منتديات الطرف - لاغاب طيفك قامت العين تناديك

لاغاب طيفك عني قامت العين تناديه
والروح من جور بعدك صارت تعاني
وفيت لك بحبي ولو الدنيا ماهي وفيه
وفيت لك وطعونك تنزف بقلبي ووجداني
يامن سقاني بكأس الهجر وانا اسال ليه
تتركني اشكي لليل بعدك والدمع عماني
خلاص ارجع للي بونك ضاعت خطاويه
ويلاه من حبيب طعني بسكينه وجفاني
ياما سهرت معه وبحبي اضوي شمعه لياليه
واداوي جروحه لو قسوته زادت احزاني
آه وين الحبيب اللي اطرح همي بين اياديه
وابكي على صدره لا صار زماني قاسي وتحداني
واشرح له حزني ومن كأس الهوى أسقيه
واهديه حب صافي اصيل له مو لاحد ثاني
وأذا في بحر همي غرقت جاني ومد لي أيديه
ولو اطلب عمره ماتاخر ضحى وبعمره فداني
وبعطفه يمسح هم هم القلب ظاهره وخافيه
ويطفي ببسمة شفاته نزف جرحي ونيراني
كنت لاغاب الليل اسهر لوحدي واناجيه
وجزاي اني وفيت وضحيت بس رحل ونساني
ياناس هذي سطور حزني وشعري له هديه
يمكن يحن لقلبي ويرجع ويبدل بالفرح احزاني
ويلاه لامن تهت عن دروبه وين الاقيه
هو روحي ووطنهايكفي اخترته من بين الأوطاني
افديه بروحي وعمري ومن كل القلب اغليه
وأبني له بيت الغلا بالقلب والروح دون ربعي وخلاني
وبالنهايه لاغاب طيفك عني قامت العين تناديه
والقلب من قسوه الزمن وجوره بعدك صار يعاني

منقول لعيونكم يالغلا