|
رد: ’’,, ســآعة صـــرآحـــة ,,’’
أشكر أخي صمت المشاعر 1 على الأستضافة :) ويعطيك العافية على أهتمامك بالموضوع .", من انت اوانتي ؟ انا انثَِى خَطاها الطيَب معَ اللي ماعَرف قَدري ! 2_ متى اخر مرة ضحكت اوضحكتي من القلب وليش ؟ المشكلة طول الوقت أضحك مع ربعي في الكلية وإذا جيت البيت مع خواتي 3- اخر مرة بكيت من القلب وليش ؟ هالاسبوع الصباح عندي تطبيق في المدرسة وأستنى السواق في الأخير يمر على صديقتي وما يمر علي ودقت علي صديقتي تقول لي ودها المدرسة وما رضى يمر علي أدق عليه يقول لي ما أقدر أوديج أنا في الجفر بودي البنات الكلية خلي أحد من أهلش يوديش أقوله ما عندي أحد يقول لي كيفيش دبري نفسج ما أقدر أمر عليش بتأخر على البنات شلون أوديهم الكلية سكرت الجوال وجلست أبكي منقهرة منه وقلت لآمي ما ابي اروح المدرسة<< يا حليلي والله حساسة بسرعة أبكي شسوي بعمري أنا :a36: 4-هل حسيت في يوم من الايام بالضعف ومتى ؟ أي مكان أروحه بدون اهلي أشعر بالضعف 5-من الشخص الي تتمنى ياخذ فرحك علشان ماتشوفة حزين ؟ كل اللي أحبهم وخصوصا مامتي 6-اذا كنت متضايق شو اول شي تفكر تسويه ؟ طبعا لو عندي سيارة طلعت الشارع أفحط وأطول على المسسجل << أهم شيء :pouahahahaha: أممم أدور أحد من أهلي يطلعني من البيت يوديني المطعم أو يوديني مجمع اشتري لي أغراض وإذا ما لقيت احد يطلعني عندي خيارين يا ( أنام:23: أو أشغل لاب توب واحط لي شيء يشغلني:walkman: ) 7-شو احلى ذكرى في حياتك ومستحيل تنساها ؟ ذكرياتي في السفر مع عيال عمتي ذكرياتي أيام العطلة مع بنات عمي كل اسبوع نروح البركة وكل سنة نروح بحر سنير ننام هناك ذكرياتي مع بلاي ستيشن 1 << شريت من شهرين بلاي ستيشن 1 أبي أرجع الذكري ذكرياتي أيام الطفولة لان طفولتي كانت تحمل نوع من المغامرات والخيال الواسع يطول الحديث في الذكريات :) 8-آخـــر شخـــص تتـــذكــــره قبـــل ما تنـــــام؟ لمن أفتقدهم في حياتي وأشتاق إليهم :7: 9-شو تعنيلك في هالكلمااات البحر = صديق وفي يبتلع همومي ولا يخبرها لأحد السماء = الطموح الكبير المستحيل الذي يمني الانسان نفسه في الوصول إليه المسجد الحرام = روحانية وطمانينة وراحة بقرب الرحمن الحب = من غرق فيه لا يمكنه الخروج منه إلا ضحيه الصديق = يحفظ عهدي و يجبر خاطري يوم يكسره الناس 10-كم شخص عندك في المسنجر ؟ طبعا إيميلي مسروق آآآه على إيميلي ما احب اتذكر يعورني قلبي عليه :icon1366: طبعا حاولت أني أرجعه بكل الطرق لكن ما قدرت حاولت أدور هكر يرجعة وأعطيه فلوس المهم يرجع وما رجع لي اللي يعرف يسرق ايميلات يسرق لي إيميلي القديم وأعطية فلوس علية :biggrin: ( 53شخص) هذا الايميل الجديد 11-كم سـاعه تقعد ع الكمبيــوتر ؟ على حسب المزاج والأشغال :cool: 12-هل فعلا انت مرتاح في تواجدك في المنتدي و مع الاعضاء ؟ أكيييد مرتاحة :teeth_smi 13-عضو اوعضوةيستحق الصداقه ؟ هذيان أنثى 14-عضو شفتة و عضو ودك تشوفه ؟ هذيان أنثى ,, وردة الأحلام ,, مثالية ,, إشراقة امل ,, حلى الشرقية وفي أعضاء وعضوات واجد شفتهم بس أخاف نتمشكل وياهم يقولون شمعرفها فينا :whistling .", أمممم غضن الروح , صمت المشاعر1,ريكو , سندس , زهرة الاوكيد , أحسائية 15-عضو تحس شخصيته مثل شخصيتك ؟ لا يوجد شخصين على وجة الأرض يحملون نفس الشخصية :pouahahahaha: مو أنا أنثى لا يكررها القدر:embsed_sm 16-عضو تعجبك شخصيته ؟ أول الغيث ,, المنادي ,, ريكو ,, صمت المشاعر1 17- متى آخر مرة قرأت القرآن الكريم ؟ أول أمس العصر في الباص 18- شي في نفسك تحب تظهره للآخرين ومنت قادر ؟ القوة والجرأة :s54: 19 - كم عدد اصدقائك اوصديقاتك المقربين ؟ 4 20 - صديق ندمت على صداقتة ؟ بنت من أيام المدرسة الله يستر عليها :) 21 - موقف لن تنساه ؟ من سنتين هالسالفة كنت في المحاضرة (والقاعة طبعا تكون ظلمة والأضاءة تكون على الدكتورفقط),وكانت المحاضرة وقت العصر , المهم كان الدكتور يشرح واحنا مندمجين وياها, واحنا في نصف المحاضرة ما أسمع إلا البنات يصارخون وكل وحدة تصرخ من جهة, أنا في هالحظة نشف دمي , وقام الدكتور طلع من القاعة يسرع علشان البنات يفتحون الباب ويطلعون لان لو فتحنا الباب وهو موجود تدخل إضاءة للقاعة ويشوفنا, المهم طلع وراح ينادي رجال المختصين للحريق , أنا ما اعرف ليش يصارخون المهم أني قمت من الكرسي وقفت على الطاولة استسلمت :p في الأخير شنهو تتوقعون يطلع ؟؟ (فأر) المهم البنات هربوا وهم يهربون من القاعة الفأر هرب وياهم , وبعدين خفت انزل على الأرض وأشوف الفأر شسويت طبيت من الطاولة وصدمت بالباب تألمت بس وقتها كان همي أطلع من القاعة ,وطبعا تركت الشنطة وجزمتي, و ضلوا في القاعة خمس بنات ما يخافون , جاء الدكتور بعد ما طلعنا بخمس دقايق ومع رجال قال الدكتور:أحد في القاعة قالوا البنات :اييية قال لهم :شصاير قالوا :فأر قال: فأر من جدكم:stern: أنا فكرت حريييق وبعدها قال الدكتور: وين البنات البقية قالوا :بره كلهم قال خلاص نكمل المحاضرة أسبوع الجاي وطلع ههههه مسكين الدكتور :s47: 22 - الحياة بالنسبة لك ؟ أقصر مرحلة من مراحل حياة الإنسان 23 - شخص تفتقدو في حياتك ؟ الشخص الذي يسكن قلبي :blushing: 24 - حب ما تنساه ؟ على قولتهم خلوها في القلب لا تتطلع وتفضح :s77: 25 - ماهي اهتمامتك سابقا وحاليا ؟ في الدراسة الجامعية فقط حاليا في دراستي وفي التطبيق العملي في المدرسة والرسم والتصوير والنت .", وأخيييير خلصت:bye1: |
رد: ’’,, ســآعة صـــرآحـــة ,,’’
اقتباس:
العفو خيتو ولو حق وواجب علينا :) اقتباس:
على قولت بعض الناس في هالزمن اللي يبي يعيش لازم يفك حلجه :biggrin: اقتباس:
:eek::eek::eek::eek::eek::eek: وش هالنذاله هذي ناس ما عندها قلب ما الومك لو مكانك كان ما اروح ابد وتجيني عقده من المدرسة والتدريس مره وحده:mad: اقتباس:
ايه هين اكيد بتفحطي جدام سواق الباص :biggrin: ضيقه و نوم :confused: اقتباس:
ما عندك مشكله اسدحي كل ذكرياتك ما ورانا شي وبدل الصفحه صفحات تسع كل ذكرياتك >> بلاي ستيشن جيبيه خلينا نلعب:p اقتباس:
هذا جديد و53:eek: ...القديم كم فيه :confused: اقتباس:
لا عادي قولي تراها ساعة صراحه اللي عنده شي يراجعني :c14: اقتباس:
صمت المشاعر1 اذا تبي تشوفيه >> طالعي في السما ليلة 14 ابو الثقة:p >>> يخوفي يطلع نفس السواق اللي يوصلك للمدرسة يطلع صمت المشاعر1 :eek: اقتباس:
ههههههههههههههههههههههههههههههههههههههههههههههه>>> هذا العضو فاطس ضحك :w00t2::w00t2::w00t2::w00t2: الله يعين .. اقتباس:
شكراً بحجم السماء للاخت زهور الريف لتلبية الدعوه .. ساعة قضيناها بين ثنايا الابداع و الطموح كانت الاستضافة ذات طابع خاص خالص الشكر و الاحترام لكِ دمتِ بعين الله تحرسك :) |
رد: ’’,, ســآعة صـــرآحـــة ,,’’
اقتباس:
لااهو ترى مسكين كبير بسن يعني ما أخذ عليه شدعوى تجيني عقده والله ماعقدت نفسي علشان السواق :teeth_smi .", اقتباس:
بس احنا الحريم نحلم والحلم ببلاش :( اييي والله النوم أقرب وسيلة للتخلص من الضيقه ;) .", اقتباس:
الساعة بريال و3 ساعات بريالين عرض لمنتدى الطرف فقط :p .", اقتباس:
.", اقتباس:
يقولون لا احد يذكر أسمائنا تسون لنا مشاكل :cool: .", اقتباس:
.", اقتباس:
|
رد: ’’,, ســآعة صـــرآحـــة ,,’’
--------------------------------------------------------------------------------
من انت اوانتي ؟ انا بدروان بدوري 2_ متى اخر مرة ضحكت اوضحكتي من القلب وليش ؟ اضحك طول الوقت 3- اخر مرة بكيت من القلب وليش ؟ اهلي بروحون المدينه وفرحانه وتجهزت حس بالي بروح معاهم ولا قالو لي اني مو بروح ويوم بروحون كان يتجهزون بيمشون للرميله وقبل مايمشون باخذ شنطتي يقولون لي انهم ماحجزو لي وقالو زحمه بكيت حسيت بالغهر 4-هل حسيت في يوم من الايام بالضعف ومتى ؟ .........لا يوجد.......... 5-من الشخص الي تتمنى ياخذ فرحك علشان ماتشوفة حزين ؟ الي احبهم 6-اذا كنت متضايق شو اول شي تفكر تسويه ؟ اتصفح منتديات الطرف ومنتديات مملكه النحل ودي اطلع اماكن اغير جوووو ادور لي شيء اسويه 7-شو احلى ذكرى في حياتك ومستحيل تنساها ؟ ايام طفولتي فديتها وناسه 8-آخـــر شخـــص تتـــذكــــره قبـــل ما تنـــــام؟ اصدقائي وغيرهم الي احبهم 9-شو تعنيلك في هالكلمااات البحر =البحر منظر جميل ارمي كل همومي في البحر واكتب امنياتي اجلس وافلفض حب هع السماء = السماء منظرها جميل لونها ازرق المسجد الحرام = احس بالراحه الحب = احلى شيء بحياتي الصديق = احلى شيء بالحياه هم الصداقه 10-كم شخص عندك في المسنجر ؟ 42 11-كم سـاعه تقعد ع الكمبيــوتر ؟ اكثرها 3 ساعات 12-هل فعلا انت مرتاح في تواجدك في المنتدي و مع الاعضاء ؟ اكيد مرتاحه .... 13-عضو اوعضوةيستحق الصداقه ؟ عضو :اول الغيث عضوه:اشراقه امل 14-عضو شفتة و عضو ودك تشوفه ؟ عضو شفته:دلوعه الطرف نور فاطمه عضو ودي اشوفه:اشراقه امل ,ورود ،انين الشوق ،طيف العمر . 15-عضو تحس شخصيته مثل شخصيتك ؟ مادري .......................مافي احد مثل شخصيتي ... 16-عضو تعجبك شخصيته ؟ اشراقه امل ،اول الغيث ،سندس،زهره اللوتس كاها ،النقيب 17- متى آخر مرة قرأت القرآن الكريم ؟ بعد صلاه المغرب وبعد صلاه الظهر 18- شي في نفسك تحب تظهره للآخرين ومنت قادر ؟ ............لا ييوجد........ 19 - كم عدد اصدقائك اوصديقاتك المقربين ؟ 12 20 - صديق ندمت على صداقتة ؟ لا يوجد 21 - موقف لن تنساه ؟ مواقف كثير 22 - الحياة بالنسبة لك ؟ .... 23 - شخص تفتقدو في حياتك ؟ صدايقي 24 - حب ما تنساه ؟ حب صديقتي 25 - ماهي اهتمامتك سابقا وحاليا ؟ اهتمامي بدراستي |
رد: ’’,, ســآعة صـــرآحـــة ,,’’
اقتباس:
ساعة قضيناها في رحاب بدروان كل الشكر لهذا التواجد العطر دمتِ بسعاده :) |
رد: ’’,, ســآعة صـــرآحـــة ,,’’
{ فـ لنواصل رحلتنا في عالم الصراحة ولنحلق في فجر الشتاء القارص حيث تنسكب علينا قطرات من الندى الباردة.. : و لنتعرف على خبايا انثى : حين سألناها كيف تعرفتي على منتدى الطرف ..ولماذا لم تُقدمي على خطوة التسجيل من قبل قالت :- عرفت منتدى الطرف من اخواني وخواتي كل يوم اقولهم سجلوني ما يرضونوالحمد لله سجلت نفسي بنفسي و بماذا تفكرين الان قالت :- افكر ..متى النساء بالسعودية يركبون السيارة ويحركون ابريكـ وتلف يمين وشمال:eek: و ما هو الشي الذي يبعث الملل من وجهت نظرك قالت :- باختصار شتاء + مدرسه = ملل :confused: : سباقة للترحيب بالأعضاء شخصية اجتماعية مرحه فدعونا نخوض معها هذه الساعه من الصراحة الاختيار وقع على ( قطرات الندى ) : قطرات الندى المايك عندك لا تدعينا للانتظار طويلاً :) |
رد: ’’,, ســآعة صـــرآحـــة ,,’’
السلام عليكم ورحمة الله وبركاته اتيحوا لي الفرصه اجيب عن الأسئله من انت اوانتي ؟ انا انثى تخيلت الهوى سهل ولقيته سابع احلامي !! 2_ متى اخر مرة ضحكت اوضحكتي من القلب وليش ؟ ههههه(كنت في السوووق ولما ابوي بيحاسب العامل وضع الأكياس قمت واخذتهم ورحت للسياره انتظرت ا بوي وانتظر وانتتظر "ليه ماجووا لى هالوقت "قمت ودخلت المحل مره ثانيه الا اشووف ابوي معصب *ويتهااوش مع الكاشير والعامل والرئيس وين الاكياس ؟؟ فناديت امي وقالت لابوي )ههههه:s47: 3- اخر مرة بكيت من القلب وليش ؟ بكيت على وفاة اغلى الأحباب ..جدتي ..الله يرحمها صمت المشاعر اقرألها الفاتحه واهديها لها وللمؤمنين والمؤمنات 4-هل حسيت في يوم من الايام بالضعف ومتى ؟ يوم كان ابوي مريض بالمستشفى :( 5-من الشخص الي تتمنى ياخذ فرحك علشان ماتشوفة حزين ؟ امي الله يخليها لي 6-اذا كنت متضايق شو اول شي تفكر تسويه ؟ اقرأ قرآن, الصلاه على النبي"اللهم صلي على محمد وآله"وادعي الله يفرج همي . 7-شو احلى ذكرى في حياتك ومستحيل تنساها ؟ نجاحي في المتوسط جبت نسبه قويه كم درجه واوصل الى 100%:s31: 8-آخـــر شخـــص تتـــذكــــره قبـــل ما تنـــــام؟ الى انا خاطئه عليه وافكر كيف بعتذر منه >سامحوني اذا اخطأت عليكم :s33: 9-شو تعنيلك في هالكلمااات البحر = جمال آخذ ومرمى لاحزاننا وكهف همومي السماء= الحلم الجميل لاتلمسها ولا هي تنتهي حتى تحتار في وصفها المسجد الحرام = جنة الدنيا الحب =تضحيه بدون مقابل وعطاء بدون مجامله الصديق =بئر يكتم سرك وغمامة تستظل بظلها 10-كم شخص عندك في المسنجر ؟ تقريباً/37 11-كم سـاعه تقعد ع الكمبيــوتر ؟ والله مااحب اطيل المده اكثر شي ساعه ونص:user: 12-هل فعلا انت مرتاح في تواجدك في المنتدي و مع الاعضاء ؟ اكيييد وبلا شك الله يحفظكم اهل قريتنا واعرفكم قلوبكم بيضاء وطيبين الحمد لله .*بس احس ان انا مع الأعضاء خموولين *:18: 13-عضو اوعضوةيستحق الصداقه ؟ الجميع الله يحفظكم :redface: 14-عضو شفتة و عضو ودك تشوفه ؟ شفته/والله كثييييرشفتهم من ضمنهم ..(زهور الريف).. ودي اشوف..(زهرة الأوركيد).. 15-عضو تحس شخصيته مثل شخصيتك ؟ كل عضوو وله شخصيته :cool2: 16-عضو تعجبك شخصيته ؟ أول الغيث ,قاهر المستحيل,زهرة الأوركيد,.....الخ 17- متى آخر مرة قرأت القرآن الكريم ؟ من اشوووي 18- شي في نفسك تحب تظهره للآخرين ومنت قادر ؟ الثقه واني قادره على كل شيء 19 - كم عدد اصدقائك اوصديقاتك المقربين ؟ "8"الله يحفظهم ويخليهم الي 20 - صديق ندمت على صداقتة ؟ الحمد لله صديقاتي اطيب منهم مافي واكيييد وبلا شك اني اعرفهم واعرف صفاتهم قبل مااصادقهم 21 - موقف لن تنساه ؟ يوم كنت مع عمي بالخبر رحنا الحديقه فكانوا اعيال عمي راحوو لمهرج يوزع حلاوه فلحقتهم واتركوني وادورهم مالقيتهم فقمت ادورهم من مكان لمكان وااروح لعايله :s18:عايله ادوور اهلي فشافوني ناس وودوني للشرطه وخذني الشرطي :police:ودار بي بسيارة الأمن:s19: المهم ويدوور من مكان لمكان وعطاني اكل وانا خاااااايفه :G6: المهم قال لي انتي مع مين جايه قلت له ابووي قال وش اسمه ابووك قلت له وقام ينادي بالمايك وجا عمي قال لي هذا ابووك قلت له ايه قال انا موابوها انا عمها اللي جايبها قال الشرطي كيف تكذبين وتقولين ابوووك ههههه:biggrin: 22 - الحياة بالنسبة لك ؟ لحظة صفاء وحب ودعاء ، ومناجاة لرب العالمين 23 - شخص تفتقدو في حياتك ؟ عمي الله يرحمه فدييييته الله يسكنه فسيح جناته 24 - حب ما تنساه ؟ الحب طول عمرنا ماننساه لأن الإنسان مايحب إنسان الا يستاهل الحب والإخلاص والوفا 25 - ماهي اهتمامتك سابقا وحاليا ؟ رضا رب العالمين والوالدين ومن ثم الدراسه وفي الختام كل الشكر الجزيل والأمتنان لصمت المشاعر والأخت غلا روحي :G1: لكن عطشتوني حتى عصير ماجبتواا :s65: وكل عااام وانتم بخير والى اللقاء في استضافه اخرى :bye1: والسلام عليكم ورحمة الله وبركاته |
رد: ’’,, ســآعة صـــرآحـــة ,,’’
السلام عليكم ورحمة الله وبركاته وعليكم السلام ورحمة الله وبركاته اتيحوا لي الفرصه اجيب عن الأسئله تفضلي المكان كله لك من انت اوانتي ؟ انا انثى تخيلت الهوى سهل ولقيته سابع احلامي !! ايوه ما سمعتي الشاعر وش يقول الحب ما به ما به مستريح من جربه لازم يطيح هذا هو الحب الصحيح اما كذا والا بلاش >> وش دخل:confused: 2_ متى اخر مرة ضحكت اوضحكتي من القلب وليش ؟ ههههه(كنت في السوووق ولما ابوي بيحاسب العامل وضع الأكياس قمت واخذتهم ورحت للسياره انتظرت ا بوي وانتظر وانتتظر "ليه ماجووا لى هالوقت "قمت ودخلت المحل مره ثانيه الا اشووف ابوي معصب *ويتهااوش مع الكاشير والعامل والرئيس وين الاكياس ؟؟ فناديت امي وقالت لابوي )ههههه شغلك عدل اسم اني بساعد ابوي وخليتيه يتخانق مع خلق الله 3- اخر مرة بكيت من القلب وليش ؟ بكيت على وفاة اغلى الأحباب ..جدتي ..الله يرحمها رحمت الله عليها واسكنها فسيح جناته صمت المشاعر اقرألها الفاتحه واهديها لها وللمؤمنين والمؤمنات 14-عضو شفتة و عضو ودك تشوفه ؟ شفته/والله كثييييرشفتهم من ضمنهم ..(زهور الريف).. زهور الريف اهااا لانها شايفه اللي في المنتدى كلهم :p 21 - موقف لن تنساه ؟ يوم كنت مع عمي بالخبر رحنا الحديقه فكانوا اعيال عمي راحوو لمهرج يوزع حلاوه فلحقتهم واتركوني وادورهم مالقيتهم فقمت ادورهم من مكان لمكان وااروح لعايله عايله ادوور اهلي فشافوني ناس وودوني للشرطه وخذني الشرطي ودار بي بسيارة الأمنالمهم ويدوور من مكان لمكان وعطاني اكل وانا خاااااايفه المهم قال لي انتي مع مين جايه قلت له ابووي قال وش اسمه ابووك قلت له وقام ينادي بالمايك وجا عمي قال لي هذا ابووك قلت له ايه قال انا موابوها انا عمها اللي جايبها قال الشرطي كيف تكذبين وتقولين ابوووك ههههه :nocoment: وفي الختام كل الشكر الجزيل والأمتنان لصمت المشاعر والأخت غلا روحي العفو ولو اختي بالخدمة واذا تبي تجاوبي مره ثانيه عادي تراه مفتوح المجال لكن عطشتوني حتى عصير ماجبتواا يؤيؤصج نسينا .. بس ولا يهمك مري غلا روحي البيت وهي بتكرمك اخر كرم روحي تعشي باكر عندها تراها عازمه بنات المنتدى كلهم وكل عااام وانتم بخير وانتي بصحة وسلامه |
رد: ’’,, ســآعة صـــرآحـــة ,,’’
كل الشكر للاخت قطرات الندى لتلبية الدعوه
: وبعد ان انتهت رحلتنا نبدأ رحلة اخرى لنبحر هذه المره إلى واحة العدسة الرقمية لتطل علينا من هناك انثى نظرت الى العالم من خلال عدسة الابداع ابدعت في انتقاء الصور ابهرت الجميع باجمل الالتقاطات لتقول لنا ان كان للابداع عنوان فأنا هنا : وقع الاختيار على ( دلوعة البنات ) دعونا نبحر في عالمها مع ساعة الصراحة نترقب قدومك قريباً :) |
رد: ’’,, ســآعة صـــرآحـــة ,,’’
من انت اوانتي ؟
انا شخصية مرحة لمن يعرفني 2_ متى اخر مرة ضحكت اوضحكتي من القلب وليش ؟ العاام لما كنت مع اهلي بسووريا لصق في عبااتي صرصور ودخلنا الصحن قريب الحضره وتقولي اختي انو في عباتي واصرخ وانطط وافصخ العبايه وفي النهايه طاار وداسته اختي ومن اتذكر هالموقف اموت من الضحك ولا الطامه الكبرى خطيبي شاف ذا كله وانصدم بس ميت ضحك علي ولليوم يذكروني فيه واضحك ضحك مو صـآحي.. اما الموقف الثـآني امس.. اختي زلقت بـ الحووووش واحنا جالسين نغسـلـهـ بغيت أصوّر طيحتها بس ماأمـدااااني كااان شكـلـهــاااا نـكـتــــهـ ضحكت لين قلت : بس وبعد دقيقتين .. زلقت أنــاااا خخخخخخ وامي وخواتي فاطسين ضحك .. 3- اخر مرة بكيت من القلب وليش ؟ اول سبب فقداني لعمي المرحووم .. ستبقى ذكراه في مخيلتي دائما .. وثـآني سبب .. سفر زوجي لاول مرة يبعد عني >>تقدرون تقولون الشووق زلزل اركاني .. 4-هل حسيت في يوم من الايام بالضعف ومتى ؟ في رحيل عمي حسيت بالضعف اتجاه اطفاله وحزنهم على والدهم .. 5-من الشخص الي تتمنى ياخذ فرحك علشان ماتشوفة حزين ؟ امي وزوجي .. 6-اذا كنت متضايق شو اول شي تفكر تسويه ؟ ادعي اني ربي يفرج همي .. 7-شو احلى ذكرى في حياتك ومستحيل تنساها ؟ كل مرحلة من عمري خيااال ومستحيل انساها .. 8-آخـــر شخـــص تتـــذكــــره قبـــل ما تنـــــام؟ اهلي وزوجي وربعي.. 9-شو تعنيلك في هالكلمااات البحر =مكان جميل لا احب ان اشكي له خوفا من ان يذهب جماله لكثرة ما يشكي له الناس السماء = تدل على عظمة قدرة ربي و اشعر بالراحه عندما انظر اليها المسجد الحرام =مكان روحاني جميل اشعر فيه بروح الأسلام والمسلمين الحب = شيء ضروري والحياة بدونه جحيم الصديق =الشخص اللذي الجأ اليه في حزني وفرحي ولكن لا ابوح له بسري 10-كم شخص عندك في المسنجر ؟ 55 11-كم سـاعه تقعد ع الكمبيــوتر ؟ على حسب فضـآوتي.. 12-هل فعلا انت مرتاح في تواجدك في المنتدي و مع الاعضاء ؟ الحمدلله مرتاحه .... 13-عضو اوعضوة يستحق الصداقه ؟ الكل يستحق الصداقة 14-عضو شفتة و عضو ودك تشوفه ؟ ولا عضو شفت وان شاءلله اشووف جميع الاعضااء لانو لليوم ماتعرفت على ولا عضووة .. 15-عضو تحس شخصيته مثل شخصيتك ؟ شخصيتي فريدة ماظن احد بيكووون مثلها .. غرور < عارفة .. 16-عضو تعجبك شخصيته ؟ كثير اعضااء .. 17- متى آخر مرة قرأت القرآن الكريم ؟ هذا شئ بيني وبين ربي .. 18- شي في نفسك تحب تظهره للآخرين ومنت قادر ؟ مافي .. 19 - كم عدد اصدقائك اوصديقاتك المقربين ؟ 3 20 - صديق ندمت على صداقتة ؟ عمري ما ندمت على صداقة لكن احزن وااااايد على طريقة انتهاء الصداقه واندم اني ما حاولت بما فيه الكفايه انو اصلحها ... 21 - موقف لن تنساه ؟ مواقف كثير 22 - الحياة بالنسبة لك ؟ سعاده وحزن شقان لا يفترقان ابدا بعد السعاده حزن وبعد الحزن سعاده 23 - شخص تفتقدو في حياتك ؟ افتقد عمي وصديقتي المقربة الى قلبي .. 24 - حب ما تنساه ؟ حب صديقتي 25 - ماهي اهتمامتك سابقا وحاليا ؟ اهتمامي سابقا الدراسة.. حاليا بزوجي وابنتي والتصووير.. كل الشكر لصمت المشااعر 1 ع الدعوة الجميلة .. اتمنى ان تروق لك اجاباتي .. دمت بسعاده للابد..* |
رد: ’’,, ســآعة صـــرآحـــة ,,’’
من انت اوانتي ؟
انسانه 2_ متى اخر مرة ضحكت اوضحكتي من القلب وليش ؟ امس ... 3- اخر مرة بكيت من القلب وليش ؟ قبل شهر ... 4-هل حسيت في يوم من الايام بالضعف ومتى ؟ اممممممم لا وان شاءالله مااحس 5-من الشخص الي تتمنى ياخذ فرحك علشان ماتشوفة حزين ؟ البابا والماما فديتهم 6-اذا كنت متضايق شو اول شي تفكر تسويه ؟ اكييييييييد اذا فشلت كل المحولات اروح اناااااااااااااااااااااام 7-شو احلى ذكرى في حياتك ومستحيل تنساها ؟ ...... 8-آخـــر شخـــص تتـــذكــــره قبـــل ما تنـــــام؟ جوالي خخخخ 9-شو تعنيلك في هالكلمااات البحر = الهدوووووء السماء = الصفاء المسجد الحرام = الراحه ورهبه من الله الحب = اجمل شي بالحياة الصديق = حلاوة الحياه 10-كم شخص عندك في المسنجر ؟ لحظه اعدهم خخخخ 15 واللي واحصل على كم واحد مجانا ..... يعني زينه خخخ 11-كم سـاعه تقعد ع الكمبيــوتر ؟ لاتعد ولا تحصى طبعا مو لعب ... ادرس .... احلى يادفره 12-هل فعلا انت مرتاح في تواجدك في المنتدي و مع الاعضاء ؟ اكيييد ... ولا كان ماسجلت من الاساس هههه 13-عضو اوعضوةيستحق الصداقه ؟ للاسف مااعرف احد فيهم يعني مااقدر احكم 14-عضو شفتة و عضو ودك تشوفه ؟ ولا واحد ولا ابي اشوف احد .... لا مطرودة من المنتدى خخخخ 15-عضو تحس شخصيته مثل شخصيتك ؟ اممممممممم مدري 16-عضو تعجبك شخصيته ؟ اخاف اقول يكبر راسه خخخخخ بسكت احسن 17- متى آخر مرة قرأت القرآن الكريم ؟ يوم عرفه 18- شي في نفسك تحب تظهره للآخرين ومنت قادر ؟ لا لانه كل شي في نفسي اطلعه مااخلي في نفسي شي هههه 19 - كم عدد اصدقائك اوصديقاتك المقربين ؟ 2 20 - صديق ندمت على صداقتة ؟ الحمد الله مافيه 21 - موقف لن تنساه ؟ حادث والشباب اللي بالسياره مدري مغمى عليهم ولا ميتين .... يالله ترحمنا برحمتك 22 - الحياة بالنسبة لك ؟ طريق طويل ولازم امشي فيه مدري متى ينتهي 23 - شخص تفتقدو في حياتك ؟ .................. 24 - حب ما تنساه ؟ ؟؟؟؟؟؟؟؟؟؟ 25 - ماهي اهتمامتك سابقا وحاليا ؟ سابقا ... وحاليا الدراسه يعطيك العافيه على هيك موضوع يسلمو ا |
رد: ’’,, ســآعة صـــرآحـــة ,,’’
من انت اوانتي ؟
انا انسانه مع نفسي قبـل لا اكـون معـك انسـان. 2_ متى اخر مرة ضحكت اوضحكتي من القلب وليش ؟ الامس وانا في البحر كنت مع اصديقااتي تونسنا مع بعض هههههههه 3- اخر مرة بكيت من القلب وليش ؟ اممم يمكن قبل شهر >>> ماانقبلت في الجامعه الاخت منقهره ههههه 4-هل حسيت في يوم من الايام بالضعف ومتى ؟ ..... 5-من الشخص الي تتمنى ياخذ فرحك علشان ماتشوفة حزين ؟ امي وابوي :) 6-اذا كنت متضايق شو اول شي تفكر تسويه ؟ اتقرب الى الله .. 7-شو احلى ذكرى في حياتك ومستحيل تنساها ؟ ايام الطفوله كانت ايام حلوه وجمييله 8-آخـــر شخـــص تتـــذكــــره قبـــل ما تنـــــام؟ ادكر اشياء واجد ليين انام ههههههههه 9-شو تعنيلك في هالكلمااات البحر = علاقة تعلق عليها همومك والمكان الذي تشكيله ولا يخونك .., السماء = كون فسيح وفضاء وسيع هي محطة أستقبال الناظرين والمحبين. المسجد الحرام = الامان والاطمئنان والخشووع الحب ...أجمل شي بالوجود فالانسان مستحيل يعيش بدونه وأي شخص يعيش بدون حب بصراحة ماعندة قلب عندة صخر .. الصديق = بئر يكتم اسراري. 10-كم شخص عندك في المسنجر ؟ 53:) 11-كم سـاعه تقعد ع الكمبيــوتر ؟ ساعه او ساعتين بلكثيير 12-هل فعلا انت مرتاح في تواجدك في المنتدي و مع الاعضاء ؟ اكيييد 13-عضو اوعضوةيستحق الصداقه ؟ للاسف مااعرف احد فيكم تووني جديده 14-عضو شفتة و عضو ودك تشوفه ؟ لآ احد .. 15-عضو تحس شخصيته مثل شخصيتك ؟ لا اعرف بعدني ماااكتشف منوو لي يشابهني في شخصيتي .., 16-عضو تعجبك شخصيته ؟ ادا عرفت بجي اعلمكم ههههههه 17- متى آخر مرة قرأت القرآن الكريم ؟ انا دوم بس ها فتره ماقريت قران يعني مااهجره 18- شي في نفسك تحب تظهره للآخرين ومنت قادر ؟ 19 - كم عدد اصدقائك اوصديقاتك المقربين ؟ 4 الله يخليهم لي يارب 20 - صديق ندمت على صداقتة ؟ الحمد الله مافيه 21 - موقف لن تنساه ؟ حادث سياره صار لناا بس الحمد الله سياره الي تعورت بس انا تعورت بس حمدالله جات خفيفه .., 22 - الحياة بالنسبة لك ؟ الدنيا مسألة حسابية خذ من اليوم عبرة ومن الامس خبرة اطرح منها التعب والشقاء واجمع لهن الحب والوفاء واترك الباقى لرب السماء 23 - شخص تفتقدو في حياتك ؟ لا يوجد.................. 24 - حب ما تنساه ؟ اكييد حب صديقاتي 25 - ماهي اهتمامتك سابقا وحاليا ارضاء نفسي وارضاء من حولي. |
رد: ’’,, ســآعة صـــرآحـــة ,,’’
دلوعة البناات اقتباس:
فديته بدر انا يالله زين ما قال عنك ذاك شسمه :p اقتباس:
اقتباس:
من عيب اخترب الشماته مو زينه :cool: اقتباس:
اقتباس:
الله يرحمه ويسكنه فسيح جناته اقتباس:
اقتباس:
ايييييييه الله يلوم اللي يلومك :( اقتباس:
اقتباس:
ما اصعب الفقد اقتباس:
اقتباس:
امممم شوفي طيوف تعجبك فنانه في الطبخ مثلك لا يقين على بعض بس تراها مكسوره سلكي فيها الين تعتدل :cool: اقتباس:
اقتباس:
الاعتراف بذلك شسمه فضيله :nocoment: اقتباس:
ولو خيتو العفو اتمنى ان تروق لك اجاباتي .. دمت بسعاده للابد..* جزيل الشكر للاخت دلوعة البنات على تلبية الدعوه كانت استضافة جميله فالك السعاده :) |
رد: ’’,, ســآعة صـــرآحـــة ,,’’
اقتباس:
شاكر لك تواجدك دمت بسعاده :) |
رد: ’’,, ســآعة صـــرآحـــة ,,’’
اقتباس:
موفقين :) |
رد: ’’,, ســآعة صـــرآحـــة ,,’’
وبعد انتهت رحلتنا في واحة العدسة الرقميه لنصل الى رحلة النهاية وخيرها مسك واحة جدائل ممطره عبث العاشقين ومتنفس الحروف دائماً تبهرنا بعزفها ..لــــِ هجائها رنين يصل صداه الى عمق الروح هي من زفيرها حب ودفء وشهيقها وله وحنين دعونا نقضي اخر ساعة من ساعات الصراحه مع من ترسم حروف الحب : مشرفة الجدائل هذيان انثى اتمنى ان نراك في القريب العاجل :) |
رد: ’’,, ســآعة صـــرآحـــة ,,’’
اقتباس:
خلااس سرت امشي وااركض واشطح واتسلق:p حسااافه راح العز والدلع:confused:.. |
رد: ’’,, ســآعة صـــرآحـــة ,,’’
من انت اوانتي ؟ أنآ أُنثىَ الهذيآنْْ ومُتكئءْ الحُروفْ 2_ متى اخر مرة ضحكت اوضحكتي من القلب وليش ؟ تقريبآً الإسبوعْ المآضي وكلهْ من سببْ سوآلفْ زهورْ الريفْ;) 3- اخر مرة بكيت من القلب وليش ؟ ااممم أتوقعْ الشهرْ المآضي لـِ حآجهْ أرهقتْ الرّوحْ 4-هل حسيت في يوم من الايام بالضعف ومتى ؟ آيآمْ كثيرَهْ:mad: 5-من الشخص الي تتمنى ياخذ فرحك علشان ماتشوفة حزين ؟ صآحبتيْ ... 6-اذا كنت متضايق شو اول شي تفكر تسويه ؟ بلآ شكْ [ إلإنعزَآآلْ عنْ العآلمْ الخآرجي] 7-شو احلى ذكرى في حياتك ومستحيل تنساها ؟ ذكرىَ تخرُّجيْ من الثآنويهْ فعلآ من اروعْ الذكريآتْ 8-آخـــر شخـــص تتـــذكــــره قبـــل ما تنـــــام؟ أتذكرّ نفسي لآني مقصرّه بحقهآ 9-شو تعنيلك في هالكلمااات البحر = آموآجٍ عآتيهْ تحملْ آروآحُنآ إلىَ التلآشيْ السماء = زُرقةٌ نقيّهْ تحملْ اُمنيآتُنآ إلىَ بآطِنُهآ المسجد الحرام = بُقعةٌ ذآتَ طُهرٌ الحب = شيئٌ منَ الرّوحْ الصديق = إنسآنٌ ملائكيُ النبضْ 10-كم شخص عندك في المسنجر ؟ حآليآً 25 شخصْ 11-كم سـاعه تقعد ع الكمبيــوتر ؟ علىَ حسبْ مآفيه سآعات مُحدّدهْ 12-هل فعلا انت مرتاح في تواجدك في المنتدي و مع الاعضاء ؟ لمآ شعوري بالرآحه وإلا كآنْ أعلنتْ إنسحآبي 13-عضو اوعضوةيستحق الصداقه ؟ كثيرْ بس من أهمهم الغلآ زهور الريف ووردة الآحــلآمْ وغلآ روحي 14-عضو شفتة و عضو ودك تشوفه ؟ شفته| روح| وردة الأحلآم| زهور الريف|غلآ روحيْ ودي أشوف|أنينْ الشوقْ| زهرة اللوتسْ 15-عضو تحس شخصيته مثل شخصيتك ؟ مأحس أبدآً بِشخصيه مُشآبهه ليْ 16-عضو تعجبك شخصيته ؟ امممم| قيد التفكيرْ 17- متى آخر مرة قرأت القرآن الكريم ؟ فجرِ اليومْ | سورة الكهف كونهْ يومْ الجُمعه 18- شي في نفسك تحب تظهره للآخرين ومنت قادر ؟ !!! 19 - كم عدد اصدقائك اوصديقاتك المقربين ؟ 2 ربي يخليهم لي 20 - صديق ندمت على صداقتة ؟ مآعمريْ ندمتْ على صدآقهْ لآنّ إنتقآئي للصديقهْ يكونْ بعد تمحييص جيد 21 - موقف لن تنساه ؟ واللهيْ مآذكر غير موقفي المُحرجْ بمجمعْ الظهرآنْ كان المحَحل بزجآجْ شفآفْ وأنآ دآخله بكل فَخرْ وبإيدي أخويْ <<ومن عمىَ العيونْ صرتْ مضحكهْ للمارّ والجالس صرتْ أنا تحتْ أخوي واهو فوقيْ فــَ حآولتْ أرّقعْ حآلي لكنْ لآجدوىَ:p 22 - الحياة بالنسبة لك ؟ آيآمْ ولحظآتْ عآبِرَه 23 - شخص تفتقدو في حياتك ؟ لآ يُوجدْ | كلْ الحبآيب حولي 24 - حب ما تنساه ؟ !! 25 - ماهي اهتمامتك سابقا وحاليا ؟ سآبقآً وحآليآً / حصولي على بكالوريوس فيزيآء وحآليآً أيضآً أطمحْ بإخرآجْ كتآب يضُمْ خوآطري وكتآبآتي! :bye1: |
رد: ’’,, ســآعة صـــرآحـــة ,,’’
اقتباس:
لالا اهلش متعقدين هههههه لالالالا شسمونه ذاك اللي نخاف منه ههههههههه يااااااي سوالفنا تهبل كلها ضحك الله يعودها من ايام ونلتقي واحنا مدرسات قولي آمييين ;) اقتباس:
اقتباس:
طبعا أول ما يصدر عطني اياه مجانا |
| الساعة الآن 03:32 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد