منتديات الطرف - ستيك دجاج وصلصه مشروم و بطاطا بوريه

منتديات الطرف (www.altaraf.com/vb/index.php)

- المطبـخ الطرفـاوي (www.altaraf.com/vb/forumdisplay.php?f=49)

- - ستيك دجاج وصلصه مشروم و بطاطا بوريه (www.altaraf.com/vb/showthread.php?t=90075)

ستيك دجاج وصلصه مشروم و بطاطا بوريه

حايره بعمري قلت ليه ما انزل لكم شيء من إبداعاتي المتواضعه

المقادير ..
ستيك دجاج .. او صدر دجاجه مقطع بالطول عشان تصير رقيقه مو سميكه

التتبيله
خل ابيض .. ملح .. بهار ابيض .. فلفل اسود .. كمون ..
تتبل الدجاج وتترك بالتتبيله اطول وقت ممكن لان كل ما طالت المده صار الدجاج الين واطرى
يعني ساعتين الى 3 ساعات حلوة

الصلصه
مشروم شرايح يغسل ويصفى نص العلبه .. وحسب رغبتكم تبون تكون الشرايح كامله او تقطعوها قطع صغيره ..
زبده ملعقتين كبار.. ملعقه طحين .. وربع كوب مويه

البطاطس
حبه بطاطس وسط .. ملح فلفل .. قشطه نص علبه قيمر .. وملعقه زبده سايحه

نجي للطريقه ..

نجيب مقلاه مسطحه .. ونحك فيها زبده او زيت يعني تقريباً 4 ملاعق ..
ونجيب شرايح الستيك ونحطها .. 3 دقايق على كل وجه شرط انه على نار هاديه عشان لا تحترق وهي ما بعد استوت من داخل

نسويها ونشيلها على جنب ..
نجيب مقلايه صعنونه للصوص .. نذوب فيها الزبدة .. ونحط عليها الطحين ونحرك تحريك سريع وبعدين نضيف المشروم ونحركه ونصب شوي من مويه التتبيل وشوي من المويه العاديه ..
ونحرك الين تصير صلصه خفيفه متماسكه نخليها تغلي بسيط عشان تاخذ الطعم حق المشروم ونطفي النار.. ربع كوب المويه يمكن ما نحتاجه كله نحط شوي الين ما نلاقي الصلصه فكت شوي شوي وصارت كريميه سايله شوي ..

نروح للبطاطس نسلق حبه البطاطس يعني يبغالها نص تعبانه او اكثر شوي نختبرها بالسكين ونعرف دره نضوجها إذا دخلت السكين بسهوله فيها معناتها انسلقت بس لازم نغرس السكين لنص الحبه عشان نتأكد انها استوت كامل
نجيب خلاط العصير .. نقشر البطاطس .. ونقطعه مربعات .. نحط القيمر ورشه ملح ورشه فلفل .. ونشغل الين ما ينهرس كامل .. بعدين نتذوقه ونشوف إذا ملحه تمام خلاص إذا ناقص ملح نزيده ونحركه شوي بكذا يكون جاهز للتقديم نذوب الزبده ونصبه على وجه البطاطس :)

وهذا الشكل النهائي ..

http://img102.herosh.com/2011/02/19/369158211.jpg