|
موقف حصل اعطوني رايكم....
هذا الموقف حصل لي اليوم كنت ذاهبه إلى مطعم ووصلنا على وقت الصلاه طبعا كنا نستنى في السياره
وفجأه خرج ولد وبنتين من السياره اعمارهم بين التسع والخمس وجلسوا يلعبون في المجسم المقابل للمطعم وداسوا الزرع برجولهم وطيحوا الطابوق وكل هذا وحنا نشوفهم ومعصبين عالام الجالسه بالسياره ولا هامها شي دخلنا المطعم راح زوجي يطلب وانا جالسه استنى وطبعا كاشفه واستعد اعدل نفسي إلا وفجأه التفت ماشوف الا الستاره مفتوحه ههههههههههه طبعا عصبت حدي وقلت اصبروا وشديت حيلي لبست الغطا عشان اطل تفاجأت الولد في وجهي انصفق وتغير لونه حتى قاللي السلام عليكم من خوفه >>>شكله يبي يعيدها ثانيه بس والله العظيم احسه كسر خاطري كثير وتعوذت من ابليس ورجعت مكاني وانا انتظر ماشوف الا الستاره تنفتح ثانيه >>>> ياربي شالسالفه معاهم,,, واطل من الستاره ومافي احد >>>>> المهم جا المنقذ واقوله السالفه بس المفاجأه والصاعقه اللي فجعتني واكتشفنا مع بعض,,, الام كانت تتسبب في البنت وتضربها على راسها بظفرها لحد ماخلتها تصيح تخيلوا كل هذا واحنا نطالع الولد شكله معه مرض التوحد الله يفكه مسكين لكن الزبده من موضوعي وسالفتي هل العيال اذا معاهم مرض التوحد نطلعهم ونخليهم يتسببون في الناس علما انهم ماراح يكونون مسئولين عن تصرفاتهم,,؟؟؟ طيب ليه الامهات يهملون عيالهم اذا طلعوهم ,,,, يعني ليه ماينتبهون لهم؟؟؟ ليه الامهات يكونون سبب في المرض النفسي للاطفال ؟؟؟ منقول |
رد: موقف حصل اعطوني رايكم....
حتى وإن كآن الأطفآل مآبيهم مرض الله يكفيكم الشر بعض الأمهآت كذا ( يبطون الكبد لو يصير مآيصير جنبهنـ مآيحركون سآكن بالله شنهو هـ القلب :eek: في أمهآت من يجيهنـ طفل مصآب بـ مرض مآ يحبون يعتنون به ومآكأنهآ هي الأم وبعضهنـ يتركونهم عند ام الزوج أو ام الزوجه يعني يعتبروهم شيء محرج وأكيد هذا الشيء يأثر سلبيـ على نفسيه الطفل |
رد: موقف حصل اعطوني رايكم....
فعلا كلامك احسائيه وهالشي حاصل كثيــــــــــــر
اشكرك عالمرور يالغاليه,,, |
رد: موقف حصل اعطوني رايكم....
لو ولدي يعمل مثل هالموقف أكيد بوقفه عند حده
والحمد لله انه مايسوٍي شطانه الا نادراً |
رد: موقف حصل اعطوني رايكم....
بسم الله الرحمن الرحيم ،،، السلام عليكم ورحمة الله وبركاته ... كثير ما نشاهد مثل هذه المواقف الغير مسؤلة ، وما يجعلك تغضب برود الأعصاب من أولياء الأمور الذين لايكلفون على نفسهم وإذا أراد أن يبدي ردة فعل تجده يقول ( اقعد ياولد عيب ) هذا وإذا صاحب المكان كلمه عن الخراب الذي تسبب فيه ابنه لا يعتذر فقط يمسك ولده عن الحركة فترة وجيزة من ثم يعود إلى الخراب مرة أخرى . أما بالنسبة إلى إلى فتح الستائر عادةً لا تكون مقصودة وإن كان في حد ذاتها قلة أدب ، ومن المفترض أن لا يتجه الرجل إلى غرفة طعام إلا بتوجيه من العاملين في المطعم منعاً للإحراج ، اقصاء الشر في هذه المواقف أفضل حل ، لأن من يذهب إلى المطعم تكون النية تغيير جو والعيش في أجواء رغيدة رومنسية بعيدة عن المشاكل ، فلو حلت المشاكل تكهرب الجو ، ولا يمكن الدخول في الأجواء الجميلة . كثير من تصادفه المواقف ولكن القليل من يشرك الناس في مشاكله . شكراً على الطرح ودمتم سالمين . |
رد: موقف حصل اعطوني رايكم....
خذوا هذا الموقف أيضاً ..
أب يشاهد ابنه يعمل تصرف معين أمام عينيه التصرف هذا قد لا يكون سيئاً ولكن يحتاج إلى توجيه ماذا قال الأب ؟ اتركوه يفعل ما يريد فهذه جرأة !! طيب كيف تتركه يفعل ما يريد ؟ وأين دورك من النصح والتوجيه ؟ كثير من أولياء الأمور يتركون الحبل على الغارب ويتركون أبنائهم يتصرفون كيفما يشاؤون دون تحرك منهم !! الله يعطيكم العافية جميعاً وفق الله الجميع |
| الساعة الآن 10:42 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد