منتديات الطرف - ضمنــــي يالليــــــــــل تكفـــــــــى

منتديات الطرف (www.altaraf.com/vb/index.php)

- همس القـوافي وعذب الكلام (www.altaraf.com/vb/forumdisplay.php?f=17)

ضمنــــي يالليــــــــــل تكفـــــــــى

ضمني يالليل تكفى

--------------------------------------------------------------------------------

ضمني ياليل تكفى هالقلب حيل محتاجك
ضمني الين أغفى وأرجووووك غطينـــي

أببعد عن الدنيا بعيد وأرتمي بحضانـك
أببكـي على ثوبك الأسود وأنت هديني

طبطب على كتفي وقول فديت دمعــاتك
خاطري مكسور ياليل وحظي معنينــي

تعبت أساير أوقاتي وينهـا يالسعد أيامك
وينها ماشفت غير همن عاش ومات فيني

عاندت وقتي وضعت ياعالمي في متاهاتك
دورت الأمل والا الأمل مبعد ومجفيــني

ياعمري أن كان لك باقي وماأنطوت صفحاتك
ياعسى بلمح زول الفــرح يــوم يلفينـــي

حتى البشر ياليل محدن سأل وشهي معاناتك
البال مرتاح وأنا الوحيد ماغير دمعي يواسيني

يادمعي ماهقيت أقوى على بعدك ونسيانك
الصبـــر يادمع والرجـــا برب الكون يغنينـي

ياليل أنا قصة غريبه ضمها لباقي حكايـاتك
وهل دمعك لمن ذكرت أسمي وجيت تطريني

قصتي عنوانها ياصاحبي فاتك الوقت فاتك
أبطالها أنا والقدر والبخت ودنيا همها تبكيني

أبتدت قصتي لكن بعيون البشر تلقى نهاياتك
حلو الاماني في حياتي بدت وأنتهت بدموع عيني

ياليل خذني لآخر حدود الكون وأبعد مسافاتك
تعبت أعيش عمري بالجفا وبين ناسن ماتبيني

ياليل ياما زرعت الورد وسمعت عذب همساتك
جاملت نفسي وقلت بيجي باكر وتثمر بساتيني

وجا وقت الحصاد وأنصدمت يوم ماتت أمناياتك
ماحصدت غير العنا وكاسه المر يسقينـي

هذي نهاية أنسان يادنيا صافحك رغم صداتك
قابلتك بصافي النوايا وأبتسم لك وأنتي تهينينـي

عشت العذاب بلحظاتك ويومك وبكل ساعاتك
مانابني غير الهم في كل حزه أشوفه يجيني

يعني أنا صرت من ضحاياك وباقي وفـاياتك
بنتظر بكره وعندي الأمل حي لو قتلتيه فيني

بيصير حالي غير هالحال وبنسى تعب معاناتك
بنسى الألم و الحزن وضيمك ولوعة أنينــي

وياليلي وياخلي الوافي ياحلوها دوم جلساتك
بها ينزاح همي وينقضي الوقت مابينك وبينـــي

بين ضحك ومزوح وجروح تداويها بنسمــاتك
عجزت ألاقي أنساان بلمسة حنانه مثلك يداويني

من بحّور ّاختياري