|
| وش تسوي إذا غلطت في رقم التلفون ؟|
:s120:
السلام عليكم ورحمة الله وبركاته كيف حال الشباب ؟ إن شاء الله بخير بس ؟ :police: طبعاً هالموضوع طرحته قبل كم سنة ،، لكن من قرادة الحظ حذفته بالغلط وصار في خبر كان :icon13: لكن ما يمنع نطرحه مرة ثانية للأعضاء العتّق .. واليدد ،، ونسولف فيه مع بعضنا البعض .. :) ][ عندما تخطأ في رقم الهاتف ... ماذا تفعل ؟ ][ http://lonelygirlbloggers19.files.wo...ne-cartoon.jpg يعتبر الهاتف أحد أهم مكونات الحياة المعاصرة وأبرز ضرورياتها التي لا يمكن الإستغناء عنها ،، حيث يمثل أداة للاتصال وإنجاز الكثير من متطلبات الحياة العامة ،، فتجده في المنزل ، المكتب ، الشارع ، السيارة ،... إلخ. كثيراً ما تتشابهالأرقام ، بحكم تسلسلها وتتابعها ،، خصوصاً لو تحدثنا عن " الهاتف الثابت " فرقم هذا المنزل يشبه ذاك المنزل ،، وذاك المنزل يشبه ذاك المحل التجاري أو تلك الجهةالحكومية وكثيراً ما تتشابه الأصوات بين البشر ،، فصوت فلان يشبه صوت فلان الآخر ... وهكذا دواليك .. من هنا تحدث بعض الأخطاء أثناء الاتصال والتحدث بواسطة الهاتف و كثيراً ما يتبع ذلك العديد من المواقف المضحكة ،، والمشاكل في بعض الأحيان .. طبعاً الخطأ قد يصدر منك ، وقديصدر من الطرف الآخر،،بل أحياناً قد لا تكون هناك أخطاء إنما مقالب مدبّرة،، وقفشات شبابية بهدف الضحك والتسلية . :s134: تتعدد المواقف وتتباين التصرفات فيها ، كلٌ بحسب طبيعته و نوع الموقف الذي تعرض له وعاد الحين نبغى كل واحد يذكر لنا موقف من هالمواقف اللي تعرض لها شخصياً ،، أو تعرض لها أحدا أقاربه أو معارفه .. :bye1: |
رد: | وش تسوي إذا غلطت في رقم التلفون ؟|
أول الغيث يعطيك العافيه على الموضوع الرائع ..
انا صارت معي اول مادقيت . السلام عليكم عليكم السلام من معاي مو محمد انت يقول انت غلطان ;) انا اسف :p بس اشوه مشت على كذا .. طبعا في مواقف بس خل اتذكر وبكتب المواقف المضحكه .:) |
رد: | وش تسوي إذا غلطت في رقم التلفون ؟|
يعطيك العافية اخوي على الموضوع الجميل أنا مره دقيت على صديقتي وأنا كنت بالجامعة فما كنت اسمع عدل لاني كنت في مكان ضجة كنت أناديها الو فلانه وينش ماكانت ترد أو يمكن مااسمعها وأنا أكلم كنت امشي لما وصلت لمكان هادي بعيد عن الضجه أبغي اسمع تدرووووووووووووون شنو سمعت>>>>>>> اممممممم مابقول:s4: ، ، ، ، ، ، ، ، ، ، صبروا اشوي ليش مستعجلين ، ، ، ، ، ، ، ، ، ، ، ، ، سمعت ، ، ، ، ، ، ، ، ، ، ، ، ايه ، ، ، ، ، ، ، ، ، ، ، ، سمعت هندي يقولي أنا خباز مين انت:p:p:p>>>>>>>>>>هههههههههههههه |
رد: | وش تسوي إذا غلطت في رقم التلفون ؟|
موضوع رائع
في مواقف كثيرة خلني أتذكر وأكتب إنشاء الله |
رد: | وش تسوي إذا غلطت في رقم التلفون ؟|
وعليكم السلام ورحمة الله وبركـاته ..,
فعلا التلفون موضع إشكـال صآر .. انتهينا من الثابت وجينا للجوال .. فيه اللي يغلطون صج غلطانين .. ونآس تتعمد الخطأ .. واحنا ماشيين .. بس بصرآحة انا لو غلطت بالرقم .. أتوهق حتى في كلامي واضح إني متوهقة .. ومرآت تمشي معي ومرآت تدقر .. والله يعيني أنا ويعين اخواني ..! : آخر حآدث صآر معي .. حآدث عآدي : دقيت على وحدة من صاحباتي من زمان ما كلمتها ع جوالها .. دقيت ولا ردت .. إلا باليوم الثاني تدق .. رفعته وأنا فرحآنهـ .. هلا والله وغلاا .. إلا وش ها الصوت ..!! على طول سكرتهـ بعد ما استوعبت انه صوت رجّـال ..! خليته يولي .. ظل ظل ودق مرة ثانية .. وطنشته .. >> مع انو جا في بالي انه واحد من أهلها وان رقمي مو مخزن عندها بس للاحتياط طنشت .. وبرضوو كل ما تم دق .. قلت ما فيه إلا اني أرد وأشوف السالفة .. والمشكلة ان ولا احد من اخواني جنبي يسعفني .. رديت .. نعم ؟ طلع لي هندي ما ادري وش ملتهـ .. قلت له وش تبي ؟ قال انتِ داقه .. قلت لهـ أنا غلطـانة .. ولا تدق مرة ثانية على هذا الرقم .. و سكرت .. ولا سلمت منه ظل يدق وتطنيييييييش وهوّن والحمد لله :) : أنا بعد بتذكر بعض المواقف.. و بسدحها لكم >>> هي ما تقلد على اللي قبلها ، هوع ! ،’ أول الغيث .. شكرًا لطرحك ., |
رد: | وش تسوي إذا غلطت في رقم التلفون ؟|
خآدمة زينبيـة :
ليش ؟ مو مخزنــة رقم صاحبتك ؟ :p .. أجــل خبــآز .؟! ترى خدمة التوصيل مجانًا .. كآن وصيتيه بخبز طيب ;) .. : الله يكثّـر من ها المواقف >>> نذلـة .! . . |
رد: | وش تسوي إذا غلطت في رقم التلفون ؟|
عادي بتاسف وبقول غلطانه
بس ولا بعيده |
رد: | وش تسوي إذا غلطت في رقم التلفون ؟|
مرة دقيت على صديقتي من رقم اخوي على اساس حافظة الرقم وبسوي فيها مقلب
رد علي رجال فكرتها اخوها السلام عليكم وعليكم السلام وين فلانة غلطانة مو رقم فلانة اقول لك عطني فلانة بسرعة تراني مو فاضية لك قلنا لك غلطانة ما تفهمين ادري بها وبخراطها تبي تسوي فيني مقلب وعاطيتني اخوها أحسن لك عطني اياها والله ما لي خلقكم يوووه وش فيك ما تفهمين هذا مو رقمها صدقتي صدقي وإلا بالطقاق طوووووووووووووط ! وأنوااااااااع الفشيلة والاحراج وجالسة أرادده وأجادله وانا الغلطانة ومفتكره بسوي فيها مقلب مالت علي |
رد: | وش تسوي إذا غلطت في رقم التلفون ؟|
يعطيك العافيه ع الفكره خيو
والله ياكثر المووواقف اللي تصير وبذكر لكم مووقف واحد في يوم كنا مسوووين شووربه وبالصدفه نفس الوقت دقت وحده غلطانه على جوالي وقالت لي طفي على الشوربه وسكرت حتى ماعطتني فرصه ارد وأنا انصدمت كيف عرفت انا حنا مسوين شوربه ..>> الزبده اتوقع شوووربتهم احترقت لأن الحرمه معتمده علي وتفتكرني من اهلها....هههههههههه |
رد: | وش تسوي إذا غلطت في رقم التلفون ؟|
اقتباس:
وعليكم السلام ورحمة الله يا كثر هذه المواقف اللي ما تخلص أما لأنهُ الشخص يعتمد إنهُ حافظ الرقم أو تغيير الأرقام ( في ناس كل يوم لهم رقم مدري ليه :cool: أذكر موقف كنت بدق على كذا بنت وما كنت مخزنه أرقامهم في الجهاز كانت الأرقام موجودة بورقة كنت أنظر لرقم معين فما أدري كيف خذيت الجزء الأول من الرقم الأول والجزء الثاني من الثاني رد رجال بعد السلام موجودة ام عبدالله ( قلت يمكن زوجها فما أدري شنو قال ما فهمت عليه قلت إني غلطانه وقفلت ثواني ويدق علي رقم غريب غير اللي دقيت عليه رديت إلا هو نفسه سألني من إنتِ قلت له إنت اللي داق قال إنتِ دقيتي على جوالي الثاني قلت إني غلطانه قال وين بيتكم ( داخل عرض فقفلت وظل يدق لحد ما تعب والحمد لله خلصنا منهُ ( شكله أخو الخباز هو الثاني طلع هندي |
رد: | وش تسوي إذا غلطت في رقم التلفون ؟|
kaha
اقتباس:
خادمة زينبية اقتباس:
ماعرّف نفسه ،، إلاّ بمهنته .. :p عركاوي 89 اقتباس:
|
رد: | وش تسوي إذا غلطت في رقم التلفون ؟|
اقتباس:
, , تذكرت احدى المكالمات التي صارت لي إحراج وهي .. كان لي صديق متفقين على الذهاب الى الهفوف لشراء بعض المستلزمات للكمبيوتر وصديقي هذا صوته يشبه صوت اخوه الكبير وقبل الذهاب كانت هذه المكالمة بيننا وهي .. , , , ,, طووط..طووط.طووط.طووط , , أولاً اخو صديقي رد على التلفون مادري ليش . الو السلام عليكم . وعليكم السلام . نعم آمر. شنو آمر يالله وصلت يم بيتكم بسرعة أطلع ليه برًه . أي أطلع شتبي انت . تستهبل علي . :icon21: لاأستهبل ولاشيء قول شتبي بس خلًصني . فلان شفيك مو بتروح معاي الهفوف مثل ماأتفقنا . أي هفوف انت الثاني . هآآآآ . اهآآه اكييد انت تبي اخوي الي فلان1 . هآآ اجل انت منو . :s43: انا اخوه الكبير . آسف . :s28: لاعآآدي لا تتأسف شدعوه . ماشاء الله صوتك مثله وايد . صح صدقت وعلشان كذيه ضعت انت . هيء هيء صحيح . :biggrin: والحين تبي شيء . أي نعم قوله إذا خلًص ينزل ليه تحت عند الباب . أوكي أبشر . يالله باي . :bye1: مع السلامة حيًاك الله . وخلًصت المكالمة .. .., , , وبعدين جاء صديقي وقلتله السالفة :24: ومات من الضحك علي . :w00t2: , , , وأحب أشكرك اخ أوًل الغيث على موضوعك الرائع , , :) |
رد: | وش تسوي إذا غلطت في رقم التلفون ؟|
بقول لكم آخر موقف صار لي من اسبوعين تقريبا .. كنت بتصل على وحده من صديقاتي ,, على الثابت .. أنا : ألوو .. الطرف الثاني : نعم .. أنا : السلام عليكم .. الطرف الثاني : وعليكم السلام .. أنا : موجوده فلانه ؟ الطرف الثاني : نعــــــم !! سلامات .. النمره غلط .. أنا : طيب شكرا .. الطرف الثاني : طوط طوط طوط .. ,, هذا آخر موقف ,, وإذا ذكرت مواقف ثانيه .. كتبتها لكم .. أخي أول الغيث .. مميز كعادتك .. فكن هكذا دوما .. لك خالص تحياتي .. :) |
رد: | وش تسوي إذا غلطت في رقم التلفون ؟|
إشراقة أمل
اقتباس:
اقتباس:
بس ما يندرى ،، يمكن يكون خباز ولاّ راعي بقالة ولاّ شي ..;) اقتباس:
بس مايخالف ،، كل يوم و ترك ،، سدحوا اشوي منها <<< على حسابك بس ،، ماعندنا إلاّ هالموضوع .. ريحة المسك اقتباس:
ايه إن شاء الله .. خلاص .. :s141: |
رد: | وش تسوي إذا غلطت في رقم التلفون ؟|
السلام عليكم
في مرة من مرات انحذفت كل الارقام الي في جوالي مادري كيف؟ طبعا الارقام بدون أسماء المهم جاني اتصال رديت طلعت وحده من بنات الجامعه كلمتها وخلصت وسكرت ودقت وحده ثانيه وكلمتها وسكرت كانت تسألني عن اختبار مادة وبعد فترة جاني اتصال ثالث رديت هلا ألو ألو ألوووو ماحد رد سكرت بعدها جاني مسج , , , , , , , ( عجبني صوتك ودخلتي قلبي لاتخافين أنا راح اسعدك ولاأخلي مجال للهموم تبقى بقلبك الطيب بس لاتحاولين تسوين شي) أنا خفت بقوة كيف عرف اني تعبانه وفي قلبي هموم وفعلا في ذيك الفترة كنت متأزمه نفسياً وبقوة بعد بس حطيت في بالي انه مقلب من وحده من البنات دقيت على نفس الرقم ولا رد ودقيت مره ثانيه ولا رد أخذت جوال أمي ودقيت ولا رد رسلت له مسج من جوال أمي (مين معي؟) بعدها جاء مسج على جوالي ( قلت لك لاتحاولين تسوين أي شي ترى راح تندمين) هالمره أنا صج خفت بقووووووووة ونشف دمي وموعارفه شنو اسوي قلت في نفسي الظاهر ان صج مو مقلب على طول رحت حق اختي وقلت لها وكنت ارتجف وحالتي حاله وشافت المسجات قالت لاتخافين طنشيه واذا دق لاتردين عليه واذا رسل مسج لاتهتمي فيه ولاكأن شي صار عشان مايمسك عليك ممسك يهددك فيه قلت لها بس أنا رسلت له مسج من جوال أمي قالت لي خلاص انسي السالفه ولاتشغلي نفسك فيه وانتي الحين اهتمي باختباراتك بعدها اختي طمننتني وهديت وقعدت أقرى قرآن عشان يطمئن قلبي (ألا بذكر الله تطمئن القلوب) وفعلا هديت وبعدها نمت ومر يومين ولاجاني أي شي ولله الحمد وتعلمت من هالتجربة اني مارد على أي رقم غريب وإذا رديت ماأتكلم قبل ما أتأكد من الشخص المتصل وفي مواقف كثير بس انتظر اتذكرها تقبل مروري أول الغيث |
رد: | وش تسوي إذا غلطت في رقم التلفون ؟|
وعليكم السلام والرحمة
آخر موقف حصل لي من ضمن هالمواقف المحرجة طبعاً أنا إذا اتصلت على شخص ماأحب أحد يرفع جواله وعطيني فلانة ومين أنتي ؟ فقبل فترة كنت اتصل على صديقة لي وإذا رفعت أمها أغلق الخط في وجهها :nocoment: أنا مو حابة اسكر في وجهها لكن شسوي :icon9: المهم صديقتي استنكرت الحركة وقالت لي عاد بحر لاتسكرين في وجهها مرة ثانية .,. المهم أنا سمعت كلامها وماعدت أسويها ويوم من الأيام كنت ابي اسأل عن شيء بالمواد المدرسية وأمشي بجوالي أدور على بنات الفصل ولقيت بنت واتصلت رد على الجوال ولد اووووه وهقة :G8:<< في خاطري بعد تفكير مدة طويلة قررت أتكلم وماأسكر الخط في وجهه أنا : السلام عليكم الرجال : وعليكم السلام والرحمة أنا : موجودة فلانة ؟ الرجال : ايه نعم لحظة .. فلانـــــــــــة تعالي وصلت الفلانة بعد ماسلمت عليها وسألتها وخلصت وطبعاً كل هذا جرى وأنا مو عاجبني ابداً إن الرجال يرد على تلفون البنت لأن المتصلة أكيد راح تكون بنت بعد ماخلصت كلام معها قالت الفلانة : طيب وش عندك متصلة على جوال أبوي .!!!! أنا : أبوووش !!!:embsed_sm <<<<<< عاد بعدها أنتوا حددوا الفشيلة اللي حصلت عليها طبعاً هي كانت متصلة علي من زمااان بجوال أبوها وأنا خزنته بإسمها شكراً لك أخي / أول الغيث وربي يعطيك العافية |
رد: | وش تسوي إذا غلطت في رقم التلفون ؟|
عطر المساء
اقتباس:
اللي قطّه حظه السيئ ،، في هالموقف << الله لا يورّيك الحريم ‘‘ إذا استلموا أحد وشرشحوه .. :s65: طيف العمر اقتباس:
أجل مساكين راحت شوربتهم ملح ؟!! :redface: مالكم حق .. يا طيف العمر ،، شان تنقّصتوا لهم من شوربتكم ،، يوم وهّقتوهم .. هذا غير الهواش اللي أكيد صار عقب ما احترقت الشوربة وما ترتب عليه من خلافات بين أفراد الأسرة الواحدة <<< خيال واسع ;) |
رد: | وش تسوي إذا غلطت في رقم التلفون ؟|
أحسائية اقتباس:
يكلّمك على أساس أنك تعرف الرقم ،، و تعرفه الحين وهو يكلمك .. >> والله آنا أكثر من مرة أمشّي للمتصل ،، لين تخلص المكالمة ويسكّر ،، وآنا ماعرفته ولا هو عرف أني ما عرفته !! :p اقتباس:
لازم أتخربط في الجزء الثاني من الرقم ،، و أعطيه من رقم جوالي .. :redface: اقتباس:
اقتباس:
بس هالمرة مبيّن أنه يبي يشتكي .. :qowyah: عركاوي 89 اقتباس:
اقتباس:
اقتباس:
روح روح بس صوّت حق أخوك ،، دام النفس عليك طيّبة .. :santa_1: ،، ،، هذا سلّمك الله ،، واحد من الشباب ذيك السنة اتصل على أخوي فقلتحق اخوي لا ترد .. خلني أرد عليه ،، وألعب فيه اشوي .. المهم .. قال : هلا فلان قلت : هلا طبعاً قام يسأل .. وش اخبارك ؟،، وش فيك مانمت للحين ؟ ماعندك دوام بكرة ؟ <<< هذا السؤال التقليدي ،، اللي لايومك ما أحد تاركه .. :icon22: اشوي سأل : وش أخبار المعجم اللي عطيتك إياه ؟ عسى اعجبك ؟ .. بس انتبه لايخترب .. ترى تصليحه بذيك القيمة .. وآنا طبعاً مآشي معاه وكل شي تمام .. لين صك التلفون و إلى يومكم ما درى أني آنا اللي رديت عليه ذاك اليوم .. :pouahahahaha: |
رد: | وش تسوي إذا غلطت في رقم التلفون ؟|
، هالموضوع ذكرنا بشسمه الذي مضى ، أذكره كان و أنا في سنة ثالثة جامعة ، أيام اختبارات الترم الأول " إنزين عاد / إيه شلون تفهمكم إنها تذكره :cool: اقتباس:
ما أدري .... يتروالي أنا علقت عليه هالموضوع من أول العام ، خلاص ما بعيد التعلوق من باب كلام الحكماء لا يُعاد / فسلة كسلة حد ماحدي :p ، وش أقول لكم .. الذاكرة صفر .. ماهنا ولا موقف بس خليني أقول اللي عندي علشان أبري ذمتي من هالموضوع خخخ هذا الله يسلمكم في أحد صبحيات هالأسبوع رن التليفون شان أرفع .. شان تقول الحرمة السلام .. شان أرد عليها و عليكم السلام شان تقول لي : معش المستشفى الفلاني .. أخت فاطمة معي أنا : قلت لها بلي معش أخت فاطمة وأنا مستغربة ، تفكفكت براغي مخي / شلون هالحرمة عرفت إني أنا أخت فطوم أختي:icon11: قالت لي : إنتي حاجزة مع دكتورة آنا والدكتورة مسافرة هالأسبوع و ..... > تكمل الموضوع :tooth: وأنا عادي مول أسمع على نياتي قلت لها .. تدري شلون دقي بعد دقيقة حتى تكلمش فاطمة وذيك استغربت أكثر ههههههه :biggrin::biggrin: لما سكّرت الحجية أنا استوعبت .. تقول أخت فاطمة .. يعني تقصد فطوم أختي نفسها ما تقصدني ..! :redface: إيه عاد أقول لكم ، من سكنا بيتنا الحين عشر سنين إلى يومكم ، أسبوعيا نفس السؤال ونفس الإجابة يرن تليفوننا : ألو موجود ضيف الله ، و إلا هذا بيت أم شاكر ، هذا بيت بو عيد الجواب : لا حجيين ، النمرة غلط ... من جدكم ؟ جوابنا : و الله مع السلامة ... الله يعطيك العافية حجي أول الغيث |
رد: | وش تسوي إذا غلطت في رقم التلفون ؟|
اقتباس:
هههههههههههههههههههههههههههههههههههههههههههههههههه ههههههههه:crysmile::crysmile::crysmile: والله تووووووووووووووووووووووووووووووووحفه انتي يازهور وخصوصا مقطع (قلت لها بلي معش أخت فاطمة) |
رد: | وش تسوي إذا غلطت في رقم التلفون ؟|
انا حصلت لي كثير
بس الي اتذكر انا في ايام الخطوبه يدق زوجي عشان يكلمني وذاك اليوم اتصل وارفعته اختي الووووووووو ؟؟ [color="purple"]السلام وعليك السلام شالأخبار الحمد لله بس اختي انتبهت انه زوجي وقالت له تبغي افلانه [وقالي مره ثانيه لا تخلين احد يرفع السمااااعه /color] |
رد: | وش تسوي إذا غلطت في رقم التلفون ؟|
اقتباس:
شنسوًي بعد نتاجر من زمان :) |
رد: | وش تسوي إذا غلطت في رقم التلفون ؟|
يسلمو خيو على هيك موضوع رهيب والله
بس الحمدلله حاليا ماصار معي موقف لاني لوينفجر الجوال مارد عليه الا الشخص اللي اعرفه لو صارت معي بالغلط اسكر بوجهم اتوهق ماعرف ارد خخ حتى لو وحده من ربيعاتي تدق وتسوي نفسها تلعب علي اسكر وبجها عشان مره ثانيه تتعلم ولا تلعب علي ××× ياخطيره هع يلا برااااااااااااا |
رد: | وش تسوي إذا غلطت في رقم التلفون ؟|
سكون الصمت اقتباس:
اقتباس:
والله كل شي أوكي .. وطبيعي بس الدقّة في كلمة سلامات ،، أحس فيها استخفاف بالمتصل .. <<< خلّك محضر خير ،، ولا تفتّن .. :police: خادمة زينبية اقتباس:
اقتباس:
أوففف .. مأساة الصراحة .. زين الله ستر .. ولاّ شان رحتي فيها .. بس أتوقع أنه خرّاط .. وماعنده ما عند أمي الشيخة .. يسوّي نفسه يعنّه قوي .. ويسوي مثل الأفلام والمسلسلات ..:flex: |
رد: | وش تسوي إذا غلطت في رقم التلفون ؟|
إذا كنت أنا المتصل بالخطأ ، فأعتذر ، ومع السلامة
إذا كان المتصل بالخطأ أقول له غلطان يالطيب :) ولكن حصل موقف منذ فترة طويلة .. ألو ، مباشرة .. السلام عليكم الشيخ الفلاني ، ممكن تفسر لي هالحلم وماعطاني فرصة أتكلم :) في النهاية قلت له لست الشيخ الفلاني وغلطان في الرقم :) وفق الله الجميع |
رد: | وش تسوي إذا غلطت في رقم التلفون ؟|
بحر الوفا اقتباس:
اقتباس:
اقتباس:
يلاّ ما يخالف .. تصير مع أكثر الناس .. لا تفكّرون فيها واايد ،، ولا تشيلون همّها .. ;) زهرة اللوتس اقتباس:
اقتباس:
ترى عندي الردود اللي ذيك السنة .. :s79: <<< عقب ماتأكدت من أن الموضوع ماله رجعه خمّيت الردود وبقية آثار الموضوع من سجل المحفوظات .. :icon1: اقتباس:
التقنية اللي عندهم تعدّت حاجز الكاشف ،، والشغلات العتيجة هذي .. :police: اقتباس:
غيركم بيتهم له أكثر من 30 سنة يمكن .. والمستوصف + المغسلة + البيوت اللي يبونها ،، هذي هي ماتغيّرت .. :surrender: |
رد: | وش تسوي إذا غلطت في رقم التلفون ؟|
اقتباس:
مشاغل هالدنيا ناسي بصراحه وانت خابر الذاكره 256:) |
رد: | وش تسوي إذا غلطت في رقم التلفون ؟|
درة الفجر الباسم اقتباس:
<< يعنّه مايرضى على معشر الرجال عركاوي 89 اقتباس:
ويوسّع تجارتك حتى تصل إلى الكوابرس >>> تراها مكسب ما بعده مكسب .. ;) الزين كله اقتباس:
بس يلا .. هالطريقة أحسن وأريح وأفكّ و لو أنها صكّة في الوجه .. :2: |
رد: | وش تسوي إذا غلطت في رقم التلفون ؟|
الغريب
اقتباس:
في هالمواقف .. يمديك تقول له أنك غلطان ويعرف السالفة .. بس عليك باللي يتصل على بيت ويقول لهم : تعالوا يالدفاع المدني بيتنا فيه حريجة ،، طوط طوط طوط :confused: kaha اقتباس:
الحين أغلبهم يجيك شدّ بلد .. بذاكرة 1 جيجا وأنت رايح ,,;) |
رد: | وش تسوي إذا غلطت في رقم التلفون ؟|
أهلاً من جديد موقفنا ( بدايات الكاشف كانت صاحبتي داقه علي أزعلت وقفلت ومآ حبيت تبقى زعلانه دقيت على بيتهم ودوم مشغول قلت مو مشكلة الآن أنام وغداً نتفاهم لحظه ودق الهآتف هلا فلانه المتصلة : إنتِ داقه على بيتنا ( ما عندهم إلا هذا السؤال ما يعرفون كيف يتصرفوا قلت لهآ : أي أريد فلانه قالت : كذابة إنتِ تلعبي إذا دقيتي مره ثانية بدق على الشرطة وقفلت وما أتركت فرصة أوضح لهآ وقتها ما عرفت أنام أحس الشرطة عند البيت ( بجد صدقتها :cool: ما قلت لكم كيف دقيت الرقم خطأ كنت أدق بشكل سريع هو نفس الرقم ما عدا ترتيب رقمين وأعتقد وقت ما كنت بقفل هم قفلوا ودق عندهم ولا أنتبهت وبس ;) |
رد: | وش تسوي إذا غلطت في رقم التلفون ؟|
عدناا .. مع انوو ما عندي سالفة ذيك السالفة ..
بس كأني أبي أسولف عن ذيك السالفة اللي ذيك السنــة .. : مرة دقت بنت صغيرة في خامس ابتدائي على بيتنــا .. هي : الووو .. فلااانة .. أنا : ايوه هلاا .. هي : انت فلانة انا : ايه أنا فلانـة .. هي : صوتك متغير شوي أنا : ايوه بس تعبانة شوي عشان كذا صوتي غير .. هي : والله صوتك صاير أحلى .. متأكدة انتِ فلانة أنا ( في خاطري أقول وش ها الوهقة أثاري صوت رفيقتها مب حلو وأنا فكرت بتمشي عليها ) : ايوه انا فلانة بس قلت لك مزكومة شوي انت مين ما عرفتك عدل هي : انا فلانة الفلاني .. انا : ايييه .. شلونك شخبارك ؟ ( وأنا ولا عرفتها ولا شي ) هي : الحمد لله .. وطاقتها سالفة معها ثلث ساعة مدري نص سـاعة .. وانا لا هي اللي تبيها ولا صديقتها ولا تعرفني بعد ! المهم طلعت سالفتهم هم 3 صديقات .. وصاير بينهم سوء فهم .. وقامت تقول لي : فلانة كذا وقالت كذا وسوت كذا وانقهرت وما ادري ايش من السوالف ذي .. وأعطيها من الكلام اللي يبرد خاطرهـا .. و أصلح بينها وبين ربعها وانا للحين ما اعرفها .. بس عرفت وحدة من ربعها .. وشوي .. ويجيني اتصال ثاني .. هي : الوو .. انا : هلاا .. هي : انت فلااانة .؟ أنا : ايه انا .. هي : صحيح صوتك صاير غير وأحلى ( طلعت الأخت ما أمداها تسكر مني الا تدق على رفيقتها وتعطيها الدرس كامل والرقم اللي هم غلطانين فيه اصلا ) .. انا : انت فلانة ؟ ( خلاص كود اني عرفت اساميهم من السوالف اللي مع ذيك الأولى الغلطانة ) .. هي : ايه انا فلانة .. و تقعد تشتكي هي من جهة ثانية .. وأعطيها من الكلام اللي عطيناه صديقتها الأولى .. " بإختصار مسويه فيها مصلح اجتماعي وأصفي النفوس بينهم " وأسكر من عندها .. وأقوم أدق على صديقتهم الثالثة اللي صاير معها سوء فهم .. ( هذا هي اللي اعرفها من القروب طلعت بنت جيرانا ) وأقول لها ترى فلانة وفلانة كذا وكذا وهم كذا وما له داعي الزعل هم ما يقصدون وهم قصدهم كذا وكذا .. يعني حسب ما فهمتهـ من هاللي كلمتهم .. والمهم .. بعدين دقوا .. مرة ثانية ها البنات بعد ما كلمتهم بنت جيرانا على أساس ما بروحوا على نفس السالفة والحين يبون بعد بنت جيرانا >> طلعوا ذولي على طول يكلمون بعض شكل ما شغلتهم الا التلفون وقلت لهم انا مو فلانة انتوا غلطانين .. ورقم فلانة ها الكثر .. بس مسكينة بنت جيرانا تفشلت معي .. اني عرفت سوالفهم و و و إلخ عبارة اني ما أمون عليها حيل وأكبر منها .. خخخ |
رد: | وش تسوي إذا غلطت في رقم التلفون ؟|
أحسائية
اقتباس:
اقتباس:
<< وش دخّلك أنت أصلاً ؟ اقتباس:
اقتباس:
اقتباس:
اقتباس:
بس صج غلطة نتيفة .. تشغلك يوم كامل أو أكثر .. :surrender: |
رد: | وش تسوي إذا غلطت في رقم التلفون ؟|
تقريبا قبل اسبوع جاني اتصال رقم تلفون ثابت 01 الرياض انا مارديت كنت نايم وبعدين شفت الرقم توقعت شركه لاني مقدم في الرياض وادق على الرقم واطلعت حرمه قلت لها انتو متصلين على الرقم قالت اي نعم قالت مو انت شركه الاتصالات نبي ارقام مميزه :confused: قلت لها لا غلطانه وسكرت في وجهي :) .. اول الغيث ياحلو زودت الذاكره 512;) زين طلع شي. يعطيك العافيه . |
رد: | وش تسوي إذا غلطت في رقم التلفون ؟|
إشراقة أمل
اقتباس:
اقتباس:
اقتباس:
اقتباس:
اقتباس:
اقتباس:
يعني مب أي مصلح يتقنه .. :police: اقتباس:
<< اشدعوة ؟! |
رد: | وش تسوي إذا غلطت في رقم التلفون ؟|
كنت مره بالبيت مع اختي البزره
المهم هي تصيح وانا نفذ صبري منها ورحت دقيت على امي وطبعا اول ماردو خليت اختي الصغيره تكلم وبعدين اخذت التيلفوون وقلت الوو يمه تعالي بسرعه لبنتج صراحه فيختني وفجاه الا هندي يقول الوو ماما وبعدين صكرت بوجهه الخط ودقيت مره ثانيه ونفس القصه اختي كلمت طبعا هي عمرها سنه وا غبره واخذت التيلفوون وكلمعتااد ماعطيت فرصه الووو يمه بسرعه بسرعه تعالي لبنتج ولا يطلع لي رجال كبير واي وش هالفشيله واسكر بوجه الخط وحرمت ادق على امي |
رد: | وش تسوي إذا غلطت في رقم التلفون ؟|
Kaha
اقتباس:
اقتباس:
مروّج = مسوّق <<< ايه لا تروحون بعيد .. بس همّ مب عدله عليهم ،، يسكّرونه في ويهك فلازم لازمم تتصل عليهم وترد لك اعتبار .. ;) اقتباس:
|
رد: | وش تسوي إذا غلطت في رقم التلفون ؟|
غلا الدنيا اقتباس:
ويحسون بالمأساة والمعاناة .. :cool_peace: اقتباس:
شكله خش جو و تقمّص الدور لا شعورياً .. ;) الله يعينكم بس .. موقف لا تحسدون عليه بس صج يفقّع من الضحك على قولتهم .. :p |
رد: | وش تسوي إذا غلطت في رقم التلفون ؟|
مراااااحب .. رجعت لكم من (( يديد )) << على قولة عمامي ذكرت موقف .,. مره وانا صغيره في الابتدائي كان وقت عطله .. وكانت امي مسافره مع ابوي واخواني الكبار تقريبا المهم ماكانت موجوده .. وبيتنا يصير فوق بيت خالتي .. المهم اتصل واحد على التيلفون الثابت .. وقعد يهذر وكلام غزل وانا اسكره في وجهه .. وكل حين يتصل .. لحد ما اتصل ورفعت وقالي انا الحين بجيكم البيت .. بصراحه خفـــت بقوه لأني لحالي في البيت ومعي اخواني الصغار .. حملت اختي الصغيره ومسكت اخوي واختي الثانيه ولبست عباتي .. وعلى طووووول طيران من الدرج عند خالتي وانا خايفه يجينا البيت ويخطفنا .. عقلي على قدي ذيك الايام صغيره .. ~~~~~~~~~~~~~~~~~~~~~~~~ ومن يومين تقريبا اتصلت وحده صغيره شكلها ما بعد تدخل المدرسه بعد .. اول ما رفعته تقولي الوووو عطيني بتش ,, هههههههه قلت لها اي بت وسكتت من الفشله يمكن وسكرت التيلفون .. وعلى طاري 01 يا كثر ما تجيني اتصالات من 01 وانا من عادتي ارفع بدون ما ارد على الارقام الغريبه واذا وحده من صديقاتي ارد واذا رجال سكرته في وجهه الين يصير واحد من اهلي موجود ويرد عليه .. بس 01 واحد مو على طول ارد يعني اذا اذوني بس عالاغلب اخلي زوجي يرد .. وأحيانا يطلعوا دعايه عشان عيادة جلديه مفتوحه عندهم لا ويقولوا لي انتي من اسبوع مسويه معنا تقشير ولازم بعد اسبوع تراجعينا عشان الخطوه الثانيه وانا اقول اي ان شاء الله .. مدري متى رحت لكم عشان اسوي التقشير .. ههههههههههه والله نكته قسم بالله ,, وأغلب هاللي يتصلوا من 01 يبوا ام سعد مدري من هي هالام سعد .. :bye1: |
رد: | وش تسوي إذا غلطت في رقم التلفون ؟|
وهـ .. زماااان عن ها الموضوع .. شلونه شخباره ؟
وعندي سالفة من زماااان تقرقع بداخلي .. وكل يوم بجي أكتبها هوونا .. و يومي دهر مو بس سنة :p .. الله يسلمكم .. هذا يوم من الأيام .. ومن صبحية الله خير .. يجيني رقم رنة و سكر .. >> انا بالجامعة .. من الصبح عـآد إلين ما خلصت دوام و طلعت .. وها الرقم ما غير ازعاج رنة وصك .. عاد وقت ركبت الباص برجع البيت .. زادت رناته .. قلت لربيعتي .. هذا الرقم اليوم زايد الله يلعن يزيد يدق ويسكر .. شوفيه تعرفين من له ؟ اعطيها الرقم ، قالت لا ما مرة مر علي ها الرقم .! منَا منَاك .. يمين يسار .. ما عرفت من له .. إلى ما فخت حيييل من رناته .. قمت و أكتب له ذيك الرسالة اللي تخليه يتحسف انه دق على رقمي .. رقم ما تعرفه لا تقعد ترنرن عليه والله يبليك بعرضك .. وان شاء الله تذوقها بقرايبك ما ادري خواتك ومن ها الحشي اللي ما لأمه داعي .. << مو ذاكرة نص الرسالة موول ، بس يقال اني بحرك ضميره شوي هع .. الموووهم .. شوي و يجيني رد من نفس الرقم .. تتوقعون وش رده .؟! امممممممممممم مكتوب .. فلانة وش فيك ؟ ترى أنا فلانة الفلاني .. ليش تدعي علي .. خخخخخخخخخخخخخخخخخخخخخ طلعت وحدة معي بالجامعة ومعي بالباص .. ماخذه رقمي منذ مبطي وقالت بعطيتس رنة عشان تسجلين رقمي .. ومن يومها لا شفت رنتها ولا اعرف رقمها .. وجا اليوم اللي صرنا فيه داعيات .. وما ادري ايش .. و هي اللي جابت ها الشي لنفسها خخخ .. بس ياااني تفشلت موووول من الكلام اللي مكتوب برسالتي .. وفي الأخير تطلع فلانة من الناس ! >>> إذا قريتِ كلامي و تذكرتِ السالفة اعذريني .. للحين ترى متفشلة من ذاك الكلام > فيس مستحي .! : : |
رد: | وش تسوي إذا غلطت في رقم التلفون ؟|
أول الغيث :) .", شسمونه أنا ما أشيل جوالي معي الكلية أخليه في البيت لآن فيه كاميرا وعندي جوال ثاني بدون كاميرا بس مو فاضية أشيل في الشريحة لذلك اخلية في البيت وأمشي عنه المهم نرجع لسالفتنا مره كنت في الكلية وعندنا بريك وجالسين مع الربع وضحك وسوالف وحده من رفيجاتي تتسبب فيني وأسحب جوالها من يدها وقلت لها أعلمج إلحين بخسرج رصيد وقلت من أدق عليه من من قلت إييييه خل أدق على جوالي بشوف من يرفع جوالي ودورت أسمي ولقيته ودقيت عليه المهم ردوا قالت أنا: الووه قالت هي : الووه أنا معصبة: ليش ترفعين جوالي بأي حق ترفعينه من أنتي بسرعه قالت هي : جوالي أنا : لا والله وتكذبين بعد خلصي من أنتي قالت هي : والله جوالي شفيج أنتي قلت أنا : لا والله تستهلبين حضرتج قولي من أنتي بسرعه خلاص وصلت حدي :mad: قالت هي: جوالي شفيج أنتي وتتكلم بكل براءة بعدين حسيت ان مو صوت وحده من خواتي وعطيته راعيته قلت لها أنا داقه على رقمي بس الصوت وحده غريبة شوفيه أخذت الجوال مني وشافت الأسم وقالت :لالالا وسكرته قالت: هذي نفس أسمج بس أنتي جنب أسمج حرف وهي بدون حرف علشان أفرق بينكم هذي وحده من القرين نفس أسمج بالعايله قالت : اهااا بس يؤيؤ فشيلة بتقول هذي نذله والبنات ضحك علي .", }.. يعطيك العافية كل الشكر لك ..{ |
| الساعة الآن 12:01 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد