منتديات الطرف - ماكل من يضحك بدنياه مسرور

منتديات الطرف (www.altaraf.com/vb/index.php)

- همس القـوافي وعذب الكلام (www.altaraf.com/vb/forumdisplay.php?f=17)

- - ماكل من يضحك بدنياه مسرور (www.altaraf.com/vb/showthread.php?t=57219)

ماكل من يضحك بدنياه مسرور

ما كل من يضحك بدنيـاه مسـرور
لو ضحكته دايـم تحـرك حجاجـه
وما كل من يبكي من الناس مقهـور
بعض الدموع رخاص من شان حاجه
وما كل صادق لو حكا لك من شعور
يا كثر من زيف المشاعـر خراجـه
وما كل ما يخفا من السـر مستـور
بعض الوجيه ابين من ارهف زجاجه
وما كل بيتٍ بابه انصـك مهجـور
كم بيتٍ اطفا الشح واهـج سراجـه
وما كل وردٍ تزرعـه ينثـر عطـور
لو ماه صافي مـا يخالـط هماجـه
وما كل مرهف قلب لو يزرع زهـور
قلب يحب الورد وهو مثـل صاجـه
وما كل من يخطي من الناس معذور
البعض يخطي من علـوم العواجـه
وما كل من يسكت على الظيم مجبور
لجل الغلا ساكت ويدعـي انفراجـه
وما كل راسٍ ضيع الفكـر مسحـور
كم راس سحرالحب!! جاب ارتجاجه
وما كل علـه فادهـا طـب دكتـور
كم من عليلٍ وصل خله ؟! علاجـه
وما كل من شاور حكيمٍ خذا الشـور
بعض البشر مـا يقنـع الا مزاجـه
وما كل من سمي صقر يشبه صقور
كم من صقر وقت الشدايد!!دجاجـه
وما كل فـزاع لجـل مدح؟مشكـور
البعض مرجلتـه وسامـه وتاجـه

منقوله