|
تخيلوا البنات يخطبون الاولاد (( قصة خيالية ))
تخيلوا البنات يخطبون الاولاد (( قصة حلوووه )) المهم .. تخيلوا البنات يخطبون الاولاد!! يعني تتفاجأ في يوم وانت قاعد تقرا كتاب رومانسي وأنواع الأحلام الورديه(يااي) و سرحان في فارسة احلامك على السرير.. الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. . ترد انت بكل خوف : خير يمه؟ .... تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ .... ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: .... الراي رايك والشور شورك يايمه.. تقول امك: انا بصراحة ما اشوف في البنت شي. . ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. . تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل) تقول امك: هي شافتك و انت نازل من باص المدرسة (الله واكبر يالروز رايز)... بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل) و تراها هي و امها جايين يوم الخميس علشان يشوفونك.. تسال انت: طيب يا يمه ابوي وش رايه؟ تقول امك: ابوك ما يدري خليه حايس في المطبخ الله يعينه.. تقول انت :اللي تشوفينه يمه. .وتطلع امك من الغرفة وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري) و تقول : اه اخيرا حسَت و خطبتني. ( لا لا لا والله ما يصير بس بكمل) و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: واي واي يا يبه انا استحي ابوك يقولك وهو يطق على كتفك و يضحك يا ولد روح لعروسك إهئ إهئ تقول انت: يا يبه دايما تحرجني انت واي واي و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة) ترد هي بعد ما وقفت و عليكم السلام ( و هي تناظر فيك و في كل قطعة فيك) ... و تقولها تفضلي.... تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق. تقول انت: كله حلو تقول هي: اكيد كله حلو لانك انت اللي مسويه ثم تحط الصينية بسرعة و يدك على فمك و تضحك و تروح داخل بسرعة ياربييييييييييييييه الا اخوانك يستنونك و يقولون: ها وشلون شكلها تقول انت: واي واي تهبل تهبل حلوة و دمها خفيف و ذوق اهههههااي الا ابوك من المطبخ يلولش (يزغرط بالمصري) لللللللوووولللللوووووشششش شششش مبروك يا ولدي الا بدخلة اختك العربجية من بره و حاطه عبايتها على كتفها و تقول : خير وش فيه !! يقوله ابوك : قصري صوتك في وحده داخل خطبت اخوك .. تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي شباب آخر زمن <<< والله وصرتم يالبنات تقولونها الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي) و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة وشوي الا العفسة قايمة : ترى العروس جايه و ينطون الرجال و الشباب كلن يلبس شماغه و يتلطم .. و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة اربع طعش) و تقولك: الله صاير مثل القمر ثم تلف وجهك وانت مستحي و يتم الزواج و بعد تسعة شهور الا انت تصرخ في الليل فيك الطلق و يودونك المستشفى و تولد و تجيب توأم وتطلع من المستشفى الى بيت اهلك علشان النفاس <....حركات و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك و ترجع لبيتك تربي عيالك و تطبخ الغدا لزوجتك وتتخانقون ساعات و تنام و دمعتك على شنبك ويزيد حدة الخلاف و تاخذ شماغك و عيالك و تروح لبيت اهلك و تصلح امك ما بينكم و ترجع الحياة مثل اول..... منقول من الإيميل |
رد: تخيلوا البنات يخطبون الاولاد (( قصة خيالية ))
هههههههه
عايش الدور صح !! بس ..لااااااااااااااااااااااااا مهما صار يبقى الحمل والعيال وظيفة المراه |
رد: تخيلوا البنات يخطبون الاولاد (( قصة خيالية ))
اقتباس:
ههههههههههههه حلووووووووه شكرا لك تحياتي |
رد: تخيلوا البنات يخطبون الاولاد (( قصة خيالية ))
هههههههههههههههههههههههههههههههههههههههههههههههههه هههههههههههههه
من جد اخر زمن البنت تخطب الولد هههه |
رد: تخيلوا البنات يخطبون الاولاد (( قصة خيالية ))
لا ماتخيل البنت اهي الي تروح اتخطب
ههههههههه |
رد: تخيلوا البنات يخطبون الاولاد (( قصة خيالية ))
..
فـِ هذا الزمن ليس غريب .. فـ عادي راح اتوقع ذلكـ .. |
رد: تخيلوا البنات يخطبون الاولاد (( قصة خيالية ))
ماعليه ياشباب
الحلم ببلاش تبون الفكه من المصاريف ههههههه |
رد: تخيلوا البنات يخطبون الاولاد (( قصة خيالية ))
ههههههههههههههههههههه
والله انتوا يالبنااات الحلم ببلاش اجل من متى احنا نشتغل في المطبخ ولا نستحي ولا نطلع واحنا متلطمين بالشماااغ والله احسها مو جاايه كلش ولا اذا جات بتعطينا بوسه نقولها عيب يمكن في احد يشوووفنا ههههههههههههههههه ماتجي |
رد: تخيلوا البنات يخطبون الاولاد (( قصة خيالية ))
ههههههههههههههههههههههههههههههههههه
ويع ماتخيل البنت اهي الي تروح تخطب الولد احس فشيله كأنها قااااطه هع يسلموووو على الفرفشه.. |
رد: تخيلوا البنات يخطبون الاولاد (( قصة خيالية ))
ههههههههههه
ارسل دريم او حلم ل أم بي سي اقول اهم شي المهر على قلبكم خخخخخ يسلمو .. |
رد: تخيلوا البنات يخطبون الاولاد (( قصة خيالية ))
هههههههههههههههههههههه حلو بس كل شي جائز يصير في هذا الزمان
|
رد: تخيلوا البنات يخطبون الاولاد (( قصة خيالية ))
لا ماتخيل البنت اهي الي تروح اتخطب
احس شكلها غلط ههههههههه |
| الساعة الآن 08:26 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد