|
لقد تم تنزيل الموضوع اخي جبرني الوقت000
وسلمت يمناك000وبنتظار مسلسلك الجديد000 تحياتي000 دموع المحبة0000 |
شكرا اختي دموع المحبه وهذه هديه مني للي ماقرا القصه من البدايه..... الحلقه الاولى ... في المطار كانت دموع المحبه تركض مع فجر لأنهم تأخروا عن الطياره دموع المحبه: بسرعه يا فجر بسرعه بتروح الطياره عنّا فجر: لا لا انشاء الله ماتفوتنا بس انتِ اركضِ بسرعه وركضوا بسرعه ويوم وصلوا للبوابه صاروا يصرخون بأعلى صوتهم فجر, دموع المحبه: استنوا ارجوكم استنوافطلعوا التذاكر وشافها اللي عند الباب ودخلهم وصاروا يركضون بأسرع ماعندهم لباب الطياره وركبوا الطياره وجلسوا بكراسيهم فجر: ((اخيراً ارتاحت)) الحمد لله مافاتتنا الطياره: دموع المحبه: انتِ السبب كان لازم تطلعين كل الملابس وترتبينها على حسب الألوان؟؟ فجر: ايوه لازم يكون كل لون مع لونه يعني الأسود مع الأسود والأخضر مع الأخضر دموع المحبه: والبلوزه الزرقاء حقتي ليه شلتيها من الشنطه؟؟?: فجر: : عشان مافيه زي لونها دموع المحبه: ((مغتاظه)) البنت هذي بتجنني فجر: احلى شي اننا بعيدين عن الازعاج دموع المحبه: ايوه صادقه وهنا سمعوا واحد يقول: جريدتين لو سمحت المضيف: هذي الجريدتين دموع المحبه: فجرهذا الصوت مو غريب عليّ ونظروا وراهم وشافوا ثنيين ماسكين جريده يقرون فيها دموع المحبه: يارب يشيلون الجريده بسرعه ابي اشوف مين هم فجر: اكيد مانعرفهم:أفكر: وهنا واحد منهم قلب الجريده عشان يقرا الصفحه الثانيه وبان وجهه فجرو دموع المحبه: ((مصدومات)) :واو: :واو: :واو: الحلقه الثانيه فجر ودموع المحبه : ((مصدومات))ابوعبادي المروق؟؟؟؟؟!!!!!!!! فجر: ((متفاجئه))ايش يسوي هنا؟؟ دموع المحبه : اكيد يخطط لشيْ فجر : على كل حال الحمدلله مافيه ولد هجر ولاّ كان ابصم بالعشره ان فيه جريمه تبي تصير دموع المحبه : الحمد لله وهنا قلب الثاني الجريده وبان وجهه دموع المحبه وفجر : ((مصدومات)) ولد هجر؟؟؟!!!!! دموع المحبه: فجر الظاهر كلهم لقونا فجر: ( تفكر) ابو عبادي المروق و ولد هجر هممممممم اكيد في سر خطير لازم نكتشفه دموع المحبه : ماعلينا خلينا نكمل سفرتنا اشكري ربك انهم هم الوحيدين اللي بالطياره فجر: والله قلبي ناغزني احس ان الأعضاء كلهم على الطياره دموع المحبه: اعوذ بالله منك لاتفاولين علينا فجر: على العموم ماعلينا خلينا ننساهم ونستانس بجده دموع المحبه: يقولون ان جده مسويه مهرجانات تجنن............فجر...جلسي....فجر ....فجر.............يووووووووووه هذا وقت النوم بعد ماهبطت الطياره في مطار جده نزلت دموع المحبه مع فجر وراحوا لمكان الشنط عشان ياخذون شنطتهم فجر: ياالله أنا ماأحب انتظر وين شنطتنا دموع المحبه: ((تكلم نفسها)) يارب ماتجيها الحاله يارب ماتجيها الحاله يارب ماتجيها الحاله.......... فجر: اصلاً ليه يخلون الشنط كذا ليه مايخلون الكبيره مع بعض والصغيره مع بعض وكل لون مع لونه دموع المحبه: ((يافرحه ماتمت)) رجعت حليمه لعادتها القديمه فجر: ((متفاجئه)) دموع المحبه...... دموع المحبه دموع المحبه: ايش فيه؟؟! فجر تأشر قدام دموع المحبه: ((متفاجئه)):واو: لامومعقول عوني الحلقه الثالثه فجر: ((تمسكه من قميصه وتصرخ)) :غضب: ايش جابك هنا؟؟؟ عوني: ((يرحب فيهم)) يامرحبا اهلاً اخيراً جيتم دموع المحبه: ايش اللي جابك هنا؟؟؟ عوني ليه انتم ماتدرون؟؟!! فجر ودموع المحبه: ندري عن ايش؟؟!! عوني: كل الأعضاء جايين لأننا مسويين رحله ميدانيه نلف جده كلها فجر ودموع المحبه : ((ينظرون لبعض)) يافرحه ماتمت عوني : ماوصلتكم الرساله اللي ارسلتها؟؟ انا ارسلت لكم رساله كتبت فيها عن الرحله دموع المحبه: لاماوصلتنا اي رساله فجر: اكيد هذا من ألاعيب ابو عبادي المروق و ولدهجر عوني : يمكن لأن ابوعبادي المروق و ولدهجر ممنوعين من السفر والانضمام للرحله دموع المحبه: الحين انت تقول ان ابوعبادي المروق و ولدهجر ممنوعين من السفر؟؟ طيب ليه مسافرين معنا؟!:! عوني: ((متفاجيء)):واو: ايش مسافرين معكم فجر: وشفناهم يقرون الجريده السياسيه عوني عز الله رحنا فيها اكيد ناوين على شر دموع المحبه: والمطلوب الحين؟؟!! عوني لاتقولون ل حربي هجر وام عدولي عن ابو عبادي المروق و ولدهجر فجر: ايش ؟! حربي هجر وام عدولي موجودين بعد ياذي النشبه حنّا نبي نبعد عنهم شوي نلقاهم سابقينا هنا دموع المحبه: ليه مانقول لهم؟؟!! عوني: لأن حربي هجر وام عدولي من زمان يتمنون القضاء على ابو عبادي المروق و ولد هجر انتم طبعاً عارفين ليه دموع المحبه: اكيدنعرف ليه, ابو عبادي المروق و ولدهجر يحبون يدمرون كل شيء فجر: انا تعبت من الوقفه خلينا نمشي يادموع عوني : وين رايحين تعالوا معي دموع المحبه: وين؟؟؟؟؟!!!!:! عوني : للفندق اللي حاجزين فيه فجر: ليه؟! لاتقول لي ان الأعضاء كلهم موجودين بالفندق:! عوني: عليكِ نور يللا خلينا نروح وحمل عوني الشنطه ومشى قدامهم فجر: ((تكلم دموع المحبه)) مابي اروح للفندق حق الأعضاء ابي ارتاح شوي منهم ليه مارفضتي يادموع المحبه ليه دموع المحبه: بالعكس الأعضاء وحشوني فجر: مالي دخل بقول ل حربي هجر وام عدولي عن ابو عبادي المروق و ولدهجر عشان تتفركش الرحله وكل واحد يروح بطريقه وانا ارتاح دموع المحبه: بالعكس انتِ كذا بتخلينهم يتعلقون في بعض اكثر عشان يتعاونون للقضاء على ابو عبادي المروق و ولد هجر فجر: ((بتنفجر)) :غضب: آآآآآآآآآآآآآآآآآه ه ايش اسوي دموع المحبه: انا اقول ايش تسوي ننضم للأعضاء بالرحله ووصلوا للسياره وكانت السياره باص كبير دموع المحبه: :واو: ايش هذا؟! لاتقول اننا راح نركب هذي السياره امشي يا فجر بطّلنا مانبي ننضم للأعضاء فجر: (( تمسك دموع المحبه)) وين رايحه مافيه انطقي بالباص هذا اللي جنيتيه علينا دموع المحبه: يعني تنتقمين مني فجر: سميها مثل ماتبين يللا خلينا نروح الفندق ونشوف اخرتها وركبوا الباص وكان فيه طفل بالباص راكب قدام وطول الطريق يزعجهم الطفل : انا سابق واخوي لاحق انا سابق واخوي لاحق انا سابق واخوي لاحق......... فجر: ((حاطه ايدينها على اذانها)) سكتوه تكفون راسي راح ينفجر خلاص ارحموني دموع المحبه: هذا اخوك؟؟!! عوني : صدقوني لو الطفل هذا راح ينرمي انا بكون اول واحد يرميه, موأخوي هذا ولد صاحب الباص ابوه خلاني اخذه عشان ماأنحاش بالباص فجر: انا بعفيك من رميه لأني انا اللي راح ترميه الطفل: انا سابق واخوي لاحق انا سابق واخوي لاحق.......سكت الطفل لأن فجر ضربته على فمه الطفل: ((يبكي)) :" اعلم ابوي فجر: علمه احسن الطفل: ((يقهر فجر)) انا سابق واخوي لاحق انا سابق واخوي لاحق.............. عوني>> ايش الهرجه....فين راح الفندق.. دموع المحبه>> وش فيك عوني.. فجر>>انا حاسه من اول ان في غلط .. عوني>> كنت بوديكم لفندق لوحدكم لكن للأسف البنزين خلص وانا قدام الفندق اللي فيه الاعضاء سوري معليش.. فجر>> عااااااااااااااع..عوني مانبي معهم.. دموع المحبه>> لا عادي بس ناخذ غرفه لوحدنا اوكي. عوني>> اوكي هذا اللي كنت ناوي عليه..((كان فوق راسه واحد لونه احمر مع شوكه يضحك)) فجر>> يالله دموع المحبه ناخذ لنا غرفه.. وعند الكاونتر حق الفندق.. دموع المحبه>> في غرفه فاضيه عندكم... الكاونتر>> لا مو موجود...يالله انا مشغول لاتزعجوني.. فجر>> الصوت هذا مو غريب علي..ولا دموع المحبه.. دموع المحبه>> ايه حتى انا..انت ورينا خشتك ممكن.. الكاونتر>> شوفو جنب الفندق الاستراحه اقعدو فيها هنا ماعندنا..يالله انا مشغول.. فجر>>العندليب..الا هذا انت العندليب.. الكاونتر>> اصصص ياغبيه اصصصص...لاتفضحينا.. دموع المحبه>> ؟؟؟؟؟؟؟؟ الحلقه الرابعه ... فجر>>العندليب..الا هذا انت العندليب.. الكاونتر>> اصصص ياغبيه اصصصص...لاتفضحينا.. دموع المحبه>> ؟؟؟؟؟؟؟؟ العندليب>> ايه انا العندليب يالله اذلفو عن وجهي بسررعه ..ولحد يدري اني هنا اوكي.. عوني>> فجر ودموع المحبه..يالله تعالو انا حاجز لكم غرفه من اول..تعالو.. دموع المحبه>> لحظه عوني معي ولد عمي ابيه شوي ضروري.. فجر>> وش فيك متخفي ياالعندليب.. العندليب>> انا هنا انا وام عدولي لكن محد يدري عنا ابد.. دموع المحبه>> ام عدولي وينها... العندليب>> متنكره على انها حقت الروم سيرفر.. فجر>> وش عندكم طيب ليش متخفين.. العندليب>> ابوعبادي المروق وولدهجر...سمعت اشاعه انهم هنا في جده وانا وام عدولي ناوين نقضي عليهم ونفك العالم من شرورهم... دموع المحبه>> لا لا ماشفناهم والله ماندري عنهم يمكن انهم مو في جده.. فجر >> تعالي وراء ابيك شوي..وش فيك انتي تونا شايفينهم نازلين معنا في المطار.. دموع المحبه>> ايه عارفه لكن مابي العندليب يدري علشان المشاكل.. فجر>> اهاا...انا ابي الفكه منهم طيب شكلي بعلم العندليب.. دموع>> دووووف بالكعب في راس فجر.. فجر>> ااااااي وش فيك انتي يالهبله..راسي ورم الحين دموع المحبه>> علشان تسمعين الكلام مره ثانيه.. العندليب>> اقول بلا خراط بنات يالله انقلعو مع عوني ولحد يدري عني تسمعون فجر ودموع المحبه>> انشالله عمو العندليب عوني>> يا انا حجزت لكم غرفه وش زينها مافيها الا انتم بس.. فجر((تكلم دموع المحبه في اذنها))>> احس ان عوني نصاب.. عوني>> هذي الغرفه يالله اقلطوا يالله حيهم.. وعند اول الباب مفاجئه...جميع الاعضاء موجودين هناك ومنحشرين في الغرفه.. الزعيم>> اهلا دموع المحبه و فجر.. بو عبد الغني>> يالله حيهم.. نسيم الحب>> ناقصين زحمه انا بعد.. اسير الحب>> اي والله شوفولهم عزبه يمين ولا يسار المميز>> بالعكس اسهلت ونورت اقلطو.. كيا ريو>> كان صاك امها نوومه مايدري وين الله حاطه فيه يتبع |
الحلقه الخامسه
طيب اكمل الحين فجر : لازم ننام في غرفه ثانيه يادموع المحبه ماأتحمل هذي الغرفه دموع المحبه: الصراحه وانا بعد نسيم الحب: يكون احسن توسعون علينا فجر: هاها ياثقل دمك يعني حنّا اللي ميتين عليكم دموع المحبه يللا عوني: بنات من شروط الرحله هذي عدم الاساءه للأعضاء الباقين دموع المحبه: مين قال اننا من ضمن الرحله انا فجر منسحبين من هذي الرحله عوني: مافيه من ضمن الشروط عدم الانسحاب وفي حال تقديم طلب الانسحاب فان الانسحاب يرفض رفضاً باتاً دموع المحبه: لااو فيها شروط بعد نسيم الحب: اقول ليه ماتنقلعون عنّا الحين اذلفوا دموع المحبه: خلاص بننقلع عنكم يللا فجر خلينا ندور على فندق ثااااني عوني : من ضمن الشروط عدم ترك الفندق ابداً والسكن في فنق ثاني فجر ودموع المحبه: آآآآآآآآآآآآآآآآآآآآه خلاص بس مانبي شروط زياده عوني: من ضمن الشروط عدم التذمر من الشروط فجر ودموع المحبه شلحوا نعالهم وهجوا بسرعه عوني: ((يلحقهم)) من ضمن الشروط عدم الهرب اثناء الحديث وفي صالة الفندق وقفت فجر ويّا دموع المحبه عشان يرتاحون من الركض فجر: لازم ننام بغرفه ثانيه والاّ راح انجن دموع المحبه: ايه والله انك صادقه يكفي ان عوني مجننا بس يلقي خُطب وراحوا ل العندليب دموع المحبه: ارجوووووووووك العندليب دور لنا على غرفه ثانيه ارجوك العندليب: ليه قايلين لكم اني اشتغل في الكاونتر فجر: اجل ايش تسوي هنا؟! العندليب: ايه صح نسيت , للأسف مافي غرف فاضيه والحين خلوني اشوف شغلي واحد من النزلاء: خذ المفتاح خلاص انا مسافر اليوم حصل لي ظرف طاريء........ وهذا بقية الحساب دموع المحبه ودموع المحبه: ((يسلمون عليه)) ياأهلاً ياأهلاً شرفتنا بحضورك كيف ام العيال ان شاء الله طيبه الرجّال: انا اعرفكم؟؟؟!!! فجر ودموع المحبه: لا مع الف سلامه راح الرجّال دموع المحبه: الحين صار لنا غرفه العندليب: ok اجلسوا بالكوفي شوب على ماننظف لكم الغرفه فجر يللا دموع المحبه الحمد لله لقينا غرفه دموع المحبه: يللا للكوفي شوب فجر: (( فرحانه)) انا بطلب كابتشينو لا لاكوبين كابتشينو دموع المحبه: (( توقف فجأه)) استني فجر: ايش فيه دموع المحبه: حربي هجر وام عدولي قاعدين هناك شوفي فجر: ياربي ايش نسوي الحين القرصون ((النادل)) طلباتكم؟؟؟ النادل: اهلين مدام وآنسه... دموع المحبه: مرسيه أوي.... فجر: مين المدام...مدام في عينك..كلنا انسه... دموع المحبه: وش الفرق بين المدام وانسه..؟؟؟ فجر: والله مدري.. :أفكر: بس اشوف المسلسلات المصريه كذا يقول لها مدام تقول مدام في عينك وحبيت اقلدهم.. النادل: شو بدكووون...عندنا افضل وألذ الحلويات...وكمان المشروبات الساخنه... دموع المحبه: تنصحنا نشرب ايه النادل: شوكو تشينو...لذيذ...وخذو معه سوفليه...(((وكان فوق راسه واحد له قرنين ومعه شوكه يضحك))) فجر: اجل خلاص هات بسرعه.. العندليب: ام عدولي...حولي ام عدولي... ام عدولي: نعم العندليب... العندليب: كيف الجو عندك الحين ...انشالله تمام... ام عدولي: لاكويس..الوضع مطمأن... العندليب: طيب..شوفي ام عدولي...عندك الغرفه رقم 325 في الدور الرابع...هذي روحي نظيفيها الحين وحطي فيها 3 كاميرات مراقبه اوكي...لأن راح ياخذها دموع المحبه و فجر...ولازم نراقب كل عضو هنا.. الحلقه السادسه ام عدولي: ايش دخل دموع و فجر...انا هنا علشان ولد هجر وابوعبادي المروق.. العندليب: انا عارف...لكن احس ان البنتين هذولي دلوخ وراح يلعب عليهم عوني والباقين... لازم نراقبهم ونحميهم.. ام عدولي: اي اي سير.. النادل: الو عوني الو...حول.. عوني: نعم معك عوني...ايش تبغى المميز ... :واو: ((النادل طلع المميز لكنه كان متخفي)) المميز: انا راح اضع المنوم الحين في شراب دموع المحبه فجر...اوكي... عوني: ياسلام...انت افضل قرصون ياالمميز...لك مني هديه راح تعجبك.. المميز: انا في خدمة الزعيمين ولدهجر وابوعبادي المروق..((اغلب الاعضاء كانو تحت أمرت ابوعبادي المروق وولدهجر ومن ضمنهم المميز وعوني ولكن لا احد يعلم الا العندليب وام عدولي)) فجر: خمس الحواس سايلني...عنك وقلبي في خطين...ياليل دان وداااانه دموع المحبه: وش فيك تكفين اسكتي..صوتك حوم كبدي.. .فجر: وش اسوي طول الكوفي ماجا...ايه هذاهو...الثور على طاريه.. النادل((المميز)): احلى 2شو كوتشينو و2 سوفليه لأحلى بنتين في الفندق..(((مازال فوق راسه واحد له قرنين ومعه شوكه))) ام عدولي: الوالعندليب...انا خلصت مهمتي خلاص...سامعني..انا خلصت الغرفه جاهزه.. العندليب: تباً :وهو معصب: ..ام عدولي: احترم نفسك.. .العندليب: لا انا قصدي علىالمميز...قاعد يلعب علىفجر ودموع المحبه...والمساكين مايدرون فجر: يالله حار مررره...انفخي فيه دموع المحبه علشان يبرد. دموع المحبه: شغاله عندك انا.. النادل((المميز)): الفندق هذا من اعرق الفنادق..(( يلهيهم علشان يشربون المنوم)) العندليب: انت ياالمميز. .المميز: ماذا...العندليب...انت موجود هنا...لا كيف وشلون...مايصير.. دموع المحبه وفجر: :واو: المميزهذا...وجالس تلعب علينا من الصبح...ربي يحطك في النار لأنك كذبت المميز: ((يكلم حاله يعني حاط على الميوت)) عز الله خربت الخطه حقتنا...لازم ابلغ عوني علشان يعلم الباقين .. العندليب المميز...ظف قشك..ويالله روح..بسرعه قبل لا اتخذ معك اجراء ثاني. .المميز: انشالله اهم شي لاتعصب. .دموع المحبه: خلصت غرفتنا ولا لا... العندليب:ايه خلصت تعالو وراي اوريكم.. فجر: اخيييراً.. المميز: الو عوني..حول ..تسمعني.. عوني: نعم يالمميز..وش تبي.. المميز: العندليب موجود هنا معنا... عوني: ايش..متأكد انت... المميز : اي والله حتى جا عند دموع وفجر واخذهم مني.. عوني: اجل اكيد جايه معه ام عدولي بعد..(.ســــــــــــــــــــــحقـــــــاً لهـــــــــــــم) >>وش رايكم في ذي الكلمه اعجبتني ههههههههههههه العندليب: شوفو يابنات...اذا دخلتو الغرفه الحين...لاتطلعون الا وانتم معلميني اوكي...هذا جهاز الارسال خلوه على الموجه 2212 اوكي علموني لازم قبل ماتطلعون..ترى الوضع خطير هنا.. دموع المحبه: انشالله.. فجر: يعني راح تحمينا.. العندليب: بحاول انشالله.. وفي الجهة الاخرى من الفندق...بدأت تعم الفوضى..ويدب الخوف.. عوني:الو بو عبادي المروق..سامعني انت.. ابو عبادي:نعم عوني..اخلص وش تبي.. عوني: العندليب موجود في جده هنا..معنا... ابو عبادي: هههههههههههههههههههه....اخيييييييرا جا العندليب نيهههههههههههههههههههااااااي ولد هجر كان جنب بوعبادي يستمع للمحادثه: وقع القطو في الجحر...نيهههههههههههههههههااااي تأخر كثيرالعندليب... يتبع ........ |
الحلقه السابعه العندليب يكلم ام عدولي... العندليب: الو ام عدولي...حول ام عدولي: نعم العندليب...وش تبي.. العندليب: ترى الاعضاء عرفوا ان احنا موجودين هنا.. ام عدولي: اوكي ياالعندليب...راح اطلب الدعم الحينً.. ((حربي هجر وكياريو وزهور)) حربي هجر: يالله يازهور...وين الغدا خلصينا... كياريو: اي والله وين البيتزا...انا جووعان يالله ورانا مشوار ...ترى مانوديك للسوق يالله.. زهور((تحادث نفسها)): شغاله عندهم انا..لكن وش اسوي اقول للكلب سيدي اذا تبي منه شي..وانا ابي السوق.. طيب طيب يالله ثواني بس... حربي هجر:كني اشوف جوالك ينور..انت حاطه على الصامت ياكياريو.. كياريو: اي والله سوري ناسيه على الصامت..هااا..هذي ام عدولي داقه علي..وقفلت الحين حربي هجر: غريبه..ام عدولي والعندليب في مهمه..خلصو يعني...طيب دق عليها خل نشوف وش عندها.. كياريو: هع..ليه علشان الفاتوره تجي علي..خلني بدق واقفل بعدين هي تدق.. حربي هجر:الله ياخذك يالبخيل..وخر انا ادق عليها من جوالي((نصاب ماخذ جوال زهور)) رن رن رن رن ام عدولي: الو ..هلا زهور<<<تخبرون متصل بجوالها حربي هجر: نعم ام عدولي..خير انشالله.. ام عدولي: نبيك تجي انت وكياريووزهور...محتاجين للدعم فورا... حربي هجر: اوكي خلاص...مسافة الطريق...تسك((يعني قفل الخط)) حربي هجر: يالله زهور كياريو...ورانا مشوار.. زهور: اخيييرا يعني ماراح اطبخ ....يالله مشينا طيب.. كياريو: لااااااااااااع ابي بيتزا..انا جوعان...ماني رايح حربي هجر: تعال الطياره يبيعون بيتزا... كياريو: طيب ام عدولي: العندليب..حول.. العندليب: نعم ام عدولي..معك.. ام عدولي: انا طلبت الدعم من حربي هجر وكياريو وزهور.. العندليب: والله محد صاحي فيهم الا حربي بس...لكن مو مشكله الباقي نخليهم احتياط اذا احتجنا دعم ثاني.. ام عدولي: ليش انت ماطلبت دعم بعد ياالعندليب.. العندليب: لا...ولد هجر وابو عبادي المروق راح يموتون على يدي انا...واذا طلبت الدعم راح يعبتروني جبان..ويمكن مو انا اللي اقتلهم... ام عدولي: العندليب...انسى الماضي خلاص...اللي فات مات..خلنا نطلب دعم لتأكيد المهمه.. العندليب: اذا انتي نسيتي ياام عدولي انا ماراح انسى..هذا الجرح في قلبي لين اقتلهم على يدي.. &&&&&&&&&&&&&&&&&&&&العندليب يتذكر الماضي الان&&&&&&&&&&&&&&&&&&&&&&&&&&& قبل 22 سنه...كانت اعمارنا.. ابو عباد = 9 ولدهجر= 10 العندليب= 6 --------- ابو عبادي: ولدهجر..شوف السبه هذا اللي جا عندنا في المدرسه جديد.. ولدهجر: اي والله انه مخفه..مو منه من النظاره اللي لابسها ابو عبادي وولدهجر: هههههههههههههههههههههههههههه..انت ياغبي ارجع بيتكم.. العندليب:انا طالب جديد عندكم...ممكن اصير صديقكم.. ابو عبادي: ياحليلك تعال تبي تصير صديقنا.. ولدهجر: ايه ممكن..ميو ميو.. ابوعبادي: ياعمري انت مسكين ماعندك اصدقا..ياعمري انت العندليب: ايه انا مسكين ابي ماما وبابا... ابوعبادي: انا بابا وماما ووعمو وستو وخالو وكل شي.. ولدهجر: ايه بس تعال كم معك... ابوعبادي: ايه كم معك من فلوووووووس...يالله قمرك..((اهل الرياض بس..قمرك يعني طلع اللي معك..تخبرون طاش ماطاش)) العندليب: معي قرشين بس..نشتري حلاو مصاص.. ابوعبادي : ايه يالله...تعال نشتري ..... ولدهجر والله وضمنا الفطور اليوم.. العندليب: يالله نروح نشتري من المقصف... ولد هجر: تعال دقيقه...وش معك فطور.. العندليب: خلون نروح المقصف اول.. ابو عبادي: يالله طيب.. عند المقصف.... العندليب: وش تبون انا اشتري لكم.. ابو عبادي: خلينا نشوف ايش فيه عندهم .. العندليب: هي صديق..ايش فيه عندكم.. الزعيم((عامل المقصف..هندي الجنسيه)): ايس فيه ..في مسكل...مابي سوف..سوف ايس موزود..انت واخد مجنون ولدهجر: اقول لاتنفخ سامع.. الزعيم: طيب بابا..مافي قرقر وازد خلاص..مافي مسكل..خلاص بابا.. ابو عبادي: يا اخي اطربنا بسكوووتك يرحم والديك.. العندليب: اممم..انا ابي حلاوة مصاص..هات حلاوة مصاص.. الزعيم: ايس انت بتشى مجنون انت..مافي قرقر وازد بابا..يبي هلاوه مصاص ..مافي يد انت..خز هلاوه مصاص العندليب: طيب في كتكات.. الزعيم: موزود كتكات.. العندليب: طيب هات جالكسي.. الزعيم: ايس فيه انت..مجنون انت..في مسكل.. ولدهجر: انت منتب ساكت لين يجيك الطراق صح.. الزعيم: مأليش بابا..هذا بتشى مسكل واازد بابا.<<<خواف. العندليب: طيب..هونت ماني شاري شي.. ابو عبادي: اقول العندليب وش معك فطور بس العندليب: معي ساندوتش كبده وعصير سانتوب.. ابو عبادي: هلا والله صديقي...تعال هات الكبده.. العندليب: لا...كلش الا الكبده..مااقدر استغني عنها.. ولد هجر: انا يكفيني سانتوب...هات عصيرك السانتوب.. العندليب: خذ السانتوب...لكن كبده لا.. ابوعبادي: اقول ياولد هات الكبده..سامع ولا لا.. العندليب: الكبده لا يعني لا..حبيبة عمري الكبده لاااا.. ابو عبادي: جاك الموت ياماسك الكبده.. ولدهجر: كوويس لقينا واحد نضربه اليوم.. العندليب: تبون الهواش طيب..بس واحد واحد..اثنين غش والله .. ابو عبادي وولدهجر: اللــــــــــــــه أكبــــــــــــــــــــــر,,,,,دووووف.. العندليب: وااااااااااااااااع راااسي وااااااااااع,,وين نظارتي..انكسرت نظارتي معد اشوف وااااااااع..ابي الكبده حقتي وينها معد اشوووف.. ابو عبادي: هع..كبده ياولد كبده..يمي يمي.. ولدهجر: اقطعلي ياخي...بس قطعه صغيره.. ابو عبادي: لا..اول عطني جغمه من العصير...((((هههههههههههههههههه جغمه قديييم)))) العندليب: ابي الكبده... &&&&&&&&&&&&&&&&&&&&&&&&نهاية الماضي الحزين&&&&&&&&&&&&&&&&&&&& ام عدولي: يعني انت تبي تنتقم لأنهم طقوك... العندليب: لااااااااااااع...ابي الكبده حقتي...ماخذها يعني ماخذها..واذا احتجنا شي طلبنا الدعم.. ام عدولي: بكيتني معك ياالعندليب...فعلاً ماضي يؤلم.. العندليب: طيب ام عدولي...انا بروح اراقب دموع المحبه وفجر في الغرفه..اوكي..يالله ياالعندليب.. دموع المحبه وفجر يتهاوشون في الغرفه: دموع المحبه: فجر..وين المشط حقي ماحصلته..وينه.. فجر: احسن..احد قال لك تحطين صبغات وتقعدين تصبغين فيها اخضر وبنفسجي..تستاهلين.. دموع المحبه: اجل تبيني اقص مثلك يالولد...وي فجر: انا ولد ياااا...اخ منك بس.. رن رن رن(((جوال دموع المحبه يرن))) دموع المحبه: الو .. المتصل: اهلا اهلاً... دموع المحبه:مين معي.. المتصل: هل تحبين الافلام المرعبه..(((حركاته بو عبد الغني مايخليها..هههههههههههههه))) دموع المحبه: لا بس توم وجيري وهايدي ونيلز وسالي وجوونكر..(((هههههههههههههههه))) المتصل: اجل انتي بلحالك الحين.. دموع المحبه: اقول بوعبد الغني اخلص ترى عارفتك وش تبي.. بو عبد الغني: اااااااااااااااه..دايم تعرفيني ليش...قهررر ابي اخوفك.. دموع المحبه: وش تبي مني بس بو عبد الغني: بنت عمي ولا اطمئن عليها..معقوله ابي اسلم عليك بس.. دموع المحبه: انا عارفتك عندك شي..بس يالله سلمت علي الحين..انا مشغووله.. بو عبد الغني : ايه خلاص...يالله باااي.. فجر: غريبه بو عبد الغني داق عليك..والله غريبه.. دموع المحبه:؟؟؟؟ رن رن رن رن(((جوال العندليب يرن))) العندليب: هلا بو عبد الغني..ها بشر.. بو عبد الغني:لا كلش تمام...انا كلمتهم وهم بخير والحمدلله.. العندليب: طيب وينك الحين وصلت ولا توك في باريس.. بو عبد الغني: لا انا حركت لكن الحين في روما انتظر الطائره الثانيه اللي تجيبني عندكم.. العندليب: يالله لاتطول تعال..نبيك ضروري.. بو عبد الغني: اوكي..مسافةالطريق.. العندليب: لا تقول لحد بو عبد الغني انك معي اوكي...حتى ام عدولي مابي احد يدري.. بو عبد الغني: حسناً يازعيم الحلقه الثامنه دموع المحبه يللا فجر خلينا نروح الحديقه اللي جنبنا من دون مايعرف العندليب فجر: بس يا دموع المحبه العندليب طلب منّا انا نقعد بالغرفه دموع المحبه: ياهبله هو بس يحب يتأمر علينا يعني هو يعرف مصلحتنا اكثر منّا قومِ يللا خلينا نروح فجر: وعصير الليمون انتِ وعدتيني انك راح تطلبين عصير ليمون لي انا احب عصير الليمون .. دموع المحبه: ((تقاطعها)): اووووووووووف منك خلاص وجعتِ راسي انا راح اطلب لك عصير هناك بالحديقه فجر: لااااااااا انا ابي العصير الحين دموع االمحبه: يللا امشي قبل لا يجي العندليب ************* وفي الكوفي شوب ابو عبادي يستنى شخص معين مرووج: اسفه عالتأخير ابو عبادي: ليش تأخرتِ مروج: اسفه : اضطريت اسلك طريق ثاني عشان مايكشفوني بقية الاعضاء ابو عبادي: ايش اخر الأخبار؟؟ مروج: عوني مو فاضي 24 ساعه رايح للمطار يجيب بقية الاعضاء وزهور منكبه على دراستها والبرواز يكمل رسماته واسير الحرمان وعذب الكلام يتفرجون على الدش على قناةmbcو نسيم الحب مو فاضي 24 ساعه عالنت والعاشق الصغير يلعب بلاي ستيشن ابو عبادي: اي شريط؟؟ مروج: درايفر ابو عبادي: ;-) خوش شريط طيب العندليب وام عدولي؟؟ مروج : لحد الحين ما شفتهم؟؟ ابو عبادي: اصبر يالعنليب ان ماوريتك شغلك انا بو عبادي اللي يخوف ولا يخاف يتبع.......... |
الحلقه التاسعه
مروج: انا خايفه من فجر ودموع المحبه ابو عبادي : لا تخافين ولدهجر راح يستكشف عنهم وبالحديقه كانت دموع المحبه تلعب بقطار الموت وفجر تستناها بالمطعم فجر: وين دموع المحبه انا ابي اشرب عصير ليمون انا احب عصير اليمون ولد هجر: (( معاه عصير ليمون)) انا سمعت انكم نقلتم لشقه ثانيه فجر: ((تنظر للعصيراللي بيد ولدهجر)) ايه ايه ولدهجر: ليه؟؟ فجر: ودها تاخذ العصير من يد ولدهجر)) عشان الشقه ضيقه ولدهجر: (( بلعب بأعصاب فجر ويعرف انها تبي العصير)) الظاهر ان العصير مو عاجبك؟؟ خلاص نكبه. وكب العصير بالزباله فجر : (( انفطر قلبها على العصير)) ?: لاااااااااااااااااااا العصير راح ولدهجر: (( يطلع عصير ثاني)) لاا خذِي هذا ثاني فجر: (( طايره من الفرحه)) شكررررررررراً ولدهجر: (( يفكر)) الحين بهذي الطريقه اضمن ان فجر ماتخفي عني اي شيء:يفكر:ويقول لها معي كيك بالليمون اذا تبين فجر: وينه وطلع ولد هجر الكيكه وعطاها وكان يسوي كل هذا عشان تقول له كل اللي يبي وبعدين دموع المحبه وفجر رجعوا البيت عشان يجهزون اغراضهم لان الاعضاء بيرجعون للبلد ________________________________________ الخميس ....الخامسة صباحاً... المطار....~_~.... الرجاء الإنتباه ..نعلن بأن الطائرة المتوجهة الى منتدى الطرف سوف تغادر ارض المطار بعد خمسة دقائق ..لذلك ارجو الإسراع الى ركوب الطائرة...الخ : وبعد إنتهاء النداء في المطار.. .. حربي هجر وزهور..:- يكلمون كياريو: بلا دلع يله بتفوتنا الطيارة كياريو:-(وهو ماسك بكرسي المطار) ماابغي..اروح..قبل ماتشترولي بيتزا.. انتم كذابين مافي بيتزا في الطيارة...انتم كذابين.. حربي هجر:- ايش هذى المصيبة إللى جاتنا..: ..اقول قم ياأبن الحلال لا تفضحنا قدام الناس...?: كياريو:- ماابي ماابي: زهور- قم عسى نعامة ترفسك....تراني مو رايقه لك...بتمشي الحين...ولا مشيتك..بالقوة.. : كياريو:- هع..اقول بلا ثرثرة...انتى ووجهك. تكذبوون..وتتفلسفون زهور:- اوووووووووووووووووف حربي هجر:- هدي..يازهور الموضوع مايحتاج كيا ريو.:- وش فيه وجهك..صاير طماطة منتهية الصلاحية زهور: اووووووووف اوووووووف وفوق راسها نار>>>مثل الرسوم حربي:- زهور وش فيك...هدي ..بالله هدي كيا ريو:- خخخخ...خوووش ..ماشاء الله...صايرة تعرفي ياباني...والله صدقو لما قالو اللغات تطلع فوق الراس وقت الغضب ________________________________________ زهور:- اوف اوف اوووووووف >>>ومن الغضب طلع لها قرون هههههههه حربي هجر:- : مامازهورطلعلها قرروون.. :! كيا ريو:- ولا تنسي اللحية.. زهور:- بتمشي معانا بالطيبة...ولا استخدمنا العنف... كيا ريو:- اقول انا مو طفل عندك..تفرضي رايك علي انت ووجهك..واسنانك ليبغالها.....كسر. حربي:-(وهو يهمس في اذن كياريو) نصيحة مني...اسمع كلامها الحين..ولا بيصيرشئ...غير طبيعي.. كياريو:- ياشيخ ايش تقول...لو تعرفني عدل ماقلت هذا الكلام.... زهور : هي بنت صغيره: بس يبغالها واحد قوي شخصية يسكتها ويضربها...بالعصا.... حربي:- خذ النصيحة من مجرب كياريو- ليش شكلك اخذت علقة حارة منها (تقطع زهور حديثة: وتركض..عليه وتقفز..... .(وخيل حربي وكيا ريو انها تحولت إلى كائن مفترس...كما تتحول الغوريلا (لاتزعلين يازهور اسف ) المسالمة الى متوحشة..عند الدخول الى منطقة سكنها. الحلقه العاشره تقطع زهور حديثة: وتركض..عليه وتقفز..... (وخيل حربي وكيا ريو انها تحولت إلى كائن مفترس...كما تتحول الغوريلا (لاتزعلين يازهور اسف ) المسالمة الى متوحشة..عند الدخول الى منطقة سكنها. وتسحبه..من رجوله...سحبة قوية...وكياريو ماسك الكرسي وقاعد يصيح...ياناس ياعالم....انقذوني من هذى الغوريلا وزهور قاعده تسحبه من رجوله...: وهي تقول...انت جنيت على نفسك..شهد على رووحك:: ..اما حربي... رفع ثوبه..وقال..مع سلامة كياريو نشوفك في العالم الثاني ..وفرك رجوله وإنحاش...الى داخل الطيارة : وتجمعو الناس..داخل المطار قاعد يراقبون الحدث الكبير... : كياريو يتمسك بالكرسي...وزهور قاعد تسحبه... :: ..وكياريو قاعد يصارخ..وين الأمن....وين السكرتريين...تعالو فكوني..منها احد عنده مووز..يساعدنا ويعطيها..يمكن يسكتها. أما الناس لا حياة لمن تنادي...يتفرجون وبس... طفلة:-(وهي تشد ثوب امها) ماما ..ماما هذولي ايش يسوون. الأم:- والله..على مااعتقد...قاعدين يلعبون لعبة شد الكرسي... :! ..ياحليلهم..والله متحمسين على هذي اللعبة.. : الطفلة:- يعني مايتضاربون الأم:- لا يابنيتي...لو كانو يتضاربون..ماكان الأخ..اللي راح يجري ويخلي صديقه يتضارب... شكلهم يلعبون قمه ________________________________________ ....وفي هذا الوقت...بدأت قوة كياريو..تنهار تدريجيا.. .وزهور..تزيد من قوة شدها: ..حتى خيل للناس بأن رجلي كياريو تزداد طولاً.. : ...وفجأة...وبدون سابق إنذار...تنفك..المسامير لتثبت الكرسي..تدرجيا..: ...و..و...وينشال الكرسي..ويضرب في وجه كياريو.....وتسحب زهور كيا ريو اللي مابرح ماسك بالكرسي... وتسحبه مع الكرسي اللي ماسكه..وهي تقول...بتدخل الطيارة غصبن عنك...رضيت ولا مارضيت: كياريو:- ياناس ياعالم فكوني من هذي الغوريلا احد عنده شوية..مووز يسكت ابها هذي الغوريلا... ويجي رجال الأمن حق المطار...ويتفاجأون باللي يصير.. :! ...و يقررون...إيقاف المهزله اللي تصير... ?: ..ويمسكوون بالكرسي...ولكن..ينسحبون مع الكرسي...وزهور راحت تركض..وهي ماسكه برجول كيا ريو...اللي يمسك الكرسي...واللي يمسكه رجال الأمن..واخذت تمسح فيهم الأرض..وهم صار يصارخووون الغوريلا..بتاكلنا : انقذونا.......يبغون احد ينقذهم... :...وبعد ماانتهت زهور..من تفريغ غضبها...وبعد العرض المدهش الذي...قدمته مع (كيا ريو..الكرسي..رجال الأمن..),,الذي استمتع فيه كثير من الأطفال..الذين...عجبهم الموقف واخذو يلاحقوون السلسلة البشرية..التى تجرها زهور...يحسبونها تلعب لعبة القطار السريع وقامو يقولون...توووت..توووت.. الإعلان الاخير سوف يتم إغلاق بوابة الطيارة المتوجهة الى منتدى الطرف.بعد 60ثانية الرجاء....الخ وتلحق زهور..الطيارة..وهي مازالت ماسكه رجوول كياريو..اللي كان في حالة سيئة.. ورجال الامن اللي كانو....فاقدي الوعي تقريبا وتدخل بوابة الطيارة...وهي تقوول وقفو..وقفو.. وتلتفت... لوراها..ورفست..رجال الامن حتى فكو الكرسي...وشالت كياريومع الكرسي...وأخيرا دخلو الطيارة.. : حربي هجر:-(..) يناظرهم وهو يقرى الجريدة زهور:- حربي..جب لي حبل.. حربي:- عسى ماشر لا يكون حصل شئ..وتبغين تنتحرين.. زهور:- بتجيب..ولا رفستك..زي خويك.. حربي:- ولا يهمك..: انتى تأمرين...ونحنا ننفذ ... وراح للحمامات...وهو يقول..ياتري من وين الاقي حبل في الطيارة.. ?: ..إلا ويشوف واحد يدخل الحمام..ويدخل المرحاض ويسكر الباب ويعلق حزامه على الباب اخذ الحزام..وركض... حربي::-(وهو يتنفس بسرعة) هه..هه..هه...مالقيت حبل بس لقيت حزام طايح زهور..:-(وهي تاخذ الحزام بعنف منه) وهي تربط كياريو بالكرسي لماسكه..وقاعد تلكمه..في وجهه.. :: هذا عشان..كعبي لإنكسر من ركضي...: وهذي عشان..وجهك النحس... :: وهذي عشان فستاني لتوسخ منك..وهذا عشان..الخ.. :. حربي هجر:- الله يستر علي.. وتقلع الطيارة الى منتدى الطرف...واطلقت مع إقلاعها...منحني جديد للصراع...ومع وجه جديد للأخ كياريو يتبع ........ |
الحلقه الحاديه عشر
في جده...مقر ابو عبادي وولدهجر... ابو عبادي>> ولدهجر يامفلفل... ولدهجر>> نعم يا ابو عبادي ابو عبادي>> ياخي حاس بشي...مدري وشو.. ولد هجر>> كيف..ايش تقصد.. ابو عبادي>> والله مدري..بس حاس ان العندليب وام عدولي..المره هذي مسوين شي جديد..اكيد.. ولدهجر>> يعني ماتعرف العندليب...من زمان عن اخر مقابله معه..ايام الكبده... ابو عبادي>> والله قلبي مو مرتاح..لازم نعد له العده... ولدهجر>>ابوعبادي..خله علي ولايهمك.. .................................................. ......... ولدهجر>> عوني...حول..الو.. عوني>> نعم ولدهجر.. ولدهجر>> عوني..ابيك تراقب العندليب وام عدولي كويس..زين..لايروحون عن عينك ابد.. عوني>> انشالله ابشر ولا يهمك يازعيم في حديقة منتدى الطرف...تبدو البراءة واضحة على خشة دموع المحبه وفجر... دموع المحبه>> الوو..بابا فين...بابا هنا هنا هو..أألو مين..ألو عمو...عمو مين...عمو سعووووود فجر>> تكفين بلا بزران يادموع المحبه... شخص قادم من بعيد...ممكن مساعده يابنات...انا تايه هنا وابي احد يدلني... دموع المحبه>> بونادر...اهلا اهلا يابونادر...وينك فيه يارجال...والله مشتاقين لك.. فجر>> دموع المحبه من هذا..ماعرفتينا على بعض... دموع المحبه>> هذا بونادر...زميلي في المنتدى.. بونادر>> ايه ..انا اسف يادموع المحبه..بس انا لسى راجع من نيويورك..كنت ماخذ بعثه طبيه هناك..وانا والحمدلله الان دكتور أد الدنيا... دموع المحبه>> دكتور ! ماشااللله عليك... بونادر>> : ...المهم...انا سامع انا الاعضاء بيكملون الاجازه هنا..بعد ماجيتو من جده...الا اقول وين غرفكم انتم.. دموع المحبه>> تعال عندنا في غرفتنا انا وفجر... فجر(((تحدث نفسها)))>> يالله ياذي النشبه الحين..الله ياخذك يادموع المحبه.. ياهلا يابونادر يالله حيه الغرفه غرفتك.. بونادر>> مشكوره أختي...مرسيه أووووووي.. عوني>> فجر ودموع المحبه يالله تعالو....اااااه بونادر...ياهلا وغلا..من متى وانت موجود... اسهلت وانورت بونادر>> هلا فيك عوني...بس رجاء انا مابي مصاله...ماني ناقصه.رجاء فكني مابي اشوف خشتك طول الاجازه هذي...انا اعرفك من زمان ماوراك الا المشاكل.. عوني((كان يكلم نفسه))>> هو دخول الحمام زي خرووووووووووووووووجوووووه فجر>> يالله بنات خلونا نغير علشان نطلع السوق.. عوني>> اي سوق...تعالو نطلع سوا بالباص نروح للملاهي مره وحده.. فجر ودموع المحبه>> ياسلام ملاهي ملاهي. بونادر>> وش ورانا يالله نروح الملاهي.. .................................................. ............... في الفندق حيث الاعضاء الباقين يستعدون للرحله.. .................................................. ............... مروج>> يالله انا مسويه شعري...اخاف يخترب وانا راكبه اللعبه مع الهواء..ياربي وش اسووي نسيم الحب>> بنات اخر زمن...وين راحة جداتنا يوم كانو يطلعون بالمنافع حقتهم... الزعيم>> انا قايل لكم خلصو من اول... اسير الحب>> يالله نروح الملاهي هي هي هي... نسيم الحب>> انا مخلص لكن جالس ادور البشت حقي.. الزعيم>> احد يروح الملاهي ويلبس بشت نسيم الحب>> والله هذا انا وانا حر في انا..البس اللي ابي عوني>> يالله..توكم ماخلصتو يالله بسرعه خلصونا.. الجميع في صوت واحد>> مابقى الا مرووووووووووج مروج>> يمه بسم الله علي..لو انكم مسوين مثلي في شعركم كان قدرتو موقفي.. عوني>> يالله انا احتريكم تحت في الباص ومعي دموع المحبه و اسير الحب وبونادر..اخلصو.. في اثناء الرحله....تعالو نشوف وش بيصير.. كياريو>> بيتزا بيتزا..ابي بيتزا..وين السيرف.. زهور>> ياذكي اضغط الزر اللي فوق راسك وتجيك المضيفه على طول..اول مره تركب باص..(طبعا باصVIB) كياريو>> والله فكره حلوه..حربي وش رايك نركب واحد في المطبخ عندنا اذا بغينا زهور ضغطنا عليه وتجي.. حربي هجر>> اتركو التصرفات الطفيليه هذي عنكم...واستعدو للمعركه الجايه...لازم نساعد العندليب وام عدولي ونخلص المنتدى من شر ابو عبادي وولد هجر.. كياريو>> ايه هذا واحد جا....تعال هنا ابي عشى.. المضيف>> شو بدك حبيب ألبي.. كياريو>> المميز..وش جابك هنا حربي هجر>>ههه لا لا...هذا ولد عم المميز... كياريو>> طيب..ابي بيتزا... المضيف>> والله ماعندنا بيتزا..فيه رز بالحمه او الدجاج..وساندوتش كبده.. حربي هجر>> يالله زهور..انا بنحاش قبل لايشوفني كياريو.. كياريو>> حربووووو تعال وين رايح تلعب علي.. .................................................. .......................... نعتذر من الساده المشاهدين..نرجو الانتقال الى القناه الثانيه لمتابعة مايجري..اما الان مع نشرة الاخبار.. ############################ السلام عليكم ورحمة الله وبركاته..محدثكم نسيم الحب يحيكم في نشرة الاخبار الاولى لهذا اليوم.. وفي العناوين.. مقتل ثلاث هنود في البطحا... قيام بعض الاعضاء بمظاهره... مصرع ضاطور بقذيفه زبيريه من نوع ار بي جي.. طيران عضوية بعض الاعضاء بعد التهديم عفوا قصدي التطوير.. قيام هواش ومشاده كلاميه بين فجر ودموع المحبه في سوق الحمام... واما الان مع التفاصيل.. في حادثه هي الاولى من نوعها..حصل انفجار في سوق البطحا مما ادى الى مقتل ثلاث هنود...معنا مراسلنا من هناك البرواز... السلام أليكم..انا البرواز ارهب فيكم من سوق مال بطحا..هازا نفر مافي كويس ييزي ويسوي بوومب والله هازا مافي كويس هازا ثلاث نفر هندي مال سوق بطحا في موت هازا أمل ارهابي مافي كويس... باب وماما مال هندي هازا في موت ايس يسوي الهين..والله هرام باب.. في مأي واهد سوداني شاهد أيان هنا...السلام أليكم.. دفع الله تاج الدين>> آآآي...وأليكم السلام والرحمه...انا شاهد عيان شايف كل حاجه..بس انا زاتي تعبااااان بالمره آآآآي ماني قادر اتكلم..بس هذا مو صديغ الصديغ الصادغ مايسوي مثل كدا... داير شنو هذا يجي هنا ويفجر...والله هذا زاته مو صديغ... البرواز كان مأكم..من قناة منتديات الطرف.. نسيم الحب: شكرا اخي البرواز........ .................................................. .......... وفي حادثه مفجعه ومألمه..قام احد الاعضاء(نحتفظ بالاسم للأهمية) في حي ( ديوانيةالمرح) بضرب مشرف بخيزرانه من نوع ار بي جي مما ادى الى مصرع المشرف..ومعنا مراسلنا من هناك...بوعبدالغني... نعم نعم..بو عبد الغني يحيكم...والله دي حاقه مألمه بالمره وحيات ربنا..يعني المشرف ده ايه زنبه... د كان طيب كان حنين....كان يسأل عليك.اااه دا كان صحبي الروح بالروح...يعني المجرم مايرحمش يوم يقي ويدربه بخيزران من نوع ار بي جي...المهم معانا المجرم المفتري.. ها أوول عندك ايه يابن الايه.. يامجرم.. المجرم>> والله في الحقيقه المشرف هو اللي بدا ...يعني اقدر اقول انه دفاع عن النفس لا اكثر وانا بريء..يعني هو كان في الزاويه وانا جالس اقول له..ياولد خلينا حبايب وانزل...لاتستعبط معاي... وهو مو راضي ينزل...انا رحمته وتركته..قلت كووده من نفسه ينزل..الا الرجال قام يدور فوق راسي.واقوم واطب واخذ الخيزرانه من عند باب الحمام وانتم الكرامه واقفز في الهوا واتقلب واسفه بالخيزرانه اللي بطحته على الارضً.. يامجرم يامفتري... كان معكم بو عبد الغني..(منتدى المرح) قناة منتديات الطرف... نسيم الحب: نعم اخي بو عبد الغني مشكور........ .................................................. وفي خبر عاجل..ومهم..بعد تطوير المنتدى..ظهرة لنا مشكلة طيران عضوية..ومعنا مراسلنا من سور المنتدى ...عذب الكلام... اهلا اهلا..معكم عذب الكلام..نعم اخوي نسيم الحب..ظهرت هذي الظاهره..ومعنا اول الاعضاء الاخ (؟؟؟؟؟) (؟؟؟؟؟)>> اي والله يا بويا العضويه حقتي طارت..انا من نفسي ماني عارف ايش الهرجه.....لكن انا ابي عضويتي ترجع لي...وممكن اهدي... عذب>> ايه خذ راحتك حبيبي.. (؟؟؟؟)>> احب اهدي الى مامي ودادي وكل اصحابي بمكه وفي الطايف والى بوعبادي واقوله يا محمد انا احبك من كل قلبي والى العندليب واقوله ياغبي ليش وخرت توقيعي مصلحه لك وتعبان تجي وتحط توقيعك و..والى اسرة اعضاء المنتدى.... عذب >> هنا مراقب ايضا عضويته طارت..لكن يرفض الافصاح عن اسمه المراقب>> والله انا ماني عارف ايش اقول والله انا ماهمتني المراقبه انا مشتاق لكم....لكن مدري كيف ابي اسجل ويقولي لايمكن يعني والله حرام كيف القاكم ابي اشوفكم.. كان معكم عذب الكلام...سور المنتدى..منتديات الطرف .................................................. .................... ياللي دان وادانه خمس الحواس سايلني هلا هلا ورى عااشوو...اووه انا على الهوا سوري معليش.. وفي حدث اخر...قام العضوالعندليب بمضاهره كبيره في المنتدىيعترض عليه معنا من هناك محدثنا...عابر سبيل.... كذا..مايصر...ياواد اهجد..لا للظلم لاا..ياواد انت في الكاميرا.. السلام عليكم معكم عابر سبيل..نعم نعم فعلا اخي نسيم الحب قامت مظاهر كبيره هنا..ويحدثني العندليب هنا.. عابر سبيل>> بالله ياالعندليب ماسبب قيامك بهذه المظاهره... العندليب>> والله ربنا على المفتري يا اخينا في الله..مايصحش كده وحيات ربنا مايصحش.. يعني ده ظلم وافتراء وقحوود..يعني انا اتعب وانت شايف ازاي العرأ نازل من قبيني من كتر التعب.. وماشفناش حاقه من المنتدى ده ولا حتى كلمة شكر..والله مايصحش كده يعني.. عابر سبيل>>العندليب الله يهديك..وش فيك قلبت مصري..؟؟ العندليب>> والله مدري..لكن دايم اشوف الاخبار اللي يظاهرون دايم يتكلمون بالمصري.. كان معكم عابر سبيل..(قناة منتديات الطرف).. .................................................. .......................... وفي حادثه اخرى...شب هواش كبير في سوق الحمام في (منتدى الديره) بين ام عدولي ومروج بسبب بيع ام عدولي لكيس الفصفص بنص ريال ومروج تبيعه بنص ريال..معنا مراسلنا من هناك.. حربي هجر.. السلام عليكم..اهلا اخوي نسيم الحب...والله هنا في هوشه كبيير مررره دحين بين ام عدولي ومروج بالله يا ام عدولي ايش الهرجه بينك وبين مروج... ام عدولي>> هذي مروج اللي منيب قايلتها مروج>> احترمي نفسك انتي ووجهك تقولين قردين ضامين بعض.. ام عدولي>> انا قردين ياوجه البعير.. مروج>> انا وجه البعير يا الداشره ياللي مابقى شارع في الطرف مافحطتي فيه.. ام عدولي>> انا الداشره ولا انتي مابقى مكان في الطرف مافتحتي بسطة الفصفص حقتك فيه.. حربي>>هدو ياستات اشفيكم... كان معكم محدثكم حربي هجر من سوق الحمام..(قناة منتديات الطرف).. .............................. هذي كانت نشرة الاخبار من المنتدى..انا محدثكم نسيم الحب يتمنى لكم نوماً هنيئاً واحلام سعيده.. الى اللقاء... ....................................... عوده مره اخرى الى المسلسل.... فجر:انا ابي اركب قطار الموت.... عوني: لا ماتصلح لك لانك خوافه... فجر: انا خوافه اصبراوريك بعدين ــــــــــــــــــــــــــــــــــــــــــــــــــ ـــــــــــــ لعبوا الاعضاء واستانسوا بعدين رجعوا للبيت ينتظرون يوم جديد واحداث جديده وحلوه يتبع.............. |
***********الحلقه الثانية عشر *********** وألأخيـــــــــــــــــــــــــــــــــــــره رجع ولد هجر وابو عبادي من مقرهم من جده بس هذه المره جاو للمنتدى من غير ما يرجعون مره ثانيه لجده لانهم طاحوا في شر اعمالهم بعد ما حطوا فخ حق العندليب أنهم يحذفون مواضيعه وذلك بالدخول برقمه السري بعد ما سرقوه ويعفسون المنتدى عفاس بس صار لهم ذا الشي قبل مايسوونه حق العندليب ............................................ واول مادخلوا حق الاعضاء قال: ولدهجر:السلام عليكم ياأعضاء ... بصراحه جينا لان احنا اشتقنا لكم ام عدولي: ( وهي متعجبه ) وعليكم السلام ورحمة الله وبركاته عوني:هلا والله بأخوي ولدهجر تفضل حياك الله . أبو عبادي: ( وجهه طماطه من الفشيله دخل ورا ولد هجر وهو يتخشش) .................................................. ............... بس الاعضاء قابلوهم بالترحيب كأن ماصار شي ..... فجأه دخل حربي هجر وشاف بو عبادي وولدهجر ... حربي هجر: بصراحه اول مره اشوف ذا الجمعه ان شاء الله خير ولد هجر:لا خير ان شاء الله بس احنا جايين نعتذر منكم لان مالنا غير بعض نسيم الحب:لا.لا...لازم نسوي حفله على تصالح الاعضاء ولد هجروبوعبادي: ok راح نحجز لكم في احسن مطعم ...... ............................................... طلع ولد هجر وبوعبادي يدورون احلى مطعم عشان ذا المناسبه ولدهجر:مافيه الامطعم(ـــــــ اللي رحنا فيه انا وياك ــــــ) بوعبادي:خل اروح احجز وانت روح بلغهم رجع ولد هجر للأعضاء وقال لهم: يالله جهزوا بو عبادي راح يحجز وبيتصل علي عشان نروح له. كياريو: أخيرا راح آكل بيتزا فجر: بس هذا اللي هامك العندليب: وأنا ابغى الكبده اللي خذتوها مني ولدهجر: ( وجهه احمر) حاضرين بونادر:خلاص يالعندليب اللي راح راح الحين ولدهجر جاي يصالحنا تقوم تذكره بالماضي العندليب : انا سامحتهم بس مشتهي آكل كبده عابر سبيل: أقول قوموا قولوا طلباتكم هناك في المطعم تراني ميت من الجوع المميز: ياولدهجر اهم شي الكيكه ...... ولد هجر: ok انتوا آمروا عوني:يالله قوموا اتصل بو عبادي. دموع المحبه:يووووووووه لحظه بدور جزمتي عابر سبيل:من مساعه مادورتيها.. زهور:يالله احنا طالعين تعالي بسرعه... دموع المحبه: صبري لاتروحين وتخليني... زهور: طيب يالله لاتتأخرين ... دموع المحبه: ( تكلم نفسها ) خل البس جزمة فجر وهي ماتدري واذا رجعت ارجعها ولا كأن صاير شي.... زهور: ( شافت دموع المحبه ) مو كأنه هذي جزمة فجر... دموع المحبه: ايه سكتي لاتفضحينا... .................................................. ........وصلو الاعضاء للمطعم........... بو عبادي: تفضلوا هذا طاولتكم.. فجر ودموع المحبه وزهور وام عدولي ومروج: ( بصوت واحد ) مشكور وماقصرت... المميز:ييييييييييه وش فيكم متفقين؟ زهور:لا....بس القلوب على بعضها.. ولد هجر : يالله كتبوا طلباتكم... كياريو: ( يصّرخ ) انا ابغى البيتزا نسيم الحب: طيب أشوّي أشوّي فشلتنا.. كياريو: ايه بس أذكركم أخاف تنسون.. ولد هجر: لا..ماراح ننسى انت تبغى بيتزا والعندليب يبغى كبده.. والباقي....... وش يبون..... دموع المحبه:انت اطلب اللي تحب أحنا ناكل بس مانطلب بو عبادي: وش دعوى يادموع آمري تدللي.. دموع المحبه:مشكور اخوي ماتقصر بس ابي سندويتش شاورما ولدهجر:وزهور وش تحب.. زهور: أنا اشوف فجوره وش بتطلب بطلب مثلها.. فجر:احم..احم.. مشكور حبيبتي زهور على ثقتك في ذوقي أنا اهم شي عندي الكيكه بس اذا بتجيب شيش طاووق ماتقصر.... .................................................. ......................... كتبوا الاعضاء طلباتهم وصارت الطاوله كلها أكل وفي الوسط الكيكه الكبيره.. وفجأه صرخ كياريو: قال وين البيتزا....... فجر: بسم الله ... ياخي أذيتنا ولد هجر: بروح أشوف يمكن نسوها دخل بو عبادي: تفضل كياريو هذا البيتزا.... كياريو :أمممممم وينك من زمان ياحلوه( وهو يناظر البيتزا ) ولد هجر:لحظه لاتاكلون شي نسينا الغريب... بو عبادي: أيه والله الا الغريب..... لحظه خل اروح اكلمه... الغريب:الو....الو.... بو عبادي: الو...... الغريب... الغريب: نعم هلا بو عبادي بوعبادي: بصراحه احنا مسويين حفلة صلح وحابين تشرفنا وتقطع الكيكه.. الغريب: حاضرين كم بو عبادي عندنا.... بو عبادي: مشكور وماتقصر... .................................................. ........ ولدهجر:شوف الغريب جاء روح ناده.. بونادر:يالغريب .. تعال احنا هنا.. الغريب:السلام عليكم ياعضاء.. الاعضاء: وعليكم السلام ... ولد هجر : يالله يامديرنا حابين تقطع لنا الكيكه انت الغريب: يالله بسم الله.... فجر ودموع المحبه وزهور وام عدولي ومروج: الف الصلا ة والسلام عليك يارسول الله محمد محمد وآل محمد صلواااات ................. آلخ كللللللللللللللللللللللللللللللللللللللللللللللللل للللللللللوش http://smileys.smileycentral.com/cat/8/8_5_7.gif .................................................. .............. وقطع الكيكه وصفقوا الاعضاء وكلوا الكيكه..... وقضوا وقت ممتع من الفرح والمزح والضحك.. وعند الساعه الواحده في الليل رجعوا للبيت وهم فرحانين لأن الاعضاء أول مره يتجمعون كذا وعاشو مع بعض في بيت واحد وهو( منتدى الطرف ) مثل الاخوان مايزعل احد على الثاني ولا يغلط احد على الثاني....... ................ النهايه............... ************************************ أخيراً.......... أعتذر بأسمي أنا ( جبرني الوقت ) اذا غلطت على احد من الاعضاء او ماعجبه دوره ........................ ################################### وانتظرونا في مسلسلات قادمه........................... #################################### أسم المسلسل: قصه عن أعضاء منتديات الطرف بطولة: أعضاء المنتدى الكرام تصوير: شاشة الكمبيوتر تأليف وإخراج: *جبرني الوقت* |
| الساعة الآن 03:57 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد