|
مدري هي مدح ولاشتيمه....؟!!
حبيتهـآ‘ وحبيت أطرحهاا :) :::::::::::::::::::::::::::::::::::: البارحة جاني مـن الحـب مرسـال من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه ولا بعد غنّيت فـي ساعـة وصـال ولا بعد ذقـت الفـراق وجحيمـه ولا جرى دمعي على الخـد همّـال ولابعـد جربـت مــرّ الهزيـمـة حتى وردنـي تالـي الليـل جـوال وانا على شاهي وبسكـوت ديمـة الرقم بايخ لكـن الصـوت قتـال كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة قلت ارفعي صوتك ترى مابه ارسال كـذاب لكـنّ المصيبـة عظيمـة قالت أقول اسمع ترى هرجنـا طـال ممكـن تصاحبنـي ترانـي وسيمـة واسمي الحقيقي أول حروفـه الـدال لكـن يسمّونـي البنـات الزعيمـة صحيح أحب الفخفخة واعشق المال لكـن ترانـي طاهـرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفقـر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والدين بـالآلاف والبنـك شغّـال ياكـل فلوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـم شـي إن النوايـا سليـمـة لابد تفهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لكن تـرى هـذي علينـا قديمـة يا بنت هـذا صايـر اليـوم مـوال للي تبي تلعب علـى ابـن اللئيمـة يا بنت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مـا يبقـى لهـا أي قيـمـة قالت تبي ولاّ فخلّك علـى جـال مهوب ناقصـي نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حتـى يعلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح وإلاّ شتيمـة منقووووووووول |
رد: مدري هي مدح ولاشتيمه....؟!!
لا اجل ابشرك تراها شتيمه ^___^ تطورات في المغازل والله حركات خخخخخ يعطيك العافيه مذهله والكلمات مذهله كذلك سيم سيم نفر يكتب هذا قصيده ^__^ لا حرمنا من جديدك في حفظ الباري |
رد: مدري هي مدح ولاشتيمه....؟!!
انا انسجمت في القصيده
وفي الاخير (( تفووو )) اكيد شتيمه يعطيج الف عافيه |
رد: مدري هي مدح ولاشتيمه....؟!!
قصيده رائعه.
مسكين /لا تفو شتيمه بس يقولون طق الحبيب مثل أكل الزبيب يمكن فكرها مدح مو شتيمه خخ يعطيك العافيه |
رد: مدري هي مدح ولاشتيمه....؟!!
اقتباس:
مشكور على مرور مال انتى انتى في نور صفحه مال انا تهياتي <<<< اشرايكم نقلب المنتدى هندي هههههههههه تقبلوا خالص تحياتي |
رد: مدري هي مدح ولاشتيمه....؟!!
اقتباس:
منوووووور |
رد: مدري هي مدح ولاشتيمه....؟!!
اقتباس:
مروركِ أسعدني |
رد: مدري هي مدح ولاشتيمه....؟!!
روووووووووووووووووووووعه من مطلعها الى نهايتها
انا عن نفسي يعجبني هذا النوع من الشعر قصيدة رائعة ... يعطيك العافية اختي مذهلة .. |
رد: مدري هي مدح ولاشتيمه....؟!!
اقتباس:
: الأروع مرورك أخوي لاهنت عالمرور :) : |
رد: مدري هي مدح ولاشتيمه....؟!!
ابدااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااع
روعهـ صراااااحه بس ابشرك شتيمه قصيده مذهله كصاحبتها ابداعتك ليست غريبه لانها مثلك وانتضير جديد واشعارك ومناقيلك وخط اناملك نترقبكي تكوني شاعره وننتضر اشعارها تقبلي مروري تحياتي |
رد: مدري هي مدح ولاشتيمه....؟!!
اقتباس:
الأروع مرورك غلاي أسعدني تواجدكِ نورتي صفحتي :) : |
رد: مدري هي مدح ولاشتيمه....؟!!
[COLOR="DarkOrchid"] القصيده مره خياااااااااااااااااااال وروعه صح لسانك
الله يعطيك العافيه وتقبل الأهانه لأنهم مثل مايقولون كلشي من الحلو حلو والتفاله حلو لأنها صاحبتها حلوه هههههههههههههههههههه[/C:G16::G16::G16:OR] |
رد: مدري هي مدح ولاشتيمه....؟!!
ههههه مسكين الولد رايح فيها و هي ما خلت شي ما قالته عنه
بالبدايه كلام حلو و النهايه كلام ما في اشين منه عموما قصيده جميله و بعد في نفس الوقت لو الولد مسوي جلجال معاها كان استوت سوالف في هالمكالمه مجهود قمه في الروعه و عطاء قمه في الرقه وعسانا ما ننحرم من جديدج تقبلي مروري المتواضع تحياتي |
رد: مدري هي مدح ولاشتيمه....؟!!
اقتباس:
يسلموو اميره عالمرور نورتي :) .:. |
رد: مدري هي مدح ولاشتيمه....؟!!
اقتباس:
لاهنتِ جوليان عالمرور أسعدني تواجدك تحياتي :) .:. |
| الساعة الآن 10:50 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد