[زهرة اللوتس]

اقتباس ماذا تحوي شنطتها ياترى..؟!

أنا نوعيتي أحب الشنط الكبيرة وأستخدمها كثير ، و ما أشوف بيها مُشكل أو حاجة مشينة لو كانت كبيرة...

شنطتي في الغالب تحوي لوازم الزيارة أو الطلعة ... كل اللي أعرف إني راح أحتاج له أحطه فيها

لإني أعرف إن الشنطة الصغيرة ما بتشيل عباية كتف ومكياج و مذكرة وكتاب مثلا وقلم وعطر ومفاتيح وجوال

و حتى مناديل وأهم شي البراية ...


بس عاد ماوصل بي الحال إلى إني أحط في شنطتي بيالات وصحون والمطبخ بعمره ، والمُقدمة على هالفعل يمكن تبالغ شوي وإن كان

ما ندري عنها يمكن يكون في نفسها حاجة هي أعلم بها منّا ، وهالحاجة تضطرها تستخدم أشياء من بيتها مع إنها عارفة بإمكان

وجودها في بيت غيرها وراح تقدم لها في الزيارة ! يعني ممكن تكون مريضة أو عندها حساسية من شيء معين أو تكون حيوية أو أو أو ...

وتبقى الأسباب متعددة لاستخدام الشنطة الكبيرة ، ومافينا نعطي حكم بكونها عادة مشينة أو قبيحة وينقص الاحترام و التقدير لكل من تحملها...



ابن الطرف

هي وجهة نظر ليس إلا

تحية طيبة ... والله يعطيكم العافية