منتديات الطرف - مصطلحات لمنطقة الاحساء(اتحدى اللي مو حساو

منتديات الطرف (www.altaraf.com/vb/index.php)

- واحــة الديـرة (www.altaraf.com/vb/forumdisplay.php?f=8)

مصطلحات لمنطقة الاحساء(اتحدى اللي مو حساو

اتحدى اللي مو حساوي يفهم شي .........

اشذاذا....... ايش هذا ؟

منطول....... مرمي يعني مجدوع بالارض

مغتلق ..... ضايق صدره

امحق ....... والله مادري كيف اشرحها بس يقولون امحق عليك ... يعني مالت عليك

موَقل ...... يعني على شفا حفرة من النار.... يعني متردد

دهريز ..... مدخل البيت

حويجة..... تصغير حاجه

مقاقة.... يعني يقولون ماعندها مقاقه على البزران .... يعني مالها خلق على البزران

زط ..... يعني مشفوح على الاكل

حمولة.... يعني قبيلة.. يقولون هذا الولد ولد حمولة يعني ولد قبيلي

طبينة... هذا اسم ريحة النخيل اذا حرقوها ...... والله ريحتها رهيبه

تراشي ... حلق الاذن

معاضد.... اساور

شحقة....يعني ايش حقه هذا

يزنط.... يعني يخنق ... تذكرون طاش ماطاش يوم يقول ... الله شذاذا حقيقة بيزنطوووونه

هطفة ... يعني مررررره طويل

زهبه.... يعني بسرعه

ينجب... يعني يقولون انجب الغدا يعني حط الغدا

طرطور... ماعنده شخصيه

فريج.... يعني الحي اللي ساكن فيه

الله يغربلك..... هذي سبه

رياري....... يعني سعابيل ... لعاب< بالعربي الفصيح

انطم..... يعني اسكت

ازعق .... يعني يقولون ازعق له يعني ناده

سكَان .... يعني دركسون السياره

مطيور.... يعني خبل مو عاقل

ودج.... عكس مطيور يعني يقولون للمطيور صير ودج يعني صير عاقل

ألمَك.... يعني أضمك ....

متحنجة.....يعني متحجبه ......لابسة شيلتها

الموسدة..... يعني الوسادة

سمادة .... حظيرة الحيوانات

عصقول .... الضعييييف مرة

منتفج.... عكس عصقول يعني الدببببب

لاك.... يعني مثلا تقول هذي الجزمه لاكه علي ... يعني ضاغطه علي ( وانتوا بكرامه )

جغم ......يعني رشفه من شي ... مثلا عطني جغم من عصيرك

يزرط.... يعني يبلع من غير ما يهضم

مغماص.... يعني مثلا واحد كان ياكل بيض مع خبز... تقوله ممكن تعطيني مغماص يعني قطعه صغيره من الخبز فيها بيض مثلا

شمخ.... جرح صغير

يترارا.......يعني يشف ... يقولون هذا الثوب يترارا ,, يعني شفاف

ذب ....يعني رمى يقولون ذبيه يعني ارميه

قميظة.... يعني حسافه

الناس مول.... يعني الوقت متأخر

لثد ... يعني دبق مثل العسل لو لزق باليد يقولون يدي صارت لثده

امردقك.... يعني اضربك بقوووووه

هبابك ...... يعني عساه يمديك

إدن.... يعني يقولون إدن لي مكان يعني وسع لي مكان

الصكة...... يعني برا البيت ..يقولون فلان بالصكه يعني مو بالبيت

سويعة..... تصغير ساعه

امبطح.... يعني انسدح و تمدد

مدعجة ..... اللي يدعكون فيها الجسم

صوغه ....... هديه يعني اذا سافر واحد لازم يجيب لاهله صوغه

ماتعدينا.... يعني ما طلعنا من بيتنا اليوم

يتصوخ...... يتسمع ... يسترق السمع < بالفصحى

هاش ام الطرور يطرك..... هاش يعني كعه على الوجه ...... وكلها على بعض ...سبه

مصخن..... يعني حرارته مرتفعه

يا شباب اللي عنده مصطلح يجيبه ؟؟؟؟؟؟؟