|
كل ماهو جديد ومجرب ..~ لكل امرأه متجدد دومأ... تم التحديث من جديد:)
http://www.alfrasha.com/up/1314132760495194113.gif
اللهم صلي وسلم على محمد وعلى ال محمد http://jewelsuae.com/gallery/data/media/14/v_54_2.gif انا فكرت كثير في طرح هذا الموضوع وكان على بالي من زمان اني اضيف لكم تجاربي تنضيف بشره صفائها بياضها خلطات للشعر ( الكثافه -الطول - القشره ) رائحه الفم با النسبه للمتزوجات وحق البنات والرجال تنفع كثير تنضيف المنطقه الحساسه ازاله رائحة العرق وللمعلوميه والله يشهد على كلامي كل الاشياء اللي اكتبها انا مجربتها على نفسي واستفدت منها كثير ولا نننسى ان الاعراس قريبه والعرايس يحتاجون لها كثير واتمنى كل وحده سمعت عن خلطه او شي جربته تجي وتقوله لنا واللي تجرب من الاشياء اللي انا كتبتها واستفادت عليها تكتب تجربتها واستفادت عليها لازم يابنات نفيد بعض با التجارب لمتى واحنا نسوي كل شي بفلوس وروحت مشاغل ومافيه بنت مو ذكيه كلكم ماشاءالله كل وحده تقول الزود عندي من التفنن والاناقه راح نبدء على بركة الله تنضيف البشره http://dl6.glitter-graphics.net/pub/...pe1u9or1bn.gif با النسبه لي انا بشرتي حساسه ومتعبتني حيل ماباقي خلطه ماسويتها وماباقي شي ماحطيته بس مافيه اي فايده بعدها جربت السدر للبشره روووعه نظافه ونعومه خياليه بصراحه ويطهر البشره ومكونات هذي الخلطه ملعقة سدر ( تكفي لان السدر يخمر ويصير كثير) اذا كان بس للوجه اما اذا كان للجسم كامل انتي براحتك كثري منها ملعقه عسل طبيعي ( انا عندي عسل طبيعي جبلي وصلني من الخارج اللي حابه تاخذ مني تبشر علبه كامله ب 35 ريال) ملعقه ماي ورد ملعقه حليب بودره واخلطها الي ماتصير خليط متجانس سائله نوعأ ما واتركها اشوي علشان تتجانس واحطها على البشره بحركه دائريه من الاسفل الي الاعلى تترك حتى تجف وبعدها تفرك بحركه دائريه كنك تقشرين البشره بس لازم بشويش علشان ماتتجرح لان بشرة الوجه حساسه حيل وبعدها يغسل الوجه بماء دافئ ويرش بعدها بماء الورد ويفضل وضع الماء الورد في الثلاجه لكي يعطي نظاره اكثر للوجه وتستخدم مره في الاسبوع السنفره اليوميه للبشره http://www.feelbest.com/product_images/07704364110.jpg انا ماكنت اعرف فوائدها الا لما استخدمتها بنفسي اللي انا اخذتها السنفره اللي با المشمش الكل يمدح فيها وهي معروفه يمدحون اللي في بدي شوب بس للامانه ماجربتها جربت العاديه المعروفه اللي في تباع في كل مكان انا استخدمها كل يوم عند الاستحمام اول ما ادخل دورة المياه ابدء فيها احطها على وجهي وابدء افرك واخلها 10 دقايق واغسله واحطه لجسمي اذا كنت مو مستعجله وبا النسبه للابط يصفي ويخفف ريحة العرق استخدمه يومأ نجي للماسك1 استخدمه بعد ما استخدم السنفره وكثير اتوقع سمع عنها ملعقه حليب بودره ماء ورد ليمون نشاء يوضع على البشره الي ماينشف ويفرك با اليد وبعدها يرش ماء الورد الماسك 2 ملعقه من الطحينيه ملعقه زبادي يخلط ويوضع على البشره الي ان يجف ويغسل بماء دافى وبعدها يمسح بماء الورد روعه تصفي البشره وتعطيها نضاره المره وماء الورد هذا للي فيها حب شباب او اثار حبوب ناخذ مره ( المعروفه طبعا محد ماييعرفها) وماء الورد تذوب المره في ماء الورد ويمسح الوجه بها قبل النوم بتقولون ريحه ومدري شنو ترى ريحتها عاديه ومافيها شي اهم شي البشره تنضف وتصفى ولازم يا بنات الاستمرار علشان تبان النتيجه وهذا كل اللي عندي اليوم ولي عوده مع الخلطات الباقي والتجارب اللي عندي بس لازم اشوف تشجيع من البنات وكتابت تجاربهم واي استفسار انا حاضره دعواتكم لي يا الغاليات با الوضيفه الزينه :) http://www.arabseyes.com/vb/imgcache/3787.imgcache |
رد: كل ماهو جديد ومجرب ..~ لكل امرأه متجدد دومأ
:s92:
رااااائع يا مُبدعــه . نحتاج لتنظيف وتجديد خلايا البشره مابين فتره وفتره كما أننا في مثل حاجة بقية الأمور . طيب بسألك البشره الدهنيه كيف يتم الأعتناء بها ؟! متشوقين لبقية سطورك للفائده . انتظر السطور وكلي ثقه بك . كُل الياسيمــين لـِ نشاطك المميز . شُكر من الأعماق . / |
رد: كل ماهو جديد ومجرب ..~ لكل امرأه متجدد دومأ
:: عزيزتي موضوع حلو على الأقل تكون وصفات عن تجربة ! لدي خلطة مجربة لتطويل الشعر : فليفلة خضراء + زيت زيتون تقطع الفليلفة وتوضع مع زيت الزيتون في علبة مغلقة لمدة 10 أيام . تفتح كل يوم لخروج الغازات منها لأنها تنضغط حيل . بعدين تستخدميه >> الله يعنيكم ع الريحة بس :s77:. لكن النتيجة مضمونة 100% :icon31: |
رد: كل ماهو جديد ومجرب ..~ لكل امرأه متجدد دومأ
تاروتيــــــــــــه
اسعدني تواجدك عزيزتي :؛؛؛؛ اي طبعأ كل اللي اكتبه مجربته بنفسي وان شالله راح اضيف الاشياء الباقي اللي باقي عندي بس اهم شي نشوف تفاعل الاخوات الله يعطيك العافيه انا سمعت عن وصفتك بس ماجربتها اهم شي التساقط ومايجفف الشعر ؟؟ لان انا عندي بطئ مو طبيعي في طول الشعر ان شالله اخلص الخلطات اللي عندي واجرب خلطتك الف شكر لك عزيزتي |
رد: كل ماهو جديد ومجرب ..~ لكل امرأه متجدد دومأ
عزيزتي الدأنه عذرأ
لم انتبه للرد << تاثير النوم هههه اقتباس:
واتوقع انتي لاحظتي الصعوبه في التعامل معاها انا راح اعطيك الاشياء اللي تنفعك ان شاءالله انا كانت عندي منطقة الانف دهنيه عكس وجهي وكنت استخدم لها الاسكينول با الببايا واحط عليه اشويه ماي ورد ونشاء ملعقه صغيره تقريبا وامسح وجهي كامل يوميأ وشوفي النظافه والريحه يعني تصبين اشوي منه في علبه صغيره وتحطين عليه الماي الورد والنشا وكل مره تستعملينه ترجين العلبه انا عجبتني ريحته اللي با الببايا حلو وفي ناس تستخدم با الليمون او الخيار بس الببايا عندي انضف شي هذي صورته http://m002.maktoob.com/alfrasha/up/...1587387183.jpg وعندك الشي الرووعه بصراحه المره مع ماء الورد كتبت طريقته فوق هذا يجفف ااذا كانت فيك حبوب ويشيلها ويصفي ويطهر لك البشره وااهم شي ماتغسلين وجهك با اي صابونه انا عندي صابونه اصنعها بنفسي رووعه شنو نعومه شنو صفاء ماتتخيلينه استخدمها من فتره طويله اللي حابه تبشر تطلبها واسويها لها ووهذا كل اللي عندي عزيزتي ان شالله افدتك وعليك با العافيه النعومه والبشره الصافيه مقدمأ واعتذر مره ثانيه على عدم رويه الرد تبعك :) |
رد: كل ماهو جديد ومجرب ..~ لكل امرأه متجدد دومأ
بصراحه ىالموضوع واااااااااااااايد حلو ومفيد
انا جربت ماسكات طبعا في البيت اسويها وايد حاوه بس لازم تستمرين عليها المهم عندكون الخلطه الاولي خلطة لتنعيم وتبييض الجسم : جليسوليد جل ثلاث ملاعق ماء ورد عصير ليمون يطبخ بحمام مائي ويفرك بقطنه على مكان السواد والمكان الخشن. .............................. ... عندكون الخلطه التانيه خلطة تبيض البشرة بشكل رائع : نصف كاس سكر ملعقتين خميرة فورية زيت الزيتون عصيرليمون وتخلط حتى تتجانس ويجب أن تكون ثقيلة. ملاحظة:قبل أن تضعيها على جسمك بلليه بالماء ثم دلكي بها . .............................. .. عندكون التالته خـلـطه لأزلـة الـكـلـف وتفتيح البشره : هذه وصفة لتفتيح أوإعادة اللون الطبيعي في المناطق الغامقة من الجسم وإزالة الكلف والسواد في المناطق الحساسة أو أي مكان فيه سواد. المكونات سهلة وفي متناول اليد. جليسرين سائل -يباع في الصيدليات- ليمون تخلط وتحفظ في الثلاجة ويستعمل هذا الخليط يوميا عند النوم حتى يأخذ مفعولة ،يستعمل بعد الحمام العادي ،على نظافة. ويفضل أن تكون البشرة مصنفرة تقشير بالملح - أو حمام مغربي -. حتى تستقبله وتستفيد منه. يفضل استخدامه لفترة حتى تظهر النتيجة. .............................. .. عندكون الرابعه خلطه سحريه لتفتيح الأماكن الداكنه في الجسم : وهي عباره عن زيت الجلسرين مع ليمونه واحده نخلط عصيرها مع الزيت وتستخدم الخلطه لمدة أسبوع وراح تبين النتيجه بعد 3 أيام من تطبيقها وتراني مجربتها ايضا من مزايها انها تنعم الجسم ولو حسيتوا بقرص خفيف على الجلد فهذا عادي بسب الليمون. .............................. ..... عندكون الخامسه وهي احسن خلطه فيهون بنظري خـلـطـه سـحـريـه سـريـه : المقادير صابونة غار مبشورة ناعمة جدا تنقعينها بكاس ماي ورد طول الليل عشان تذوب علبة جلسرين السائل الشفاف من العطار علبتين جليسوليد الاحمركبار فنجان قهوة زيت زيتون فنجان قهوة زيت لوز فنجان قهوة زيت خروع ملعقتين كبار كركم من العطار لاتستخدمون مال الاكل لانه صبغته قوية علبة فكس صغيرة تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم وانا حتى استخدمها للمنطقة الحساسة وشفت بياض موطبيعي ونعومة وكل الاثار اللي بجسمي اختفت ادهنيهاعلى جسمك ولما تغسليها افركي بالليفة اللي من بدي شوب اللي على شكل قفاز احسن من الليفة المغربية و سوي سنفرة الملح الخشن مع عصير الليمون (يعني اخلطي كمية ملح خشن مع عصير ليمون واتفركي فيه) سوي حمام مغربي كل اسبوع عشان تزيل الخلايا الميته وتجدد البشرة منقول |
رد: كل ماهو جديد ومجرب ..~ لكل امرأه متجدد دومأ
تضحية زهور
يسلمووو عزيزتي ولكني تمنيت ان يكون من تجاربك الخاصه يعني تعطينا النتايج والاشياء اللي شفتي التغيرعليك صار ولكن ...~ لايمنع ان نستفيد مما نقلتيه دمتي بكل ود وسعاده الله يعطيك العافيه |
رد: كل ماهو جديد ومجرب ..~ لكل امرأه متجدد دومأ
شمووخ اذا العسل الي عندك طبيعي 100% ابي وحده كيف اوصل لك ؟؟
وبالنسبة لتجاربي بقول لكم عن زيت جوز الهند هذا واحد زوجي كافله هندي ووصاه زوجي على هالزيت بصراحه رووعه انا ولا زيت ناسب شعري بس هذا حلو لانه يرغي شعري بالسباحه من اول غسله ورحة الزيت حلوة مقبوله يعني ... جربوه وادعولي .. يسلموو بنات على الخلطات انا مشكلتي مع اي ماسك انه يجيب مفعول في البدايه بس بعدين خلاص البشره تتعود عليه وما يجيب اي مفعول :( |
رد: كل ماهو جديد ومجرب ..~ لكل امرأه متجدد دومأ
غلاتي يعطيك الف عافيه يا شموخ صحيح أنك راعيتها :) طيب زودينا بطريقة الصابونه ؟ توته كم نحطه الزيت في الشعر ؟ تسلمون والله .. / |
رد: كل ماهو جديد ومجرب ..~ لكل امرأه متجدد دومأ
الدانه
اسفه على التاخير في وضع الخلطه هذي اقتباس من الاخت حور الجنان الله يوفقها ويشفيها ان شاالله طبعأ انا استخدمت كل الصابون بس الفيتامين اللي في الخلطه ماحصلته في الصيدليات ومااحطيته واللوشن نفس الشي ماحصلته بس برضو الخلطه لايعلى عليها اتمنى ان تدعو لصاحبة هذه الخلطه باالشفاء والتوفيق اقتباس:
|
رد: كل ماهو جديد ومجرب ..~ لكل امرأه متجدد دومأ
هذا شكل المرطب
http://elaf3136.jeeran.com/0000000000.gif __________________ خواتي الي مالقى لوشن ابيديرم يستبدلة باللوشن المبيض من بيزلين نفس النتائج يعطي ياقلبي وهذا صورتة http://www.rak24.com/healthfood/whit...y%20lotion.jpg الموووهم بنات لاتنسوني من دعوااتكم ولصاحبه الموضوع الاصلي واللي تحصل على الكبسولات اوو اللوشن تعطينا خبر ولايغركم كثرت الصوابين ترى سعرهم بيكون قليل حيل يعني كل وحده ماتتعدى 5 ريال وتكفي هاالخلطه اذا كان الاستخدام شخصي فوق 6 شهور اذا مو اكثر بعد لانها حيل تصير كثيره لان ودي اشتريهم |
رد: كل ماهو جديد ومجرب ..~ لكل امرأه متجدد دومأ
السلام عليكم
ليش هاالتحطيم:( عندي تجارب كثيره وجديده بس اتردد اكتبها بسب قلة التفاعل معاي ليش مانتعاون مثل باقي الاخوات اللي اكتبو تجاربهم باالعكس هذا يعطي دافع وتشجيع للتجارب ومعالجة البشره او الشعر والعيد قرب والمناسبات كثيره فا لازم الاهتمام والله جميل ويحب الجمال :) :teeth_smi اتمنى اشوف تفاعل الله يعطيكم العافيه |
رد: كل ماهو جديد ومجرب ..~ لكل امرأه متجدد دومأ
تجربتي الجديده لتطويل الشعر
هذه الطريقه يبي لها صبر اشوي وروعه للشعر مغذيه بنفس الوقت للتطويل والاهم من ذلك الاستمرار صبار ( عصارة الصبار الموجوده باالداخل ) والصبار معروف فائدته للشعر ممتاز للتساقط والنعومه باانك تقطعين الصبار وتقطعينه من النص وتشيلينه باالملعقه مثل المانجو << ام الوصف ههههه وهذه صورته http://hawa.syriarose.com/data/thum/thum_1241457213.jpg زيت السمسم زيت املاء زيت الخروع بذرة الكتان (لتطويل الشعر ) (( توضع ملعقه من بذرة الكتان في كاس ويصب فوقها الماء المغلي وتترك حوالي ربع ساعه) بعدها يوضع كل نوع من الزيت على خليط بذرة الكتان ويترك ربع ساعه زبادي (الافضل ان يكون منتهي الصلاحيه ) مايونيز يوخذ من جميع الاشياء على حسب طول الشعر ............. توضع عصارة الصبار في الخلاط والزبادي والمايونيز ويصب فوقه خليط بذرة الكتان المخلوط باالزيوت ويخلط جيدأ حتى يصبح شكله كاالكريم يوضع على الشعر مع التدليك المستمر ويترك على الشعر ساعتين ويغسل بعد ذالك باالشامبو دعواتكم |
رد: كل ماهو جديد ومجرب ..~ لكل امرأه متجدد دومأ... تم التحديث من جديد:)
موضع في قمة الروعه .. في انتظار الوصفآت القادمة .. يعطيك ربي ألف عآفيه .. تقبلي طلـــــــــــــتي .. |
رد: كل ماهو جديد ومجرب ..~ لكل امرأه متجدد دومأ... تم التحديث من جديد:)
الله يعافيك
مذهله دمتي في حفظه |
رد: كل ماهو جديد ومجرب ..~ لكل امرأه متجدد دومأ... تم التحديث من جديد:)
وصفتي الجديده
................ للتطويل وطبعا حسيت بنعومه حلووه الشامبو طبعأ هاالطريقه حيل حسيتها روووعه للشعر كثيف وطول بسرعه الشامبو + الجلي (( اللي يستخدم في رمضان )) اذا كانت علبة الشامبو كبيره يوضع كيس الجلي كامل وواذا كانت صغيره يوضع النصف وللتجربه لااول مره يوخذ القليل من الجلي وقليل من الشامبو وتتم التجربه واتمنى القى نتائج للتجارب واللي حابه تعرف اكثر عنه تكتب في قوقل ويطلع لها عدة تجارب مضمونه ان شاالله باالتوفيق |
رد: كل ماهو جديد ومجرب ..~ لكل امرأه متجدد دومأ... تم التحديث من جديد:)
/ هلا شموخ . يؤ ليه نحط جلي في الشامبو كأن عرض صاير :) ؟ انتظرك .. / |
رد: كل ماهو جديد ومجرب ..~ لكل امرأه متجدد دومأ... تم التحديث من جديد:)
اقتباس:
الجلي يحتوي على كميه كبيره من المواد النافعه للشعر الدانه اكتبي في قوقل ويطلع لك شرح كامل عن الفوائد عرض .. هههههههههههه من رايك يعني اسوي دعايه ؟ الله يعطيك العافيه |
رد: كل ماهو جديد ومجرب ..~ لكل امرأه متجدد دومأ... تم التحديث من جديد:)
هلـآ والله شمووخه ..
أنا جربت خلطة الجلي مع الشامبو بس مانفع ..!! <<يمكن لان منتهي تاريخه .. اذا انتي مجربتها فيديني الله يخليـك .. ^_^ .. |
رد: كل ماهو جديد ومجرب ..~ لكل امرأه متجدد دومأ... تم التحديث من جديد:)
الغلا
هلا والله بطلتك حبيبتي التجربه تعتمد على حسب نوعية الشعر ومن شعر لشعر تختلف الاستجابه السريعه له وانا جربته والا كيف اكتب عنوان الموضوع كل ماهو مجرب :) وتجربتي له مو شهر لا طولت كثير لي الحين فوق 6 شهور او اكثر بعد يعطيك العافيه باالتوفيق |
| الساعة الآن 08:55 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد