|
كيف كانت اول طبخه لك ؟؟؟
~السلام عليكم ورحمة الله وبركاته ~
طبعا الموضوع با ين من عنوانه.. كيف كانت أول طبخة لك؟! طيبة ... مالحة ... حلوة... محروقة ...تمشـــــــي ومتى كانت أول زيارة لك على المطبخ ,,, شنو نــــــــــوع الطبخة ؟؟؟؟؟ وكيف كانت ردود الاهل بصراحه ؟؟ واذا ردودهـــــــــم تحرج اشوي قول < مثلك مثايل> امــــــــا اذا تحرج اكثير < استر على نفسك> وكيف كان احساسك بنفسك وقتها؟ ؟؟؟؟ شجعوك تعمل مره ثانيه وثالثه (((((ولا قالت نوبه وهــــــــي توبه))))))))) وهل حصل أي حالة تسمم بعدها بصراحه؟ يعني { عـــــــوار} < بطن ، معــــــده> <<< المهـــــــــــــــم >>> نبغى نشوف في المنتدى عندنا ( طباخ ؟؟؟؟؟؟؟؟؟؟؟؟؟؟؟؟؟؟؟؟ ) ولا ما عندنا الا يحرقون ( الصفريه) ويسترون على انفسهـــــــــم < الحمد الله والشكر> نعـــــــــــــرف كل هذا من ردودكـــــــــــــــــم لكــــــــــــــــم خالص تحياتـــــــــــــــــي اخوكــــــــــــــــــــــم عاشق العالـــــــــــــــــــــــمي |
رد: كيف كانت اول طبخه لك ؟؟؟
والله أول طبخه ... عدلة و100% لا وكل اللي كلو معي لحسو أصابيعهم بعد ....
بس خايف اقول وأنفضح .... لا بقول ... بيض مقلي ... بس الان طباخ ممتاز .... الغربة في الدمام والرياض علمتني الطبخ على أصول ... هاه اللي يبي مندي .... أو برياني من الاعضاء حاضرين ... طبعاً المكان الاول محجوز لعاشق العالمي ... أخي عاشق العالمي موضوعك حلو ... والله يعطيك الف عافية .... |
رد: كيف كانت اول طبخه لك ؟؟؟
اول طبخه لي كانت في رمضان
وكانت مكرونا والله لايروكم ايهااا كنت اطالع المسلسل ومافضضيت اروح اشوفهاا ولا جيت الا الدخان مالي المطبخ والصفريه صات سود اوخذت الصفيره بلي فيهاا والزباله على طول ورحت سويتها من جدا وجديد بس صار يعين مو ذاك الزود |
رد: كيف كانت اول طبخه لك ؟؟؟
بصراحه اناا واعوذ من كلمة انا
ماصلح طباخ الشباب تحدون اني اطبخ لهم اي شي وبلفعل طبخت لهم المندي في المزرعه وهم كانوا مستانسين على بالهم على المندي بياكلونه مساكين وخليت المندي على الفحم 4 ساعات انا شميت الرحيه افكرة استوى طبعا صارت الصفريه سوداء وافتح الجدر وكانت النتجيه احترق العيش والدجاج والشباب كفخون تكفيخ ولي قام يطنز علي طول اليوم طبعا هي اول طبخه واخر طبخه لاني فشلت ومشكور يا العالمي على الموضوع المتتاز |
رد: كيف كانت اول طبخه لك ؟؟؟
اول طبخه سويتها تعلمتها في المدرسه وجيت البيت
علشان اطبقها بس ياني عفست فيها عفاس لكن الوالده جابت اسعافاتها الاوليه وسنعتها لي والكل عجبته |
رد: كيف كانت اول طبخه لك ؟؟؟
يعطيك الف عافية ....
|
رد: كيف كانت اول طبخه لك ؟؟؟
الله يخلف علينا مانعرف نطبخ :blushing:
أول طبخة لي " بيض مقلي " يمكن يوم كان عمري 10 سنوات بس طلعت مضبوطة على ما أذكر :goood: ( طبعاً أنا أقعد سنة وانا أسوّي البيضة ، والوالدة ما تاخذ فيها نص دقيقة ) :s40: ، ماقصرت اخوي عاشق العالمي على هالموضوع الفلّه مثلك :msn-wink: |
رد: كيف كانت اول طبخه لك ؟؟؟
اول طبخة لي هي حلى البسكويت بس طلعت الطبخة حلوووووووووووة
والاهل سوو عزيمة عليها....... بس طلعت حالية حيل......... يعني عورت ابطونهم.............هههههههه |
رد: كيف كانت اول طبخه لك ؟؟؟
أول طبخـــــــــة لي كانت بطاطس مقلي>>>هذي يسمونها الناس طبخـــة يعني:eek:.. والحمدلله تعلمــــــت الطبخ وإن صغيــــرونة... بيض,,,معكرونــــــة,,,بطاطس.......... والحين صـــــرت طباخـــــة جيدة:strongsad:... |
رد: كيف كانت اول طبخه لك ؟؟؟
انا اول طبخة لي مرتزه طبخت كبسة ياهي كبسة >>
لينةحدها>>تصلح حق شياب بس الصراحة لحسوا اصابعهم اما الحين اعرف اطبخ يلا اطلب تجد ومشكور على هالفضايح |
رد: كيف كانت اول طبخه لك ؟؟؟
تحية طيبة لكل اعضاء المنتدى
اما بالنسبة اول طبخة لي كانت كبسة بالبيت كانوا اهلي مسافرين ومعي 2 من اخواني ضربنا الجوع، طقيت صدري قلت راح اطبخ لكم انهيت الطبخ النتيجة ماهي كبسة وبس بل كبسة هريسة . ::s147: |
رد: كيف كانت اول طبخه لك ؟؟؟
مشكور اخي عاشق العالمي على الموضوع الرائع بالنسبة لاول طبخة كانت رز بالدجاج ( مقلوبه) حيث كان هذا في العمل وكانت جيدة ومن ثم تتالت الاطباق من الطبخ واصبح يلقبوني بالشيف الماهر اذا اردتم اعطيكم دورة في الطبخ ( حاضرين) للطيبين أول مرة ببلاش سارعوو بالسجيل قبل فوات الفرصة |
رد: كيف كانت اول طبخه لك ؟؟؟
مشكور اخي عاشق العالمي على الموضوع
الرائع بصراحه انا ولا مره طبخت حاجه بس هالايام جاي في بالي اتعلم الطبخ اذا اتعلمت وطبخت اجي واقولك الاخبار ؛؛؛ ((اذا اردتم اعطيكم دورة في الطبخ ( حاضرين) للطيبين أول مرة ببلاش سارعوو بالسجيل قبل فوات الفرصة )) اخووي (( ترابي 14 )) سجلني من تبع القائمه |
رد: كيف كانت اول طبخه لك ؟؟؟
مشكور اخي على الموضوع كانت اول طبخه كانت لي في رمضان عشان انا بتزوج في شوال وهي كبسه مع المساعده امي بس بصراحه حلوه والان اصبحت طبخه ماهره بس على فكره ترانا من صغرتي احب المطبخ
|
رد: كيف كانت اول طبخه لك ؟؟؟
مشكور اخي على الموضوع كانت اول طبخه كانت لي في رمضان عشان انا بتزوج في شوال وهي كبسه مع المساعده امي بس بصراحه حلوه والان اصبحت طبخه ماهره بس على فكره ترانا من صغرتي احب المطبخ
|
رد: كيف كانت اول طبخه لك ؟؟؟
مشكوووور اخوي عاشق العالمي
على موضوعك انا عن نفسي ولا مره طبخت |
رد: كيف كانت اول طبخه لك ؟؟؟
اتذكر اول مره دخلت المطبخ ... بالاكراه ... اختي متطوعه تعلمني اعمل شكشوكه .. و طلبت مني اجهزهاااا وهي تتولى التطبيق العملي ... انا من كرهي للطبخ والمطبخ .. بعدت عنها 10 كيلوووو .. وعصبت وطردتني .. كان يوم تاريخي .. والى الان اكره الطبخ وريحته ... وما اخبي عليكم ... لما اكون رايقه اكون الشيف رمزي .. ولو زعلت وتضايقت اكون مديرة اكاديمية الشيف رمزي بلا منازع .. الى الان موقادره احب المطبخ ... احس انو تعذيب .. ومعتقل .. تشكرااات ع الموزوع المهضوم .. |
رد: كيف كانت اول طبخه لك ؟؟؟
وانا اقووول طالعه ما احب الطبخ على ميين اثاري عليك يا قلب طفله
انا اول مره اطبخ كنت في رابع ابتدائي عطونا كيف نسوي بيض مسلوق طبعا طلعت قدر صغير حطيت فيه ماي ترسته حده مووول على قولة أهل البطاليه هههههه المهم حطيت بيضتين <<<< كل هالتعب على بيضتين المهم حطيتهم على الهيتر رجعت بعد نص ساعه ولا بعد يستوي ضليت بعد نص ونفس الشي <<< ياي البلشه حزتها كرهت الطبخ المهم بعد ساعتين رحت لأمي وانا القبنه واصله حلقي:icon1366: وقلت لها والله سويت الي قالت لنا الأبله بالحرف الواحد لا ورازه الكتاب بوجهي يا زعم بسويه بنفس الطريقه مووول المهم راحت امي المطبخ وشافت القدر على الهيتر وتمسكها ضحك وانا منقهره حدي .. هذا وقته زهقت وانا لابسه المريله:s40: شالسالفه ؟؟ قالت حبيبتي حطيتي القدر وما شغلتي الهيتر:s47: وقتها عاد انا دوروني ما تلقوني :G8: افتشلت حدي قلت اشوه ان امي بس الي درت بالسالفه لو درو اخواني كان ما افتكيت من تعليقاتهم الى اليوم:s79: وأول طبخة في بيت الزوجية كانت كبسه دجاج اقصد كان المفروض انها كبسة دجاج لكن سبحان الله تالي صارت شي ثاني بس الي انا متأكده منه انها بعيده كل البعد على انها تكون كبسة دجاج:biggrins: اسفه شكلي طولت عليكم عاشق العالمي الموضوع حلو بس الله يهداك كله فضايح |
رد: كيف كانت اول طبخه لك ؟؟؟
أما أنا وأعوذ من كلمت أنا كانت أول طبخه لي صالونة
من كثر ماحبها ضبطتها 100%100 وكنت وقتها في الصف الرابع والله وكيلكم غير الصلونة والحلاى مأحب أطبخ ...... بس الله يعيني مضطر أخاك لابطل...... ودمتم بود....... عمووووووووشة |
رد: كيف كانت اول طبخه لك ؟؟؟
مواقف جميلة :clap:
بالنسبة لي فلا أتذكر بالضبط متى كانت أول طبخة لي في البيت وكيف كانت ولكن الأكيد أنني كنت حريف بيض :teeth_smi ولكن حينما تغربت ... أتذكر أن أول طبخة لي كانت معكرونة وضبطت معاي 100% وآخر طبخة كانت في شهر رمضان الماضي .. كبسة ويا محلاها من كبسة :teeth_smi تحياتي لكم |
| الساعة الآن 10:11 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد