اسم علي
 

أقدم لكم هذه القصيده بمناسبة عيد الغدير

للشاعر : أبو كرار الأحسائي
يالإسمـــــــــك مَحَنَّه لـﮕـاعنه المِمْحِل
وأول نيــــــــــــــــــــه للفلاح من يِشْتِل

ياشَدَة ظَهَـــــــــــــر .. ياهِمَة الحَاصود
ياجدول عَذِب عالـﮕــــــــــاع من تِجبِل

ياطَرَة شمس ماهــــــــــزها لون الليل
وياضحكة ﮔـمر لو ليللنَّـــــــــــــه ايْلَيِّل

إسمك غنوه عالأغصــــــــــان مكتوبه
غنتها البلابل عالهوى لْيِحْمِـــــــــــــــل

إسمك ياعلي سالوفة السُمـــــــــــــار
وقصة لهفه بينه مسَجله تْسِجِـــــــــــل

وحـﭽـاية عِشاﮔـــــــــــه وأُمنية أحباب
يلبِسْمَك تصـــــــــــــيـح الروح وتهلهِل

خَضَار الروح تبـﮕـه يــاعلي بكل حين
بلسم إلهَه وهْيَه معلعِـــــــــــــله تعِلعِل

بكل لَحظه طُبَعتك ياعـــــــــلي أشواﮒ
حتى بطيفي لهفه ياحبيبي اتْحِــــــــــــل

وحنى دموعي مِن تهمل عــلى فرﮔـاك
أحضنهن وادَلِّل بيهــــــــــــــــــن اتدِلِّل

نوب الـﮕـاك لون الضحكــــه بالشفات
ونوبه فرحة الفلاح بالسِنْـــــــــــــــــبِل

ومره عْلَّه الشمس شفتك يبوالحسنين
بخيوط الجـــــــــــــلالـــــه ياعلي تِغزِل

وبعيني شكثر متزاحمه الشـــــــــوفات
وبكل شوفه عيني بالمَحَنَّــــــــــــه تْهِل



مــــــــــو عَد الفرايض أوﮔـف لنجواك
بــيــــك ابكـــــــــل وكِت اتوَسَل اتوِسِّل

أعظــــــــــــــم آيه إسمك يا أجَل قرآن
وبثغر الجلاله امـــــــــــــــــــرتَله ترِتِل

مورِفـﮕـة رمـــــش لَمَّن يخاوي العين
هذا اسْمَك بروحي صار ظِــــــــل الظِل

ﭼـذاب الوكِــــت .. غلطان كلمن ﮔـال:
مِبْعِد ياعلي ..!! لا والله خِـــــــــل الْخِل

آمنت بوجـــــــــــــــــودك وبعَزم يمناك
يَلْمِّن اِسمَك اجيــــــــــوش العِده تِبسِل

يحتار المَجِد لمن يمـــــــــــــــر طاريك
والتيجان حَدرَك بالبطـــــــــــــوله اتْذِل

واقلام المَجِد من يلمس احــــــــروفك
تِلْـﮕـاها وَحــــــــــــــده بالوَزِن تِثـﮕِـل




ياصــــــــــــــل المنايه وضربتك تابوت
ومــــــــــــــامثلك يحيدر بالمعارك صِل

مو مرحب طُــــــــــبرته ياعلي الكرار
إنتَه للشــــــــــــــــــــــرك جدلته اتْجِدِّل

واﮔـف ياعلـــــــي ابَّابك واعرفك زين
مَتخَلِّي لإجاك ابعَتبَـــــــــــــــــة الْمَنْزِل

جيتك ياعلي مِـــــــــــــنِّ البُعُد شـﭽـاي
مو تِدري البُعُد عن حضــــــــرتك يِكْتِل

جيتك حامل ادمــــــــــــوع اليتيم وياي
ودموعه غُصًص تتكســـــــــــر وتِهْمِل

جيتك شايل اونيــــــــن الثكالى ادموع
بيديني اجْمَعِتْهِــــــــــــن من ﮔَـبل تِنْزِل

جيتك حامل من حســين صرخة صوت
( هيهات المذله ) شلون ترضه انْذِل؟!

مِن أرض الجنـــوب ارفع إلك شكواي
خَصمَك بالجنــــــــوب اتْمَرجَل اتْمرجل

خلصن شيعـــــــــــتك وينك يذو الفَقَّار
رِد خيبر يحيدر ﮔِلِّـــــــــــــــــي شِمأمِل

وين ابنك الغايــــــــــب حَشْمـَه ياكرار
خَلَّص صبره ﮔِلِّي ياعـــــــــلي شْيِحمِل

لاعيد لإجانه ورَطَّــــــــــــــــب الشفات
الضيم شكثر والروح تــــــــــدري تْمِل

تَعَبنَّه الزمان وهَدْنَّه ﭼــــــــــــــف الآه
والوَكْت ابصــــــــــــلافه واﮔُـف ايْمَثِّل

يَمته يـــــــــــاعلي مِن هالهضم نرتاح
ويَمْتى مْن الجـــــروح ابشوفتك نِغْسِّل

نِحْيِي مولـــدك بـــــــــــالحضره ياكرار
ونتوضه إلـــــــــــك من ماي ورد الفُل

أبوكرارالأحسائي - 7 / 8 / 2006

مشاركة: اسم علي