منتديات الطرف - حركات بنات المدارس

:: :wavetowel بسم للة الرحمن الرحيم: انا جديدة على ها المنتدى وحبيت اني اكتب لكم موضوعي ومشاركتي لأول مرة لكم ولاحد يزعل::) لاحد يزعل

البداية مع التفتيش :

? ليش مريولك موديله كانه فستان عرس ؟ أبله هذا ستايلي ..

? ليش حاطة عدسات زرق ؟ أبلة عيوني هذي .. امي اوروبية .

? ليش كل هذا الكحل ؟ أبلة عيوني كحلية طبيعيا .. .

ليش المناكير ؟ أبلة هذي حنة سوداني مو مناكير .

? ليش ما ترددين تحية العلم ؟ أبلة بلا عيني تعورني .>> ههههه ومن الجهة الثانية صوتها ويا سوالفها واصل لآخر صف ..

ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة "حاشا القرآن "

ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!
و طبعا في بنت رقيقة تصيح .. وفي
بنت دفشة بكرة تجيب القبيلة كلها تشتكي .هههههههههههههه

وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.نمر للبنات اللي مبققات عيونهم على الأبلوات ..
:
? وين أبله سيتوبلازم ؟ما واقفة جنب العمود أكيد غايبة اوكي الحصة الأولى فاضيين . يا سلااااااام :kashkha:

وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي...

? وين أبله الحجم العائلي ؟ اوف كمان جاية .. لا وتشوف علي كمان شافها ملك الموت " عزرائيل " اليوم قولو آمين

? شوفوا معلمة عطيات تنورتها تحفة .. خيالية.. آخر موضة .....من وين اشترتها ؟

عاد معلمة دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .

والحين قبل لا نخلص نشوف سوالف الدلوعات : :crycry:

? أمس رحت عرس جيراننا لبست فستاني الجديد الكشخة
التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .

? تدرين مع من سولفت أمس بالشات ؟مع لبناني وحاط صورته يمة يذوب ... شعر اشقر و عيون خضرا .

و نخلص بالبنات اللي اختصاصهم الحش :

? شفت فلانة امس فاتحة شعرها كانه خرطوم حريقه.

? ولا علانة اللي كانت عايشة في ماليزيا اليوم ياية بقميص صوف والحرار 40 درجة غبية وحدة .

? ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .

و في النهاية تجي معلمة قلم ماشي و تقول : وين انتوا في سوق سمك ؟ وحنا نقوم نضحك كالعادة ...
ولازم كل سبت واربعاء وباقي الشله عند المديره" دايما نلبس نعال رياضي وهذا ممنوع " وبعد اسبوعين استدعاء ..

والله بناتنا وفتياتنا اطلعوا فلة :confused: وياريت يعجبكم :confused:

مبيوق..قصدي :mnqol: : :bye1:

"