإستديو 4- يأخذ رمزيتك بالفيس بوك 5- يأخذ رمزيتك بتويتر 6- هونت "زر الرجوع" بعدها نروح لأهم خيار "خصوصية الصور" : لما تحط صح يتقفل حسابك ويصير خاص فقط للي يسوون لك فولو وطبعاً أي شخص يسوي لك فولو يطلع لك خيار اذا تقبل الإضافة أو لا ! تقدر تفتح صورك للجميع لما تحط صح وتبي تقفل حسابك بيطلع لك كذا : اضغط نفس اللي بالصورة . نروح للخيار اللي بعده اعدادات الكاميرا : يقولك هل تبي تستخدم الكاميرا الخاصة بالانستقرام؟ خلها صح لأنك لو شلت الصح ماراح تطلع لك التأثيرات ولا شي بيطلع لك الكام العادية حقة الجوال وبكذا خلصنا من الإعدادت والواجهة والخيارات . *الحين لو شفت صورة كيف أعلق عليها؟ وكيف أحط لايك؟ كيف أحذف صورة اضفتها؟ نضغط عالصورة وبتطلع لنا كذا : 1- لايك 2- تعليق عالصورة 3- الخيارات لو نبي نحذف الصورة نضغط ع الخيارات : 1- مشاركة الصورة 2- حذف الصورة *لو أبي أرد ع أحد كيف يعرف إن هالتعليق له؟ تضيف قبل العليق المنشن . زي تويتر بالضبط يعني مثلا أبي ردي هذا تعرف زيزو إنه لها. اكتب كذا : "@zizova وجودك شرفني " الآن انتهينا من شرح التطبيق كامل . الحمدلله باقي نتكلم عن العيوب بالنسخة الخاصة بالاندرويد *العيوب : - لما تختار صورة من الإستديو يجبرك تقص منها ومايطلعها كاملة *بعد التحديث الأخير : أضافوا فلتر الفوكس "اللي ع شكل دمعة" كان عند جيراننا ومب عندنا وبالتحديث الأخير حطوه فكرته يركز ع جزء وبقية الصورة مو واضحة "التحديث جاء بعد موضوعي بيوم كأنهم دارين عني " *تحميل التطبيق : "لحد يحمله من غير المتجر الرئيسي . لأن بعض النسخ تسحب ملفاتك ومدري وش تسوي بعد الزبدة لاتحملونه من مواقع ثانية أو متاجر ثانية" *نجي للهدية الجميلة كثير يسألون نبي نحفظ صور أعجبتنا بالإنستقرام كيف؟ فيه تطبيق يسمح لك تحفظ صور وهو تقريباً يعوضك عن التطبيق الرسمي للشركة تحميل التطبيق من هنا : "للأمانة ماجربته . أنا اكتفي بتصوير الشاشة لو أعجبتني الصورة وقضينا"