منتديات الطرف - بين الفرح والضّيق لحظة ثواني ~

دارت بي الأحوال حزنٍ مع سرور
بين الفرح والضّيق لحظة ثواني

وقلبي يشيّد بالأماني له جسور
ودمعي يدكّ جسور تلك الأماني

ومصيبتي لو تعلن بقلبي عبور
تصدم بجيش الصّبر هلّي حماني

يا صاحبي بالقلب حفّرتها قبور
وجهزتها للضّيق باسفل مكاني

ضيّقتها بنارٍ تلهّب مع شْرُور
علّه يذوق المرّ واللي سقاني

خلّه يحسّ بحرّ جمرٍ على صدور
وخلّه يلاقي شي .. مما عطاني

يا كم بكيت أيام ولّت مع دهور
وياما دموع العين هلّت واعاني

لكن بلاي أخفيتها سنين وشهور
ثم انفجرت إدموع محدن يراني

لو تجتمع تطغي على سبعة بحور
ولو تلتقي تصنع دموعي مواني

ومرّت بي الأيام فرحات وحْبُور
يا كم نطقت أبيات فيها بلساني

يوم الفرح موجود والحزن مدحور
ما من درى عنّي ولحد احتواني
منقول

:)