اه يايمه
 

***10******1***آه يمّه والكلام يضيع في حضرتك يمّه
والثمينه عند طيبك؛شفتها ماهي ثمينه

وكل قمّه عند راسك لاحشى ماهي بـ قمّه
يـ الله انّك لاتهين الراس يـ الله لاتهينه

ودّي آحكي عن غلاك وخايف انّي ما اتمّه
فيك يمّه مايتم القول لو طالت سنينه

مايوفّي لو ألمّه وانثره وارجع ألمّه
الشعور المنتثر بالارض يا أرض السكينه

من نسم صدرك يضيع الورد يوم انّي اشمّه
آيمّه من نسمك البادية تصبح مدينه

آه يمّه كل جرحٍ بالحشا ماشلت همّه
خابر انّك تجرحين الجرح دوني تجرحينه

آه يمّه بس انا في خاطري حاجة مهمّه
اوعديني دمعك اللي فوق خدك تمسحينه

اتركي همّك ونا همّك على صدري بضمّه
مستعد اخسر حياتي بس ماشوفك حزينه

لاحظي قرب المسافة بين شرياني ودمّه
قلبك اقرب منّها للقلب؛ يومك تلمسينه

كيف؟ ماحبك ونا اللي كل ماقلت آه يمّه
تركضين بلا شعور وجرح قلبي تجرحينه***1***

السلام عليكم ورحمة الله وبركاته

مرحباً يعودتك ياخلف مرة أخرى :

مشاعر جياشة
من نسم صدرك يضيع الورد يوم انّي اشمّه
آيمّه من نسمك البادية تصبح مدينه

ولايمكن أن أشم رائحة الدنيا وأنا على صدر أمي أه يا أماه كم كنت أتمنى أن أعود إلى الوراء إلى أيام الطفولة الحالمة حينما أبكي تضميتي إلى حصنك المنيع صدرك الدافىء فيذهب روعي وتسكن نفسي وكل مكان تعيشين فيه فهو موطني.